اقراو القصة وشوفو الناس وين وصلت بيها...

[اسمه_ان]

السلام عليكم كيف اهلكم ناس اللمة:lolo:

ان شاء الله كامل بخير:ax_flw:

اليوم حبيت نحكيلكم واحد القصة

اسيدي دخلت العام الي عدا السنة الثالثة ثانوي

امالا طلبو منا نديرو بطاقة التعريف الوطينة اسيدي لميت الاوراق لي نحتاج ودزيتها تتخدم

ايا بعد ما وجدت كان لازم عليا انروح نبصم ونوقع

ايا رحت مع خويا ودخلت للبلاصة وين نمضيو


ايا قعدت نستنا الدور نتاعي يلحقi-o:

وفي نفس البيرو كان كاين زوج بنات خدامات ثما

من شفتهم اعرفت بلي من جماعة عقود ما قبل التشغيل :smile:

شويا ادخل واحد الراجل ايبان عليه شوي كبير

المهم هاد الراجل اصرالو خطأ في شهادة الميلاد وكي لقاو الخطأ

قالولو لازملك اتشوف هاد المرا وهي تقولك واش دير

جا هاد الشيخ اللطفلة قالها راه عندي خطأ و..و..

قالها واش ندير ...؟؟

ابداتها هاديك الطفلة بالفرونسي الي يشوفها ايقول بنت لافرانص

:blink::blink::blink::blink:



انا والله احشمت في بلاصتو لانو الله غالب باين مش قاري

:cursing::cursing:

ومفهمش لافخرونسي الي تحكي بيها

المهم الشيخ اتبهدل قالها يا بنتي مفهمتش

بمعنى راه حاب يقولها يا بنتي احكي العربية

الطفلة عاودت نفس الكلام بالفرونسي وهي اتلقب في خليقتها

كي شغل ما عجبهاش الحال ولا راهي تخدم في رزق باباها

:cursing:

الشيخ هاداك امسكين احشم يقولها راني منفهمش الفرونسي

ومن التبهديل اسكت

وفي ديك اللحظة اتدخل خويا

قالو اهلا عمي هاك واش دير و.و..و.و...


الشيخ هاداك اخيرا افهم وشكر خويا وخرج

مي انا حكمتني القلقة

علاه كل هادا التكبر والطيرة والتنكر للاصل

هاد الطفلة شافت الشيخ كبير

وزيد ايبان من الهيئة انتاعو بلي مش من الناس القارية

وهي تلعبها تهدر أون فخونسي

رانا كامل نهدرو لا فخونسي ونعرفو نهدرو

مي اعلاه التكبر هادا


المهم واش رايكم نتوم في القصة


انا صراحة انديقوتي هاد العقلية

صح الانسان يوصل ويعرف

بصح متوصلش بيه لدرجة ينعت روحو

ولا يحقر الناس الي موصلهاش ربي تقرا



تحياتي لأحلى لمة


:lolo::lolo:













​

 

[** غزال الصحراء **]

ياخي حالة ,, ناس ضعيفة شخصية ترومبلاصي في الضعف هاذا بالفرونسي !!
ما نفهمش كي نلقى بنات ولا ذراري لاعبينها يحكو غير فرونسي فرونسي , وين رايحين هاذا ؟

صح مليحة تتعلم لغة , و هاذا الشي وصانا بيه الرسول , مي ماشي تنكر لوغتك و تقعد تفريمي على الناس بواش تعلمت ,, خاصة في حالة كيما هاذي اللي حكيتيها , ضرك شيباني تبقى مبهدلاتو هاكا على جال باش توري روحها /
يخي عباد يخي .

 

[EL General]

صح الانسان يوصل ويعرف

بصح متوصلش بيه لدرجة ينعت روحو

ولا يحقر الناس الي موصلهاش ربي تقرا

أحلى الكلمات اللي في الموضوع

بارك الله فيك على الطرح المميز للموضوع

بصح احبسي نقولك بلي الفرنسي أصبحت لامودة ، خاصة في الليسي ، تحكي على الأقل كلمات قلال بالفرنسية ، ولهذا تعتبر أنت البطل في اللغات ،ههه

أنا يبان لي بأن الطفلة كانت تقصد نوعا من التكبر ، و التكبر مش العادي بل فاتت الحدود منهيه

و كي قاللها أختي مافهمتكش ؟؟؟ هنا لازمها هي تفهم روحها أيضا ، و تعرف بلي راهي ماهيش قادرة توصل المعلومة لصاحبها >> نقصد للشيخ << و هو أيضا عندوا الحق

كون جيت منو نقول لها : وقت الإستعمار اللي كنا فيه أنتي مازلتي ماخلقتيش بش تحكي معايا هكا

اوكي ، و بصح العقلية هاذي لازم تتنحا ، حتى الوزراء راهم بهدلونا في النشرات الإخبارية

بصح معليش ، مارغري بار تو

فيف لالجيري

مشكورين ...

