جارتنا مهبلتنا ..كون حيتو نتوما وش ديرو باه ......... ؟؟؟

[hadjer92]

مساء الخيرات عليكم كامل يالحباب
واش راكم شويا ؟؟ :yahoo:
مع السخانة هادي لي حكمتنا في رمضان ؟؟
نشالله تكونو على خير وعافية...:yahoo:
ليوم حبيت نحكيلكم على وحد الطفلة واللي تكون "جارت جدتي "
ونتوما قولولي وش رايكم فيها وفالناس اللي كيفها !!
اهاه نبدى نحكيلكم ..
مي باش نبدى وباش نخلص..:heh::du_nno:
المهم
.
.
هادي جارتنا ..يعني هي ومها وخواتاتها ..نعيطولهم "بارابول"
يعني والو لا يفوت عليهم ..واالووو..
وهوما مساكن عايشين فالضيق ..يعني 8 أفراد الله يبارك ويسكنو في 2 بيوت ..
مالا تالمو هي تقيل تشكينا وتبكينا .:tears::heh:.عادت بنت خالتي -في دار جدي- تعيطلها تبات معانا . حنا نقولو ماعليش ..مبيتة تع الليل وتعدي..
المهم قعدت معانا هكا يامات تجي غير فالليل ترقد والصباح تروح تقرا...
وبالشوية ولات مع تخرج من الليسي فلعشية تبدل قشها وتجي تطبطب ولا تعيط من الطاقة حلولي الباب اني جاية...؟؟
اسيدي قلنا ماعليش.. جارتنا الباب للباب وراهي تبات عندنا وماكلة ملحنا ..
وعلاش في رايكم عادت تجي مع لعشية و قبل ال6 بالظبط ؟؟:um_sh:
باه تحكي مع .... فالتيليفون ..مدايرين نجمة نجوم...
سما دارنا ولات تاكسيفون ؟؟
اسيدي وقلنا نفوتوها ...
وبعد مرور الايام ..ولات منها منا .. كلي فرد من العائلة ..
نحكيو قدامها اسرارنا...مافيها والو ..
وحد النهار جات لالا طبطبت على الباب ..حليتلها قاتلي او شرالي .... puce جازي...قلتلها كلشي مبروك ..
تجيني فلعشية بنت خالتي قاتلي مونية -جارتنا- او قالها محمد -خزها لكبير- منين جاتك جازي ؟؟ قاااتلو اي مدتهالي هاجر ... سما كون يعيطلها فيها طفل,ويهز خوها ..اااا انا ماعلابالي بوالوو:surrender: .. اي تع هاجر !!!!! :scared:
قلت انا لبنت خالتي قلها تسحب كلامها ولا نروح نقول لمحمد قول لمونية تردلي جازي تاعي :wink::yahoo:
............
.....
ومبعد بدينا كل خطرة نكتشفو بلي الطفلة راهي تبروفيتي علينا وتكذب علينا ..وحنا ماشيين معاها بالنية ..
الكذبة الاولى ..تقرا 3 ثانوي اقتصاد وتقولنا سيونس..
الكذبة الثانية .. تقولنا كل ماتشوف الديسير عندنا --ايييي حنا الديسير مايدخلش للدار بالتلات شهور ... -- راهي تعاين فينا ااوو ؟؟
وحد النهار بنت خالتي قاعدة الدير فالنعمة سع شافت اللحم اللي فيها دارتلها هكا -ااهههه:scared::scared:هههه ؟؟؟ هاد اللحم لي راكي تحطي فيه حنا ناكلوه في شهر :scared::scared:
كي تحكي مع صحاباتها ولا ... فالبورتابل تقلهم اني في دارنا -وهي اي عندنا- وتقلهم ام جاونا بنات خالاتي -علينا حنا جنا عندها في دارنا-:scared: :surrender::scared:!!! وتقولهم حنا عندنا زوج ديار ..؟؟؟
ووحد النهار رحت انا عند جداتي نبات ..فالليل جيت نفرش بلاستي نلقا الطفلة حكمتهاا ..قلتلها نوديلي نفرش نتي هاو المطرح تاعك فاللرض.. قاتلي مانوضش ..انا هي الللي وليت مولات الدر ..باقية وراها قالتلي والله مانضنها..وكون نوض اني نروح نروح.. قلتلها الطريق اي قدامك .. هكاك وماناضتليش ودارت رايها ...
كيما يقولو ناس بكري "الداب دابي وركوبي مللورة"ههههههه
سما في داري وحشمتني :blushing:وهي ماحشمتش..
ودموعها ؟؟؟ مانقلكمش .. احكي معاها زوج كلمات تلقاهم كراكب كراكب:tears::tears: ....وانا دي فوا يصراولي حوايج يبكيو صح والله نعيا نهبط دمعة ماتهبط ..هههه
قالتنا انا نقرا 2 يام اني مات تيكنيك بالمراسلة و 3يام اني سيونس !!:scared::scared::scared::scared:
خلاتنا بلا راااس ....هههه
وضركا ياجماعة حنا حبينا نجبدو عليها وماقدرناش ..هي حاصلة فينا .. قالونا بنات خالاتي لكبار اي قادرة يصرالها اي مشكل تحصلها فيكم نورماال ونتوما لي تباصيو ...كيفاه نديرووو :heh::heh:
قالونا صارحوها قولولها نتي كدابة وحنا منتفاهموش مع الكدابيين ...
مي مقدرناش حشمنا لا نهدرولها هكا ...:du_nno:
نضيفلكم ... وحد النهار بنت خالتي وانا قاعدين فالكوزينة نخدمو ..وحاطين القران أ فون فبورتابل بنت خالتي
مالا جات ختها تعيطنا من الطاقة قالت "ايي هدا اللي يرتل روووعة"
والله طفا تيليفون سوربلاس !!هههه
وهو جديد جامي طفالها ...ههه
المهم طولت عليكم اسمحولي


