هاذي صحبتي واش دارتلي

[NICHA03]

السلام عليكم واش راكم ناس اللمة لاباس عليكم ايا الحمد الله و الله انا راني حايرة من الصداقة تاع ضركا نحكيلكم لعى صحبتي واش دارت فيا و قلبي راهو معمر منها بزاف زعما درتها كي صحبتي و دخلتها لداري يعني بيناتنا خبز و ملح كانت تقلي حنان البنات يقولو فيك هك وهك و هي مكانش منها كانت ديما معايا بوجه و مورايا بوجه كنت دبما نقول معليش نتحملها واش راني خاسرة بصح فالاخر تاع السنة راحت نشرت النيميرو تاعي عند الذراري تقلهم لي يحب النيمرو تاع حنان يجي يديه قلت نورمال خاذي غلطة دارتها لازم نسامحها و هي تحلفلي و تعاود و الله مدرت انا والوا و كي دينا العطلة خلاص بعتتلي ميساج و قاتلي راني صورتك مع فلان و نتما في وحد الرومانسية و مننعرف وشنو المهم و هاذ لي راهي تحكي عليه تاع دارنا كامل يعرفوه مليح هو ولد امام و كي كنت نقعد معاه باش نعاونو فاللغة العربية خاطراكش انا فور فيها وهو كي يدير خطبة تاع الجمعة يجي يسقسيني و هو انسان طيب متتصوروهش كيفاش اكثر من خويا بصح الناس للاسف تفهم كل شي بالعكس و لات ثاني تعيط فالنيمرو تاع ماما فاليل على 3 و4 تاع الصباح

والله يا خاوتي راني حابة تعطوني رايكم بكل صراحة واش ندير راني رايحة نهبل من التخمام:heh: راني بحاجة لردودوكم
سلام

 

[chamse121919]

و الله وش راح نقلك حنان عادة المضايقات هادي تجي من واحد لوحدة بصح اول مرة نسمع بيها بين 2 بنات وش راح نقلك هادي ماتسميهاش صاحبتك سميها خاينة و على كل حال صارحي يماك بالمشكل و برك درك هي تساعدك

 

[الجمرة الخبيثة]

واش نقلك ربي وكيلها
هادي توصيك لجاية حنونة
مكاش صحبة في هدا وقت طول ايها مممممن عدي
​

 

[اسماء16]

هدا راه غير شوية يا ختي حنان لوكان تسمعي قصتي متبانش مع تاعك مي الحمد لله
ولات وحدها وعرفت بلاصتها مليح وكلتا عليها ربي وكيما يقولو لملح تاعي حكمها وين تروح
المهم خليك منها ويجي نهار وتندم ولكن بعد فوات الاوان
خليك منها وهدي توصيك مزيديش ديري تيقة فناس
​

 

[mimi17]

ايه ربي يهديها دوك تبقى تراقب فيك غير باش تنشر عليك اشاعات مالا ردي بالك ومن الاحسن تحكي لكاش واحد في داركم كبير وان شاء الله ينصحك ربي يهديها ما بقاش لامان في هاد الوقت

 

[اميرة حليش]

واش نقلك اختي وكلي عليها ربي هو يتولها

 

[السوفي]

السلام عليكم ورحمة الله وبركاته

اختى اسمحيلي ان اعبر لك بقولي انت على خطاء من البداية وحتى كتابة هذا الموضوع .. لا تتسرعي وسمعيني الى الاخر لعله يفيدك كثيرا
قيل قديما اذا كان بيتك مبني بالزجاج فلا ترمي غيرك بالحجارة وانت سمعتي لها ان من غير دراية ولا انتباه ان تطعنك وانت تعتقدين انها هي خائنة نعم هي خائنة لك وللملح الذي اكلته في بيتك وقد اتصفت بصفة النميمة والوشاية وفضح اسرار الناس وهذا وحده كفيل بها وبمستقبلها لان رسول الله صلى الله علية سلم قد اخبرنا في حديث طويل ان من تتبع عورات الناس فضحه الله في عقر داره فهي تحفر لنفسها ولا تدري فهي مسكينة وللعودة لك باي وجه تجليس مع ذلك الشاب لو سالك الله ما عساك ان تقولي لا يشفع لم امام او طيب او ذا خلق اذا لم تخافي على عرضك من ان يتكلم فيه الناس فالوقاية خير من العلاج انت ابتعدي عن الشبهات وعن اي شيء فلن يجد احد شيء يتكلم فيه والشيطان ينزع بين الاخوة وهذه فرصته لهذا رسول الله صلى الله عليه وسلم حذرنا من هذه العلاقات وحرمها وسد كل الطرق التي تادي اليها
لهذا اختى قلت لك اذا كان بيتك مبني بالزجاج فلا ترمي غيرك بالحجر ولا تمكنيه من ان يرميك لانك في كل الحالات انت من سيخسر ام صديقتك فاضنها تغار منك ويقتلها الحسد على شيء قد يكون لا حسد فيها بل تلامين فيها وما فعلها بتوزيع رقمك فان دل فانما يدل على مرض قد اصاب قلبها قبل عقلها وانها غارقة فيه فدعي لها بالشفاء وحذري منها ومن امثالها وستغيني بالله والصلاة وانها لكبيرة الا على الخاشعين ولا يغرك كثرة الهالكين فالطريق المستقيم اقصر الطرق وان قل فيه السالكين
هذا ما فتح الله عليا وانما توفيقي بالله وعلية احتسب الاجر وقبول العمل وهذا الرد واعتذر ان اطلت واكثرة الكلام
السلام عليكم

