مخطوبين وماناش عرفين

[ملاك النور]

السلام عليكم
واشراكم يا ليجان وليجانات تاع اللمة
اليوم راني حايرة بزاف صرت معي ولا قصة ألف ليلة وليلة
أنا عندي ولد عمي قريب مني بزاااااااف
ديما نتحاكو مع بعضنا ومانخبي عليه شي
كان ديما يسميني بدلوعة ماما
كي نمرض نلقاه قدامي وكي نبكي نلقاه قدامي ديما معايا
وللي ماكناش عارفينو حنا في زوج انو من وحنا صغار كانو موصين علينا وماعلبلناش
ديما كي يجي يخطبني واحد ياخذو رايي مع انو عارفين اني لعبد اخر
كنت نرفض ديما من غير ما نتردد لاني أنا صغيرة الدار وانا الدلولة فيها وشكون اللي يلقى الدلال ومايقبلش
كنت ديما نشاور ولد عمي ويقلي كيما تحبي ويروح
كان ديما كي يجي للدار يخلونا مع بعضنا وانا هادي هي اللي مانحبهاش
أيا أنا ليامات اللي فاتت مرضت بزاف وكي رتحت قالي واش رايك في تونس قتلو نحبها بزاف ونتمى اني نشوفها
قالي واش رايك كي تروحيلها قتلو ياريييييييييت
قالي حضري روحك اليوم رانا رايحين
أنا حسبتها قاعد يتمسخر معايا وممباعد قالي صح وهادا الباسبور
رحنا أنا وهو ومعانا خويا وزوج من خواتاتو درنا تحويسا روعة
بالصح كانو ديما يحوسو الكل مع بعضهم وحنا في زوج نحوسو مع بعضنا وحدنا
كنت قاعدة قدام البحر وحدي جاني وقالي شكون أنا بالنسبة ليك
قتلو واشبيك وشراه مخك لاباس
قالي جاوبيني
قتلو كي خويا قالي لا أنا بابا اسمو .........وباباك اسمو................
كيفاش تقوليلي كي لخوات وراح وخلاني
في الأول فرحت وممباعد تخلطت علي الدنيا
وأنا بصراحة ماكنتش حاسباتو كي خويا كنت نرتاحلو بزاف
من هاداك النهار ماحاكيتوش وكي يجي أنا نهرب
كي رجعنا للدار قلت لماما
قالتلي لازم نقولك على شي صارلو مخبى عليكم من بكري
وقالتلي على هاديك الصاعقة يللي زادت كملت عليا بكيت
على ما هبطت دمعتي دخل هو قتلو علاه ماقتليش
علاه خبيت عليا وهو حاير
وممباعد حكتلنا ماما على كل شي
فرح وقال كنت جاي باش نعترف بكل شي وبالصح تو خلاص


ومن هاداك النهار عدت مانقدرش نحكي بزاف
وليت نحشم منو

مانيش عارفة واش نعمل
مع العلم انو قابلة بيه كرفيق دربي في المستقبل
أما الحشمة ما حبتش تروح
واش نعمل ​

 

[لؤلؤة وهران]

وعلاه كاين اسعد من انك تدي واحد الي يفهمك و تفهميه و ترتاحيلو ههههههههه في و قتنا هدا و لاة صعييييييييييبة و زيد هدا ولد عمك يعني مهما كان يحفظك و يصونك وتقولي بلي متحسيهش كي خوك يعني خلاص راهي باينةهههههههه ونرمالمو درك الي تزيدي ترتاحيلو كتر و تروح الحشمة شوية شوية مشي درك تزيد . نقولك حاجة متكسري راسك ما والو اقعدي نهار مع روحك و فكري مليح شوفي ادا كان انسان مليح كيما عرفتيه دايمن ادا كان تتفاهمي معاه صح ادا كان يعزك و يحبك ويريدك وادا مرهوش كاخ بالنسبة ليك وخودي قرارك وتوكلى على ربي وكلش مبروك من درك وحقي نتاع الحلوة راني نستنا فيه هههههههههههه

 

[kojak]

عرسي وتهني
​

 

[azedinm]

حكايتك فكرتني في حوايج بزااااااااااااااااااااااااااااااااااااااااااااااااااف

وخاصة عبارة "دايراتك كيما خويا "

وعلاش تديريلنا كيما هاك يا اختي علاش فكرتينا في حوايج كنا ناسيينهم عندنا مدة

بصح راني عارف بلي مشي قصدك


اختي بن عمك هذا هو اللي يناسبك اديه هو خير من واحد ماتعرفيهش كامل


يا اختي الحصلة راهي فينا احنا رانا ما لقيناش اللي تقبل بينا وانتي من صغرك محكي عليكم وراكي زعفانة
​

 

[souhila_95]

قصتك يقدرو يديروها مسلسل تركي هايل:yahoo::yahoo: تدي عليه درااااااااااااهم بزاااااف هههههههههه راني غير نتمسخر في هاذ الوقت قليل ما تلقاي راجل كيما هاك يحبك ويخاف عليك وترتاحيلو ويرتاحلك وما فيها والو ختي الحشمة ايامات ولمباعد تروح:heh:
​

 

[Elif DZ]

ربي يتمم على خير أختي
​

 

[مروة MARWA]

