قساوة الماضي
:: عضو مُشارك ::
- إنضم
- 17 أوت 2010
- المشاركات
- 223
- نقاط التفاعل
- 0
- النقاط
- 6
حكايتي طويلةبززززززززززززاف ان شاء الله نلقى اللي يسمعها
انا بنت في عمري 20 سنة عشت وتربيت في عايلة فقيرة بزاف
والفقر ماشي عيب ولا حرام
كنا نعيشو في بيت وحدة درناها كوزينة ونتاع نوم واحنا عايلة كبيرة رانا في 8 نرقدو فيها كامل وضيقة علينا وكنت ساعات مانرقدش هكذا باش نخللي خاوتي يلقاو بلاصة يرقدو
وكان بينا وبين دار جدي حيط مهوش مدالي وهو الله يبارك عايش وحدو هو ومرت جدي وبانيين دوزيام ايتاج
ولا عمرو حس بينا ولا قال نعاونكم ولا طل علينا
واحنا ماحناش طالبين منو لا معاونة لا والو كنا باغيين نحسو بحنانتو برك
كان يحقرنا وحتى لدارو مايخليناش ندخلوها واذا دخلناها كان يحاوزنا بصراحة ذقنا الذل منو والحاجة اللي غايضتني كان يعامل ولاد عمامي خير منا وكان يحبهم بزاف وكنا كامل صغار
نشفا كي كنت مع بنت عمي قدي يجي ويقولها هايا نديك تروحي تحوسي ويروح يشريلها ويحوسها وانا نكون قدامها عمرو لاقالي ايا تروحي معانا وانا كنت في عمري 6 سنين حتىكي تطيح الشتا والله ماكنا نرقدو كانت النو تصب علينا في بيتنا نقعدو واقفين حتى يوصل النهار ونخرجو من الدار
بابا مسكين كان يخدم بصح مكانش كافي باش يكريلنا دار يعني عمامي كامل جدي قراهم ولقالهم خدمة وراهم لاباس بيهم كل واحد ببلاصتو من فوق كل هذا والله مازالو يعاون فيهم ويصرف عليهم وهوما متزوجين
هذا صغري كيفاش فوتو غير في الهموم
:tears:
كنت صغيرة بصح والله كنت نحس بالحقرة بزاف وحتى ماما كان جدي يحاوزها والله لذرك ماهيش هازة حقد عليهم
وتخيلو مالgري كان يعاملنا هكاك بصح كي تشوفو مريض تروح تطل عليه وتطيبلو كعاد مرت جدي كبيرة والله ماني نكذب عليكم تطل عليه ويحاوزها وتسكت ماتحبش تقول لبابا
هذا كامل ذقتو انا وخاوتي في صغرنا وخللي لوكان نكتب التفاصيل منيش راح نكمل
والحمدالله صبرنا وربي فرج علينا وبابا شرالنا دار ورحلنا ودرك رانا عندنا 6 سنين منين رحلنا
وبعدنا عليهم بصح مازالت قلوبهم قاسية علينا
وانا كي كبرت ماتصوروش شحال رجعت نكرههم وماقدرتش ننسا واش صرا فينا وبسبتهم ماما راهي مريضةوحتى طبيب مالقالها حل
هذا كامل فوتو وتمنيت كي نكبار يتبدل كلش
كان ديما عند امل عند ربي وكنت ديما نقول بلاك صغري ماحسيتش بيه كي نكبار يتبدل كلش
بصح عكس ماكنت نتوقع كي زدت كبرت والمشاكل مازال مابعدونيش
كاينة عندي صحبتي وحدة وكانت غير هي اللي نشكيلها على همومي وفي اللخر خدعتني
انا كنت نحب واحد وكان بالنسبة لي هو حياتي كنت نحبو والله كتر من روحي
مشيت معاه 3سنين وعمرو ماقاسني
هو تاني كان يحبني حكيتلو على روحي وكان هو ينسيلي همومي
