...:::: تصريحات شاب جزائري هاجر إلى الخارج ::::.... >>حقيقة <<

[EL General]

السلام عليكم و رحمة الله تعالى و بركاته



مباشرة للموضوع :


شاب جزائري حرق للخارج
و حكمت له ووصل لفرنسا .

قابلته صحفية جزائرية يعمل في أحد الأماكن في فرنسا يمسح و ينشف للناس

كان سؤالها كما يلي :

أنا مافهمتش علاش ماتخدموش الخدمة اللي تخدموها هنا في فرنسا ولا في الطليان تروح تمسح و لا تروح ماعلاباليش وش تدير ... ماتخدمهاش في بلادك ؟

فكان جوابه كالتالي :

نقولك آ أختي حبسي بالعقل آ اختي نقولك ، باينة فيك مشك عايشة في البلاد سيبورسا قاعدة تحكي كيما هكا ، آ أختي كون جيت مهني في البلاد مانجيش هنا

نتيا ......
عمري كامل نخدم عندي نصبة تع دخان وو انا نهار السكاكون نخدم الدخان الدخان الدخان

مشني مهني في بلادي . كاين اللي يقرا آ أختي و مايلقاش بلاصتو

هموم كبيرة في البلاد

مش غير اللي يبيع الدخان مش غير اللي يقرا مش غير الطبيب مش غير لافوكا

الناس الكل تشكي بهم البلاد

كيفاه ندير آ أختي

نبقى حياتي كاملة بنصبة تع دخان ؟؟؟ فهمنيني في هادي ؟


هدي صح يا أحبتي ....
جبتها من أغنية من أغاني لطفي دوبل كانو

و مقطع صوتي هو و إذا تحبو نحمله و نضعه بالموضوع تسمعوه ؟

كلمة أخيرة :

1 - غاضني الشاب

2 - يتذل عند القور في فرنسا

3 - ماعندوش قدرو في الخارج و بلادو فيها القدر أكثر





إليكم الخط ..

​

 

[NaDiA.]

عنك الصح يا خويا لاجوناس كامل تجري مور فرنسا . وكي تطل عليهم تلقاهم متهانين عند البراني
لوكان قعد ف بلادو ماشي خيرلو بقرو بشانو..
انا نعرف بزاف ناس ف فرنسا راحو طامعين ف العز و العيشة لهنيا مي دوك كي داقو المر راهم كارهين و نادمين و يمناو يقعدو على تراب لبلاد

موضوع هادف و مميز
شكرا على الطرح
​

 

[شعيب العلمي]

والله ياخي تحيا الجزائر
نكلها بالماء وكيما نشوف يما و بابا وخاوتي وصحابي هاذيك هي دنيا وما فيها

 

[EL General]

شكرا لكم

ردودكم نقاشية .
​

 

[اسماء18]

يا خويا قطران بلادي و عسل البرا بصح هوما راهم يديرو العكس

 

[somiasahraoia]

ما نيش عارف واش شايفين في فرنسا هاذي

 

[adnandz]

راني حافظها هاد الغنية

 

[dana1993]

السلام عليكم
عندك الحق بزااااااااااف لي يقولك نخدم مساح لهيه و منريحش هنا
من جيهة عندهم الحق ومن جيهة لالا
بالنسبة ليا نخدم واش نخدم هنا و منتذلش عند القاوري
صح الشباب بزاف عندهم مشاكل هنا سوا قاريين ولا عاملين ولا شوماج كامل .....
ذرك عندنا هنا باه تعيش ماشي تستنا الشهرية لي تجيك كل شهر تشري الدقيق زيت اللهم بارك
نو الناس ولات متكفيهاش لازم تقفز و بدل الخدمة زوج
يتسما لازم تدبر روحها
قولي نتا واحد قرا تعب ومل فاللخر يقابل الحيط...ماكالاه يجيبها خير
صح الدنيا ذرك صعابت و سورتو على الشباب لي الشهدا الله يذكرهم بالخير والمجاهدين نحاولهم لقسم
باه يدعمو الشباب ولاو يدعمو فالشياب
ربي يصلح ان شاء الله موضوع متفتح لوكان نبقى نكتب منخلصش
يعطيك الصحة​

 

[روز]

شوفو نقلكم حاجة زرت شحال من بلاد عربية صدقوني الجزائر أحسن دولة في كل شي بعد دول الخليج من الناحية المادية فقط لانو حتى الناحية التعليمية ناقصين...من حيث البرامج والمناهج المتبعة....
احمدو ربي الواحد لما يتغرب
يتغرب بنيفوه بديبلوم نتاعو يخرج من البلاد رافع راسو
مش يروح يمسح ويغسل المواعن..ويجي ينفخ روحوفي البلاد ويدير الكرامة ولهيه يتمسخرو بيه...
​

 

[جزائرية للابد18]

انا كون جيت بلاصتو راني نعاني في بلادي قدام ناسي نبيع الدخان ونسكن في دار احسن من نروح نبقى غريب نمسح المراحيض حاشاكم ونبات في كارطون الشباب ضك ماعندوش روح الصبر في بالوا غير الحرقة مافكرتش كون تموت في البحر مافكرتش الثم تموت بين ناس غرابة يعملوك كي الحشرة وبركاونا من المقولة الي اخترعتوها الحرقة لروما احسن من القعدة في الحوما .شكرا على الموضوع الرائع​

