نصيحة

[مروة 95]

السلام عليكم
مرحبا بكل أعضاء اللمة
أنا متحصلة على شهادة التعليم المتوسط هدا العام و أريد بعض النصائح عن السنة الأولى ثانوي خاصة فيما يخص التوجيه

 

[sbai021]

انا ثاني غير هذا العام راني رايح لليسي

 

[la_safa]

انا تاني والله كيفك
​

 

[رفيف_ العلمة]

حتى أنا كيفكم هادي أول مرة .......​

 

[سرور الجزائر]

moi aussi le meme

 

[mimi-ba]

أنا تاني لكان كاشم عرفتو ما تبخلوناش......

 

[FARDOUSS]

اييه بيدينا وطرفرت
ربي ينجحنا
​

 

[روح الوفاء]

ربي ينجحكم كااااااااااااااااااااامل
لعقوبة للباك
​

 

[miss.-.ikram]

انا تاني ربي ينجحنا كامل

 

[محـ أمين مد]

السلام عليكم و رحمة الله تعالى وبركاته

اولا السنة الاولى ثانوي هي ركيزة السنوات الثلاث

يجب عليك الجد و الكد فيها .. تلقى السنة الثانية تقريبا اعادة لدروس الاولى .. الثالثة مراجعة للكل مع
بعض التعمقات

اولا انت مقبلة على السنة الاولى ثانوي :

كأهم شيء يجب عليك ان ان تضعي منهجية للتحضير و الاستعداد المبكر

ثانيا يجب ان تكوني على علم بمعاملات المواد الاساسية لتكوني على حذر سواء ادبية كنت ام علمية

ثالثا يجب المثابرة و المراجعة بطبيعة الحال

لذلك انصحك بالاهتمام بالمراجعة و الاستيعاب و الانتباه للشرح و الدرس + اختيار الجو الملائم لذلك

نقطة مهمة : الصحبة يعني يجب عليك اختيار الاصدقاء لا مصادقة من هب و دب

و موفقين ان شاء الله .....
​

 

[احلامdz]

اخي شكرا لك هل يمكن ان تعلمني اي توجيه انت اخترت وارشدني اصلح بالك الله ارجوك وشكرا على النصيحة :sad::shay:

 

[محـ أمين مد]

اخي شكرا لك هل يمكن ان تعلمني اي توجيه انت اخترت وارشدني اصلح بالك الله ارجوك وشكرا على النصيحة :sad::shay:

السلام عليكم و رحمة الله تعالى وبركاته

انظري الى المواد المتفوقة فيهم و اختاري شعبتك ...

انا يعني غروني اختار علمي ... اختار علمي مع العلم اني كنت متفوق في

المواد الادبية و اللغات خاصة الانجليزية و الفرنسية

لقيت صعوبة كبيرة بالتعامل مع المواد العلمية كالرياضيات ذات المعامل 5 و الفيزياء ذات المعامل4

لكن انا كيما يقولو حطيت راسي و اقريت و طلعت للسنة الثانية

و اخترت شعبة تقني رياضي فرع هندسة كهربائية

في صيف السنة الاولى اقريت حتى انتفخت ههه .. رياضيات و فيزياء

و الحمد لله ف السنة الثانية مالقيت حتى صعوبة خاصة الهندسة الكهربائية

​

انت اذا راكي عارفة روحك تعرفي للمواد الادبية و عندك خاصية نتاع انسانة حرة

ماتحبش تقرى بزاف اختاري شعبة ادبية

لكن اذا كنت ممن يحبون التحديات في الدراسة اختاري العلمية و مافيها حتى شيئ صعيب

غير شوي قراية برك ....

بالتوفيق ان شاء الله ....
​

 

[محـ أمين مد]

+ ملاحظة مهمة : كي توصلي للباك و تربحيه ان شاء الله قائمة الاختايارات تكون احسن بالنسبة

للعلميين على الادبيين .. + يقبلوك في اي حاجة تريدينها على عكس الادبيين
​

 

[الجندية]

يعطيك الصحه يآمحمد أمين
​

 

[sami19280]

السلام عليكم

اخوك سامي مجتاز باكالوريا 2011
اولا ابارك لك نجاحك واقول

المرحلة الثانوية مرحلة رائعة من الناحية الاجتماعيو والله في رايي اجمل مرحلة للدراسة لحد ماوصلت له في مشواري.

من الناحية التعلمية اقول وانو السنة الاولى اسهل سنة في الثانوي شرط انك تكملي بنفس الوتيرة تاع الدراسة راح تتبدل شوية منهجية خاصة في العلوم لانها ستصبح عماد الدراسة بدل الحفظ. اما باقي المواد فنفس الشي تتبدل بعض الشي لكن يمكتك مسايرتها بسهولة والشرط دائما تبقاي بنفس وتيرة العمل.

سلام --اي استفسار انا في الخدمة--​

 

[makour]

مبروك عليكم خاوتي
بما اني متمدرسة فالثانوية و مقبلة على شهادة البكالوريا برايي اختي السنة اولى صح اجيك صعيبة لانوا البروغرام متبدل كامل قراية واحدوخرا.. تكوني طلعتي لليسي تشوفي روحك كبرتي..اساتذة جدد..الخ
مي حطي راسك اعرفي شكون تخالطي ربي يسهلك ان شاء الله
اما السنة الثانية تعاودوا برك وش قريتوا العام الاول او تزيدوا تتعمقوا شوية ويكون الفصل الثالث دروس السنة الثالثة.....ههه رح نكتب جورنان
اما ختي بالنسبة للتوجيه اذا شفتي روحك تقراي مليح رياضيات فقط لانوا المواد الاخرى كاللفيزياء متجددة و غير مترابطة يعني قادرة تدي هدا العام او العام اللي موراه ماتفهمي فيها و الوا..روحي علمي و هو الاحسن في كل الحالات مام شفتي روحك ضعيفة حاولي زيري روحك شوية

 

[مروة 95]

شكرا لكل من مر من هنا


و الشكر على النصائــــــــح

بالتوفيق للجميع ​

 

[الجندية]

بآرك الله فيكم
:shay:
​

 

[zaho1994]

انا نقرى في الثانوية
اول حاجة خيري شعبتك حسب قدراتك
حافظي على اخلاقك وعل مستواك
اختاري لاصدقاء يكونو ملاح تاع قراية باش تستفيدي منهم
واهم حاجة احتارمي كامل لاساتذة
تقبلي مروري
تحياتي

 

[El Mystro Chafiai]

آآنا ايــــضاَ مـــثلـــ ك،مـــ