وماكانت نيتنا غير نديو بعضانا
هذي صحبتي اللي قلتلكم عليها كانت تدخل لبيتنا وكنت حاطتها كي وحدة من الدار سرقتلي لافوطو نتاعي من دارنا وراحت مدتها لواحد كان باغيني بصح انا ماقبلتش بيه ومن الفوق زادت حكات مع صاحبي وقالتلو بللي انا راني معاه وانا اللي مديتلو لافوطو
ومنبعد رجع هذاك خدم لافوطو بالفوتشوب كي شغل راني تصورت معاه ورجع يهددني بيها
وراها لصاحبي اللي قلتلكم كنت نحبو المهم صاحبي صدقو ومنبعد عيطلي قالي عمري ماتخيلتك ديري هك انا كنت ناوي نخطبك
المهم تفارقنا على هاد المشكل وانا ماكنت فاهمة والو كنت خايفة غير من انو يوريها لدارنا
وعندي خوي قادر حتى يقتلني
ومكانش علابالي بللي صحبتي اللي دارت هاد الشي كامل واحد ماقالي
المهم عشت ايامات صعاب حتى الرقاد
منرقدوش
واحد النهار تلاقيت في الطريق مع هذاك اللي عندو لافوطو نتاعي اعطاني النيميرو قالي احكي معايا راني نسحقك لازم تحكي معاي وانا من خوف ماكان علي غير ندي النيميرو نتاعوونعيطلو قالي بغيت نتلاقا معاك ونحكيو
انا ماقبلتش كي قلتلو لالا قالي علابالي مادرتيش في كونفيونس ودرتي كونفيونس في صاحبتك هذيك
ومنبعد قالي بللي هي اللي مدتلو لافوطو وزاد قالي اشفاي عليها مليح والله تخلصيها غالية
صحبتي كي سمعت بللي راني عرفت كل شي رجعت هي تشنف علي وكانو انا اللي درت فيها هادا كامل
بصح انا وكلت ربي عليها والله لحد الان ماقبلتهاش ولا تكلمت معاها
بصح خلاص زاد الحقد في قلبي
وحكايتي ماخلصتش هنا
والله تعذبت بزاف في حياتي
هذاك العام كنت نقرا دوزيام في الليسي
كانت عندي استاذة هذا هو العام اللول نتاعها اللي تقري فيه يعني ماشي كبيرة في العمر
كان عندها خطيبها وانا هذيك الاستاذة كنت نتفاهم معاها بزاف وساعات نروحو نروحو مع بعضانا المهم واحد النهار جا خطيبها يوصلهاوانا كنت معاها
المهم كي شفتو قلتلها نروح نخليك معاه
لثم اول مرة نشوف خطيبها
بعد سمانةعيطلي نيميرو ماعرفتوش المهم طولت باش هزيت عليه كي هزيت لقيتو خطيب الاستاذة المهم قصة طويلة كيفاش عرفت بللي هو
قلتلو واش تسحق لثم قالي والله راني شفتك عجبتيني وصدقيني انا والله مانحبها بصح هي اللي لاصقة فيا
امنيني اختي اعطيني فرصة
وانا مستحيل كنت راح نقبل قلتلو غير هذي ماتصراش
قلتلو ماتزيدش تعيطلي لانقولها
هي كانت تموت عليه ومستحيل انا ندخل بيناتهم ونقولها يصرا مشاكل سورتو كعاد خطيبها وزادو ايامات سمعت بللي خلاها صح بصح مكانش في بالي بللي علاجالي
هي مكانتش حتى تجي هدوك ليامات تالمو كانت مشوكية لقالها سبة وخلاها المهم
زاد عيطلي وياريت ماعيطليش هو سباب مشاكلي
راني جاياتكم بالهدرة