 

[SPIDERMAN1]

الحل اعطيني رقم هاتفها وانا اتدبر انشاء الله الامر
كما فعلت هي ...................ههههه

 

[mayamaya]

واش نقلك ربي وكيلها

 

[sam11]

اولا اختي اقطعي علاقتك بيها نهائيا وما تسمحيش ليها تحكي معاك ابدا

ثاينا احكي لداركم على كل شيء من لول للخر وفهميهم قبل ما تزيد

دير حاجة اخرى باه داركم يكونو على بالهم وما تزيدش تعاود تقول حاجة اخرى

واذا على رقمك بدليه هادي ماشي صاحبة هادي عدوة ليكم وباين تغير منك وتكرهك

لازم اختي تعملي انتي اول خطوة باه هي ما تستغلش الفرصة وتشوه صورتك قدام

داركم والناس اللي قراب ليك وربي يوفقك يارب

 

[مرام التيبازية]

الله يستر وكلي عليها ربي...

 

[اشواقى الى الفردوس]

اختي ننصحك بدلي رقمك حتى انا صرالي هذا الاشكال وربي يبعدها عليك وصارحي اهلك

 

[sisou023]

هذا الشي يأكد بلي ماعاد نديرو ثقة في حتى واحد ربي يهديها و أنت وكلي عليها ربي

 

[N@riM@N]

هــــــادي عــــدوه ماشي صاحبه
وديجا وكان ملي دارتلك لعفسه تاع نميرو تقطعي علااقتك معاها​

 

[بيكهام]

برك الله فيك
عجبني موضوعك بزاااااف
تقبل تحياتي +مودتي
بيكـــهام
تشاو تشاو​

 

[NICHA03]

و الله وش راح نقلك حنان عادة المضايقات هادي تجي من واحد لوحدة بصح اول مرة نسمع بيها بين 2 بنات وش راح نقلك هادي ماتسميهاش صاحبتك سميها خاينة و على كل حال صارحي يماك بالمشكل و برك درك هي تساعدك

مرسي اختي شمس هاذا هو الحل لازم نحكي لماما هيا لوحيدة لي تفهمني

 

[NICHA03]

واش نقلك ربي وكيلها

هادي توصيك لجاية حنونة
مكاش صحبة في هدا وقت طول ايها مممممن عدي​

مرسي اختي الجمرة الخبيثة على النصيحة تاعك ربي وكيلها

 

[NICHA03]

هدا راه غير شوية يا ختي حنان لوكان تسمعي قصتي متبانش مع تاعك مي الحمد لله

ولات وحدها وعرفت بلاصتها مليح وكلتا عليها ربي وكيما يقولو لملح تاعي حكمها وين تروح
المهم خليك منها ويجي نهار وتندم ولكن بعد فوات الاوان
خليك منها وهدي توصيك مزيديش ديري تيقة فناس​

هاذيك هيا اختي اسماء10 نوكل عليها ربي و خلاص مرسي اختي

 

[NICHA03]

ايه ربي يهديها دوك تبقى تراقب فيك غير باش تنشر عليك اشاعات مالا ردي بالك ومن الاحسن تحكي لكاش واحد في داركم كبير وان شاء الله ينصحك ربي يهديها ما بقاش لامان في هاد الوقت

مرسي اختي mimi17 حتى انا راني نخمم باش نحكي لماما هي لتقدر تساعدني شكرا جزيلا على الرد

 

[NICHA03]

واش نقلك اختي وكلي عليها ربي هو يتولها

مرسي اختي اميرة حليش عالرد وكيلهم ربي وخلاص