ماحلى اللمة...ارواح قرعجو شوي و ادعو للمتنا ههههههه

[NaDiA.]

سلام و صباح الخير للي هادا وين راهم ينوضو

يادرا سافا ؟ ياك غالبينو السي رمضان ...... ايه ايه علابالي كامل راه غالبكم
اصبرو شوييا او باقي 4 ساعات للفطور :scared:



جيت نهدر على صهرت لبارح اهههههه ياك ماما عيطت لبابا كي كان ف المرشي :

امي العزيزة : الو ياك مازالك ف المرشي ؟

بابا المغبون : ايه مازالني واش تحبي:sneaky2:؟

امي العزيزة : يا ضاعف ف الكمية صحاباتي راهم جايييين :yahoo::yahooبكل فرح و بهجة)

باباالمغبون : واش من كمية يا مرة راح نقضيلة كات فوا بار جور ..ياو اللي مربي لبقر مايقضيش كيفي(ااا سمحولو ميكين غالبو رمضان)

امي العزيزة : واش بيك تعيط انا نقصد كتر السيقار و القلب اللوز و الزلابيا و اللذي منو .. صحاباتي راهم جايييين :yahoo::yahooبكل فرح و بهجة)


بابا المغبون:اااااااه صحاحا

المهم كمل الحوار و اذن المغرب هجمت العايلة كالعادة على مائدة الافطار:scared: ...بيناتنا والله الطباسا لحسوهم:glare: اي خيتكم شاف ف الكوزينة:heh:

المهم بعد ان تفركتو تسلمت الطابليا والماعين يقارعو:crying_1::crying_1: غسلتهم و رحت كي الفحلة نوجد ف السنياوا للضياف (حوحو يشكر روحو) المهم جاو النسا و الضحك والزعاقة جايبين بحسهم الكرطي الرابع :surrender::surrender:علما ان امي و حباباتها الله يبارك يلا ديماراو دير لقطن و رقد:music_whistling:

وفاتت سهرة هي مي طفرت فيا قعدت للكوزينا ...مي علابالكم الشي اللي عجبني كانو زوج جاراتنا متفاتنين امالة ماما عرضتهم ف زوج و راضات ما بيناتهم



علابالي بلي طولت عليكم ..ام قالولي لسانك طويل:closedeyes::closedeyes: مي انا حبيت نوصل رسالة ف هاد الشهر الكريم ..هوفرصة للمة الاحباب و الجيران و الرسول و صانا على الجار و شيء رائع نصلحو مابين ثنين ف شهر كيما هادا و اللمة مالزمش تكون غير ف الشهر يعني ماشي غي علاجال رمضان تعرضو حبابكم و تلمو ناسكم ..الشي هادا لازم فساير ليام حتى بالنسبة للذكور الامر نفسو

و ماكانش كي القلب الصافي و اللمة

و افضل مثال لمتنا الجزائرية



و صحا فطوركم


اليكم الخط:ans_flw:
​

 

[NaDiA.]

ايا عمو المشرف اعتمدلي الميضوع

 

[adnandz]

الله يبارك سوسو ربحت اجر كبيرة ماماك
وبابك جيبو خوا مسكين هههههههه
ونتيا مع الكوزينة هههههههههههه ​

 

[NaDiA.]

الله يبارك سوسو ربحت اجر كبيرة ماماك
شفت ماما و الله غير ناس ملاح
وبابك جيبو خوا مسكين هههههههه

مسكين هاداك البورصا تاعو راهي في تنازل مستمرهههه
ونتيا مع الكوزينة هههههههههههه
اي وي كيما تعرفني
​

نورت الميضوع خويااااا

 

[بودبوز]

و ماكانش كي القلب الصافي


بارك الله في ماماك:heh:
ربي يكون في عون باباك:santa_1:
​

 

[MĺŹǾ žĕĥÔŖ]

والله غير كاين منها ختوووووووووووووو اللمة في رمضان ماكاش كيفهااا هايلة بزاف ولمتنا في منتدانا تاني شابة بزاف كل واحد من ولاية مي كلنا مجتمعين ومتلميين تقول رانا في دار وحدةةة

موضوع رائع حنونة والله غير والدينا ربي يطيقهم في رمضان والمصروف راه جاي العيد والدخلة مساكن ههههههههههههههههههههه

مرسي حنونة​

 

[NaDiA.]

و ماكانش كي القلب الصافي


بارك الله في ماماك:heh:
ربي يكون في عون باباك:santa_1:
​

صح قالوها ناس زمان

الله يسلمك ربي يكون في عونا اجمعين:tears:
​

 

[nour mary]

فوتيها في الكوزينة ههههههه ماعليش علابالنا قافزة
صح مليح هاكا يتلمو الحباب الدنيا ومافيها
شكرا على الموضوع

 

[NaDiA.]

