مغامراتي في رمضان اني تخطبت قولولي مبروك

ي

يسرى 2008

:: عضو متألق ::
أوفياء اللمة
السلام عليكم
رمضانكم مبروك
نعرف انو الجو تاع رمضان ومش مناسب المواضيع هادي مي انا كتبتها باش تنساو الماكلة وانا ننساها تاني
وش راكم مع الصيام سافا ايا معندو مبقا ههه نصبر فيكم وانا في حالة ههه
لا علينا
انا قبل سمانتين هكاك كنا في البحر اون فامي
حبينا نغيرو جو وقلنا معندو مبقا للرمضان
رحنا الكل والبحر جا فاقي والزهر قعدنا نحكيو برك ونضحكو وهاي عدات السوايع مي كان وقت مليح
في اللحظات هاديك نشوفو الدرك الوطني يدور علينا
وراح لطونوبيل تيعنا ويفلي فيها ويشوف في الرقم ويسجل فيه ماما شافتو قالت ياه نندب وش عاملين احنا وخفنا على رواحنا
مبعد نشوفو زوز يدورو علينا
انا الحق متولهتش لاتية مع الضحك مع لافامي ونصبر في بابا ونضحكو مع بعض
حتى جا جادارمي يحكي مع بابا خير ان شاء الله هاديك ماما حالتها حالا قالت عين وحكمتنا
خدا رقم هاتفو وقالو مكاين والو اني نكونترولي برك
مع انو حجة غبية بصح مفقناش يا عباد
حتى الجادارمي هاداك كل يوم يعيط للبابا ولا صحيبو محسوب
وعرض روحو يشرب قهوة عنا
يخي احنا قمنا بالواجب مليح مي منعرف علاه مفهمنا والو
حتى الراجل جايب معاه امو انا شفتو قلت وش بيه هدا جايب امو يخي مريض ولا واش
وانا من كترة خباوتي مشفتلوش خلاه ومفقتش بيه بلي راهو جاي على جالي بالعكس غير مديتها ضحك مع خواتاتي

يا عجابة يا ناس حتى السيد كي جبت القهوة لبابا قالو اني جاي نخطب بنتك
بابا حكمتو سكتة قلبية ههه
قالوووو واااش اني معنديش بنات انا للخطب
قالو هاي هادي
قالو هادي اي قد بنتك هههه
انا عمري 15 سنة وهو 30 سنة
وكي شافني طويلة باسكو انا مشني باينة صغيرة مي وجهي وتصرفاتي تاع صغار ههه
الراجل خرج مشوكي من الدار
ومعاه امو قالو معليش خلي نخطبها لوطو متعمل 18 سنة ونتزوجها بابا قالهم نوخد رايها
كي حطوني قداهم ديجا متت من الحشمة مبعد بينتلو الوجه تيعي صح
قلتلو مرحبا بيك خويا قلتلو انا نحب نصارح اني مازلت صغيرة ومازلت منفهم والو في الدنيا هادي
وراني كونتر الزواج في سن صغير وقلتلو طلبك مرفوض باسكو انا راني صغيرة وعندي طموحات في حياتي معنديش تفكير تاع الزواج ولا حتى الارتباط لا منك ولا من غيرك قلتلو راك تسرعتي فيا انا
الراجل تشوكا وبابا مبعد قالي نتفاهمو
كي راح شبعتتت ضحك هاداكا خويا يشوف فيه في الدوبل
وخويا الصغير كي سمعني قلت مشني حابة نشوف وجهو
كي عيطلي قالي ايا صحا سلاف قالو قاتلك مشني حابة نشوف وجهك ههه روحو ببخصة
يعني صح مواقف طريقة وشوي فسدتها بهدرتي مي والله معندو الحق يروح لبنات صغار اصلا ممنوع في القانون وحدا اقل من 18 تتخطب عيش تشوف
 
السلام عليكم ورحمة الله تعالى وربكاته
مكتوبك ومنعتيه اختي يسرى
من بعد الفطور نرد عليك
​
 
ربي بارك عليك يسرى ههههه
ماعلاباليش بيك قاوية هكدا هههههه
قوليلو راني مخطوبة من اللمة، ويمشي يلعب على روحو ههههههه​
 
معليش عيش تمس
يا كحلووووشة
واش انقلك
كلش بلمكتوووووب
تحياتي ليك​
 
توقيع بيكهام
مافهمتش مليح القصة بصح اللي فيه الخير ربي يجيبوا
كل شيء بالمكتوب​
 
محمد بعد الفطور خمم ورد عليا
مكانش اني سيليباتار لاني مخطوبة لا في اللمة لا غيرها اني صغييييرة
بيكهار مشني كحلوشة سمرة برك ههه ولا نقولك اني بيضة
مشكورين على الرد
 
يااااااااه يا يسرى خسارة كون هكاك رانا باركنالم و عملنالك عرس مطنطن هنا في اللمة
 
هههههه عجبتيه كون قلتيلو اجبد كايي باش تماركي الشروط ههه
صحيتي..
​
 
هههههههه
شابة هادي
صح فطورك ختي و ما تنسيش تتسحري مليح باش تعرفي كي تجاوبيه و تشرطي عليه
تحياتي
 
السلام عليكم و رحمة الله و بركاته
ما أعجبني في هذه القصة هي طريقة الرجل الذي أراد أن يخطبك اخضر أمه و اخوه و جاء إلى البيت يظهر بانه رجل محترم و رجل متدين و ذو حلق عظيم
نسأل الله تعالى أن يرزق لبنات المسلمين أزواج صالحين
وفقكي الله لما يحبه و يرضاه
 
3jabtih sur
balak kan maktoub a soulaf
hhhhhhhh
ani netmaskher m3ak bark
 
هههههه كيما قالو لخرين كون جبتيلو 1000 شرط يهرب لروحو
 
راكي نتيجتي راهم يخطبو فينا اويخلو الكبارات حنا واش يديرو بينها رانا ما نعرفو والو روحو للكبارات لعنهم صنعة في يدهم هههههههههههههههههه
 
ههههههههههههههههه
نعود نعيطلك يسرى مرت الجدارمي هههههههههههه
راني darine05
 
اهليــــــــــــــــــــــــــــن بخطيبة الجدارمي راح اسمك السابق يسرى للأسف.شوفي كلش بالمكتوب وظاهرة يروحو ورى البنت صغيرة كثرت.اما انا مجرد كلمة كاسكيطة تخلع راه عندك الحق اختي.
 
الغاشي كامل يفكر في الزواج هههههههههههه
 
شكرا لك اخي الكريم
 
خسارة عليك ضيعتي مكتوبك كون رانا درلانك عرس مطنطن مادارو حتى واحد في دزاير ههههههههههههههه راني نتمسخر برك كل شيء بالمكتوب وعين الصواب درتي مازالك صغيرة بزااف على الزواج
​
 
ههههههههههههه لكان هكاك راكى وليت مخطوبة علاه طيرتي سعدك المسكين جاك من الباب وانتى خرجتيه من التاقة ههههههه صحا انتى مزلتى صغيرة ولازمك تكباري شوي باه تعقالي تانى ههههههههه
 
آخر تعديل:
هههه هو جادارمي وانا شافا تيعو هههه والله غير اني شابعة ضحك
لا حولة ولا قوة
خسارة ضيعتو من يدي كان هكاك عرضتكم للعرس نعملوه هنا هههه
 
العودة
Top Bottom