رجعت منهزش عليه ونكوبي عليه والو ديما يعيط ويبعث ليميساج كثر من 10 في اليوم والله عييت حكيت معاه وبغيت نصلح بينو وبينها بصح هو قالي والله مانديها انتي عجبتيني وكنت نعرفك من مدة كبيرة وانتي ماتعرفينيش
هكذا حتان بدلت النيميرو غير علاجالو والغلطة نتاعي اني ماقدرتش نحكيلها ونقولها كنت خايفة نجرحها هي وترجع تكرهني وانا مادرت والو
هكذا حتان الهدرة مشات وسمعت بللي راهو يعيطلي وراني نحكي معاه وكانت تحسب في بللي انا اللي ندور بيه
لثم بداو المشاكل نتاعي في الليسي
جات لعندي وحكاتلي قالتلي هاو واش اسمعت بصح لقيت بللي تبدلت لافوصو نتاعها معاي وصدقت واش قالولها بصح انا ماصارحتهاش ومن خوفي والله عليها غير قلتلها ماكانش منها هو راهو باغيك انتي انا مكان بيني وبينو والو
لعبتها صدقتني بصح الشك مازالو في راسها واحد النهار خليت بورطابلي في الكلاسة وقلتلها نخرج خلاتني راحت فتشت الساك نتاعي وجبدت البورطابل والله مانزيد عليكم بكلمة
وكاين ليميساج نتاعو مسجلين في لاباراي ماشي في لابيس
وكي رجعت قاتلي بورطابلك راهو عندي اسمحيليل اديتو منبعد نردهولك وانا نسيت بللي ليميساج كاينين
قلتلها مكان حتى مشكل كي وصلت وقت 12 وراح نخرجو من لاكلاس جات لعندي وعطاطني لابيس وقالتلي بورطابلك خليهولي نسحقو حتى لغدوا نردهولك وانا بنيتي قلتلها مكانش مشكل
لغدوا هذيك وانا كنت داخلة للقسم قالتلي جيت شوي روطار قلتلي اخرجي مانسحقكش تدخلي لاكلاس غير لاكان جبتي ولي امرك
لثم انا مافهمت والو وقعدت مشوكية رحت للرقابة وحكيت معاهم قالولي واش درتيلها قلتلهم مادرت والو خللي كي تخرج وسقسوها
كي خرجت قعدت تعيط قدامهم كامل وتقولهم طفلة ماشي مربية كيما هذي مانسحقهاش تدخل لحصتي
وراح ندير كونفوكاسيون لباباها يجي يشوف واش راهي دير وكانت ناوية توريلو ليميساج
لثم عرفت علاواش راهي دير هكا
رجعت نقرا كل الحصص غير حصتها مانقراهاش وماحبيتش نجيب بابا كنت خايفة كاشما تقولو
نشرتني عند الاساتذة كامل وشوهت بيا وقالتلهم بللي انا ندور بخطيبها ورجعو الاساتذة كامل مايحملونيش
مالgري مادرت والو
ومالقيت حتى واحد ينصحني كيفاش نحل المشكل نتاعي
وصدقوني من شرها ومن الكره نتاعها ليا كي سمعت بللي هذاك اللي قلتلكم عليه دالي لافوطو نتاعي من قبل حكات معاه وجابت من عندو لافوطو ورجعت هي تاني تهدد فيا
علابالي صعيب باش تصدقو بللي استاذة تدير هكذا بصح والله والله والله غير دارتلي كثر من هك بصح ماشكيتش هذي الصفحة تكفيني وراني نحاول نختصر برك معاناتي في هذي الدنيا وكيفاش كلش معكوسلي
المهم
ماكملوش مشكالي هنا
كنت حاسة بللي الناس كامل تكرهني في هذيك اللحظة
حتى اقرب الناس لي مالقيتهمش
رجعت كي يطبطب ابباب نخاف يكون كاش واحد جا لعند بابا يحكيلو
