ماذا يحدث في المدرسة العليا للأساتذة بالقبة ؟؟ - اطلع بنفسك -

[يمينة42]

السلام عليكم ...

عندي ليكم خبر مزززززززززعـــــج ... وحادثة كنت أنا شخصيا شاهد عيان عليها

القصة بدأت في مقر المدرسة العليا للأساتذة بالقبة القديمة ... وكانت يوم أمس 03 - 08 - 2010 ، أي فترة التسجيلات ... وما هو معروف عن المدارس العليا للأساتذة أنها تجري مقابلة شفوية لجميع الملتحقين بالمدرسة قصد اختبار قدرات الطالب على التدريس .. وما هو معتاد ، وكما يعرف الجميع أن فئة قليلة جدا ترفض نكاد لا نسمع عنها ...

المهم ...

الحادثة التي أثارت ضجة واسعة في المدرسة كانت حول الكم الهائل من الطلبة الذين رفضوا وعادوا أدراجهم يجرون أذيال الخيبة ... هؤلاء الطلبة هم من تقدموا لقسم الموسيقى - أساتذة موسيقى - لاجراء المقابلة الشفوية ولكنهم انصدموا بقرار الرفض النهائي وعجزوا في الطعن لأنها مقابلة شفوية وليست كتابية ... حيث لم يتم قبول لحد الآن سوى 40 طالب أو أقل من بين أكثر من 280 طالب تقدموا لحد اليوم ...

وما زاد الحادثة ألمــــــــــا ...

انهيار أحد الطالبات التي فقدت أعصابها ... وهمت في الصراخ والبكاء وسرد بكل حرقة وبصوت عالي مشوارها الدراسي الحافل بالنجاحات ومدى تعبها لتحصيل شهادة البكالوريا ، متهمة بذلك الادارة والأساتذة المكلفين وحتى وزارتي التعليم العالي والتربية الوطنية بأنهم جميعا تلاعبوا بمستقبلها ومستقبل العديد من الطلبة ...

حتى وصل الأمر الى المدير الذي تدخل بكل برودة أعصاب ... مما زاد من عصبية الطالبة التي تجرأت للاتهامه أمام العلن والصراخ في وجهه ...

يذكر أن الطالبة تحصلت على معدل 14.20 شعبة علوم تجريبية بتقدير جيد ... ولكنها لم تتمكن من دراسة حتى الموسيقى ...



ربي معاكم يا جماعة الخير ... وأنا متأكدة أنها عينة بسيطة من مجمل آلاف العينات المصدومة ...

اذا ضاع مستقبلك ... ما تفقدش الأمل ... الشدة في ربي ... ​

 

[Amira ~]

لا حول الله يا رب
واش بيهم هاد العام ..والله غير تحيري
الله يهدي ما خلق
و يوفق هاد الطلاب المساكين الي سهرو و تعبو و في التالي .....
ربي كريم معليش​

 

[BICHICHA]

هادي سموها دزاير يا خواتي علميين يعطهوم موسيقي ورسم ميش تبهديلة علاه قاع يدوا لباك والله وزاراء راهم يلعبوا بينا وبن بو ناقص يقولهم نربحهم ونخلهوم يقروا لي جات وما يطلعوش جبل ربي معكم والله حمد لله سلكنا احنا لعام لي فات

 

[قَطٌر❀ الٌنَـدَى]

والله غير صح هذا العام ضيعونا بزاف بزاف بزاف معدل 14 استاذ موسيقي وياريت قبلوه لالا طردوهم

واش نقول حسبنا الله ونعمة الوكيل في كل من ضيعنا​

 

[rــآآآج ــــ الاميـرهـ ــo]

ربي يهدي من خلق ان شاء الله
راهم يلعبو بينا ويفوتو في الوقت وخلاص واش نديرو
بلاد الميكي

 

[الستار سوسو]

حتى حنا
المدرسة العليا للاساتذة ببوزريعة
الحالة راهي صعيبة بزااااااااااااااااااااااااااااااااااااف


خاصة في شعبة الفرنسية

الدنيا كامل رفضوها
انا كي كنت نجوز في الكونكور قلبي قريب خرج
والحمد لله فاتت على خير


بصح الاغلبية رفضوهم
والناس تبكي

ربي كتب علينا واش تحبواااا
​

 

[يمينة42]

لا حول الله يا رب
واش بيهم هاد العام ..والله غير تحيري
الله يهدي ما خلق
و يوفق هاد الطلاب المساكين الي سهرو و تعبو و في التالي .....
ربي كريم معليش​

الشدة في ربي ...

وشكرا على المداخلة ​

 

[يمينة42]

هادي سموها دزاير يا خواتي علميين يعطهوم موسيقي ورسم ميش تبهديلة علاه قاع يدوا لباك والله وزاراء راهم يلعبوا بينا وبن بو ناقص يقولهم نربحهم ونخلهوم يقروا لي جات وما يطلعوش جبل ربي معكم والله حمد لله سلكنا احنا لعام لي فات

لي سلك هاذ العام عليه دعوة صالحة من عند الوالدين

كي تشوفي طالب بتقدير جيد وما قدرش يقرى حتى موسيقى عقلك يحبس ...

