الراجل الي يضرب مرتو

ي

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم ورحمة الله تعالى وبركاته
وشراكم يا اعضاء اللمة
انا اليوم عشت فيلم على المباشر
فيلم دام مدة 8 سنوات
ولا اكثر سير انتم تقولو وش من فيلم هادي تفرجتو مهبولة ولا واش
لا انا مشني مهبولة ووقتي الكل راح فيها
ومش غير انا برك الناس الكل شافاتو
منطولش الفيلم هدا يحكي على طفلة كانت تقرا في الجامعة لاباس بيها من الجامع للدار
قارية متربية حتشي ميخصها
نهار شافت زبال يخدم ينظف في الجامعة
في الاول تكبرت عليه
وهو عجباتو وحبو بعضهم المهم سهل ربي
وراحت تزوجتو
ورضات بقسمتها هي ريش وتاع فيلا وخدام
وهو تاع قربي هي رضات بمكتوبها وقالت انا نحبو وخرمن كلشي وطلعتو وولا عندو طونوبيل حتى الخدمة تيعو طيشها وولا يخدم حاجا كبيرة
جابت طفلة ولا الراجل متكبر
وولا يضرب فيها ومعيشها في قهر
ويحسبلها في صواردها يقلها وين تدي فيهم ووين تجيبي فيهم
وصلت الوقاحة قالها عابالك بعد ما تموتي اني نتزوج عليك
وهي مامبا مريضة ولا حاب يقتلها ويدي صواردها ويكمل حياتو
وماليها رضاو بيه ويعاملوه احسن معاملة
درك الطفلة عيطت للماليها وقالتلهم هاي الحكاية
قالولها ارواحي غضبانة ودرك خوك يحكي معاه
انا الحق قاعدة نشوف انهم قاعدين يقسرو فيه
كان جيت انا نروحولو فامي الكل ناكدبوه
وخويا برقرمة من فوق كيفاه هدا انا الي عملتو هدا الكل وهو حاب يتخلص مني
انا حبيت نقول كاين فامي هي الي تخلي ولادها للشي هدا كيما يشوف الراجل ماليها عاقلين وهي عاقلة ويعاملوه كي ولد عندهم يروح فيها
لازم الشدة والترخاس ومنعطيوهش وجه باش يعرف
وش رايكم انتم في الحالة هادي
​
 
نكار الخير ماهوش تاع عشرة , و المخالطة تاعو ريسك //
هاذا ماعندو لا قلب لا دم لا ضمير لا والو ,, الطفلة مخرجاتو من الغرقة , جا يليح فيها في غرقة أكثر من اللي كان فيها !!

يقولك :: و سيضل الحمار حمارا و لو ربي مع الخيول .
 
آخر تعديل:
خرجاتو من الزبل حاشاكم .. و ينكرلها في خيرها ..
 
حنا عندنا مثل نقولوه :
ربى يمد الخبز للى ما عندوش سنين
و هذا عطاه ربى رزق و نعمة و هو نكر النعمة هاذى

و زيد الرجولية ماشى كى تسيطر على ولية بالظلم و الحقرة هاذى يتحاسب عليها حساب كبير عند ربى

مرسى بوكو اختى يسرى







​
 
من كان في نعمة و لم يشكر خرج منها بما لا يشعر
هده أختي الشبعة واش دير ربي يهدينا​
 
يسمى كافر في كل الأحيان لأنه خان الأمانة ، هي حبت تعطيه ، مالها ، و بكل أمانة و يكون رجل أمين

و لكن هو مش تكبر ، حاب يتفرعن عليها ، و على أهلها ، و على بناتها

نقولوا ربي يهدي الناس اللي كيما هكا ، و إن شاء الله متتعاودش لافار هاذي من جديد

بارك الله فيكم
موضوع فريد من نوعه ...
​
 
مشكورين على الرد
رايحة نبلغكم بكل جديد في الحكاية هادي
 
والله ماو راجل هاد يحgر في مرا طلعتلو النيvو وعيشاتو عيشة ماكانش يحلم بيه
وكيفاش تخلي في خوها يروحلو نورمالمو تنحيلو كلش وتخليه مطايش كي الكلب حاشاكم باسكو مايستاهلش
شكرا اختي يسرى
 
هذا ماشي راجل هذا الرجولة ليست في ضرب البنات و النساء
ربي يستر برك
 
RaBI YhDI 3BADO
MaRSII 5TI YSRA ​
 
والله نعرف حكاية مشابهة صرات لوحدة نعرفها
طلعت على راجلها النهار ،، في النهاية بدا يحقر فيها ووووو
هي شافتو هكا ،، طلبت الطلاق وراهي لاباس بيها درك ورايحة تتزوج :wink:

واهل الطفلة هدي المفروض يروحولو اماليها يقتلوه بالضرب ويجيبوها ،، كيفاش يمد يدو على بنتهم :cursing:

​
 
هذا ما هوش راجل با النسبة ليا
لي يعض اليد لي تمدتلو ماهوش عبد
 
قال messi bomb:
حنا عندنا مثل نقولوه :

ربى يمد الخبز للى ما عندوش سنين
و هذا عطاه ربى رزق و نعمة و هو نكر النعمة هاذى​

و زيد الرجولية ماشى كى تسيطر على ولية بالظلم و الحقرة هاذى يتحاسب عليها حساب كبير عند ربى​

مرسى بوكو اختى يسرى​
إضغط للتوسيع...
وحنا نقولو ربي يعطي اللحم للي معندهش سنين
ربي يهديهم هدوا صحاب الجيفة كيما هاك مين يشبعوا ينخلعوا
مرانيش فاهمة كيفاش مزال مطلقاتهش
 
هادا هو العبد اللئيم الرخيس الذليل كي تطلع بيه
ألي يضرب مرتو ماشي راجل ...​
 
مشكورين على الرد
ربي يسترنا وش نقولو
 

الله يهدي ما خلق
هي ما غلطتش حسباتو ناس ملاح و رفعاتو
الديفو فيه ربي يهديه ​
 
هذا هو جزائها مسكينة دارتوا قيمة ومكانة قدام الناس وهو جزاها بالضرب والاهانة صدق من قال الجوع مامعه صحبة ولا نسبة هذا مثل نقولوه احنا
الله يهدي ماخلق الانسان ولا ينكر الخير
 
الله غالب اعليه ناس كيما هاذو مالازمش يترحمو اخلاص
 

كانت المرأة العربية قديما ترد على اساءة زوجها وظلمه الشديد باربع كلمات لا اكثر

اسد علي وفي الحروب نعامة
​
 
العودة
Top