ورجعت مربوطة بين تهديدها وقرايتي اللي رجعت منروحش نقرا علاجالتها وماحكيتش لدارنا
ولحق كونفوكاسيون لدارنا بصح الحمدالله بابا ماسمعش بيه كعاد كان مسافر وعادو نتاع دارنا يشكو ويقولولي وين كنتي تروحي كي مارحتيش تقراي وصرالي مشاكل غير ربي اللي عالم بيهم
نبات ندعي ونبكي :tears::tears:
وفي زهري هدوك ليامات خلصت الكونترا نتاعها ورجعت ماتقريش في الليسي نتاعنا
لثم بدات المشكلة نتاعي تتحل بصح بعد واش بعد ما الناس كامل سمعت بالحكاية هذي ولا بعد ماشوهتني قدام الاساتذة ورجعو كلهم مايحبونيش والناس هزت علي نظرة
ورجعت مكروهة من صحاباتي واحد ماكان يصدقني
المهم رحت حكيت مع الرقابة ورجعوني نقرا عادي بعد ما راحت هي وكي شافت روحها بللي راهي رايحة بعثتلي بورطابلي والفوطو نتاعي
بصح بعد واش بعد ما ذلتني وخلاتني نتذلللها باش ترجعهملي
وبالرغم من هذا كنت نشكر ربي كي بابا ماسمعش
هكذا وفوت العام نتاعي وصلت للباك جوزتو كي ماديتش خطبوني بزاف بصح قلت انا ندي واحد يحبني خير ماندي واحد نحبو انا ونزيد نتعذب كثر من هكا
جا خطبني واحد يقربلي قبلت بيه وكنت راضية بيه كي شافني قبلت زربنا درنا فاتحة ومنبعد عقدنا رسمي تاني
كان املي عند ربي واحد هو نلقا واحد ينسيني واش فوت في حياتي ومابغيتش منو غير الحنانة اللي مالقيتهاش في حياتي
بصح كيما ديما زهري معكوس لقيت قلبو اقسى من الحجر وتبدل بزاف ومايعاملنيش مليح
صدقوني هو عايش في بلاصة بعيدة علينا بزاف
قبل مايخطبني كان ديما يجي يشوفني وكنت عارفة بللي باغيني
بصح بعد ما عقدنا تبدل بزاف ورجع حتى التيليفون مايخسرش يعيطلي ولايسقسي علي
وكي نعيطلو مايهزش علي زدت تغبنت كثر في حياتي
حكيت مع دارنا وقلتلهم نبطل قالولي لالا انتي اللي قبلتي بيه واحد ماقالك اديه
هكذا وصبرت عليه وقلت بلاك بعد الزواج يتبدل ودرك عندنا شهر ونص منين تزوجنا قعد معاي سمانة برك ومنبعد سافر يخدم في الخارج هذيك السمانة فوتها وكانها جحيم ينوض الصباح مايروحش حتى للعشية وكانو دا خدامة تغسلو وتطيبلو هذا ماكان
عمرو ماحس بيا وكانو عايشة مع حجرة
يعني كل احلامي تبخرت معاه ومابقاليش معيشة في الدنيا هذي
درك عندي شهر منين سافر والله ماعيطلي ولا سقسا علي وكي نعيطلو مايهزش علي
انا مزوجة جديدة ونخمم في الطلاق
دارنا مستحيل يقبلو
ودرك راني قاعدة في دار بابا
وحتى هوما ديما يعايروني او راح وخلاك
واحد ماهو حاس بيا
والله صدقوني كانو حكايات بزاف مانقدرش نحكيهم هنا قاسيت بزاف في حياتي
قولولي واش من حياة راح تلمني
مابقالي والو راني صبرت بزاف والصبر خلص عندي
صدقوني راني حاسة بللي راني عجوزة واللي نقولو عمري 20 سنة يقولي مازالت الدنيا قدامك
