- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
السلام عليكم
صباح ومساء الخير ان شاء الله تكونو بخير
المهم انا عملت لصحبتي في فيونساي نتاعها قاطو كوفر فلة
بنين وباهي ويحمر الوجه والمفيد انه زاكي يقطع بزاف
الكيلة تعمل وحد 90 حبة
على العموم حبيت نحطلكم تشوفوه ونعطيكم مقاديرو بالاك تخدمو منو في العيد وينفعكم
نبداو بالمقادير:
رطل مارغرين من الاحسن (صول) تكون في حرارة الغرفة
زوج كيسان سكر رطب
كاس مايزينة
زوج بيضات
زوج صفار بيض
1 خميرة كيميائية
الكيفية:
نخلطو الزيدة والسكر الرطب حتان تصبح كريمة ونضيفولها 2 بيضات ونواصلو نخلطو
وبعد ذلك نزيدو زوج صفار البيض
ونواصلو الخلط
وبعد ذلك نضيفو كاس مايزينة
ونضيفو فوقها الفرينة ونواصلو الخلط
بلا ما ننساو الخميرة
في الاخير نحصلو على عجينة نقدرو نتحكمو فيها
ومباعد نجيبو لي مول نتاع الدزيريات يكونو صغار
ونديرو في لي مول
ندخلوهم يطيبو غير شويا يتنحالهم العجين فقط
يعني يكون لونهم بين الوردي والباج
بعد ما يطيبو نحضرو الحشوة:
نيسلي نديروه كارامال نحطوه في طنجرة ونعمروه ماء ونغلقو عليه ساعة
قلنا نيسلي نديروه كارامال
نوقة نرحيوها ونخلطوها معاه
ومكسرات انتي وواش عندك
انا حطيت لوز ايفيلي
وبعد ذلك نحشو حبات القاطو
بعد ما نكملو كل الحبات نلصقوهم ببعض بالحشو
نحضرو عسل نخلوه خاثر باه تبقى الحبة تبريي نسخنوه ونعسلو الحبات ونرفدوهم تمتم
بعد ذلك ندقدقو شويا بيسطاش نحطوه من فوق الحبة ونحطو القاطو في لي كيسات ونرشو عليه اللماع الغذائي
وهاهم صور القاطو شوفوهم
وهذه صورة حبة مقربة
بصحتكم
ننتظر ردودكم وكي العادة ما تضحكوش
