اعلان الفائز بمسابقة المائدة الرمضانية الاسبوعية-- الاسبوع الاول--

[عفاف الجزائرية]

السلام عليكم ورحمة الله وتعالى وبركاته
الان وصلنا الى نهاية الاسبوع الاول من مسابقة المائدة الرمضانية الاسبوعية
وبهذا نشكر كل من شارك في المسابقة
وبعد رؤية ومتابعة كل المساهمات المطروحة تم اختيار
مائدة الاخت:

nada242008

جاري فريك

​

نقلي حبة بصل مفرومة + فصين ثوم مهروسين في شوية زيت مع كمية من اللحم
ثم نضيف راس الحانوت والفلفل احمر حار وشوية فلفل اكحل ونقليها على النار
ثم نضيف حبة طماطم متوسطة مفرومة وكمية من الحمص المنقوع
ومن بعد نمرق بكمية من الماء الدافىء
ونغلق طنجرة الضغط . حين يستوي اللحم نصف استواء نفتح الطنجرة من جديد نضيف كمية من الطاطم المصبرة وكمية من الفريك ونزيد شوية ماء دافىء
حين ينضج اللحم والفريك نطفي النار ونضيف فلفل اخضر حار ليعطي نكهة طيبة

طاجين الزيتون بالدجاج

​

بصل مقطع
2 حبات جزر
دجاجة كاملة او قطع دجاج
زيتون منزوع النوى
كاس ماء
الطريقة
يقطع البصل ويقلى مع الزيت وشوية زبدة
ثم نضيف الدجاجة مع الملح والفلفل الاكحل + شوية زعيترة وزعفران
ومن بعد نضيف الجزر ونقلي مليح ومن بعد نمرقو بكاس ماء واحد
ونغلقو طنجرة الضغط ونبدا نحسب ربع ساعة من بعد ما تصفر
ومن بعد نحط الدجاجة في مول وندهمها بالزبدة ونخليها تكمل طيابها في الفرن حتى تطيب وتتحمر
نغلي الزيتون مع نصف قارصة مرتين ونصفيه
ونضيف الزيتون الى الطنجرة ونتركه يغلي 10 دقائق
ثم يقدم.

البريك

المكونات
بطاطا
لحم مرحي
بيض
بصلة
معدنوس
فرماج
زيتون مقطع شرائح

ديول وزيت للقلي

الطريقة
اولا نقشر حبتين بطاطا ونقطعها دوائر ونغليها في ماء + ملح
وبعد ماتطيب نصفيها ونضيفلها ملعقة صغيرة هريسة ونمرسها بواسطة شوكة

ثم في مقلاة على النار + شوية زيت نحمر اللحم المرحي + ملح وفلفل اكحل وبعدما ينشف نضيفلو المعدنوس . بعدما يطيب نضيفلو شرائح الزيتون

نقطع حبة بصل تكون صغيرة الى مكعبات صغيرة الحجم ونحضر ايضا المعدنوس المقطعة

نحط ورقة الديول ونضع فوقها الفرماج

ثم البطاطا مع الهريسة ونبسطها ونترك حفرة في الوسط للبيضة

ثم اللحم المرحي ونرش عليها قطع من حبة البصل والبيضة والرشة معدنوس ايضا

نطويها على شكل ظرف
ونقليها في زيت متوسط الحرارة

سلطة

سلاطة خضراء + شرائح طماطم + زيتون اسود واخضر + شوية طون
لاصوص زيت زيتون + خل + موطارد + ملح
وللتزيين مايوناز

وفي الاخير نقول الف مبروك للاخت: nada242008

الجائزة:
وسام الفائز بمسابقة المائدة الرمضانية
+500 نقطة تميز شرفية

وحظ اوفر لبقية الاعضاء في الاسابيع القادمة

ملاحظة مائدة المسابقة الرمضانية تقتصر على الموائد الحصرية والخاصة فقط
ننتظر منكم الابداع
​

 

[ibtesem]

الف مبروك الفوز ام ندود
والله فرحتلك طاولة بسيطة وهايلة في نفس الوقت​

 

[زهرة الندى]

ألـــــــــــــــــــــــــــف ألــــــــــــــــــــــــــف مبروووك ام ندوش

والله فرحتلك من صمصومة قلبي هههههههه

والله تستاهلــــــــــــــــــــي

ربي يخليك لينا وللمة ​

 

[ندى الجزائرية]

الف الف مبروك ام ندى
مبدعة دوما.
تمنياتي لكي بالمزيد من التألق.
حفظك الله.​

 

[ميسون]

الف مبروك حبيبتي ام ندوش والله توقعتك انت الرابحة تستاهلي
ربي يحفظك وراني نستنى المزيد من الاطباق منك يا الغالية

 

[اردن حب جزائر]

ألــــــــــــــف
مبروك​

 

[عفاف الجزائرية]

الف مبروك لاختي العزيزة ام ندوش
تستاهلي كل خير
​

 

[M!ss D!or]

يعطيك الصحة أم ندوش
و الله سخفتني الله يبارك عليك راكي ديما مميزة
ألف مبروكككك​

 

[الجوهرة الضائعة]

الف مبروك ام ندى
ان شاء الله دوم

 

[صفوة الوفاء]

السلآمــ عليكم
الفـــ ألفـــ مبآرك ام ندوش
بصرآحــة رآئعــة المآيدة ....
و الوصفآت كذلك
مزيد من التفوق و التميز
سلاام

 

[الجمرة الخبيثة]

الف مبروووووووووووك تستاهلي
​

 

[semmouna]

الف الف الف مبرووووووووووووووووووووووك
يعطيك الصحة​

 

[روعة إنسآنه]

الف الف مبرووووووووووووك

​

 

[كوكب الشمس]

ألف مبروك
أم ندى

​

 

[ام منصف]

الف مبروك
الف مبروك

 

[madridista]

ألـــــــــــــــــــــــــــف ألــــــــــــــــــــــــــف مبروووك

 

[إحســاس بــراءة]

الف الف مبروك اختي
تستاهلي والله

 

[اميرة وهران]

الف مبروك للاخت ام ندى

تستحق الفوز ..... اطباق رائعة

بالتوفيق للجميع

 

[nawal1980]

بارك الله فيك يا ندى طابلة مقيومة
صح فطورك حبيبتي

 

[sajod2100]

ألف مبررررررروك
ام ندي
تستاهلي كل خير

​