طلب من الاخت عفاف الجزائرية

[بنت سطيف العالي]

اخت عفاف ممكن تعطيني الوصفات نتاع هذي الاكلات

http://img105.herosh.com/2010/08/26/12422917.jpg

 

[بنت سطيف العالي]

ساكون سعيدة جدا بردك لي اخت عفاف و صح فطورك

 

[nada242008]

تم تعديل الصور في انتظار رد عفاف الجزائرية

 

[عفاف الجزائرية]

اختي الغالية انتي تامري امر
لحظة فقط وتكون عندك الوصفات

 

[عفاف الجزائرية]

اختي هاذي سفيرية بالزيتون
يعني زيتون مرقة زيتون عادي ونشرشمو 2 حبات بطاطا كي يطيبو نمرسوهم مليح نديرولهم شويا ثوم ملح فلفل اكحل وكسبر مقطع رقيق
ومباعد نديرو نجيبو لحم مرحي نحشيوه في الوسط بشويا فرماج ونديروه كربوعة صغيرة ونحمصوه في الزيت
وكي يطيب اللحم نزيدو نحشوه في وسك البطاطا
يعني الفرماج داخل اللحم واللحم داخل البطاطا
ونلهوثو هاذي لابول في الفرينة وبعدها في البيض وبعدها في لاشابلير الخبز المرحي
ونقليوهم
وكي يطيب كل شي نحطو الزيتون ونحطو فوقو لي بول هكذاكيما مصورة

وهاذي الوصفة
رحيت صدر دجاج درتلو ملح فلفل اسود ومعدنوس كي العادة
ومباعد جبت حبات زيتون حشيتهم بالفرماج روج
ومباعد حشيت اللحم بالزيتون يعني الزيتون في الوسك والدجاج من فوق
دورتهم على الفرينة البيض ولا شابلير وقليتهم
وعملت صوص بلونش بعد ما طابت حمصت الشومبينيون في مقلات ودرتو في لاصوص ولحت معاها نص حبة قارص
وكي طاب كل شي حطيت لي بول نتاع الدجاج في المرقة
وبصحتكم

اما هاذي هنا استعملت عجينة ال10 دقائق نتاع حبيبتي ام ندى
حليتها وقطعتها مربعات ومباعد حطيت في الوسط من الطرف للطرف صلصة طماطم وفوقها قطع لحم مقطع صغير ومقلي وطبقة الجوانب التانية وحطيت فوقهم حبة زيتون
وتاني درت طلطة طماطم وفوقها مايوناز نور تجي تاني بنينة
وحطيت فوقها حبة زيتون
ودهنتها باصفر البيض مخفف بشويا ماء
وحطيتها تطيب
ان شالله تكوني فهمتيني اختي
وان شالله يعجبوكم الوصفات
صحا رمضانكم

 

[بنت سطيف العالي]

مشكورة اخت عفاف بسح ما عطيتينيش الوصفة نتاع الصورة الاولى

 

[ندى الصحراء]

اختي ممكن تكتبي لي وصفات هدا الاكلات اعجبتني

 

[اسمه_ان]

يعطيك الصحة اختي عفاف طبخك رائع
​

 

[هداية الروح]

يشهيو ا يعطيك الصحة الفحلة