تطبيقي لحلوى الاكلير او شو للاخت nissma34

[اميرة الساحل]

السلام عليكم
اول شيء نشكر اختي نسمة على كل ماراهي تقدمو من خدمة للاخوات في صنع الحلويات
وهدي الحلوى مدتلي المقادير ديالها وراني جربتها طلعت هايلة في شكل و مذاق جربوها ماتندموش

حلوى الاكلير او شو
المقادير:
-25 سل ماء مايعادل1/4 لتر ماء بالضبط
-80 غ زبدة
- 50 غ سكر عادي
-150 غ فرينة
-من 3الى 4 حبات بيض
-قرصة ملح


طريقة التحضير:
-اول شي ناخذ كسرونة ندير فيها زبدة + سكر+قرصة ملح+ماءو نضعها فوق نار متوسطة ونحرك بواسطة ملعقة خشبية حتى تذوب الزبدة و تنسجم كل المكونات مع بعضها و نلاحظ ان الخليط بدا في الغليان

- ننقص من النار و نجعلها نار هادئة جدا في ذلك الحين نفرغ الفرينة على الطحين و نواصل التحريك بالملعقة الخشبية حتى نحصل على كتلة من العجين عند تخليطها نقوم مرة على مرة بالضغط عليها اي بعملية تقطيعها بالملعقة و نحرك جيدا​

-كي تتلم العجينة مليح ننزعها من فوق النار و مباشرة نبدا نضيف في البيض بالتدريج الواحدة تلوى الاخرى للحصول على عجينة شو او الاكلير متماسكة
-و نشوف بالاصبع للتاكد من قوامها ​

- بواسطة كيس حلواني و اذا لم يكن متوفر عند الاخوات نستعمل ملعقة اكل و ندهنها بالزيت و نرفد العجينة و نشكلها على الطول و كورات بحيث توضع في صينية بها ورق المنيوم او ورق شمعي و تدخل الفرن 200 درجة يكون مسخن من قبل و تطهى مدة 25 الى 30 د ​

- كي طيب نخرجها و نخليها تبرد و بواسطة سكين نقوم بتقطيع شو على نصفين نحشيه بالكريمة باتيسيار و نزينه بكلاصاج شوكولا​

لتحضير الكلاصاج :
-ناخذ كيلة سكر رطب ندير فيها 2 ملاعق كبار كاكاو اسود و نضيف الحليب بالشوية حتى نتحصل على كلاصاج و نطليها

:wink::wink:اسمحولي درت شوية فوضة مع طلية ههههههههههههه:music_whistling:


ان شاء الله تنال اعجابكم:heh:

​

 

[Djazaire-El-Ghalia]

:ax_flw:ya3tik el3afia hannouna mais elles sont ou' les photos

 

[Djazaire-El-Ghalia]

:u_pc:Ch'hale derti fiha les œufs exactement 3 ou 4

 

[MIMICHA1977]

 

[nissma34]

الحمدلله كي نجحلك مي للاسف ما بانوش الصور تمنيت نشوفهم

 

[حكيك]

يعطيك الصحة على التطبيق

 

[اميرة الساحل]

:u_pc:ch'hale derti fiha les œufs exactement 3 ou 4

شكرا اختي على المرور انا استعملت 4 حبات بيض بصح انتي ديري عينك ميزانك

 

[اميرة الساحل]

الحمدلله كي نجحلك مي للاسف ما بانوش الصور تمنيت نشوفهم

شكرا اختي نسمة انا صور راهي تظهر عندي عادي في الموضوع في الحقيقة ماعرفتش نحملها هنا في المنتدى مباشرة من جهاز كومبيوتر حطيت الموضوع في منتدى اخر راني مشاركة فيه و من بعد درت كوبيي كولي و حطيتها هنا

اوك دوك نعاود نمدلك الصور ان شاء الله يخرجو

 

[اميرة الساحل]

حبيت اشير الى ملاحظة للاخوات نسيت ماذكرتهاش في الخطوات و هي
مباشرة بعدما نخرجو الحلوى من الفرن لازم نثقبوها بواسطة عود خشبي هكدا باش يدخلها الهوا او ماتتعرقش من داخل هذه ملاحظة مهمة

 

[Djazaire-El-Ghalia]

:yahoo:Choukrane djazilane laki

 

[نبض الحياة]

يعطيك الصحة يا الشاطرة
​