وقولولي رايكم كون جيتو نتوما وش دديرو ؟؟
صح بعد الفطوووورر...
سلاااام​

 

[المتفائلة_91]

والله ماعاد اكثر من هكا ، قالك دخلوني ودخلو عكازي ،
ولا جاي التالي ويقول يا مالي
وش نقولك ، كبرو قلبكم معاها الحية هاذي ، مهما كان راهي جارة ، والجار وصانا عليه رسول الله صلى الله عليه وسلم ،،
قصتك كيما قصتنا مع جارتنا طول ، بصح ملي درتلها وحد الحاجة ماجاتناش ههههههه​

تحبي نقولك وشي هي ؟؟؟​

 

[سميحة1]

السلام عليكم
نقلك الصح .
والله راسي تبلوكا وما عندي ما نقول.
ربي يهدي ما خلق وربي يصبركم .​

 

[hadjer92]

ههههه قولي قولي ...

 

[** غزال الصحراء **]

ياخي مونية ياخي :surrender:
نقولك حاجة هاذي اللي ما حبتش تنوضلك من الفراش , و قعدت لاصقة بالسيف
حتى إذا حكيتولها ديراكت باللي راكي كذابة , و ثقيلة , و تجيبينا في المشاكل ماهيش رايحة تتبدل , راح تبقى لاقصة فيكم إلى يوم الدين !!

بإسثناء أنكم تروحو تشكيو ل: ( محمد ) قولولو هاهي أختك واش راهي تدير ,, هو الوحيد اللي يقدر يشدها عليكم ( سي نو تاكلكم )

واش رايح نقول الناس هاذو من اللول ما نخالطهم ما نريسكي ,و الغلطة تاع بنت خالتك كي عيطتلها تبات من اللول ,, يعني مادام عيطتلها نورمالمو تكون صاحبتها و كي تكون صاحبتها نورمالمو تكون عارفة صماطتها

و إذا كانت عيطتلها بلا ما تكون صاحبتها مليح , هاذي غلطة ثاني , يعني كي تكون جارتها ماشي شرط راهي تعرف عقليتها ,, و ضرك ( دارتها بيديها فكوها بسنيكم :no_1: )

قلت انا لبنت خالتي قلها تسحب كلامها ولا نروح نقول لمحمد قول لمونية تردلي جازي تاعي :wink::yahoo:

​

ههه , هاذي عجبتني بزاف .

 

[hadjer92]

السلام عليكم

نقلك الصح .
والله راسي تبلوكا وما عندي ما نقول.

ربي يهدي ما خلق وربي يصبركم .​

امين ختي ربا يعطينا الصبر !!!

 

[hadjer92]

ياخي مونية ياخي :surrender:
نقولك حاجة هاذي اللي ما حبتش تنوضلك من الفراش , و قعدت لاصقة بالسيف
حتى إذا حكيتولها ديراكت باللي راكي كذابة , و ثقيلة , و تجيبينا في المشاكل ماهيش رايحة تتبدل , راح تبقى لاقصة فيكم إلى يوم الدين !!

كاينة منها والله انا الف خطرة نمعنيلها به تروح تروح راهي غير مرحب بيها هنا مي هي .. الله غالب .. ماتحشم ماتجعر...

بإسثناء أنكم تروحو تشكيو ل: ( محمد ) قولولو هاهي أختك واش راهي تدير ,, هو الوحيد اللي يقدر يشدها عليكم ( سي نو تاكلكم )

يكون يقتلها ميش نولي انا هي جرتها ؟؟؟

واش رايح نقول الناس هاذو من اللول ما نخالطهم ما نريسكي ,و الغلطة تاع بنت خالتك كي عيطتلها تبات من اللول ,, يعني مادام عيطتلها نورمالمو تكون صاحبتها و كي تكون صاحبتها نورمالمو تكون عارفة صماطتها

حنا كامل قلنالها نتي اللي جبتيها رديها دركا دبري راسك .. قالتنا الله غالب انا وحدي فالدار قلقت ..قلنالها وعلاه يعني هدي عبد ينحيو بيه القلقة ؟؟ حنا كامل عدات علينا وبقينا وجدنا مع جدي وجدتي ..وانا عام قعدت وحدي -قريت في اليسي جوايه جداتي ودارنا بعيدة- نموت ومانعيطلهاش وهي تعيا تقولي نجي نقعد معاك نقلها لالا اني نشتي نقعد وحدي...


