رايكم يهمني

bida27

:: عضو مُشارك ::
إنضم
20 أوت 2008
المشاركات
133
نقاط التفاعل
0
نقاط الجوائز
6
العمر
38
آخر نشاط
انا حابة نسال سؤال للشباب والبنات
انا عندي واحد الفكرة في راسي متمسكة بيها ربما البنات يشوفو بيلي انا مريضة اما الشباب فيمكن يشوفوني عاقة
انا نحب نسكن مع العائلة تاع الزوج التاعي في المستقبل لاني بصراحة نشوف بلي العيشة مع عايلة كبية خير من العيشة بين اربع حيطان ومع زوج يقضي طول النهار برا
انا تبالي بلي العائلة الكبيرة ( العجوز والكنة والاخوات .الخ)مهما تكون المشاكل بصح يرفدو بعضاهم و زيد الاولاد يترباو كيما الخاوة اما ادا عاشو وحدهم تتربى فيهم الحقد والانانية وزيد يقولو ناس بكري دار الحوانة مدامك تمديلها وهي تمدلك زيني نيتك وتشوفي واش تصيبي
 
اختي باينة راكي تعاني من الوحدة

الفكرة خاطئة امبعد كون تموت الكنة ويفترق الأخوة وكل واحد يتزوج ويروح بعيييييييد

راح تتأثري معنويا ونفسانيا بزاف بزاف

وتعودي تتمنااااااي تكسبي دار

ياو لي دار دارو ستر عارو

وانا تبانلي فكرتك غاااااااااااالطة مية بالمية والله اعلم

اما في خصوص الأولاد كي يترباو معا بعض يحسو صح بالمعاشرة الحسنة بيناتهم بصح كون يترباو معا ولاد العم يحسو بالإنحياز بويسك الجدة والجد كل حفيد وكيفاه يحبوه

اما الآباء جـامي يحبو واحد ويخليو واحد

والله اعلم
 
يا اختى ماركيش عارفة المكتوب كيفاش بلاك تتزوجى مع راجل يبغى يعيش وحده
ونزيد نقولك كل لمة وكيفاش مراحش تلقاى كاع الناس كيف كيف لبد يكون واحد عوج
 
ههههههههههههههههههههههههههههههه
قرار شجاع بصح انا راجل و مننصحكش...ايلا حبيتي تعرفي علاش سقسي يماك
 
في النهاية التجربة اللي تخليك تحكمي
تقدري بعد ماتعيشي معاهم ماتتحمليش وتندمي على هدرتك هاذي
بصح انا من رايي ماكانش قد الاستقلالية
 
في هذه النقطة تتعتبر قضية وتدخل فيها احتمالات
أذا حسب المعطيات الزوج لأنه هو لعارف دارهم أما تسكني معاهم أو وحدك .
بالنسبة لفكرتك نشالله تتوافقين مع الرجل ليناسبك وفقط أنا نقولك بلاك تندمي سلام.
 
تفكير مليح مي عاجلا أم آجلا تسكني وحدك تسكني وحدك هادي هي سنة الحياة
 
اختي انتي تشاوري انتي والزوج,وبالاك هو عندو راي آخر.
انا من رايي تكون دار وحدكم احسن,اذا باءمكانو يوفرهالك طبعا.ووقت ماتحبي تروحي تزوريهم روحي.
هكدا يبقى الاحترام والتقدير بينك وبين اهل الزوج.
هدا رايي الشخصي وانتي أدرى بمصلحتك
 
نــــــــــقولك حـــــــــااجة اخــــــــتي حنـــــــــا مارانش ضد المنــــطق تااعك وعــــــــندك الحق في بــــــــزاف حوايج قلتيـــــــــهم بصح الوحدا اذا حبــــــت تعيـــــــــش وحـــدها مش معناتو حاجة مش مليـــــــحة بـــلاك غير حابة تلقـــــــــى راحتـــــــــها في دارها تعرفي الى كنت مع سلاف وعجوزة لازم لباس معين بصح في دارهـــا مع رجلـــــــــها راهي حـــــــــرة وثاني يـــــــــقولو باه يبقــــــــــى القدر والاحتـــــــــــــرام بينــــــــــها وبين دار راجلـــــــــها وصح هـــــــــاد الحاجة ...شكرا على الموضوع سلآلآلآلآلآلآلآلآمي
 