قولولي واش من دنيا اللي قدامي
سمحولي راني طولت عليكم بزاف بصح راني منهارة من داخلي
كل نهار يفوت نخاف من النهار الجاي
حياتي كامل فوتها خدع
وتغبنت في حياتي بزاف
راني ماعنديش في الدنيا غير انتوما وربي
ادعيولي نموت
سلام
انا بنت في عمري 20 سنة عشت وتربيت في عايلة فقيرة بزاف
والفقر ماشي عيب ولا حرام
كنا نعيشو في بيت وحدة درناها كوزينة ونتاع نوم واحنا عايلة كبيرة رانا في 8 نرقدو فيها كامل وضيقة علينا وكنت ساعات مانرقدش هكذا باش نخللي خاوتي يلقاو بلاصة يرقدو
وكان بينا وبين دار جدي حيط مهوش مدالي وهو الله يبارك عايش وحدو هو ومرت جدي وبانيين دوزيام ايتاج
ولا عمرو حس بينا ولا قال نعاونكم ولا طل علينا
واحنا ماحناش طالبين منو لا معاونة لا والو كنا باغيين نحسو بحنانتو برك
كان يحقرنا وحتى لدارو مايخليناش ندخلوها واذا دخلناها كان يحاوزنا بصراحة ذقنا الذل منو والحاجة اللي غايضتني كان يعامل ولاد عمامي خير منا وكان يحبهم بزاف وكنا كامل صغار
نشفا كي كنت مع بنت عمي قدي يجي ويقولها هايا نديك تروحي تحوسي ويروح يشريلها ويحوسها وانا نكون قدامها عمرو لاقالي ايا تروحي معانا وانا كنت في عمري 6 سنين حتىكي تطيح الشتا والله ماكنا نرقدو كانت النو تصب علينا في بيتنا نقعدو واقفين حتى يوصل النهار ونخرجو من الدار
بابا مسكين كان يخدم بصح مكانش كافي باش يكريلنا دار يعني عمامي كامل جدي قراهم ولقالهم خدمة وراهم لاباس بيهم كل واحد ببلاصتو من فوق كل هذا والله مازالو يعاون فيهم ويصرف عليهم وهوما متزوجين
هذا صغري كيفاش فوتو غير في الهموم
كنت صغيرة بصح والله كنت نحس بالحقرة بزاف وحتى ماما كان جدي يحاوزها والله لذرك ماهيش هازة حقد عليهم
وتخيلو مالgري كان يعاملنا هكاك بصح كي تشوفو مريض تروح تطل عليه وتطيبلو كعاد مرت جدي كبيرة والله ماني نكذب عليكم تطل عليه ويحاوزها وتسكت ماتحبش تقول لبابا
هذا كامل ذقتو انا وخاوتي في صغرنا وخللي لوكان نكتب التفاصيل منيش راح نكمل
والحمدالله صبرنا وربي فرج علينا وبابا شرالنا دار ورحلنا ودرك رانا عندنا 6 سنين منين رحلنا
وبعدنا عليهم بصح مازالت قلوبهم قاسية علينا
وانا كي كبرت ماتصوروش شحال رجعت نكرههم وماقدرتش ننسا واش صرا فينا وبسبتهم ماما راهي مريضةوحتى طبيب مالقالها حل
هذا كامل فوتو وتمنيت كي نكبار يتبدل كلش
كان ديما عند امل عند ربي وكنت ديما نقول بلاك صغري ماحسيتش بيه كي نكبار يتبدل كلش
بصح عكس ماكنت نتوقع كي زدت كبرت والمشاكل مازال مابعدونيش
كاينة عندي صحبتي وحدة وكانت غير هي اللي نشكيلها على همومي وفي اللخر خدعتني
انا كنت نحب واحد وكان بالنسبة لي هو حياتي كنت نحبو والله كتر من روحي
مشيت معاه 3سنين وعمرو ماقاسني