و إذا كانت عيطتلها بلا ما تكون صاحبتها مليح , هاذي غلطة ثاني , يعني كي تكون جارتها ماشي شرط راهي تعرف عقليتها ,, و ضرك ( دارتها بيديها فكوها بسنيكم :no_1: )




ههه , هاذي عجبتني بزاف .

ندمت اللي مادرتهاش ..حتى انا جازي تاعي عضتها ختي الصغيرة سع قفلوهالي ..ههه

مشكور على المرور اخي

 

[ميديآ]

هههههههههههه
والله غير تضحك
كيما يقلك هم يضحك وهم يبكي
نقلكااا ايلا عادت هيا وجها صحيح انتي صحيه دوبل نتاعهاا
واخرجيلها من القلتة وقوليلها نورمااال
حنا نجيو لدار جدة نتلمو في بعضانا وحابين نقعدوآآ وحدنآآ
خليك من جدها تروووح تشوف دار خلاف
​

 

[hadjer92]

هههههههههههه

والله غير تضحك
كيما يقلك هم يضحك وهم يبكي
نقلكااا ايلا عادت هيا وجها صحيح انتي صحيه دوبل نتاعهاا
واخرجيلها من القلتة وقوليلها نورمااال
حنا نجيو لدار جدة نتلمو في بعضانا وحابين نقعدوآآ وحدنآآ
خليك من جدها تروووح تشوف دار خلاف​

هههههه والله كون ماتقولهاش المصيبة تع بنت خالتي نقولها انا .. يعطيك الصحة ختي ...

 

[Rochdi.dz]

سبحان الله خطك كيما خطي

ندري روحي انا اللي كتبت الموضوع

يا سبحان الله
​

 

[إحسَانْ]

قريني وانا سيدك

تكفي ولا لالا

 

[hadjer92]

ههههه وتكتب بستيلو حمر تاني ؟؟؟

 

[hadjer92]

قريني وانا سيدك

تكفي ولا لالا

اواه معاها هي ؟؟ ماظنيتش خلااااص ...

 

[nour mary]

هههههههههههههههههههههههه
حكايتك تقتل بالضحك او مام تون تقلق
لصقا هاد الطفلة تخافي كاشما تباصيكم ف حاجة
مادام كدبت في لابيس قادرة تكدب في حوايج وعر
ربي يصبركم ويهنيكم منها

 

[hadjer92]

هههههههههههههههههههههههه
حكايتك تقتل بالضحك او مام تون تقلق
لصقا هاد الطفلة تخافي كاشما تباصيكم ف حاجة
مادام كدبت في لابيس قادرة تكدب في حوايج وعر
ربي يصبركم ويهنيكم منها

شتي كيفاه حصلنا فيها ...ههههه ربي يهنينا منها ...

 

[hadjer92]

والله ماعاد اكثر من هكا ، قالك دخلوني ودخلو عكازي ،

ولا جاي التالي ويقول يا مالي
وش نقولك ، كبرو قلبكم معاها الحية هاذي ، مهما كان راهي جارة ، والجار وصانا عليه رسول الله صلى الله عليه وسلم ،،
قصتك كيما قصتنا مع جارتنا طول ، بصح ملي درتلها وحد الحاجة ماجاتناش ههههههه​

تحبي نقولك وشي هي ؟؟؟​

يا ختي المتفائلة راني بديت بيك نتي فالردود شوفي الصفحو الاولى قتلك "هههههه قولي قولي ..." وشنو مادرت الاقتباس !!! ^^

 

[ismail]

ههههههههههههه شغل سيتكومhahaha

 

[fleur d'hiver]

هههههههههههههههههههه
بزاف ضحك القصة ديالك
هاديك الطفلة كيما يقولو جا كاري ولا مول الدار
اهدريلها ديركت في وجها
و روحي عند يماها قوليلها هاكي بنتك تهاردي بيها
parceque راني نشوف بلي صبرتو بزاف
و الناس تاع دوك ما تفهمش
ليكيدي جدها و تهناي هههه

 

[hadjer92]

ههههههههههههه شغل سيتكومhahaha

واك تضحكا ؟؟ هههه
مشكور على المرور..

 

[hadjer92]

هههههههههههههههههههه
بزاف ضحك القصة ديالك
هاديك الطفلة كيما يقولو جا كاري ولا مول الدار
اهدريلها ديركت في وجها
و روحي عند يماها قوليلها هاكي بنتك تهاردي بيها
parceque راني نشوف بلي صبرتو بزاف
و الناس تاع دوك ما تفهمش
ليكيدي جدها و تهناي هههه

عندك الحق.. اي قريبة ساعة الخير تعها !!!