قالي نتكيف عاونيني وش نعمل يا اعضاء

[يسرى 2008]

السلام عليكم وشراكم يا اعضاء اللمة
ايا ان شاء الله لاباس
انا والله عندي موضوع محيرني بزاااف
ومشكلي عائق
ايا كالعادة يسرى تحل الميكرو وتبربش
يطلعلي على خفلة ايميل تاع طفل يقرا معايا
من جماعة القارين المتكبرين
ايا صحا سافا
حتى قالي اني نتكيف
ام طاحو عليا خلطة اليامات هادي يا يسرى وفسدوني
قالي جربتها قداه من مرة
وقالي فقت بيهم حتى نهار الي قالولي ارواح اضرب زتلة معانا
حتى تحركت مشاعري وقالي اني مشني تاع هكا انا بصح الخلطة فسدتني
قالي استغفرت ربي ورحت نحيل الدخان
ورحت بدلت الصحبة مي هوما من وايا
وقالي ام تاع الكرتي الكل هادوم وهكا قالي حتى علاقات تاع تمسخير نحيتهم بصح قالي وش نعمل درك
قلتلو وش نقولك شوكيتيني الناس الكل تعمل هكا غير انت باسكو مبين متربي
قلتلو صلي واعبد ربي وركز في قرايتك
من الشيطان مخطانيش الحق
وليت انا خايفة على روحي قلت ادا كشما نهار غرو الشيطان وحاب يديني لجماعتهم ولا نولي كيفهم
ولا يجيبهالي ويكدب عليا ونروح في الهاوية
نويت نحكي الموضوع لاهلي باش ينحصوني قلت نجي هنا سح
انصحوني انا اني مشني موسوسة بصح الامور الي نسمعوهم تخليك تخاف بسيييف عليك وتشك في الناس الكل

 

[الرقيبة]

احذري ولكن لا تخافي

 

[sam11]

شوفي اختي انتي عليك تنصحيه انو يبعد اولا على الخلط هادو ثانيا يبطل الدخان بكل الانواع ثالثا يمارس الرياضة ويصلي ويقرا قران ويشوف صاحب واحد نظيف ويبقى معاه دايما مايسهرش بزاف يعني هدا وش نقدر ننصحك بيه اختي وانتي بهدا وش تقدري تعاونيه تنصحيه وتحاولي دايما تحكي معاه بلي هاد لحوايج ما يوصلو لحتى فايدة بالعكس ضررهم اكثر من نفعهم ربي يكون في عونكم

 

[يسرى 2008]

انا نصحتو بصح جوبونس با يعمل بيها النصيحة

 

[هدى42]

شوفي جربي اذا ما نعلش بليش اجبدي روحك منو

 

[βĨЬỔũ]

اختي انتي ماعليكي إلا بالبلاغ يعني انتي ديري واجبك وانصحيه b1
والباقي على ربي وعليه هو ونيتو فالأخير
وشكرا
​

 

[ايمان9]

شوفي جربي اذا ما نعلش بليش اجبدي روحك منو

 

[S_saly]

حذااااااااااااااااااااااااااااااااااااااااااااااارى

 

[little princess]

7anouna etni ma3like ghire tens7ihe w el ba9i 3la rabi w enti 3andake el 7a9e ki t5afi yake e9olake eli 5afe esleme w surtou fi hada el wa9te el lahe ya7fadna w yestorna

 

[Im here for ever]

شوفي يا ختي نتي ماعليك غير تقوليلي يصلي ويدكر ربي ويدعي قد مايقدر باش ربي يهديه وزيد يصارح واحد من المقربين ديالو خوه ولا وليد عمو المهم واحد يتيق فيه باش يعاونو بيان ونتي علاه تخافي تكلي على ربي وما تتوسوسي ما والو كوني فاتحة عينيك هادا ماكان وماتخليش الناس يجوزوها عليك حب يقول كوني دارقاز وقافزة ومايجوزهاش عليك ان شاء الله تكوني فهمتي وش حبيت نقولك

 

[tarek ess]

عادي مكاين والوا ماهيش حاجة اللي تخلع

 

[nasser17]

في رائيي

انك تحكي معاه مطولا وتعرفي منو وخلي يفضفضلك

اعرفي التفكير انتاعو وانصحي مررا و تكرارا و ماذابيك تقوليلي

شد فالصلاة لانها تنهى عن الفحشاء و المنكر

و شد بالصيام لانو يمنع الانسان من ارتكاب الفواحش


و ربي يكون فعنونو
والله في عون العبد مادام العبد في عون اخيه

 

[اسامة]

قصتك طويـــــــــــــــــــــــــــــــــــــــــــــــــلة منجمش نقراها الله غالب

 

["غزالة الجزائر"]

انتي انصحيه واذا ماعملش بنصيحتك اجبدي روحك منو بالشوي
وحذاري

 

[يسرى 2008]

والله عندكم الحق شكرا ليكم على الرد

 

[nasser1992]

موضوع هائل دئما التميز لكي

 

[أبو الوليد القصباوي]

وما على الرسول الا البلاغ ... والدفع اسهل من الرفع