عيش متعته التسوق في رمضان

[imotag]

السلام عليكم اعضاء اللمه الكرام ونانسوش العضوات في خاطركم
المهم واش راكم دايرين مع السخانه وقريب رمضان ان شاء الله بخير
وصحه وعافيه :yahoo:

المهم منطولش عليكم ونحكيلكم واش صرالي اليوم
بالتفصيل الممل ايا نبدوا بسم الله :surrender:

اليوم الصباح نضنا وقالك رايحين lemagasine فتحت جديده نقضيوا لرمضان
الى تروح معانا تحوس ايا قلنا مليح نحوسوا واش خاسرين:thumb_up2:

ايا رحنا وكي وصلنا انا منعرفش لبلاصه ليقينا واحد لبلاصه تقول عليها parking _o: قال خويا وقيلا كاين الغاشي اليوم راكم تعرفوا اليوم سبت وقريب رممضان

المهم غير دخلنا بسم الله ولقينا هذذاك الغاشي تقول سوق واحد رايح واحد جاي واحد يعيط بقداش هاذي واحد راهوا فظ السميد واحد منعرف واه وواحد يرمي في القش لهلوا من بين الصفوف
يحساب روحوا يبيع في الدلاع
ياخي حاله تقول راك في سوق رمضان مراكش في lemagasine:cursing:

ايا معليش بدينا نتقضوا بدينا ندوروا ونشروا من هنا ومن لهيك ساعات تلقى حاج كاينه غير بلاصتها والسومه انتاعها وهي مكانش وماشي مهيش متوفره الغاشي غير يجيبوها تتخطف تقول خلاص خلاه رانا في مجاعه بد شوي يجيك واحد مشفتش وين راهم حاطين هذيك االحاجه تدور عليها تلقاها خلاصه

والله كيما نحكيلكم تلقى غاشي يشروا وخلاص المهم يعمروا القفه انتاعهم ويقضيوا الدراهم انتاعهم وخلاص ميهمش واش يشروا

ايا كملنا نحنا تاني الدار شروا حوايج يصتحقوها وحوايج معندها حتى معنى هما تاني
قلنا ايا نروحوا نسلكوا ضرك يزينا

وشفنا لشان انتاع السلاك يابن عمي

تقول راهم يمدولهم في الدراهم باطل ماشي هكدا
ايا ماعليكم الى شدينا لشان وبقينا نستنوا
ناس تحرق وناس منعرف واه دايره
ولاشان ثقيل
واحد تلقاه شاري كلش كراطين وشكاير سميد وفرينه تقول عليه باغي يفتح حانوت ماشي راح ياكله في رمضان

ايا نستنوا في دورنا واللي ضحكني في لشان كي عدنا قريب نوضلوا للوين يخلصوا
ايا دايرين فرجدنات انتاع فرماج كاشير وماء وكريم وياغورت
والله منكذب عليكم ون كثرت الوقوف في لشان اللي يوصل للفرجدان تلقاه يخرج ياكل ويشرب وياكل الكريم واحد يشري الخبز ومع الكاشير عنديباله راهوا في سفر

وكي تقرب حذا وين يسلكوا تسمع غير خبط المليون وزوج ملاين والناس ترجع في الحوايج تنقص في الميزانيه :sly:

ايا كملنا سلكنا وجينا خرجين قلنا الحمد لله سلكت بكري
كي تجي تخرج تلقى واحد الراجل ثاني يفيريفي القش انتاعك حاجه حاجه وطبعا كله وتزيد تستنى في لشان اااااااااااااااااااااه كرهت من لشان :thumb_down:

ايا كملنا وخرجت وحلف عليها معادش نجي لثم طول عمري:like_1:

مي تعرفوا حاجه والله مالgري تو نحب بلادي ونموت عليها :du_nno:

​

 

[imotag]

واش معجبكمش الموضوع ولا واش
​

 

[kojak]

واش هذا المارشي معبي بلقاشي
​

 

[khalil hip hop]

الله يبارك واشي هذا المارشي قاع الكل نساء

مشكور بزاف على الموضوع + تقييم
​

 

[imotag]

واش هذا المارشي معبي بلقاشي
​

ماشي غسر معبي تقول مرحوش يخروا كامل في رمضان
​

 

[imotag]

الله يبارك واشي هذا المارشي قاع الكل نساء

مشكور بزاف على الموضوع + تقييم
​

هما الرجاله مزالوا يخرجوا للسوق
السوق ولا كامل نساء
ايا مرسي عليك خويا
​

 

[blida09]

هذا هو حال سوق في دزاير خويا الله غالب صبر برك صبر

 

[مايا الجزائرية]

الله الله يبـــــــــــــــــــــــــــــــــــارك

موضوع قيم يسلموووووووووووو

 

[imotag]

هذا هو حال سوق في دزاير خويا الله غالب صبر برك صبر

واش راح نديروا مالقري تو نحبوا بلادنا
​

 

[أحبك ياجزائر]

هذا هو حال سوق في دزاير خويا الله غالب صبر برك صبر

 

[EL General]

ربي يصبركم برك ،
و يكون في عونكم و رمضانكم مبروك
​

 

[nassim007]

ربي يصبركم برك​

 

[imotag]

امين ان شاء الله وربي يوفقكم انتم ثاني ورمضان مبارك عليكم
​

 

[Jagwar]

و الله يا خويا راها pـارتو ماشى غير عندكم انتوما ، حنا تانى فى عنابة فى سوق الحطاب ياو تقول علينا فى الصين كى توقف من بعيد و تشوف تقول هادو مليار نسمة

واش تحب شريكى رانا والفنا بيها العادة هاذى و زيد كيما قلت انت مالـgـرى هذا كل بصح نحبو بلادنا

صحيت وليد عمى
تستاهل التقييم

تقبل مرورى المتواضع

سلام









​

 

[سامية الاسلام]

يعطيك الصحة خويا على هذا الموضوع والله غير عندك حق بصح الله غالب هذى هى بلادنا ماعدنا مانديروا غير ماتنساش هما عاملين حساب لكل شى على خاطر عبالهم فى رمضان كلش يولى غالى هذا وعلاه هما يشروا فى كلش وبالتوفيق انشاالله​

 

[imotag]

و الله يا خويا راها pـارتو ماشى غير عندكم انتوما ، حنا تانى فى عنابة فى سوق الحطاب ياو تقول علينا فى الصين كى توقف من بعيد و تشوف تقول هادو مليار نسمة

واش تحب شريكى رانا والفنا بيها العادة هاذى و زيد كيما قلت انت مالـgـرى هذا كل بصح نحبو بلادنا

صحيت وليد عمى
تستاهل التقييم

تقبل مرورى المتواضع

سلام









​

واش راح نديروا راك تعرف رانا في دول من العالم الثالث رانا عارفين رواحنا
وكيمات قال السيد بوتفليقه الله غالب
شكرا لك اخي على المرور الطيب والله نورت الموضوع بطلتك
​

 

[imotag]

يعطيك الصحة خويا على هذا الموضوع والله غير عندك حق بصح الله غالب هذى هى بلادنا ماعدنا مانديروا غير ماتنساش هما عاملين حساب لكل شى على خاطر عبالهم فى رمضان كلش يولى غالى هذا وعلاه هما يشروا فى كلش وبالتوفيق انشاالله​

راني عارف حنا تاني قتلك شروا حاجات والله تقول عام معادش نشروا حتى حاجه
مي الله غالب ربي يصبرنا برك
المهم رمضان كريم عليك
​

 

[الرومنسي الجاد]

أنتومــا رمضــانــ و قتـــاشــ . . !!!!
​