السلام عليكم أختي الكريمة

والله انا شخصيا انا عندي فكرة في بالي
انه من الاحسن كل واحد في دارو هكدا تقعدي عزيزة وهوما تاني يقعدوا عزاز
لانك ماراحش تعرفي عقلية هاد الناس حتى تعاشريهم لهذا في رايي من الافضل الواحد يدي حذرو من البداية
ولوكان تديري احصائيات تصيبي ان معظم المشاكل هي مشاكل الوراثة ومشاكل مع اهل الازواج وحتى الزوجات


سلام
 
شكرا ليكم على المرور راني عارفة بلي قليل لوافقني بصح انا لاحظت بلي قليل من الرجال ليحبو يسكنو وحدهم
ماشي غير انا عندي هاد العقلية كاين شي نسا وراني شفت وحدة رايها كيما رايي ششششششككككرا
 
معليش كي تتزوجي ربي يفرج
تحياتي ليك
 
معليش كي تتزوجي ربي يفرج
تحياتي ليك

نتا بدات لي راني نحوس عللللللللللللللللللييييييييييييييييييك توحشتك ببزاف انا اختك يا درا عرفتني ولا لا بيكهام انا نننننننننننننننننننننننننننج
 
لالا اختي عندك الحق في هدرتك لان العيشة بين اهل الزوج شيء جميل خاصة اذا كانت معاملتك معهم بطيبة ووضع نفسك بينهم بمثابة بنت وليست كنة والله راح ترتاحي اكثر هذا من رايي لانه رايك من رايي حتى انا مثل فكرتك لان الراجل ديما يعمل وتبقى بين 4 حيوط مهما درتي من اشغال الدار راح يجي وقت وتفط روحك لهدا بين العايلة تجدي راحة نفسية حتى لو توجد مشاكل حاولي تتصرفين فيها بلطف لان حتى في داركم كاين المشاكل ماش غير في دار اهل الزوج
لهذا اوافقك عن الفكرة وربي يوفقك ويهنيك
نتيا شريكتي يا نبع الاحسسسسسسا س ربي يحفظك يا ختي
 
كل واحد ووجهة النظر تاعو انتي قادرة تعيشي وتتعايشي مع الوضع هدا

لكن غير لا رما الظروف والمشاكل اللي تصر تقول بلي السكن بعيد عن اهل الزوج

فيه راحة للجميع ويبقى الاحترام بينهم وبالنسبة ليك انتي تشوفي بلي تقدري هدا رايك

وما يقدر حتى واحد يشوف غير هدا
 
صح يا اختي كل وحدة تتمنى هكدا بصح العشرة فتاشة والله تعياي وتكرهي من المشاكل والمضايقات ولاد كرش وحدة ويتفاتنو فمابالك الكنة والعجوز والحماة والسلفة
صح كل طفلة تبغي تربح عائلة زوجها مي متقدريش تعياي صابرة وتعياي تتحملي مي تجي القطرة لي تفيض الكأس
 
انا حابة نسال سؤال للشباب والبنات
انا عندي واحد الفكرة في راسي متمسكة بيها ربما البنات يشوفو بيلي انا مريضة اما الشباب فيمكن يشوفوني عاقة
انا نحب نسكن مع العائلة تاع الزوج التاعي في المستقبل لاني بصراحة نشوف بلي العيشة مع عايلة كبية خير من العيشة بين اربع حيطان ومع زوج يقضي طول النهار برا
انا تبالي بلي العائلة الكبيرة ( العجوز والكنة والاخوات .الخ)مهما تكون المشاكل بصح يرفدو بعضاهم و زيد الاولاد يترباو كيما الخاوة اما ادا عاشو وحدهم تتربى فيهم الحقد والانانية وزيد يقولو ناس بكري دار الحوانة مدامك تمديلها وهي تمدلك زيني نيتك وتشوفي واش تصيبي


ما فيها والو اختي

لكن اذا كانت هذي العايلة ما تدخلش روحها في حياتك الشخصية و ما تديرلكش الميزيرية

اما اذا كانت العكس جابلي ربي ماكاش معيشة مع هاذ العائلة

راني نقولك هكذا لاني مجربة :tears::tears:
 
Non Khoiti hadi Normal yhaBoha w THbaHom NormaaaaaaL ana hada Hoi Rayii
 
العودة
Top