السلام عليكم
بغيت نحكيلكم هاد لحكاية واعطوني رايكم
عندي اختي الي كبيرة عليا متفهامين انا وياها بزاف
موالف ندابزو وقاع مي تم تم نولو نحكو مع بعض نورمال تكلي ماصرا والو
بصح هاد الصيف جبدتلي عفسة جديدة غير ندابزو تقولي راني معادياتك
وماتزيديش تحكي معايا
في المرة الاولى عاداتني وحد10ايام
كي جات هدرت معايا قلت معليش هادي اختي وقاع
ومن بعد فات وحد الشهر ودابزنا والله العضيم الا على امر تافه
قاتلي والله مانزيد نهدر معاك وقعدت تقول في وحد الهدرة ضرتني بزاف
هادي اختي دايرتها هي كلش نحكيلها وتحكيلي نجمعو مع بعض بالسوايع
والله ماكنت نقارع تقولي هدرة كيما هاكاك
في المرة الاولى كنت انا نحكي معاها وهي ماتبغيش تدر عليا
بصح هاد المرة جرحتني تاع بصح
رانا قريب لشهر ماحكيناش مع بعض
هي في رمضان ماراهاش هنا في لدار
عندها وحد 3ايام ملي جات هي وخالتي سهرو عندنا
هي ولات تحكي معايا نورمال تكلي ماكان والو وباغية تصالحني
مي انا مانجمتش نهدر معاها غير نجي نهدر معاها نتفكر الهدرة الي قالتهالي نحبس
ضرتني بزاف هاديك الهدرة الي قالتها
ودرك قولولي واش ندير انصحوني
كيفاه نرجع نحكي معاها كيما الاول
والله راني حايرة