 

[أمولة الجزائر]

السلام عليكم​

ماكانش الي يموت بالشر في بلادو ، حتى و اذا ما خدمش ، بالرغم الي رانا نشوفو كاين ناس ما تحبش تخدم واش جاها و في بلادها ، اما في بلاد الناس يخدم و يتمرمد نورمال ، ​

علاش ؟ على خاطر الي ما يخدمش ما يااكلش

و كاينة حاجة ثاني الي يروح بالشهادة تناعو و ضامن الخدمة هاذيك معليش ماشي يروح و معلابالوش واش راهو يستنى فيه​

لكن في الأخير يستعرف بلي بلادو هي بلادو حلوة و لا مرة مذا بيه يرجع و يعيش فيها بكرامتو
​

شكرا ليك خويا على هاذا الموضوع الهادف​

 

[حسام د]

أشكر صاحب الموضوع على طرحه لهذا الموضوع المهم

للأسف بان مجتماعاتنا على الاغلب وليس المجتمع الجزائري فحسب

يعيش هذه المأساااة

فدول المستضيفه من فرنسااا وغيره من الدول

فهي تكتفي بالأخذ فقط

و لا تعطي المغترب الااااااا القليل

وبالتوفيق للجميع داخل وخارج البلاد

​

 

[BAD BOY DZ]

مبقاتش عيشة هنا
بلاد شكون باباك
خلاتها خليدة وبوتقليقة
عندي بن خالي كان يبيع الخضرا هو وصاحبو خدام على روحو جاو جماعة لابوليس سكرولو الطابلة وداولو دراهمو ودخلوهم الحبس وشافو الويل في الحبس صاحب بن خالي تقفل بالكاشيات وانتحر وبن خالي راح قتل بوليسي وحرق للاسبانيا بدل الجنسية نتاعو ودار وحدة انوشة من اسبانيا وعاد كل عام يجي بمارسيداس والعام الي بعدو يجي بbmw وراه عايش بصح كل مايتفكر صاحبو يبكي
قالي ثما عندهم في اوروبا الخدام بقيمتو قالي تتعب صح بصح كي تشوف الاورو تفرح ثما معندكش علاش مسؤول عايش براسك الي تجيبو تخبيه​

 

[N@riM@N]

يعـــــطيك الصحه خــــــوو
لي حاب الغربة يتغرب في بلادو خير ويدر ببليي لوروب كي تروحلك وتوصل بسلامة الهيك تحس روحك بلي راك مرمي في خلاء ..ولي مغرب مجرب ولي مجرب مدرب ...ولا تقنطو من رحمة الله

 

[amina-02]

ماكاش منها هاذي تاع يعيش في فرنسا
لي راحو بكواغطهم و مالقاوش خدمة
و زيد معيشة الذل و العنصرية تجاه الجزائريين

واش راح يعيا صابر و يتجه إلى تجارة المخدرات

 

[vampire02]

وانا نعرف ناس راحو لفرنسا راهم يفرشولهم tapi rouge
صح فيها غبينة وميزيرية بصح حقك ما يضيعش

 

[zahira92]

حقيقة مش عارفة لاننا منقدرش نحس كما هما خاطر انا في دارنا وكلش يجيني بصح هما باينة موقف صعيب.

 

[EL General]

شكرا لكم نقاشكم يفرحني و جاد .
​

 

[BOUSS]

ارض ربي واسعا البلاد الي ما عطاتكش اهجرها في فرلنسا ولا في
الترك قفازتك وشتارتك مكاش الي يذلك انت الي ذل نفسك
12 سنة غربة شقة 120 متر مربع في باريس مرحبا بيك في كل وقت
داري مفتوحة مناش الكل نباتو في الكارطون يا حلييهم امساكن الذل تاع
البلاد الي جابهم للغربة وكل واحد الله يساهل اعليه وبحسن عونو
قبل ما تحكم عليا زورني امبعد اهدر صحا صحوركم خاوتي
وسلامي ليكم من ناس الغربة لي زالجيريان قاع يطيرو ثاني ماتخافوش
كي القط منبين ترميه ايجي علي رجليه ههههههه

 

[vampire02]

ارض ربي واسعا البلاد الي ما عطاتكش اهجرها في فرلنسا ولا في
الترك قفازتك وشتارتك مكاش الي يذلك انت الي ذل نفسك
12 سنة غربة شقة 120 متر مربع في باريس مرحبا بيك في كل وقت
داري مفتوحة مناش الكل نباتو في الكارطون يا حلييهم امساكن الذل تاع
البلاد الي جابهم للغربة وكل واحد الله يساهل اعليه وبحسن عونو
قبل ما تحكم عليا زورني امبعد اهدر صحا صحوركم خاوتي
وسلامي ليكم من ناس الغربة لي زالجيريان قاع يطيرو ثاني ماتخافوش
كي القط منبين ترميه ايجي علي رجليه ههههههه

هههههه يعطيك الصحة الحمد لله كاين عينة حاضرة معانا
استناني راني جاي​