ارواحو تشوفو اللمة منا لل10 سنين

[يسرى 2008]

السلام عليكم
صحا فطوركم وصحا شريبتكم
الي مشربت تاي نورمال يتفضل يشربو معانا بالصحة والهناء
انا اليوم قاعدة نخمم وحدي
قلت زعما رايحة تقعد اللمة منا ل10 سنين
وكيفاه نوليو حنا الاعضاء والله شبعت ضحك بيني وبين روحي
جيت رايحة نخمم قلت ايا نبداوها بالاخ فتحي المدير
كالعادة هاو في اللمة يخترع في افكار ولا تصاميم ولا ديسيبلين جديدة للعضو
ومنا لل 10 سنين يكون عيا وقدم استقالتو تلقاوه تزوج وعندو ولاد ههه وبالاك يحط ولدو الكبير مدير في بلاصتو عابالكم الموضوع ولا حكم وراتي
هههههه

نروح للاخ barca232 هدا ولد ولايتي عنابة
راكم تعرفو الاخ محمد جايبها على مشاكل الدنيا
بالاك منا لل10 سنين نعملولو منصب محامي اللمة ولا المسؤول القضائي
وسير منا لل10 سنين يكون تزوج وبالاك ميدخلش خلاه للمة
نروحو للهيلدا ايه هيلدا تنسانا منا لل10 سنين
ديجا اي مكانهاش في رمضان منعرف وين راحت سير اي غاطسة في الكوزينا ربي يعينها ويعيننا
هيلدا منا لل10 سنين اي تربي في ولادها واي متزوجة وتنسانا خلاه

نروحو لسي فلان مولا الكوستيم
سمعنا انو عملو فوتو تيعو في الجورنال
منا لل10 سنين بالاك يحكم بلاصة بوتفليقة وينسانا خلاه ههه مالا شكون قدو او رئيس


نروحو لمعاك يا الخضرة
قالت اي رايحة من لل10 سنين منشوفوهاش خلاااه

نروحو للنور الانوار
هادي منا لل10 سنين تولي صحافية ههه
وتتزوج عندك برك لمتعرضينيش في العرس والله نقتلك


نروحو للرانية
هادي تاني تنسا اللمة خلاه واي لاتية في الدار


غزال الصحراء
معاباليش وش يكون مي شكيت نلقاوه يقرا في الجرنال وروتريتي ويربي في ولادو


sarah 29
عرفناها عقاب الدراري ومشاكلهم
تلقاوها بعد 10 سنين جابت طفلة مشيطتها ولا طفل قتلتو من كترة العسة هههه

nour mary
اطلو عليها تلقاوها القد والخدمة والنساء تاع بكري
تلقا غير الفحولة وتنسا اللمة خلاه
تقول اي معنديش وقت ليها راني مع ولادي درك

souhaila
هادي من كترة ما تحب ليكيب ناسيونال
يا اما تلقاها ولات مدربة في بلاصة سعدان
ولا راهي خرجت ولدها جوار في بلاصة زياني ههه
بوقوس كيفها

كان نكمل منفضش نتمنى من الاعضاء يسامحوني باسكو منقدرش نكتب الكل
وسامحوني على الاسلوب بالاك مش ملائم بصح انا غايتي اني نضحك وسؤال صح موجه كيفاه تكون اللمة بعد 10 سنين وكيفاه نكونو احنا عشنا متنا يا عالم
سؤال يطرح نفسه
ودرك نشوفو حالت يسرى 2008
يسرى تولي طبيبة في المستقبل ادعيولها برك هه
بعد 110 سنين تكون تخرجت وكملت الدكتورة هه في الحلم
وعايشة في فرنسا درك ههه
ايه حتى ماما خلاتني هه
اسكتو برك لنكون في الدار ولا قراية ما والو


​

 

[BARCA232]

