- إنضم
- 16 ماي 2010
- المشاركات
- 2,462
- نقاط التفاعل
- 27
- النقاط
- 77
رمضانكم بالصحة والهنا يا حبابي اللماويين.....
اليوم جيت نحكيلكم شويا على شي ظواهر صرات في جامعنا وسوووووووووووووووووور راكم سمعتو بشي عفايس كيما هي ولا كثر.....
المهم حنا في جامعنا كاين شي ناس ربي يهديهم...شفناهم بعينينا....هذي وحدة دخلت للجامع بحجاب وخمار واش نقلكم قلنا الدين عندها حبس حنا بدينا الركعة الأولى مالتراويح
وحنا سمعنا كلاكصون تع طونوبيل برا ما حبتش تحبس أيا هذي بدات تحمحم ولخرى تستغفر...المهم حتى خرجت هذيك المخلوقة اللي بديت الحكاية بيها بصح ما نحكيلكمش كيفاش...كانت لالا في وحد الحالة أمنوني لابسة وحد السروال مانقولش مزير باش ما نظلمش التزيار...حاجة كارثة ودايرة شال خفيف على كتافها وخرجت من بيناتنا بلا حشمة....يخي وحد المرى تخدم فالجامع تبعتها وغسلتها برا عند الباب هي والسي فلان اللي جا يديها ودارتلها مندبة كبييييييرة حتى خرجو شي رجال مالجامع وكي فهمو ليستوار بلا ما نكمل قتلو ذاك الإنسان بالضرب وحطو واحد يعسو حتى خلصت التراويح ومبعد تفاهم معاه الإمام...والمادموزيل دخلت تبكي ومبعد رفدت قشها وطارت ومن هذاك النهار مازدناش شفناها....وهذي القصة صرات العام لي فات بصح مابغاتش تخرج من بالي خلااااااااص وكاينة عفسة وحدخرى العجايز ربي يسترهم كي نغلقو البيبان والتواقي علاجال ليكليماتيزور يفتحو البيبان والتواقي ويذا كاش ما قلنا يقولولك السخانة وما تخنقيناش وحنا ما نحملوش...ورواح نت وسلك مالعجايز....صح ربي يعطي اللحم للي ما عندوش سنان وهذي حالتنا....مي كي نفتحو التواقي مصيبة كبييييييرة ياو ولاد الحومة الصغار يبقاو يغنو ويعيطو وسلام عليك يا خشوع....ماليهم فالبيوت سهرانين وطالقين ولادهم للزنق....وحنا جامعنا في لاكاب علابيها جيهم ساهلة.....
أيا حبابي وحباباتي اللي عندوحكايات كيما هك يفيدنا....وصح رمضانكم......
اليوم جيت نحكيلكم شويا على شي ظواهر صرات في جامعنا وسوووووووووووووووووور راكم سمعتو بشي عفايس كيما هي ولا كثر.....
المهم حنا في جامعنا كاين شي ناس ربي يهديهم...شفناهم بعينينا....هذي وحدة دخلت للجامع بحجاب وخمار واش نقلكم قلنا الدين عندها حبس حنا بدينا الركعة الأولى مالتراويح
وحنا سمعنا كلاكصون تع طونوبيل برا ما حبتش تحبس أيا هذي بدات تحمحم ولخرى تستغفر...المهم حتى خرجت هذيك المخلوقة اللي بديت الحكاية بيها بصح ما نحكيلكمش كيفاش...كانت لالا في وحد الحالة أمنوني لابسة وحد السروال مانقولش مزير باش ما نظلمش التزيار...حاجة كارثة ودايرة شال خفيف على كتافها وخرجت من بيناتنا بلا حشمة....يخي وحد المرى تخدم فالجامع تبعتها وغسلتها برا عند الباب هي والسي فلان اللي جا يديها ودارتلها مندبة كبييييييرة حتى خرجو شي رجال مالجامع وكي فهمو ليستوار بلا ما نكمل قتلو ذاك الإنسان بالضرب وحطو واحد يعسو حتى خلصت التراويح ومبعد تفاهم معاه الإمام...والمادموزيل دخلت تبكي ومبعد رفدت قشها وطارت ومن هذاك النهار مازدناش شفناها....وهذي القصة صرات العام لي فات بصح مابغاتش تخرج من بالي خلااااااااص وكاينة عفسة وحدخرى العجايز ربي يسترهم كي نغلقو البيبان والتواقي علاجال ليكليماتيزور يفتحو البيبان والتواقي ويذا كاش ما قلنا يقولولك السخانة وما تخنقيناش وحنا ما نحملوش...ورواح نت وسلك مالعجايز....صح ربي يعطي اللحم للي ما عندوش سنان وهذي حالتنا....مي كي نفتحو التواقي مصيبة كبييييييرة ياو ولاد الحومة الصغار يبقاو يغنو ويعيطو وسلام عليك يا خشوع....ماليهم فالبيوت سهرانين وطالقين ولادهم للزنق....وحنا جامعنا في لاكاب علابيها جيهم ساهلة.....
أيا حبابي وحباباتي اللي عندوحكايات كيما هك يفيدنا....وصح رمضانكم......
ايا رانينقولك النسا يبداو يكرهو و يبداو يمنشرو :laugh:و كي يسجدو يبقاو يسمعو للناس واش راهم يقولو و كي قربنا نكملو الامام بقا يقرا سور قصار كيما سورة الناس اياتها كامل يكملو بكلمة فيها حرف السين تبقا تسمع غير سسسسسسس سسسسسس النسا هادك ما حافظين المخيرة فيهم تقرا بالفور
