متحمسة ولكن خائفة اني جيت نفرغ قلبي تقدرو تحلولي الباب

[يسرى 2008]

السلام عليكم
وشراكم يا اعضاء اللمة ان شاء الله لاباس
انا اليوم رايحة نفرغ قلبي ليكم
الموضوع والمشكل تافهة مي الله غالب حاكمة في قلبي بزاف
واكم تعرفو الانسان كان نشوفو مشاكلنا الكل تافهة مي تحكم في قلبنا ونتاترو بيها
مع اقتراب موسم الدراسة
وبدات تجي اهلي رجعو الى المموان كالعادة
مي الشي هدا زاد على حدو باسكو انا بيام السنة
المطلوب نجي الاولة في عناااابة
اهههههههههههههههههههههه ياك اني مجيتش لولة في الجامع باش نجي الاولة في عنابة
هههه قداه كاين من جامع قداه كاين من عالم
هههه ياك والله جامي محلمت بالمنصب هدا
ونشوفو مستحيل حياتي كاملة
انا عملي زعما 18 بصح مش الاولة في عنابة
يا جماعة انا الضغط عليا كبير من اهلي ومن نفسي
باسكو انا نحب القراية بزاااف
ونحب نوصل حاجا كبيرة ومنحبش الضغط وهي الي تفسد الشي
بصح منحبش نحمل روحي طاقة كبيرة
اني شاكة اخرتها 0 في البيام بالحلم الضائع هدا
انصحوني وش نعمل
انصحوني وطلعولي المورال شوي او في 0
اني مشني متعودة على التشائم واني متشائمة
حابة نقرا ونوصل مي الضغط غالبني كيفاه نعمل ونوصل لمبتغا نفسي واهلي

​

 

[يسرى 2008]

ردو علينا يا اعضاء الاعزاء

 

[loca]

ختي مستواك ماشاء الله ربي يكمل ويوفقك ان شاء الله
علاش تتشائمي ريحي مع والديك وفهميهم انو تقدي توصلي عندك ارادة وطموح مالا مكان علاش يكثرو عليك هدرة قوليلهم راكي فايقة انو عندك مسؤولية ريحي معاهم وحكيهم بالمنطق هكدا يخفو عليك ويعاونوك معنويا
ربي يوفقك ختو ​

 

[يسرى 2008]

يعيشك اختي اهلي ام يحبولي الخير
عاديكا يقولولي هكا ونعرفهم ونحبهم
مي انا الضغط كبيرة عليا وزيد سونسيبل شوي
مشكورة اختي

 

[massilia]

bin tu as 18 de moyenne c déja bien et ne t'inqiéte pas il faut que tu battre cette année et t'en fait pas si tu veut tes études tu iras ou tu veut et le bem c trop façile ces année et c ça les parent c pas qelle que chose de bisare ils veule que tu étre la premiére et ça c normale ok nchalah tu vas réussie ton bem avec tré tré bien ok bon chance ma chérie

 

[يسرى 2008]

merci bcp ma chérie
mais je veux te dire que jai pas 18 de moiyéne
jai 17 c tou
mais je souhaite que je travaille pour le 18
merci de votre répence sa me fais bcp de plaisire

 

[hell men]

الله يسهل اختي

وان شاء الله الاولى في الجزائر لللللللللكن ماتتقلقيش بزاف فالعامل النفسي عنده دور في القرااااااية

وكما يقولواااااااا حبة حبة ونجيبوها في الفيلي
الدراسة تبدا من اول يوم تحطي رجلك في السيام ........... لكن ليس لدرجة تولي مهووسة

بالتوفيق لك وصحاااااااااااا فطورك
​

 

[يسرى 2008]

صح خويا العبد كي يهلوس بالقراية يقلق منها وميصلش ربي يسترها معايا برك

 

[khalil hip hop]

المورال نتاعك زيروا راح نطلعه 1000000000000000000000000


ان شاء الله الاولى في الجزائر بصح راح نقلك ماطلعيش لاطونسيو

بزاف فالعامل النفسي عنده بروقلام في القراية والقراية ماهيش

بساهلة القراية تبدا من اول يوم استنيتي فيهالسيام لكن ليس

لدرجة تولي مهبولة والسلام عليكم


​

 

[يسرى 2008]

