ليجان نتاع الكارطي

[إحسَانْ]

:yahoo::yahoo::yahoo:اااااااااهلا :yahoo::yahoo::yahoo::yahoo:

باقي ساعة ونص على الأذااااااااان :busted_red::busted_red::busted_red:


نوورمال الصبر مليح :music_whistling::music_whistling::music_whistling:


أسيدي اليوم حبيت نحكيلكم على ليجان نتاع الكارطي :closedeyes:


تقول رايح نحكيلكم على :no_1::no_1:

ليسونسيال :sneaky2::sneaky2:

مـالا قالك كاينين ذراري في الكارطي يااااااااااااااو يا دلالك

لا عقبة طفلة هاه وعاكسوها لا ماقبلتش مسكينة :heh::ans_flw:

ياااا وحد التعليقات

هاذا يقوللها يليق يخوفو بيك ليشاشرا

آه قبيل كانت مليحة قبل ماتعاكسها وكي ماقبلتش :busted_red::busted_red:

ولات ديناصور يااااااااه يا فلان يااااه

يخي حالة يخي

مساكن لبنات عادو مايجيو للكارطي نتاعنا

يخافو من الشواطن

راني حاير كيفاه ماربطهمش ربي معا خاوتهم الشواطن

لا جا عجوزة يقوولوها بعدو بعدو راهي تعديكم بالكوليرا

ولا جا عجوز باقيلو لقمة ويطيح ميت :tears::tears:



لا تشراك الفم فيهم بروميار ولا حاجة الصح 000000000000


او عيب نقول عليهم ليجان :um_sh::um_sh:

ياو بصح واحد الطفلة بردتلي قلبي :yahoo::yahoo:

مالا جا واحد منهم عاكسها

يـــــــــــاه قماااااااااتو قمية هبط راسو مسكين ومشاء


قاتلو لاه اختك وسماتها ماديرلهاش هكذ

:yahoo::yahoo::yahoo:

ولا امها بهدلاتو قدام الكارطي هههههههههههه

مسكييييييييييييييييييييييين

هاذي حالة كارطينا ونتووووووووووما

وش رايكم في هاذ الحالة يااااااو كرهت من جد الحي هاذا

ليسونسيال حاب رايكم في هاذ الظاهرة :sneaky2:

وهاذي الظاهرة راهي بارتو

ميش في كارطينا برك


​

 

[** غزال الصحراء **]

هاذي هي حالة ليجان , التمنشير و التمسمير
ربي يلطفنا و خلاص

بقاو دقايق و يأذن ,, صحا فطوركم .

 

[mimi.dz]

ربيـ يهدينا
ميـ جيهتنا فيـ رمضانـ ينقصـ همهمـ شويـ
يعطيكـ الصحة و صحا فطوركـ
​

 

[سمكة البحر]

ليجان كيما هاك عقلية خاسرة

 

[يسرى 2008]

من غير الكارتي تيعك خويا
الكارتيات الكل
ياك انا ولاد كرتيا ويعملوها يخي يحشمو هادم
اني جارتهم ونعرف ماليهم وش كان قلت لبابا يفلقو هاو جارنا ويعرفو كيما يعرفني
مالا خلي غير ولاد لخرين ربي يهدي
والله الدكورة ولاو قاعدين على طول النهار لا خدمة ني والو غير يقرعجو ويتمسخرو ربي يهدي

 

[dana1993]

السلام عليكم
الحمد لله معندناش الظاهرة هاذي في كارتينا ياو اصلا فالصيف كي القطوط فالنهار ميبانوش و فالليل كامل برا قلبوها نهار ليل وليل نهار
ربي يصلح لحوال و يهدي هاذ ليجان ..
يعطيك الصحا
صحا صحوركم

 

[الجريئة]

السلام عليكم
هاو قالوا الشيطان مقفول عليه هام هوما نابوا عليه
ربي يهديهم ويصلحهم برك
حتى في رمضان ماسلمناش من لسانهم
شكرا على الموضوع

