جرييت وعييت و لحقت لي بغيت بصح.....

[وطني]

:scared::scared::bored:_o:سلام عليكو... صح رمضانكو...واش راكو......م:fish:
نشاء الله لاباس ماش كيفي...راني في حالة...حابين تعرفو وعلاش دوك نقلكم....:heh:
البارح حكمت الترانسبور و مشيت لوحد لافيل بعيدة على لافيل ديالي ..رحت نخدم شهادم ميلاد 12 يعني اصلية باش نديرها ف دوسي قالك راهي كاينة خدمة و ماعلاباليش...نشاء الله ماش كيما الخطرة التالية...ما عليناش قتلك حكمت الترانسبور تحبو الصح طريق طويلة و الماشينة عالية ههه و الله غير حرت كيفاش يما وصلت حتى لهنا وولدتني...:heh:.
المهم وصلت للبلدية دخلت تقول راك داخل لمارشي مع كامل احترامي للادارة الجزائرية و للشعب الجزائري المغلوب على امره...قتلكم الحاجة قاع مخلطة لاشان التطباع المدابزة...تقول ماناش صايمين و زيدلها العرف و بن عميست..و الله غير شافت عيني...راكم تعرفو ما وراء الستار....:music_whistling:
جاب ربي توري و خدمت كواعطي نورمال....و الحمد لله خلاص الدوسي راهو واجد ليوم ندفعو و على ربي....
دوركا ندخلو فالمفيد ...كي وليت راجع للدار روحت للاجونس نستنا ترانسبور..شعب كبير و تدواس اكبر راكم تعرفو:thumb_up1:
المهم قاعد نقرا ف جورنال ونستنى..فالحقيقة ماشي نقرا غي نقصر الوقت برك علاخاطرش مابقاتش مصداقية:tongue_3:
قاعد نستنى...حتى نسمع وحد البنت ...جان في عمرها وحد 21....23 هاكداك نسمعها تندب وتعيط....و الله عير حرت واش صرى حتى نشوف واحد الجان مسكيفي يجري....لحد الان ماني فاهم والو....حتى قاتلي ديك البنت ..خويا ربي يسجيك الحقو الحقو راهو دالي البورتابل ديالي الله يسجيك الحقو_o: يا لطيف انا كنت عيان تعبان مانش قادر حتى نمشى و زادتني هي.....
بصح قلت لازم نديرو الخير رانا في رمضان و زيد هادي كون جات ختي نسمح فيها
و نقلع كيما الاير باص هاذي رجلة ولا بطلنا:showoff:
نجري مورا هاداك الجان لي سكيفا من قبيل ...يا ربي وحد 60.70 متر حكمتو و عطيتو بكروش جبتو لرض...قتلو يا سراق ما تحشمش تسرق في رمضان..ليوم تخلصها غالي :thumb_up1: حسيت روحي كيما سوبر مان والناس قاع تتفرج عليا...قتلو اطلق البورطابل يا المنغولي يا السراق.....:shiny:
تعرفو واش صرا ..حتى نلقى مولات البورطابل تقول سارق ووخداخور...حكموه..
ما فهمت والو واش راهي تقول هادي ....من بعد ما حسيش بروحي حتى عطاني داك الجان لي كنت حاكمو بدبزة دوخني:tears:و قالي يا الكافي يا المبلوكي يا لي ف راسك القرافي ...قالي انا تاني كيما نتا كنت نجري مورا السراق ....و نتا حسبتني هو و طيحتني...يالهوي:scared::scared::scared:
يعني ماهوش هو لي سرق البورطابل:scared::scared::scared: السراق داه و راح بصحتو:scared::scared::scared:
طحت في وحد السيتيواسيون...ما نحكيش:surrender::surrender:حتى نصيب زوج ليجان جايين ليا تبان تعرفهم البنت هاديك...عمبالهم انا تاني سارق....تعرفو واش ندير و نقلع ...ايه هربت:surrender::surrender: ياك الهربة للرجال منعة.....دخلت لسونطر فيل...و انا نجري و نجري
قعدت وحد الساعتين كي حسيت بلي الجماعة راحو وليت لاجونس و خذيت ترانسبور و جيت لدارنا ...
الحاجة لي راها محيرتني ...كارثة....نهار لي جريت مورا داك لي كنت حاسبو سارق خلي الدوسي ديالي عند ذيك الشيرة:scared::bored:


و اليوم راني حاير....الدوسي فيه الفوتو فيه النكوة و فيه حتى الريسيدونس....يا لطيف زعما تجيبلي لابوليس و تجي...........................................................


