خاص بطلاب بكالوريا 2011 كل واحد يدخل يقولنا كيف يخطط للمراجعة

[مـــــلاك]

بسم الله الرحمن الرحيم

السلام عليكم و رحمة الله تعالى و بركاته

اخواني اخواتي -طلاب بكالوريا2011- ارتأيت تخصيص هذا الفضاء من اجل تبادل الافكار و الخبرات

فيما يخص المراجعة و برمجة الوقت للمذاكرة و حل التمارين و الترفيه

عن نفسي قررت الحفظ "للمواد الادبية" في الفجر قبل الفروض او الامتحانات فقط لاني لو حفظت قبل

بمدة طويلة انسى كل شيء

اما المواد العلمية فأفكر بأن ادعم نفسي بدروس خصوصية في الرياضيات و الفيزياء و الانجليزية

و خططت لمراجعة المواد العلمية نهاية كل اسبوع مع حل الواجبات اليومية و الفروض المنزلية

و تخصيص وقت للترفيه و التسلية كالنت و المطالعة او الذهاب لاحد الاقارب او مشاهدة التلفاز

-اليكم الخط-
ارجوا التفاعل
​

 

[منال براهمي]

وين الرابط المحمل

 

[الطالبة نهلة]

انا عن نفسي مانقدرش نركز في الليل لدلك رايحة نوض كل يوم على 4 نحفظ الدروس اللي درناهم في النهار ونراجع شوي المواد العلمية وبعد مانخرج العشية أكيد رايحة ندير دعم رياضيات وفيزياء و نهار الخميس ماكانش قراية بزاف نسلي روحي شوي ونهار الجمعة والسبت نراجع واش درنا في الاسبوع كامل نظن هدا مكان وان شاء الله ربي يوفقنا كااااااااااامل.

 

[مـــــلاك]

وين الرابط المحمل

اي رابط اختي؟؟​

انا عن نفسي مانقدرش نركز في الليل لدلك رايحة نوض كل يوم على 4 نحفظ الدروس اللي درناهم في النهار ونراجع شوي المواد العلمية وبعد مانخرج العشية أكيد رايحة ندير دعم رياضيات وفيزياء و نهار الخميس ماكانش قراية بزاف نسلي روحي شوي ونهار الجمعة والسبت نراجع واش درنا في الاسبوع كامل نظن هدا مكان وان شاء الله ربي يوفقنا كااااااااااامل.

اهلا بيك اختي و فعلا برنامجك عجبني بزاف خاصة الوقت على 4 صباحا ممتاز لكن اختي من 4 الى 6 صباحا ، ساعتين فقط و لا اظن انها تكفيك في الحفظ و المراجعة ، الا اذا خصصتي وقت الصباح لحفظ المواد الادبية فقط او مراجعة المواد العلمية فقط ، في هذي الحالة ممكن تكفيك ساعتين
اشكرك جزيل الشكر و بارك الله فيك و ثبت خطاك ، و أسال الله التوفيق لنا و لكم اللهم آميــــــــــــــن​

 

[Łøst Fłôwęr]

والله مازلت ماقررتش.............

 

[ايمان ع]

لم اقرر بعد
شكرا لك على الموضوع

 

[طيور السلام]

اللي مازال ما قررش لازم يزرب
باه ينظم وقتو من ضرك ماشي حتى يوصل الباك
انا راني نخمم نزيد شوية دروس خصوصية في الفيزياء والمات (رغم ان مستواي لابأس بهما) ورايح نخلي النت خلاص حتال مور الباك ان شاء الله
واما على النوظان بكري ما نقدرش ما نظنش قادر ننوض على الربعة وما نوليش للرقاد ههه
على كل رايح نجرب
شكرا لك أخيتي

 

[etoo14]

مازالني ما بديش نخمم خاطر ماراهيش مليحة من درك​

 

[katia48]

السلام عليكم

انا نقر المواد الاساسية ( علوم فيزياء رياضيات) في النهار باش نكون مركزة مليح والمواد نتاع لحفيضة نقراهم في الليل كي نسهر