 

[nour mary]

كامل لي جون ولاو هاكا غير التمنشير
ويعسو لي جاي ولي رايح ماهمش مخليين حتا واحد
مي هاديك الطفلة يعطيها الصحة هادا واش يلزملهم

 

[DARINE05]

هذا راهي باتو خويا
حتى في المنتديات تلقاها

 

[papicha dz]

هادي حالة ليجان انا تاني وحد الكارطي خطرة كنت فايتة والله ليجان كامل ولاو يعاكسو فيا ومن هاداك النهار مازدتش مريت على هداك الكارطي هادوك ليجان شياطين

 

[إحسَانْ]

هادي حالة ليجان انا تاني وحد الكارطي خطرة كنت فايتة والله ليجان كامل ولاو يعاكسو فيا ومن هاداك النهار مازدتش مريت على هداك الكارطي هادوك ليجان شياطين

وبلاصتهم معا الشواطن ميش هنا

 

[papicha dz]

وبلاصتهم معا الشواطن ميش هنا

في رمضان ويعاكسو ربي يهديهم

 

[sirine-w]

rabi yahdihom hada hal les jeunes wkan khto ydirolha hakdak mayhabch

 

[إحسَانْ]

آميــــــــــــن

 

[IMANO77]

راهم بار تو هاكا عندهم واحد الالسنة ربي يهديهم ويهدينا

 

[إحسَانْ]

اييييييييييه عندك الحق ايمان

 

[yasmine2]

السلام وعليكم حنا تاني والله غير خاطيهم هذاشئ الحمدلله رانا في الرحمة ربي يهديهم هذا واش نقولو وصح فطوركم الليجان والليجانات.

 

[الرومنسي الجاد]

نموت على ليجانــ كيفهمـ . . مي ماشي لدرجــة أنو الواحد يوصل لعجايز و الشوابين . . في هدي منيش معاهم . . و الى عالبنات الشح فيهم . . بويسك نهاركامل و هوما طلعات و هبطات . . مالغري أنا كي نحط عيني على طفلة ومع سيدنا رمضان منوليش gــاع في عقليــ . . نولي نخايل و نجري كي المهبووول . .
الطفلــة اللي تشد قدرها و متخرش متعرية . . و الله الريح ميقيسهاش . . و الكاسيات العاريات . . يكون فيها حساب . .
ماغسيـ عالميضوووع
​

 

[dz_daida]

والله
عند الحق خويا قيصر ما كانش منها هادي نتاع لعجايز والشيوخة راك زدتها من عندكيا اخي ميهوب بصح نتاع لبنات معاك 100في 100 ..................................
الله غالب ليجان نتاوعنا وأنا منهم كي يشوف طفلة لابسة السيري و..................مانهدروش بالسيف عليه يدنق وانا نعطيك معلومة أحنا ليجان كي تفوت علينا طفلة تتكسل يعني تتكبر لازم تهبطلها المورال باه تحس باللي رانا اكل سواسية........................................وانا نقلكم كون تفوت وحدة بالحجاب مستورة ومحتشمة ومهبطة راسها كي تشوف جماعة انا نضمنلك واحد ماراح يهدر ماعها بالصح كون تفوت وحدة لابسة السيري حاشاكم ومش مستورة أكيد راح يهدر معاها لخاطر راه تلفت في الإنتباه يا ناس خافو ربي
وراكم اكل تضلمو فيناسيرتو لبنات قلتي علينا غير ربي يهدينا حنا ليجان ولاه ما قلتوش ربي يهدينا ويهدي لبنات اللي يلبسو لبسة ماتليقش .................المهم شفتو واش راني نهدر في منتدى واش راك تهدر أوكي .......صح فطوركم وصحوركم ورمضانكم

 

[sisou023]

مشي غير كارطيكم كامل دايرين هكا