....حقا تشفاو الدبزة لي عطاهالي داك جان راها توجع فيا
بلا ما تستشفاو هاذي راها قصة واقعية للاسف


صح فطوركم​

 

[هــــيلدا]

:surrender::surrender:

ربي يكون في عونك:surrender::surrender:


وقيلة للي دعاك مات:surrender:
​

 

[the crazy asma]

آو هذا راك عشت كوشمار فالنهار
والله غاضني الدوسي تاعك​

 

[said prince of p]

:surrender::surrender:

ربي يكون في عونك:surrender::surrender:


وقيلة للي دعاك مات:surrender:
​

بالاك هاديك هيا

 

[nour mary]

نقرا ونضحك
هادي هي الدنيا تدير الخير يدور عليك
ربي يجيبلك الشفا

 

[يسرى 2008]

والله كوشمار يا اختي ربي يكون في عونك

 

[NICHA03]

هههههههههههههه والله فهمت ومفهمتش مليح كي وصلت عند حكاية السرارقة حبست كي نفطر نكملها اوكي .............. سلام

 

[المتفائلة_91]

هيهي ، مسكين خويا ، خير تعمل شرا تجد
هههههه ياخي حالة ياخي
عيش تشوف

ايا مليح ربي نجاكم منهم

 

[fittaa]

hhhhhhhhhhhhhhhhhhhh mdRRR والله غير غيضتني يا خو MAIS عسى ان تكرهو شيئا و هو خير لكم وين تدري بالاك كي تديرش الدوسي هاداك خير ليك

 

[mimi.dz]

نقولكـ الحقـ غاضنيـ الدوسيـ ههههه
ربيــ يهديـ ما خلقـ
الليـ يدير الخير يباصيـ فيـ بلادنا

​

 

[maria13]

ههههههههههههههه سمحلي والله ماقدرت نحكم روحي.... سوبر مان ههههههه
ان شاء الله تلقا الدوسي برك
سلام

 

[jaklove]

هههههههههه...تبالي كون زيدت شويا كنت تلgى ريتك مشوية
كاين كاشي ناس جن الا في رمضان.!!!!
وصح فطوركم.
​

 

[حلمي النسيان]

سبحان الله في هاذ العباد

ربي يكون معاك خويا

هذاك الهم تاع الكواعط وحده غير باش تخرجهم حتى عمرك تخرج معاهم

و فالتالية راحوا هاك ، هذا اللي يدير الخير ، تطفر غير فيه هو

صحا فطورك خويا و ربي يعوضك فالدوسي

​

 

[ماكانش]

هههههههههههههههههههههههههههه

 

[Soumia_Sétifienne]

عاضني الدوسي لي راحلك:tears::tears::tears:

 

[khalil hip hop]

