واش راكم يا أهل اللمة الغاليين ان شاء الله راكم ملاح
صحا فطوركم وصحا رمضانكم
جبتلكم معايا تاي ومكسرات باش تجوزوا بيهم السهرة اتفضلو ..........
نولي لموضوعي
ياو كون نقولكم واش صرالي تموتو ضحك
شفتو الكاميرا المخفية واش داني الي يجيبوها في دزاير هكداك صراتلي انا بصح هادي وحدا أخرا هههههههههههه
مالا هاد لحكاية عندها يومين برك
كان النهار مليح قلت لختي والله اليوم نوجدو لفطور بكري ونخرجو ندورو شوية قدام لي bazar تاع القش عندي بزاف ماخرجتش مالا خرجنا وحنا موليين للدار لقينا وحد الراجل كبير شوية قالي أبنتي حاب نسقسيك
قتلو انعم
قالي تعرفي واحد اسمو رمضان هنا
قتلو اسمحلي أعمو والله مانعرفو وزاد هدر مع ختي قاتلو مانعرفوش
قالي كيفاش ماتعرفوهوش هادا
قتلو مانعرفوهش والله كون جينا نعرفوه نقولولك
قالي راهم قالو عليه يغلب الناس بكل
نضت نضحك انا وقلت لأختي هادا باين عليه غالبو رمضان وراهو يتمسخر بينا
وباش يروح علينا قتلو رانا جدد هنا مانعرفو حتى واحد
قالي هو تاني جا جديد
قتلو مرحبا بيه
قالي مازلتي ماعرفتيهش
قتلو لالا
قالي ياو رمضان هادا رانا فيه بعد هههههههههههه :yahoo:
دارها بيا والله نمشيو انا واختي ونضحكو على روحنا
شفتو كيفاش لعبوها بيا ههههههههه
:yaw::yaw::yaw::yaw::yaw:
هيا قولولي نتوما درك جامي صراتلكم هكدا ولا نتوما كشما درتو كاميرا مخفية لكاش واحد
ايا صحا سحوووووركم
تبقاو على خير