يا خويا رياض عندك الحق
ان شاء الله نجيبها برك ومشكور على نصيحتك

 

[عروس الثلج]

ختي رانا كيف كيف
كيما يقولو كلنا في الهوى سوى
انا تناني محتاجة نصائح
قلبي راح يطيح قبل مابديت لقرايا
مع انو الحمد الله ندي مليح نجي الاولى
بصح دايما الخوف سابقني ولوكان تشوفي
يلحق الليل يروحلي النوم ونبات نخمم و نحسب في النجوم
ربي يسلكنا على خير ان شاء الله
حتى انا راني ناوية على 18

 

[dana1993]

ختي انا فالبيام والله رابحا راحتي مكسرت راسي مسهرت ملي كنت حاطة في راسي انو الباك كلشي ههه هبلني من الصغر
نتي ديري برنامج امشي بيه متسهريش بزف واقراي مع الفجر
فالاسبوع اللخر ديري ريفيزيون خفيفة اليوم اللخر والله لاهزيت كراس وفاتت سالامات و جبت معدل جيد والحمد لله
ربي يعينك

 

[kano88]

علاه 18 مهيش بعيدة ...
أنا كنت راقد و نجيب 15
ديما راقد ديما ...
قرايتي رقاد . و نجيب خير من صحابي
علاه
لاخاطر منقلقش روحي
كلشي نورمال وش رايح يصرى ... والو
بصح الله يبارك عقليتك فور ... و الله متباني تقراي في المتوسط
ما شاء الله
راكي سبيسيال ... تقدري تجيبيها و متوسوسيش روحك
تنحي الخلة تجيبيها
و ربي يكون في العون ... و قاع تجيبو 20/21 في خاطركم ...
​

 

[رفيق الخير]

ديري كيم أنا ..ماتهمليش قرايتك

وماتعطيلهاش حاجة زيايدة عليها

حاولي تتهربي من الضغط باين كاين حاجة

مم ربي يكون في العون

راني نستنى نشوق إسمك في الشروق هههه

يسرى ياخي إسمك هدا ههه

سلام​

 

[13matmour]

ديري الثقة في نفسك توصلي

 

[روعة إنسآنه]

والله انتى سما تحدثي عليا رانا كيف كيف انتى حابة تكون الاول في عنابة وانا حاب نكون الاول في الواد بصح انا نشوف فيها عندي راهي مستحيل باش نكون الاولى في الواد وربي يجيب الخير عليا وعليك
​

 

[لؤلؤة المحيط]

شوفي اختي انتي راكي الله يبارك مستواك ممتاز وكيما جبتي 17 تجيبي 18
بالصح تاني كاين زوج حوايج كاين الإرادة والضغط
الإرادة من الزيرو اطلعك لل plavo والضغط من السماء يهودك للأرض
قرايتك ماتهمليهاش وابداي تقراي من الدرس الأول واذا حبيتي حتى من الإسم واللقب هههه
مي ماتطعطيلهاش فوق قيمتها وتسهري ليها السهر راه يقتل قراية الصباح والريفيزيون مليحة
انا هاذ العام جوزت الباك والحمد لله كنت نجيب 12 متوسطة جبت 13 فالباك وتعاملت معاه عاد ماهملتو ماتخلعتلو
خلي ارادتك قوية توصلي لواش تحوسي ماتنسايش الطمينة برك لمهم حلاوة البيام هههه
ربي ينجحك
​

 

[JSK 14 CH]

ربي يوفقك حنونة

 

[bida27]

si on veu on peu un peu de courage c tt et bon chance

 

[يسرى 2008]

ختي رانا كيف كيف
كيما يقولو كلنا في الهوى سوى
انا تناني محتاجة نصائح
قلبي راح يطيح قبل مابديت لقرايا
مع انو الحمد الله ندي مليح نجي الاولى
بصح دايما الخوف سابقني ولوكان تشوفي
يلحق الليل يروحلي النوم ونبات نخمم و نحسب في النجوم
ربي يسلكنا على خير ان شاء الله
حتى انا راني ناوية على 18

ايا رفعتيلي المورال اختي مادامنا كيف كيف مشني وحدي الي خرجت بخرجة جديدة هههه
نتمسخر برك
ان شاء الله نجيبوها في زوز وندخلو للمة هنا ونقولولهم رانا ديناها
ربي يوفقنا اختي