باين فيه انسان مليح وen + ترتاحيلو وغير هو لي يفهمك
مادام راكي قابلة بيه كرفيق درب في المستقبل الامور ولات ساهلة اكتر وهادك الحشمة تدل على احترامك ليه وقيمتو لكبيرة عندك
***
اختي ربي يكمل بيناتكم وربي يجيب لي فيه الخير ان شاء الله
سلام ...
​

 

[AHLEM1992]

انتي ادا كنتي ترتاحيلو و هو تاني توكلي على ربي ماراحش تلقاي واحد يفهمك و يحبك في هاد الوقت
و حشمتك طبيعية سيي تهدري معاه بخصوص هدا الشي يعني لحتى يتأكد لي ما تبدلتيش عليه
و ربي يهنيك يا اختي معاه
...​

 

[المتفائلة خيرا]

والله عجبتني قصتك والمليح فيها انك قابلة بيه
علا خاطر كان ياسر كيما انتي وماتقبلوش الفكرة خلااااص
نتمنالك حياة هانية والي كاتبها ربي تشوفيها​

 

[نسيم الربيع]

ياختي مادام ترتاحيلو وولد عمك خير من البراني ومسميين على بعضكم وراضيه تكملي حياتك معاه وهو باين يحبك مالا علاه لالا وربي يكملك على خير ... سلالام

 

[يسرى 2008]

ههه قصتك مليحة
قداه من مرة نسمع مش غير ولاد العم ساعات نسمع بلي كاين زوز صحاب بكري يقراو مع بعضهم ويرتاحو لبعض وكي كبرو تزوجو
انا نقول اقبلي بيه خير والحشمة درك تروح هههه مشك رايحة تلقاي كيفو والله

 

[الطالبة نهلة]

والله قصتك عجبتني بزااف ربي يكتبلك حياة هانية معاه ان شاء الله

 

[IMANO77]

اي ربي يهنيك ان شاء الله اكل نتهناو هاك

مع الوقت توالفي وتعيشي احلى حياة

 

[ندى الجزائرية]

اختي اذا راهو من مكتوبك مبروك عليك
لكن نصيحة لوجه الله احذري زواج الاقارب,ماتخليش اولادك يدفعو الثمن,بعيد الشر عليهم.كاين بزاف حالات في بلادنا ,الامراض الوراثية تنتقل عبر الاجيال.
ربي يجيبلك لي فيه الخير

 

[Houda Chaouienne DZ]

أختي مادام ترتاحيلو و يرتاحلك
اتصرفي عادي كيما كنتي من قبل
انساي واش قالولك و اتصرف كيما كنتي قبل ما يصارحوك
و شوي شوي ذرك يتنح عليك و تجيك نورمال
لازم الواحد من الأول يتشوكا اومبعد يوالف
الله يهنيكم مع بعض
​

 

[sami19280]

ربي يسهللكم الحياة وللجميع ان شاء الله يارب.

 

[hard_way1990]

وعلاه كاين اسعد من انك تدي واحد الي يفهمك و تفهميه و ترتاحيلو ههههههههه في و قتنا هدا و لاة صعييييييييييبة و زيد هدا ولد عمك يعني مهما كان يحفظك و يصونك وتقولي بلي متحسيهش كي خوك يعني خلاص راهي باينةهههههههه ونرمالمو درك الي تزيدي ترتاحيلو كتر و تروح الحشمة شوية شوية مشي درك تزيد . نقولك حاجة متكسري راسك ما والو اقعدي نهار مع روحك و فكري مليح شوفي ادا كان انسان مليح كيما عرفتيه دايمن ادا كان تتفاهمي معاه صح ادا كان يعزك و يحبك ويريدك وادا مرهوش كاخ بالنسبة ليك وخودي قرارك وتوكلى على ربي وكلش مبروك من درك وحقي نتاع الحلوة راني نستنا فيه هههههههههههه

من فوق ما قالت الأخت ما عندي ما نزيد نقول .. أتوكلي على ربي وأزدمي ..
ولا نقولك أستخيري الله بصلاة الإستخارة قبل وربي يجيب ألي فيه الخير .. خصوصا أنو راكي قابلة بيه .. :yahoo:
​

 

[فؤاد الورقلي]

السلام عليكم
لاالا ختي الحشمة لا بد منها
مكانش بنت ماتحشمش من خطيبها وهذه خصلة في كل العباد
ربي يكمل ان شاء الله
وتعيشو بسعادة وهناء

السلام عليكم​

 

[خولة19]

اييييييييييييييييه يا ختي قليل وين تلقاي واحد كيما هاك يحبك ويخاف عليك وعلاش راكي زعفانة ما دامك ترتاحيلو ....ولد عمك تعرفيه مليح خيرمن واحد ما تعرفي لا اصلو ولا فصلو ...هدا رايي
ربي يكمل بيناتكم نشا الله
تقبلي مروري

 

[mimi17]

يا اختي مادامك راكي لقيتي واحد يحبك وحاب يكمل معاك حياتو راكي محظوظة خاصة انكم تربيتو كيفكيف وتعرفو بعضاكم وفي هاد الوقت صعيبة خاصة مع انو يبان ولد حلال ربي يكملكم فكري بعقلك وان شاء الله فيها خير حظ موفق