بسمـ الله الرحمنـ الرحيمـ

السلامـ عليكمـ

ربي يكون في عونك خويا بلاك للي دعاك مات نقولك الحق غاضني

الدوسي نتاعك ربي يهدي ما خلق خويا اللي يدير الخير يباصينا في

الوطن نتاعنا للجري ربي يخليها امين واتتا على هاذيك الدبزة

ربي يفيك عليها ان شاء الله وثاني حاجة السراقة كاينة في كل وقت

رد بالك المهم قالك خطرا هاذي قصة حقيقة صرات لخويا صغير عمروا

18 قالك راح الى الوادي سونطر فيل وهز طاكسيور وراح الى

الدائرة المهم باش يخرج وراقي المهم هذاك الدز والغاشي راك

عارفه مايصبر تقول بحال واشي هو اللي لاحقهم هكذاك يثوروا في

النش على ورقة المهم حتى خويا حتى انا نبدا ندز قاله واحد

مايعرفهاش قاهل رد بالك تطيح معا ناس معيبين يظربوك يقتلوك

هنا قال خلاص راح نستنا ومن دزش المهم هو واقف حتى المقاعد راهي

كوملي الكل قاعدين فها هو واقف جاء السراق وجاب الموس منجيلاط

وحل جيب خويا شويا المهم تحل الجيب وخرج البورطابل وشده وهرب

جامي كان واحد يوشوف فيه عندما هرب السراق جاء هذا اللي شاف

السراق يسرق قال الى خويا شوف جيبك راهي حاجة سرقتلك قاله بلاك

راح نشوف بدا يشوف لقا البورطابل باي باي راح سرق قاله

هاوينه اللي سرقلك راهوا يمشي بشويا راح لحقه خويا راح راح

لحقه خويا شافه السراق هرب يجري راح لحقه ماقدش يلحقه هرب طار

المهم قال خويا خلاص راح نرجع الى الدرائرة رجع خويا قاله اللي

شبحه سرق قاله هل حكمته ؟ قاله لا ماقديتش نلحقه هرب غبر عليا

قاله هاوينه صاحب السراق اللي سرقلك البورطابل راحله خويا

قاله الان تروح تناديلي هذاك وتجي قله مانعرفهاش اذا انت

ماتعرفاهش نروح نقود بيك الشرطة نتاع الدائرة قاله لا لا لا خلاص

نروح ناديه المهم راح جابه وجا الحمد لله كي رجع البورطابل الى

مولاه وراح خويا شد السراق اداه الى الشرطي هذا راهوا سرقلي

البورطابل قاله الشرطي تسامحه والا ندوه الى المحكمة قاله خويا

انا نسامحه المهم رجع البورطابل المهم خويا لعزيز الفاضل ربي

يهدي كل سراق المهم عطيتك نتيجة قتلك ان السراق موضوع في وقت

رمضان والا في لفطار اي خويا باي وصح فطورك وصحورك والسلام

عليكم سلامــــــــــــــــــــــــــ


​

 

[ديهيا القالمية]

هههههههههههههههههههههههه المهم النية نيتك كانت مليحة ربي يكتبهالك في حسناتك ااو علابالك رانا في رمضان الحسنة بعشرة من امثالها:yahoo:
نصبر فيك هيههيهيهيهي:music_whistling:
mais حكاية الدوسي هي لي تغيض:tears: تخيلت شحال من نهار وانت تجري البلدية لابوست الدايرة المحكمة (الجنسية .العدلية )..... بلاد الوراقي:surrender:
ربي يعاونك والي فيها خير ربي يقربها​

 

[حنان1990]

hhhhhhhhhhhhhhhhhhhhhh
dsl welah da7katni ghir hadik al dabza (manich nestachfa ah ) besa7 hadi hiya khayran ta3mal charan tal9a rabi yostor w ma yjiwakech besa7 al tofla 3labalha beli khatik yakhi anta madithomalha bach tjibalha al sara9 ???????????????
aya saha s7orkom bye

 

[@احساس طفلة@]

والله حتى انا غاضني هداك الدوسي
بصح هي واش راح دير بيه الدوسي
حتى تخليه عندها؟؟؟؟؟؟؟​

 

[aMiNa-K]

ههههههههههههههههههههههه
:lol: :lol: :lol:​

قتلتني بالضحك يا خو .. الله يعطيك ماتتمنى
راني نيماجيني فيك زعمة دمك سخون و حكمت السراق .. و السيد هاداك كي حالتك راح يجري مور السراق .. و السراق تاع الصح فحت ههههههههههه .. و زادو 2 جايين يجرو موراكم و حاسين رواحتيهم كما انت هههههههههههههههه
و الطفلة قاعدة تسوغ و تلايم في الضحايا ااااه قصدي الغاشي خخخخ​

الطفلة اللي تسرقلها البورتابل نورمالمون راهي تعرف السراق .. و ادا بنت حلال ترجعلك الدوسيي تاعك حتى لعندك​

موقف ماتتحسدش عليه .. معليش تكبر و تنساها هيهيهيييييي​