 

[بيكهام]

واش ديرى راهم قتلهم الفيد مصابو واش يديرو قلبوها زوخ وتقوعير
ــــــــــــ
ربــي يخـليـك موضوعك في القمة
رووووووعـــــة
تقبل منى أجمل التحيات والمودة
شكرا لك
بيكــــهام
تشاو تشاو ​

 

[HWK4ALGERIA]

وعليكم السلام
صح اختي عندك الحق
انا ثاني روماركيتها هاذي
قد اللي يقدر الانسان يبسط للناس ومن باب التواضع وحسن المعاملة، ومن الاداب سو معا اللي يفهم والا مع اللي مايفهمش
لازمنا نحكو بالعامية اللي يفهمها الجاهل قبل العالم والقاري
والناس لكبار ف السن لازمهم معاملة خاصة، لازم انعاملوهم كيما آباءنا وأجدادنا
شكرا على الموضوع القييم، واصلي الكتابة،،،

 

[sahiko hamza]

مانروحوش بعيد
هنا برك
يكتب توقيع يشر بيه بالفرونسي ومن عبد كبير تاني ؟
عادي خلاص شعب تاع تفرنيس

​

 

[♥ قطر الندى ♥]

حنا شعب تبااااااااااااااااااااااااع

 

[souhila_95]

ربي يهدي كل من يبدل اصله ضعيف شخصية وقليل اصل يحسبو الهدرة بالفرنسيس سيفيليزي ياخي حالة ياخي
​

 

[ريفال]

مسكينة حسبت روحها لمن فوقها ولمن بعدها الناس كامل ولات تهدر الفرونسي اموا طفل صغير تلقايه يتكلم فرونسي

 

[فراشة الايمان]

وعلاه تخدم بالمزية ياك يسلكو فيك مش بلاش
معناتها تحترمي كل شخص مش تعمل عليه زعما زعما تحكي بالفرونسي علابالها طلعت للسما
اي قوليلها تهز رجليها على الارض اذا قدرت تطير .
صحيتي على الموضوع .

 

[SaRa MosTa]

شكراا ليك اختي وشكراا لاخيك

والله غير عندك الحق
انا شحال من مرة نشووف هاد لعمايل يديروهم صح صح سيرتو لبنات ومرانيش نكدب

انا هاد الظاهرة شفتها في احد المستشفيات والله واحد الشيخ كبير مسكين هبلوووه
اسيدي يهدرو الفرونسي كيما يبغو مي تعرف مع من تهدر...


الله يهديهم​

 

[حسان2010]

غاشي راشي

ماهو فاهم ولو غير معاكم معاكم​

 

[اسمه_ان]

ياخي حالة ,, ناس ضعيفة شخصية ترومبلاصي في الضعف هاذا بالفرونسي !!
ما نفهمش كي نلقى بنات ولا ذراري لاعبينها يحكو غير فرونسي فرونسي , وين رايحين هاذا ؟

صح مليحة تتعلم لغة , و هاذا الشي وصانا بيه الرسول , مي ماشي تنكر لوغتك و تقعد تفريمي على الناس بواش تعلمت ,, خاصة في حالة كيما هاذي اللي حكيتيها , ضرك شيباني تبقى مبهدلاتو هاكا على جال باش توري روحها /
يخي عباد يخي .

شكرالك اخي غزال على المشاركة الطيبة والمفيدة
الكل يعرف قيمة اللغات في مزاولة الدراسات خاصة الهامة منها والضرورية لحياتنا لكن مش لدرجة التنكر واستعمالها لحقرة الناس كيما دركت في القصة ربي يهدينا
​

 

[اسمه_ان]

أحلى الكلمات اللي في الموضوع

بارك الله فيك على الطرح المميز للموضوع

بصح احبسي نقولك بلي الفرنسي أصبحت لامودة ، خاصة في الليسي ، تحكي على الأقل كلمات قلال بالفرنسية ، ولهذا تعتبر أنت البطل في اللغات ،ههه

أنا يبان لي بأن الطفلة كانت تقصد نوعا من التكبر ، و التكبر مش العادي بل فاتت الحدود منهيه

و كي قاللها أختي مافهمتكش ؟؟؟ هنا لازمها هي تفهم روحها أيضا ، و تعرف بلي راهي ماهيش قادرة توصل المعلومة لصاحبها >> نقصد للشيخ << و هو أيضا عندوا الحق

كون جيت منو نقول لها : وقت الإستعمار اللي كنا فيه أنتي مازلتي ماخلقتيش بش تحكي معايا هكا

اوكي ، و بصح العقلية هاذي لازم تتنحا ، حتى الوزراء راهم بهدلونا في النشرات الإخبارية

بصح معليش ، مارغري بار تو

فيف لالجيري

مشكورين ...