هو تاني كان يحبني حكيتلو على روحي وكان هو ينسيلي همومي
وماكانت نيتنا غير نديو بعضانا
هذي صحبتي اللي قلتلكم عليها كانت تدخل لبيتنا وكنت حاطتها كي وحدة من الدار سرقتلي لافوطو نتاعي من دارنا وراحت مدتها لواحد كان باغيني بصح انا ماقبلتش بيه ومن الفوق زادت حكات مع صاحبي وقالتلو بللي انا راني معاه وانا اللي مديتلو لافوطو
ومنبعد رجع هذاك خدم لافوطو بالفوتشوب كي شغل راني تصورت معاه ورجع يهددني بيها
وراها لصاحبي اللي قلتلكم كنت نحبو المهم صاحبي صدقو ومنبعد عيطلي قالي عمري ماتخيلتك ديري هك انا كنت ناوي نخطبك
المهم تفارقنا على هاد المشكل وانا ماكنت فاهمة والو كنت خايفة غير من انو يوريها لدارنا
وعندي خوي قادر حتى يقتلني
ومكانش علابالي بللي صحبتي اللي دارت هاد الشي كامل واحد ماقالي
المهم عشت ايامات صعاب حتى الرقاد
منرقدوش
واحد النهار تلاقيت في الطريق مع هذاك اللي عندو لافوطو نتاعي اعطاني النيميرو قالي احكي معايا راني نسحقك لازم تحكي معاي وانا من خوف ماكان علي غير ندي النيميرو نتاعوونعيطلو قالي بغيت نتلاقا معاك ونحكيو
انا ماقبلتش كي قلتلو لالا قالي علابالي مادرتيش في كونفيونس ودرتي كونفيونس في صاحبتك هذيك
ومنبعد قالي بللي هي اللي مدتلو لافوطو وزاد قالي اشفاي عليها مليح والله تخلصيها غالية
صحبتي كي سمعت بللي راني عرفت كل شي رجعت هي تشنف علي وكانو انا اللي درت فيها هادا كامل
بصح انا وكلت ربي عليها والله لحد الان ماقبلتهاش ولا تكلمت معاها
بصح خلاص زاد الحقد في قلبي
وحكايتي ماخلصتش هنا
والله تعذبت بزاف في حياتي
هذاك العام كنت نقرا دوزيام في الليسي
كانت عندي استاذة هذا هو العام اللول نتاعها اللي تقري فيه يعني ماشي كبيرة في العمر
كان عندها خطيبها وانا هذيك الاستاذة كنت نتفاهم معاها بزاف وساعات نروحو نروحو مع بعضانا المهم واحد النهار جا خطيبها يوصلهاوانا كنت معاها
المهم كي شفتو قلتلها نروح نخليك معاه
لثم اول مرة نشوف خطيبها
بعد سمانةعيطلي نيميرو ماعرفتوش المهم طولت باش هزيت عليه كي هزيت لقيتو خطيب الاستاذة المهم قصة طويلة كيفاش عرفت بللي هو
قلتلو واش تسحق لثم قالي والله راني شفتك عجبتيني وصدقيني انا والله مانحبها بصح هي اللي لاصقة فيا
امنيني اختي اعطيني فرصة
وانا مستحيل كنت راح نقبل قلتلو غير هذي ماتصراش
قلتلو ماتزيدش تعيطلي لانقولها
هي كانت تموت عليه ومستحيل انا ندخل بيناتهم ونقولها يصرا مشاكل سورتو كعاد خطيبها وزادو ايامات سمعت بللي خلاها صح بصح مكانش في بالي بللي علاجالي
هي مكانتش حتى تجي هدوك ليامات تالمو كانت مشوكية لقالها سبة وخلاها المهم
زاد عيطلي وياريت ماعيطليش هو سباب مشاكلي
راني جاياتكم بالهدرة