والله غير كاين منها ختوووووووووووووو اللمة في رمضان ماكاش كيفهااا هايلة بزاف ولمتنا في منتدانا تاني شابة بزاف كل واحد من ولاية مي كلنا مجتمعين ومتلميين تقول رانا في دار وحدةةة

موضوع رائع حنونة والله غير والدينا ربي يطيقهم في رمضان والمصروف راه جاي العيد والدخلة مساكن ههههههههههههههههههههه

مرسي حنونة​

الله يسلمك حنونة ربي يخليلنا اللمة راهي دارنا الزاوجة
ايه ماتفكرينيش بالمصروف والدينا ربي يعينهم راهي تسنى فيهم كحة كبيرة:surrender::surrender::surrender:

ربي معاهم
​

 

[NaDiA.]

فوتيها في الكوزينة ههههههه ماعليش علابالنا قافزة
صح مليح هاكا يتلمو الحباب الدنيا ومافيها
شكرا على الموضوع

ههههههههههههه والله غير تعب كبير مي خسارة عليك استنيتك تعاونيني

صح فيف اللمة و لمتنا بيان سير
​

 

[loca]

ههههههههههههههه اويا انووشة شاف تاع كوزينة ناس يتصالحو وانت ريحي غسلي ماعن اخلايا رانا نعانو واحد يكسب لاخر يكسب
ايا بصح غاية حاجة مليحة دارتها يماك ربي يحفظها ويخليهالكم ويخليك انت تاني ندووش وباباك تاني زعيم غبنتوه مسكين ربي يكون معاه ههههه عجبتني تاع لي عنده بقرة ميصرف كيفي هههههههههههههه حوجي يانا خلاوه
نضحك ختي انا تهنيت ميجونا لفامي متحاجة رانا في رحمه حنا تاني منروحوش غي من داك عيد هههههه شفتي ترابط كي داير هاو صلة رحم في ميزك ههههه
ربي يدوم هناك وضحكك ويخليلك les parents وتعيشي تحت جناحهم ربي يهنيكم
ندووش خيتوووو
​

 

[souhila_95]

موضوع هايل شكرا ليكي
ربي يكون في عون باباك
ارسلي تحية من عندي ليماك
​

 

[NaDiA.]

ههههههههههههههه اويا انووشة شاف تاع كوزينة ناس يتصالحو وانت ريحي غسلي ماعن اخلايا رانا نعانو واحد يكسب لاخر يكسب
ايا بصح غاية حاجة مليحة دارتها يماك ربي يحفظها ويخليهالكم ويخليك انت تاني ندووش وباباك تاني زعيم غبنتوه مسكين ربي يكون معاه ههههه عجبتني تاع لي عنده بقرة ميصرف كيفي هههههههههههههه حوجي يانا خلاوه
نضحك ختي انا تهنيت ميجونا لفامي متحاجة رانا في رحمه حنا تاني منروحوش غي من داك عيد هههههه شفتي ترابط كي داير هاو صلة رحم في ميزك ههههه
ربي يدوم هناك وضحكك ويخليلك les parents وتعيشي تحت جناحهم ربي يهنيكم
ندووش خيتوووو
​

مارسي حنونة ردك هيلووووووووووووول

اي وي لماعن مي الواحد مليح كي يكسبلو اجر سيرتو ف هاد الشهر العظيم

والله غير فرحتيني بدعاوين نشالله يخليك نتي تاني لوالديك
​

 

[BOUSS]

بصجتكم الصهريا ختي وربي يوام المحبة ما بين العايلات
بلا ماتنساي قولي لماماك تسايس شويا علي باباك هههه
ايا صحا صحورك

 

[NaDiA.]

موضوع هايل شكرا ليكي
ربي يكون في عون باباك
ارسلي تحية من عندي ليماك
​

صح فطورك حنونة الله يسلمك نتي اللي هايلة
امييييين
يما وصلها سلامك و راي تان مسلمة عليك و قاتلك ربي يخليك لوالديك
​

 

[ماكانش]

هههههههههههه
ربي يحفظلك ماماك وباباك لعزيز
ويعطيك الصحة يا شاطرة ههههههههه

 

[NaDiA.]

بصجتكم الصهريا ختي وربي يوام المحبة ما بين العايلات
بلا ماتنساي قولي لماماك تسايس شويا علي باباك هههه
ايا صحا صحورك

الله يسلمك خويا لعزيز ..نشالله لفاميلتكم تاني
هههههههه راني نوصيها ماتخافش
​

 

[NaDiA.]

هههههههههههه
ربي يحفظلك ماماك وباباك لعزيز
ويعطيك الصحة يا شاطرة ههههههههه

صحا mrماكانش راك تقزيزتي ههه نزعق
امين و عقوبة ليك الشطارة هههههههه
ويلا تحب نزيفطيلك طابليا
​

 

[angel_fly]

ههههههههه بصحتهم صحابات يماك

 

["غزالة الجزائر"]

اهلا اهلا بيك حنونتي نادية
واش راكي؟ واش راها ماماك؟ و العائلة الكريمة
انشاء الله كامل لباس
يووووو مسكينة فوتي عليك قسرة حلوة كيما ذيك وقعدتي في الكوزينة؟ معليش كون عيتيلي نجي نغسلهم انا وانتي رحتي قعدتي مع الضياف
مرة اخرى انشاء الله بصح (ماتنسايش تعيطيلي )
ربي يكمل المحبة انشاء الله












هيا في حفض الرحمن