حكاية تحول الشعب الجزائري من tré mfermi الى m ouvriiii..و ماازاال الخيييييير...

[adraa]

:heh:السلام علييكم و رحمة الله:u_pc:

كلش خيير >> قصدي (صباح , مسااء, فجر.....الخ):wink:

توحشتكم بزاااف بزااف sur tt ضرااايري >> ههههههه:yahoo::yahoo:

المهم راني نسالي عليكم بكل...>> الله غالب هادي هي الشمس اللي تضرب ف الراس

هههه:no_1:












الحكاية:
:glare:
كان يا مكان في قديم الزمان عائلة جزائرية تتكون من اب و ام و بنت>> نديرلكم افراد شوية باش ما نتخربط ما نخربطكم..

امالا هاديك البنت جاامي خرجت في حياتها من الدار...:heh:
و في وحد اليوم قالت لامها ربي يعيشك بلييز بلييز بلييز خرجيني ليوم برك ..>>لصقت فيها راكم تعرفو البناات ههه

قالتلها مها معليش نخرجك بصح بشرط.. ما تهزيش عينيك من اللرض..:surrender:

قااتلها معلييييش عليك امان الله:heh:
خرجتهاااا

الطفلة هاديك عجبتها الحطة ... بقات تتمعن و تشوف و تتامل و تقول في روحها و ترنيتك الدنيا هانية و انا لا خبر... و قالت في روحها انا كيما نجيب بنتي نولي نخليها تخرج نوورماال...:tears:

و بعد سنوات المخلوقة ازوجت و جابت بنت و كيما كبرت واللات تخليها تخرج مي مانت توصيها
ردي بالك ردي بالك تروحي منة و اللا من هيه و اللا تهزي عينيك من اللرض..
:music_whistling:
قاتلها اووكي....

و كيما خرجت (بالملاية و اللا الحاييك...of course):wink:

غرها الشيطان و دارت كلش عكس واش وصاتها مها..
و قالت في روحها انا بنتي نخليها تروح وين تحب...:glare:

وكيما زوجت جابت بنت بلااا بلااا بلااااااا...
وكبرت بنتها :scared:

وااللاو يخرجو نوورماال مي الحاجة الوحيدة اللي ما تخليهاش تديرها
انها توصيها ما تحكيش مع الناس

البنت قلقت و قالت في روحها انا بنتي نخليها تحكي مع الناس نوورماال.:closedeyes:.

امالا هاديك البنت جابت طفلة>>> متمردة...
:tears:
هبلتهاااا من التمرد نتاعها....الى درجة انها نحات حجابها..
:mellow:
و قالت انا بنتي جاامي نحجبلها و اللا نحرمها من حاجة..

و هاديك البنت جابت بنتها بعد ما زوجت >> هههههه نورمالمون تكونو والفتو هههه:heh:

و البنت الجديدة هادي كيما كبارت ترعونت و واللات تحكي مع واحد

و مرة عدى باباها لقااها مع ال طفل >>> كيما راح للداار قتلهاااا بطريحة
:yahoo:
قالت في روحها انا بنتي نخليها تدير واش تحب...

كيما العادا زوجت................:santa_1:

و بنتها كيما كبرت نوووووووووووووووووووورمااااااااااااااااااال خلااااص
(يعني رانا وصلنا للجيل اللي رانا فيه)

تلبس من دون هندوم و و الدكورة من واحد لواحد يااو قاالتلة رووحها...

و المستقبل الله اعلم و ربي يبقييي الستر...:scared:

يعني شوفو وين كنا و وين و الليينا

صح الحكاية صامطة بصح فيها بزااف معااني و اللا واش تقولو؟؟؟:music_whistling::music_whistling:​

 

[** غزال الصحراء **]

اه يا ( [URL="https://www.4algeria.com/vb/member.php?u=123439"]adraa[/URL] ) و الله جبتيها في La cible .. هاذي هي حالة المجتمع بدينا ندهرورو بالعقل كل يوم نتخلاو على جزء من مبادءنا , كل يوم نقصو شويا من قيمنا , حتى ولينا بلا قيم و بلا مبادء //

إن شاء الله كي تكبي ما تخليش بنت تدير واش تحب برك =) .

 

[nour mary]

صح واش قولتي
زعما كل مرة يوليو اوvار شويا كي نكبرو معرف كيفاش تعود الدنيا
شكرا على الموضوع

 

[EL General]

كلامك صواب و ماراكيش تقولي في الباطل ،
نتمنى برك الناس تتعقل هاذا ماكان
شكرا
​

 

[يسرى 2008]

لالالا الحكاية مش صامطة بالعكس عندها معاني كبيرة
وشفتي شفتي وين وصلنا على الزمان
ربي يهدينا الكل وش نقولو

 

[sisou023]

و الله غير عندك الصح

 

[lamis bent]

عجبتني الطريقة اللي وصلتيلينا بيها الهدف تستاهلي عليه 20/20 موضوعك في القمة

 

[selma déco]

هه شحال يعجبوني الناس الفاهمين كيما نتي
يعطيك الصحة موضوع بزاف شباب
وهادي هي و ربي يستر ملي جايين برك​

 

[Kynda]

هههههههه مالا انا ثان بنتي نخليها ادير واش تحب كي عادو كل وحدة تقول فيها

نقصر برك

ايه هاذي حالتنا مانعرف واش كاين فالراس

ربي يصلحنا ان شاء الله ​

 

[zahira92]

والله عندك الحق:tears:

 

[معاك يا الخضراء]

قرعاجة
لعراس هادو كامل رحتيلهم ماديتينش معاك :glare::glare:
زوجت و جابت طفلة زوجت و جابت طفلة لوك لوك لوك لوك ايجيبوش لولاد هادو خلاص:surrender:
ياختي ديريهم جابو طفل و ديريلي حكاية وراسك:yahoo:
قولي كان مداير الشلاغم وقت الرجلة و ضرك عادد سروالو يمشي و يا دوب ماسك نفسو :closedeyes:
يا دوووب :heh:​

 

[lamou]

راكي جايبتها
ربي يستر

 

[yabda me amore]

ايه واش تحبي رانا في 2010 و قيلا نولو 1962 باش يعجبكم الحال

البروبلام مام كي تولو ما يعجبكمش الحال

 

[سمكة البحر]

انا بنتي نحكم فيها
مانخليهاش تدير واش تحب
كيما تربيت نربي بنتي
معجبهاش الحال على 15 عام نزوجها

 

[DARINE05]

لالا با العكس الحكاية مليحة وفيها معانى
مرسي

 

[ήaήa~:)]

ماتحطيش اللوم على اليماة برك باسكو الباباة تانيك عندوا دور فالتربية
كاين شي نسا يالطيف ربي يسترنا منهم مي بناتهم يخرجو الله يبارك عليهم التربية و الاخلاق و كاين العكس
ولي راكي تهدري عليهم واش نقولو الله يهديهم هدا مكاان​

 

[AnGeL*dZ]

فكرتيني في الجمعي فاميلي عالحلقة تاع مولد نبي كيفاه تطورت الحىلة
والله راكي جايبتهآ سوآسوة
صحيتي adraa
​

 

[iméne09]

والله غير قصة هايلة فور ماشي سامطة حنونة شفتي كفاش كانو جدودنا وكفاش ولينا رانا تــoـوvــرينا بزاف عين نحلت يادرا لعوام لي جايين كفاش رايحين يكونو
يعطيك الصحة حنونة ​

 

[فراشة الايمان]

صحيتي على الموضوع في الصميم و طريقة طرح مميزة و رائعة
و الله تستاهلي 20/20
أما الله غالب مانيش أستاذتك
صحيتي صحيتي +تقييم لعيونك حبيبتي.

 

[didin91]

علم الوراثة على الطريقة الجزائرية يعطيك الصحة مندل تاعنا
​