ربي يجيب الخير ​

 

[يمينة42]

والله غير صح هذا العام ضيعونا بزاف بزاف بزاف معدل 14 استاذ موسيقي وياريت قبلوه لالا طردوهم

واش نقول حسبنا الله ونعمة الوكيل في كل من ضيعنا​

عندك الحق ... حسينا الله ونعم الوكيل

وربي معاكم​

 

[يمينة42]

ربي يهدي من خلق ان شاء الله
راهم يلعبو بينا ويفوتو في الوقت وخلاص واش نديرو
بلاد الميكي

وزارة التربية تلعب من جهة ووزارة التعليم العالي تزيد تكمل عليها

ضيعوا مستقبل الطلاب لي المفروض يهتموا بيهم باش يطلعوا البلاد

ولكن ...

لا حياة لمن تنادي​

 

[يمينة42]

حتى حنا
المدرسة العليا للاساتذة ببوزريعة
الحالة راهي صعيبة بزااااااااااااااااااااااااااااااااااااف


خاصة في شعبة الفرنسية

الدنيا كامل رفضوها
انا كي كنت نجوز في الكونكور قلبي قريب خرج
والحمد لله فاتت على خير


بصح الاغلبية رفضوهم
والناس تبكي

ربي كتب علينا واش تحبواااا
​

عندك الحق ...

وشكرا على المداخلة الطيبة​

 

[بشرى1]

واش تحب اختي بلاد ميكي بصح ماشي غريبة رانا ولاد 91 كلشي في وقتنا غريب وانا تاني لعبوا بيا جبت14.73 وطيشوني لطرف الدنيا بصح كيما قلتي الشدة في ربي

 

[طيور الجنة21]

الحمد للله أني bac2009
على العموم هذا كامل بن بوزيد آه قصدي بن بوناقص ينجح في الاصلاح تاعو
​

 

[✿ мιss яosє ✿]

عيش تشوف
عجيبة والله
​

 

[anissa 13]

نشاء الله مايربحو
لوكان جا عندها نفود ومعرفة والله كانت تدخل بدون منازع
مي هادي سموها لالجيري
حتى انا بنت عمتي اخدت 13 ونصف وتوجهت ليها وررفضوها
وجهوها انجليزية في جامعة وهران
يعني كيما يحبو هوما
والله عيشة الدل​

 

[said0326]

يا جماعة من يؤكد الخبر أرجوكم، فالامتحانات الشفوية ليس من المعتاد أن يرفض فيها الطلبة.

 

[programmeur]

أنا ماتعجبتش كي قريت هدا الموضوع
لانه عادي

موسيقى طلعت شانها و راهي تطلب اكثر من 14

يا اختي المشكلة في البكالوريا ماشي في امر اخر

كي عاد الباك يجيبوه ب 18 ما بقى باك في هدا الزمان
يحسراه على يامات زمان وين كان الباك بشانه ب12 تقدر تعمل واش تحب
كل هدا بسبب السياسة تاع بن بوزيد ولا مارانيش عارف كي سموه

 

[meryouma1992]

يا جماعة من يؤكد الخبر أرجوكم، فالامتحانات الشفوية ليس من المعتاد أن يرفض فيها الطلبة.

خـــــــــــــــــــــويا أنــــــــــــــــــــــا نأكدلك الخبر لاخطر أنا وحدة من الضــــــــــحايـا
ياسيدي حطوني معلمة تع فرونسي بعد الطعن و انا نسكن في الصحرة
تعبت و مشيت لهم و من بعد واش تقــــــــــــــولي الاستاذة بريزونتي روحك أيـــــــــــــا على نيتي بديت من بعد سقساتني واش كانت رغبتي قولتلها فـــــــــــــارماسي
أيــــــــــــــــا قالتلي مــــــــا تصلحيش تكوني معلمة تع فرونسي لاخطر ماشي من اهتمامتك

و محبستش هنا من بعد دخلونا لعند واحد واش يقولي
درتي مرة الطعن هـــــاد لمرة أنــــــا نديره في بلاستك -هـــــــــــو لي دا لبـــــــــاك ماشي أنــــــــا-
و في منطقتك أيــــــــــــا قوتله بصح بعيدة عليا 1200 كم يعني 24سا في الطريق
و ما نجي نوصل حتى يفوت لوقت التسجيلات ........ قالي ههههه عادي كتبي رسالة للوزير



و الحمد الله حطوني رياضيات و اعلام آلي نشا الله ربي يوفقني فيها مع العلم حتى لدروك ما سجلتش

 

[يمينة42]

يا جماعة من يؤكد الخبر أرجوكم، فالامتحانات الشفوية ليس من المعتاد أن يرفض فيها الطلبة.

الحادثة مؤكدة 10000/100 وأنا شخصيا كنت حاضرة يومها في المدرسة

وشكرا على العموم ​

 

[semmouna]

سلام
نقولكم المشكل وين ؟؟؟؟؟؟؟؟؟؟؟؟؟؟؟؟؟؟؟؟
المشكل في الدزاير كااااامل
انا خريجة المدرسة العليا للاساتذة قسنطينة
كي فوتنا الكونكور كاين اللي نجح وكاين اللي ردوه
ماعلابالناش المقياس واش هو اللي على اساسو رجعو ناس متحصلة على 14 للدار
بصح عندي زوج صحاباتي قراو معايا جايبين الباك ب 10 بصح بالمعارف دخلو معانا حنا اللي زعمة افاك مونسيون
حقا حقا وحدة خالها صاحب وجار المدير
ولخرى بنت عمها نائبة البيداغوجيا
قمة الضلم واللامسواة
​