رجعت منهزش عليه ونكوبي عليه والو ديما يعيط ويبعث ليميساج كثر من 10 في اليوم والله عييت حكيت معاه وبغيت نصلح بينو وبينها بصح هو قالي والله مانديها انتي عجبتيني وكنت نعرفك من مدة كبيرة وانتي ماتعرفينيش
هكذا حتان بدلت النيميرو غير علاجالو والغلطة نتاعي اني ماقدرتش نحكيلها ونقولها كنت خايفة نجرحها هي وترجع تكرهني وانا مادرت والو
هكذا حتان الهدرة مشات وسمعت بللي راهو يعيطلي وراني نحكي معاه وكانت تحسب في بللي انا اللي ندور بيه
لثم بداو المشاكل نتاعي في الليسي
جات لعندي وحكاتلي قالتلي هاو واش اسمعت بصح لقيت بللي تبدلت لافوصو نتاعها معاي وصدقت واش قالولها بصح انا ماصارحتهاش ومن خوفي والله عليها غير قلتلها ماكانش منها هو راهو باغيك انتي انا مكان بيني وبينو والو
لعبتها صدقتني بصح الشك مازالو في راسها واحد النهار خليت بورطابلي في الكلاسة وقلتلها نخرج خلاتني راحت فتشت الساك نتاعي وجبدت البورطابل والله مانزيد عليكم بكلمة
وكاين ليميساج نتاعو مسجلين في لاباراي ماشي في لابيس
وكي رجعت قاتلي بورطابلك راهو عندي اسمحيليل اديتو منبعد نردهولك وانا نسيت بللي ليميساج كاينين
قلتلها مكان حتى مشكل كي وصلت وقت 12 وراح نخرجو من لاكلاس جات لعندي وعطاطني لابيس وقالتلي بورطابلك خليهولي نسحقو حتى لغدوا نردهولك وانا بنيتي قلتلها مكانش مشكل
لغدوا هذيك وانا كنت داخلة للقسم قالتلي جيت شوي روطار قلتلي اخرجي مانسحقكش تدخلي لاكلاس غير لاكان جبتي ولي امرك
لثم انا مافهمت والو وقعدت مشوكية رحت للرقابة وحكيت معاهم قالولي واش درتيلها قلتلهم مادرت والو خللي كي تخرج وسقسوها
كي خرجت قعدت تعيط قدامهم كامل وتقولهم طفلة ماشي مربية كيما هذي مانسحقهاش تدخل لحصتي
وراح ندير كونفوكاسيون لباباها يجي يشوف واش راهي دير وكانت ناوية توريلو ليميساج
لثم عرفت علاواش راهي دير هكا
رجعت نقرا كل الحصص غير حصتها مانقراهاش وماحبيتش نجيب بابا كنت خايفة كاشما تقولو
نشرتني عند الاساتذة كامل وشوهت بيا وقالتلهم بللي انا ندور بخطيبها ورجعو الاساتذة كامل مايحملونيش
مالgري مادرت والو
ومالقيت حتى واحد ينصحني كيفاش نحل المشكل نتاعي
وصدقوني من شرها ومن الكره نتاعها ليا كي سمعت بللي هذاك اللي قلتلكم عليه دالي لافوطو نتاعي من قبل حكات معاه وجابت من عندو لافوطو ورجعت هي تاني تهدد فيا
علابالي صعيب باش تصدقو بللي استاذة تدير هكذا بصح والله والله والله غير دارتلي كثر من هك بصح ماشكيتش هذي الصفحة تكفيني وراني نحاول نختصر برك معاناتي في هذي الدنيا وكيفاش كلش معكوسلي
المهم
ماكملوش مشكالي هنا
كنت حاسة بللي الناس كامل تكرهني في هذيك اللحظة
رجعت كي يطبطب ابباب نخاف يكون كاش واحد جا لعند بابا يحكيلو
