اريد مساعدة طلبة بيولوجيا

[نوال الفنانة]

السلام عليكم
انا جبت الباك هدا العام بمعدل 14.87 و بعتوني بيولوجيا باب الزوار ما صحتليش لا طب و لا صيدلة:crying:
و رانا حابة تقولولي ادا مليحة و تفهموني وش تقراو فيها
ارجو المساعدة

​

 

[34hwawei]

سلام

السلام عليكم
اختي انا ادرس ايكولوجي ماستر (بيولوجي lmd )
ممكن نعرف واش بعثوك lmd classic
والمهم انك نجحت الباك ومبروك عليك الاختصاصات كامل ملاح ولو موسيقى ولا غناء المهم انك تماجوري وتكوني مع الاوائل ......... وبالنسبة للبيولوجي راح فيها بزاف لي موديل biochimie biologie animal vegetal botanique zoologie stat ecologie biophisique geologie ............بعد التخصص تكون لقراية خير :lolo:...
بالتوفيق ................ واي استفسار انا في الخدمة

 

[نوال الفنانة]

صحيح خويا قالولي لازم تجبدي و لاز م تكلاسي مليح باش يبعتوك سبسياليتي مليحة

 

[صفوة الوفاء]

السلام عليكم
هنيئآآ لك اختي
تخصص مليــح و الاختصآصآت المتآحـــة لك بعد السنة الثانية رائعـــة و عندهآ مستقبل لهيك في الخارج
،،
صح هو فيهــ شوية قرايـــة واحد لازم يكون سيريو بصح حلآوتهآتهآ تنسيك في صعوبتهآ
و الصعوبة اقصد بيهآ الكثافة la charge هذا مآكآن
و حابة استفسر منك
معدلات القبول لهذا العام بالنسبة
للطب
و الصيدة و جراحة الاسنان اذا عندك معلومات
و شكرااا​

 

[نوال الفنانة]

شكرا اختي طلعتلي شوي المورال
بالنسبة للمعدلات
الطب 15.35
و الصيدلة 15.94
و جراحة الاسنان 15.25
و حبيت نسقسيك ادا نت تقراي بيولوجي ؟

 

[صفوة الوفاء]

شكرآ الله يخليك ع الرد
لا اختي مانقراش بيوجولي بصح عندي صحبتي قرات و كملت و اختي راهي تقراهآ تاني
تسما راني في الخط بكل اخبارهآ في البليدة و في باب الزوار
انآ راني في اللي معدل القبول تاعهآ 15,25

 

[نوال الفنانة]

شكرآ الله يخليك ع الرد
لا اختي مانقراش بيوجولي بصح عندي صحبتي قرات و كملت و اختي راهي تقراهآ تاني
تسما راني في الخط بكل اخبارهآ في البليدة و في باب الزوار
انآ راني في اللي معدل القبول تاعهآ 15,25

ادا يا اختي انت جراحة اسنان؟

 

[Iman89]

للغلق...تمت الإجابة عن الإستفسار