 

[h.a.m.z.a.7]

انا راني خايف من هاد العام مام مستوايا جيد لاباس بيه
مي راني حاير كيفاش نسير وقتي
بالزيادة انا راني لاعب كرة قدم في فريق المدينة تاعي يعني لازم كل يوم les Exercices
مي انا راني معول هاد العام نحبس اللعب نلهى غي بقرايتي
وزيد راني حاب ندير دروس خصوصية فالمات فالفزياء
اما في ما يخص واقتاش نراجع المواد العلمية ولادبية مازال ماعرفتش

​

 

[dana1993]

بالفعل مخطط جيد
بالطبع لحفاضة مع الصباح بعد الفجر مبعد راهي لقراية فالليسي بعد ان شاء الله لواحد يرويح يريح شوي ساعة و مبعد يبدا يراجع لحوايج لي فاتو عليه فالنهار و يدرب عليهم فالتمارين مالازمش السهرة بيسك كي تنوض مع 4.30 ولا 5 امبوسيبل تريح لل12 ولا 1 ماكسيمو 11.30
بالاضافة الى الدعم الخصوصي في المواد العلمية بعطلة الثلاثاء مساءا و السبت اما الجمعة مراجعة عامة للاسبوع
و ربي يجيب الخير ان شاء الله

 

[zahira92]

مازال مش عارفة واش ندير

 

[الاء نور اليقين]

انا من رايي ان المواد التي تحتاج حفظ انسب وقت لها بعد صلاة الفجر حيث يمكننا الاستيقاظ 4صباحا "من الرابعة الى االسابعة " ثلاث ساعات تكفي
اما في المساء من الساعة السابعة الى العاشرة "3ساعات تكفي ايضا ولا يجب علينا السهر حتى وقت متاخر لان ذلك يرهقنا
بالاضافة لمراجعة شاملة في اخر ايام الاسبوع والدروس الخصوصية
واتمنى النجاح للجميع باذن الله تعالى

 

[مـــــلاك]

بالفعل مخطط جيد
بالطبع لحفاضة مع الصباح بعد الفجر مبعد راهي لقراية فالليسي بعد ان شاء الله لواحد يرويح يريح شوي ساعة و مبعد يبدا يراجع لحوايج لي فاتو عليه فالنهار و يدرب عليهم فالتمارين مالازمش السهرة بيسك كي تنوض مع 4.30 ولا 5 امبوسيبل تريح لل12 ولا 1 ماكسيمو 11.30
بالاضافة الى الدعم الخصوصي في المواد العلمية بعطلة الثلاثاء مساءا و السبت اما الجمعة مراجعة عامة للاسبوع
و ربي يجيب الخير ان شاء الله

ربي يجيب الخير نششااله اختي دانا و يوفقنا و يووفقكم أجمعين
مخططك بصراحة رائع لانه متوازن بين الراحة و المراجعة للمواد العلمية و الادبية
ربي يعاونك اختي​

انا من رايي ان المواد التي تحتاج حفظ انسب وقت لها بعد صلاة الفجر حيث يمكننا الاستيقاظ 4صباحا "من الرابعة الى االسابعة " ثلاث ساعات تكفي
اما في المساء من الساعة السابعة الى العاشرة "3ساعات تكفي ايضا ولا يجب علينا السهر حتى وقت متاخر لان ذلك يرهقنا
بالاضافة لمراجعة شاملة في اخر ايام الاسبوع والدروس الخصوصية
واتمنى النجاح للجميع باذن الله تعالى

يعطيك الصحة اختي على المشاركة الطيبة و المفيدة
عموما ، عندنا تقريبا برامج مشتركة ، بقي ان نسأل المولى عز و جل التوفيق و سداد الخطى
بارك الله فيك اختي و ربي ينجحك​

 

[مـــــلاك]

والله مازلت ماقررتش.............