نروح للاخ barca232 هدا ولد ولايتي عنابة
راكم تعرفو الاخ محمد جايبها على مشاكل الدنيا
بالاك منا لل10 سنين نعملولو منصب محامي اللمة ولا المسؤول القضائي
وسير منا لل10 سنين يكون تزوج وبالاك ميدخلش خلاه للمة

نروج نشرب شويا ماء وراجعلك
​

 

[فؤاد الورقلي]

سلام
ههه عندك الحق
مي ماشكيتش راح يقعدوا
زوجاتهم راح يمنعو عليهم النت هه

شكرا​

 

[touffik]

صحا فطورك يسرى
ان شاء الله ترجعى طبيبة

 

[chamse121919]

مليح ربي يكمللهم و يكبرهم في طاعتو

 

[ديهيا القالمية]

ايـــــه واحنا البنات نوليو متهليين غير بالدار وولادنا نوليو نشوفو اللمة غير فــــــــــــــــــــــــــــــــــــال​

 

[ماكانش]

ههههههههههههههه
يعطيك الصحة

 

[loca]

اي خيتي نسيتو زوج انوشات نبع الاحساس واسماء 10 من كثرت مواضيع لاموغ في قسمهم منعرف شا غادي يصرا فيهم هههههه ربي يكون معاهم مرسي عليك خيتي

 

[يسرى 2008]

نروح للاخ barca232 هدا ولد ولايتي عنابة
راكم تعرفو الاخ محمد جايبها على مشاكل الدنيا
بالاك منا لل10 سنين نعملولو منصب محامي اللمة ولا المسؤول القضائي
وسير منا لل10 سنين يكون تزوج وبالاك ميدخلش خلاه للمة

نروج نشرب شويا ماء وراجعلك
​

هدا الكل مكملتيش برك الماء ايا بصحتك

 

[يسرى 2008]

صحا فطورك يسرى
ان شاء الله ترجعى طبيبة

ميرسي خويا على ردك

 

[البرنس]

بعد 110 سنين تكون تخرجت وكملت الدكتورة هه في الحلم



​

انشالله غير نكون حي اختي باش نشوفك بعد العمر هدا

مشكووور اختي

 

[dana1993]

هههههه ينساونا كامل اه ههههه يعطيك الصحة

 

[بيكهام]

معليش ربي يجيب الخير برك
تحياتي ليك +احترامي لك
بيكــــــــــهام
تشاو تشاو​

 

[iméne09]

ههههههه بعد 10 سنين كلشي يتبدل لي تزوجت ولي ولدت ولي مات مالا خلي سؤال يطرح نفسو شوفي ربي واش راه كتبلنا ااد نكملو لهنا ولا نروح كامل منها يعطيك الصحة حنونة موضعك هايل ​

 

[Elif DZ]

هههههههه

راكي رقيتيلهم المستقبل

ربي يقدر الخير
​

 

[فراشة الايمان]

هههههههههههههه
روعة شكرااااااا

 

[مروة MARWA]

موضوع هايل يعطيك الصحة سيرتو هاديك لي تحب ليكيب وتولي في بلاصة سعدااان
***
فور مرسي عليك
​

 

[souhila_95]

مادامك مادرتينيش ماعليش ندير روحي انا منا 10 سنين نولي في صحافية في الجزيرة الله يبارك عندك يضربوني بعين هذوك اللي مايحبونيش شكرا

 

[Rosa2]

هههههههههـ
مــآرسي يسرى
يعطيك الصــحة
~ انـ شــآء الله تولي طبيبة فـ المستقبــل ( كيما راكِ حابة )
~ و بعد 10 سنين
معنتها غادي نولو فـ 2020
امممـ تلقي اعضاء جدد
وحــنآ نكونو فـ الارشيف
و بدل ما تلقي عاشقة متمور
غادي تلقي
عاشقة ولد souhaila​

 

[يسرى 2008]

والله معاكم حق ومنا ل 10 سنين نكونو كبرنا وتخرجنا
ان شاء الله نجيو كيما نحبو
سهيلة اني عملتك اكي انت تاع سعدان وليكيب