شكرا لك اختي على المشاركة الطيبة
والله هاك تشوف ولينا مفرنصين جيبها للوزارة حتى لينا احنا
المهم انو حتى ونستعملو هاد اللغة مع الناس الي نخدمو معاهم ولا نقراو معاهم
بحكم انو المجال هكدا مفرنص بصح مع الناس في حياتنا العادي ماناش ملزمين نتفرنصو تاني
​

 

[اسمه_ان]

واش ديرى راهم قتلهم الفيد مصابو واش يديرو قلبوها زوخ وتقوعير
ــــــــــــ
ربــي يخـليـك موضوعك في القمة
رووووووعـــــة
تقبل منى أجمل التحيات والمودة
شكرا لك
بيكــــهام
تشاو تشاو ​

شكرا على اخي على المشاركة الطيب
انا نقول بلي ماش الفيد الي يدير هكدا كاين ناس يعطيها ربي شوي اطير للسما
كاين الي راه اقرا وانجح في مسابقات كبيرة واخرج وشاف مي ايشوف شخص بسيط ومش قاري
رايح يحكي معاه نورمال وميطيرش عليه الي يخص من الناس هو شوي تواضع رانا كامل بني آدم وواحد ماراه خير من واحد غير بتقواه وعمله الصالح
​

 

[اسمه_ان]

وعليكم السلام
صح اختي عندك الحق
انا ثاني روماركيتها هاذي
قد اللي يقدر الانسان يبسط للناس ومن باب التواضع وحسن المعاملة، ومن الاداب سو معا اللي يفهم والا مع اللي مايفهمش
لازمنا نحكو بالعامية اللي يفهمها الجاهل قبل العالم والقاري
والناس لكبار ف السن لازمهم معاملة خاصة، لازم انعاملوهم كيما آباءنا وأجدادنا
شكرا على الموضوع القييم، واصلي الكتابة،،،

شكرا لك اخي على المشاركة الطيبة
عندك حق لغتنا العامية حتى وماكانش العربية الصحيحة 100ب100
بصح على الاقل راهي اللغة الي يفهموها كل الناس ومتميز حتى شخص على آخر
ومتخلي حتى واحد يحس بالفوارق الثقافية والدراسية

شكرا لك
​

 

[اسمه_ان]

مانروحوش بعيد
هنا برك
يكتب توقيع يشر بيه بالفرونسي ومن عبد كبير تاني ؟
عادي خلاص شعب تاع تفرنيس

​

شكرا لك اخي على المشاركة الطيبة
ااحنا رانا شعب مفرنص ونص كلامنا بالفرونسي
هادي حاجة نتيجة السياسة الاستعمارية الفرنسية ومش منا احنا
المهم اهنا في المنتديات كاين الي يحب يكتب بالفرونسي والي بالانجليزية و.و...
كل واحد كيفاه يعبر على روحو وفي النهاية كامل مستعملين المنتديات راهم في الاغلب ناس متثقفين
وناس قاريين ويعرفو للغات
انا حبيت انخصص على الناس الي اتحب اتزوج واتطيح قدام الناس الي مكتبلهاش ربي اتكون كيفهاا

ان شاء الله تكون افهمت الفكرة واتقبل تحياتي
​

 

[اسمه_ان]

حنا شعب تبااااااااااااااااااااااااع

صحا اختي مرسي على المشاركة الطويلة والعريضة
للأسف رانا في التبعية ورانا شعب مفرنص :crying:
حتى ولينا نحقرو رواحنا بالفرونسي الي مراهيش حتى لغتنا

تقبلي تحياتي:crying_1:
​

 

[اسمه_ان]

ربي يهدي كل من يبدل اصله ضعيف شخصية وقليل اصل يحسبو الهدرة بالفرنسيس سيفيليزي ياخي حالة ياخي
​

آمين يا أختي وربي يجيب لي فيه الخير
شكرا على مشاركتك الطيبة
​

 

[اسمه_ان]

مسكينة حسبت روحها لمن فوقها ولمن بعدها الناس كامل ولات تهدر الفرونسي اموا طفل صغير تلقايه يتكلم فرونسي

ههه راكي تشوفي اختي ياو كامل رانا نهدرو لفرونصي ونفهمو لفرونصي
مي اعلاه التكبر والحقرة
مي كاين ربي والي يدير هكدا يعطيه ربي قد نيتو واجي النهار الي تقع في نفس الموقف
​