هيا بلقيس حاولي تديري مخطط تمشي عليه قبل ما يفوتك الحال ، راكي علابالك التنظيم موضوع حساس خاصة في فترة الباك

اللي مازال ما قررش لازم يزرب
باه ينظم وقتو من ضرك ماشي حتى يوصل الباك
انا راني نخمم نزيد شوية دروس خصوصية في الفيزياء والمات (رغم ان مستواي لابأس بهما) ورايح نخلي النت خلاص حتال مور الباك ان شاء الله
واما على النوظان بكري ما نقدرش ما نظنش قادر ننوض على الربعة وما نوليش للرقاد ههه
على كل رايح نجرب
شكرا لك أخيتي

يعطيك الصحة خويا على المشاركة الطيبة كب واحد و طريقتو في المراجعة ، مع انصح الكل بمراجعة المواد الادبية بعد الفجر لانه انسب وقت يا اخي ، المخ في هذي الفترة يكون نشيط
عموما ربي يوفقنا و يسدد خطانا

مازالني ما بديش نخمم خاطر ماراهيش مليحة من درك​

راك غالط سامويل ايتو ، لازم تدير برنامج من ضرك تمشي عليه مع بداية العام sinon راح تتخلط عليك

السلام عليكم

انا نقر المواد الاساسية ( علوم فيزياء رياضيات) في النهار باش نكون مركزة مليح والمواد نتاع لحفيضة نقراهم في الليل كي نسهر

اختي ربي يوفقك ، كل واحد و كيفاه تريحه la révision بصح انا ننصحك تخلي الحفظ لبعد الفجر لانه انسب وقت

انا راني خايف من هاد العام مام مستوايا جيد لاباس بيه
مي راني حاير كيفاش نسير وقتي
بالزيادة انا راني لاعب كرة قدم في فريق المدينة تاعي يعني لازم كل يوم les Exercices
مي انا راني معول هاد العام نحبس اللعب نلهى غي بقرايتي
وزيد راني حاب ندير دروس خصوصية فالمات فالفزياء
اما في ما يخص واقتاش نراجع المواد العلمية ولادبية مازال ماعرفتش

​

خويا المراجعة ماراحش تمنعك من ممارسة هوايتك مع اني ننصحك تحبس le foot بصح مشي بصورة نهائية قصدي تخليه غير للـweek-end برك
باه تصيب روحك

 

[chiguevara]

السلام عليكم
ان الخطة تاعي كالاتي اقرا و سجل هام جداااا هههه
المهم انا ما نقدرش نقرا في المساء و لا في الصباح لذلك الدراسة تكون في نهاية الاسبوع (حل تمارين رياضيات و علوم و فيزياء فقط ) اما مواد الحفظ لن احفظ حاليا عندي برنامج الاسبوع الاول من عطلة 15 يوم نحفظ فيه دروس الموسم الاول و نحل تمارين مختلفة في المواد الاساسية
فرنسية عربية انجليزية مواد لا تحتاج المراجعة كل عام تقريبا نفس الدروس
الانطلاقة ستكون بعد الموسم الاول حينها سابدا ان شاء الله بمتابعة الدروس و حفظها في الصباح بعد ما نصلي الصبح و اراجع الموسم 1 و من جديد 2 في العطلة الثانية تاع 15 يوم و هكذا بالاضافة الى حضور الدعم في العلوم في دروس المناعة
هذا هو مخططي ان شاء الله راني ماشية عليه الموسم الاول راحة الثاني نص نص و الثالث اسبوع راحة و اخر للدراسة وهكذا
نقولكم بالتوفيــــــــــــــــق للجميع
​

 

[lynaa]

برامج هايلة درتوها بصح انا مزال مقررتش كل ما نجي عشية ملقراية نريح 30دقسقة و لا ساعة اومبعد نقرا حتى نعيا او نود على الفجر و نقرا حتى 7 و الجمعة و السبت كيف كيف

 

[nsser_ss]

انا هاذي الساعة راني توجور مع النت .. اللي راه بدا يزير في روحو من ضرك غير مكلاه

لازم حبة حبو ونجيبوووووووها في الشبكة

درب النجاح طويييييييييييل
​