ورجعت مربوطة بين تهديدها وقرايتي اللي رجعت منروحش نقرا علاجالتها وماحكيتش لدارنا
نبات ندعي ونبكي :tears::tears:
وفي زهري هدوك ليامات خلصت الكونترا نتاعها ورجعت ماتقريش في الليسي نتاعنا
لثم بدات المشكلة نتاعي تتحل بصح بعد واش بعد ما الناس كامل سمعت بالحكاية هذي ولا بعد ماشوهتني قدام الاساتذة ورجعو كلهم مايحبونيش والناس هزت علي نظرة
ورجعت مكروهة من صحاباتي واحد ماكان يصدقني
المهم رحت حكيت مع الرقابة ورجعوني نقرا عادي بعد ما راحت هي وكي شافت روحها بللي راهي رايحة بعثتلي بورطابلي والفوطو نتاعي
وبالرغم من هذا كنت نشكر ربي كي بابا ماسمعش
هكذا وفوت العام نتاعي وصلت للباك جوزتو كي ماديتش خطبوني بزاف بصح قلت انا ندي واحد يحبني خير ماندي واحد نحبو انا ونزيد نتعذب كثر من هكا
جا خطبني واحد يقربلي قبلت بيه وكنت راضية بيه كي شافني قبلت زربنا درنا فاتحة ومنبعد عقدنا رسمي تاني
كان املي عند ربي واحد هو نلقا واحد ينسيني واش فوت في حياتي ومابغيتش منو غير الحنانة اللي مالقيتهاش في حياتي
بصح كيما ديما زهري معكوس لقيت قلبو اقسى من الحجر وتبدل بزاف ومايعاملنيش مليح
صدقوني هو عايش في بلاصة بعيدة علينا بزاف
قبل مايخطبني كان ديما يجي يشوفني وكنت عارفة بللي باغيني
بصح بعد ما عقدنا تبدل بزاف ورجع حتى التيليفون مايخسرش يعيطلي ولايسقسي علي
وكي نعيطلو مايهزش علي زدت تغبنت كثر في حياتي
حكيت مع دارنا وقلتلهم نبطل قالولي لالا انتي اللي قبلتي بيه واحد ماقالك اديه
هكذا وصبرت عليه وقلت بلاك بعد الزواج يتبدل ودرك عندنا شهر ونص منين تزوجنا قعد معاي سمانة برك ومنبعد سافر يخدم في الخارج هذيك السمانة فوتها وكانها جحيم ينوض الصباح مايروحش حتى للعشية وكانو دا خدامة تغسلو وتطيبلو هذا ماكان
عمرو ماحس بيا وكانو عايشة مع حجرة
يعني كل احلامي تبخرت معاه ومابقاليش معيشة في الدنيا هذي
درك عندي شهر منين سافر والله ماعيطلي ولا سقسا علي وكي نعيطلو مايهزش علي
انا مزوجة جديدة ونخمم في الطلاق
دارنا مستحيل يقبلو
ودرك راني قاعدة في دار بابا
وحتى هوما ديما يعايروني او راح وخلاك
واحد ماهو حاس بيا
والله صدقوني كانو حكايات بزاف مانقدرش نحكيهم هنا قاسيت بزاف في حياتي
قولولي واش من حياة راح تلمني
مابقالي والو راني صبرت بزاف والصبر خلص عندي
صدقوني راني حاسة بللي راني عجوزة واللي نقولو عمري 20 سنة يقولي مازالت الدنيا قدامك
قولولي واش من دنيا اللي قدامي
سمحولي راني طولت عليكم بزاف بصح راني منهارة من داخلي
كل نهار يفوت نخاف من النهار الجاي
حياتي كامل فوتها خدع
وتغبنت في حياتي بزاف
راني ماعنديش في الدنيا غير انتوما وربي
ادعيولي نموت
سلام
آخر تعديل:
