هيا نحضرو للباك معا برازيت

[seize&parazit]

السلام عليكم
واش راكم
المهم واش رايكم نحضرو للباك
نبداو بمادة رياضيات
:santa_1:

مدام صيف مزال نحاولو نركزو شوي على دوال ونديرو باز فيهم ونتعاونو

واش قلتو؟؟؟؟؟؟؟؟؟؟؟؟؟؟؟؟؟

 

[رموش الحب]

اوك فكرة رائعة​

 

[imane s]

انا راني معك نحضر مع بعض​

 

[seize&parazit]

بسم الله نبداو

نعرفو الدالة بطريقة فيزيائية باه تسهل الفهم اوك
الدالة هي مسار متحرك مهما كان نوعه (انسان -سيارة -صاروخ- قط)

لا يهم ماهو لاننا في رياضيات لا نهتم بالاشكال

هذا المتحرك تتم دراسته في الفضاء
يعني لو اعطيته سرعة ابتدائية لا يتوقف

هذا تعريف بسيط لدالة
الذي لم يفهم او عنده سؤال يتفضل

 

[imane s]

ممكن تشرحي اكثر لان الدوال صعبة بالنسبة لي​

 

[seize&parazit]

اوك ماعليك اختي

الدوال
شفتي انت كي تمشي طالعت تشري ولا تقراي شفتي ططريق لي تديها مسار لي مشيتيه هداك دالة
لكن انت كي تمشي مهوش لازم تمشي في خط مستقيم مممكن تلاقيك حاجة لازم تتفاديها المهم مهم كان مسار لي ديتيه هداك دالة لكن لا يعتبر دالة في حالة وحدة

اذا كنتي تمشي بالمقلوب يعني طالعة فالحيط وهدا امر مستحيل هههههه

انت افهمي درك هذا وراح نشرحلك كل حالة في دوال بمثال من طبيعة

 

[seize&parazit]

درك نولو للمجموعة تعريف :


انت كي مشيتي ولا رحتي لمدرسة نعتابروها حادثة
اول سؤال يخطر في بالنا هو
وين صرات هادي الحادثة


وهي مجموعة تعريف
مثال صغير
مثلا انا وانت اختي نلعبو كرة سلة واتفقنا نلعبو في سلة وحدة برك انا حكمة الباون وسجلت فالسلة الاخرى الهدف مايتحسبش يعني نلعب في بلاصة خاطيا
هكاك بعد الدوال اذا تلعب في بلاصة خاطيا روح تروح ههههه

 

[farida91]

رك نولو للمجموعة تعريف :


انت كي مشيتي ولا رحتي لمدرسة نعتابروها حادثة
اول سؤال يخطر في بالنا هو
وين صرات هادي الحادثة


وهي مجموعة تعريف
مثال صغير
مثلا انا وانت اختي نلعبو كرة سلة واتفقنا نلعبو في سلة وحدة برك انا حكمة الباون وسجلت فالسلة الاخرى الهدف مايتحسبش يعني نلعب في بلاصة خاطيا
هكاك بعد الدوال اذا تلعب في بلاصة خاطيا روح تروح ههههه​

واش هذي التعاريف حنونة؟ منين جبتيها؟؟
والله مت بالضحكـ^^
هكذاك تزيدي تعقدي عليهم اكثر يا اختي
الا حبيتهم يفهمو مدي تعريفها الرياضي وزيدي مثال باش يفهمو مليح
هذا رايي
​

 

[imane s]

شكر اختي على المعلومة بهذي الطريقة فهمت
الله يحفظك​

 

[imane s]

ممكن تعريفها الرياضي وزيدي مثال باش نفهمو مليح
​

 

[seize&parazit]

واش هذي التعاريف حنونة؟ منين جبتيها؟؟
والله مت بالضحكـ^^
هكذاك تزيدي تعقدي عليهم اكثر يا اختي
الا حبيتهم يفهمو مدي تعريفها الرياضي وزيدي مثال باش يفهمو مليح
هذا رايي
​

انا طفل ماشي بنت
معليش اختي كرهنا من تعاريف نتاع شيوخا باسلة :santa_1:
رياضيات بعقلية dz خردة جديدة

 

[seize&parazit]

اوك ماعليكم
مجموعة تعريف :
هي عبارة عن مجال الذي تكون فيه دالة معرفة يعني اننا نستطيع معرفة القيم التي تكون لي دالة معنى

مثال:
الدالة ناطقة يجب ان لايكون المقام يساوي صفر يعني ان دالة الناطقة(ملاحظة الدالة ناطقة التي تحتوي على مجهول فالمقام)
لا تساوي الصفر

الدالة كثيرة حدود مجموعة تعريفها دائما r

 

[imane s]

seize&parazit معليش نخدمو بالطريقتين​

 

[seize&parazit]

تطبيق بسيط:

5x+10

4x+17/28

17+35/2x

اعطوني مجموعة تعريف كل واحدة من هاته الدوال

 

[houda1005]

bonne chance
​

 

[zahira92]

نورمال انا لاباس في الدوال عندي مشكل في المتاتليات شوية

 

[ايمان ع]

شكرا لك اختي
لكن اظن ان الشرح الرياضي ابسط للفهم

 

[نجمة المساء]

أنا الرياضيات ما عندي معاها حتى مشكل
المهم نقولكم التعريفات الرياضية أسهل
لأنو هكذا نزيدو نخلطوها على رواحنا

 

[etoo14]

مشكور اخي موضوع قمة​