(“'•.¸§((`'•.¸عودة الى ذكريات الطفولة¸.•'´))§ ¸.•”).......شاركونا

[حورية الجزائر]

السلام عليكم ورحمة الله تعالى وبركاته


واش راكم يا لاحباب؟؟

عندي بزاف مكتبتش موضوع :heh: ايا اليوم قررت نكتب موضوع ان شاء الله يعجبكم لكن الموضوع ميزيانش

الا اذا كانت ردودكم هي الي مزيناتو


قالك وش راك تهدر؟

رانا رايحين نهدرو على ذكريات الطفولة فالاكيد لكل واحد منا نصيب من ذكريات الطفولة البريئة


هي بريئة بالرغم من شقاوتها


ورايحا نحكيلكم على ذكرياتي الي مازالت لحد الان متذكرتها وراسخة في ذهني :blush:

بداية نحكيلكم على اول مدابزة صراتلي مع طفل :laugh: كاين يدرس معايا وكنا فالابتدائي هاكداك سنة

ثالثة ولا رابعة هو كان اكبر مني سنا وحجما :closedeyes: لانو كان معيد

فبعد مشادة كلامية بيناتنا فالقسم قتلو رح نشوفوها كي نخرجو (زعما شجاعة:showoff.



كي رن الجرس تاع الخروج بدأت المعركة

:sneaky2:


لكن راكم عارفين شكون غلب :tears:

رجعت هاداك اليوم لدارنا وانا في حالة مزرية الغبار والحالة حالة :surrender: مشنشفة


كي شافني بابا هكداك راكم تعرفو وش صرا من غير ما نقول فتح معايا تحقيق وتوجه لهاداك الطفل

مباشرة وأخذ بالثأر

هههههههههههه


ومن هاداك اليوم المسكين معاودش احكا معايا خلاص :shiny:


وكانت هادي مدابزة الاولى والاخيرة مع طفل لكن مع لبنات راهم كاينين نحكيهم في الردود المقبلة ان شاء الله


وش عجبكم سرد الحكاية ولالا؟؟:angel:


الي عندو شي ذكرايات من تاع الصغر يخبرني بيهم راني فالانتضار



و فالردود المقبلة رح تلقاو مزيد من مغامرات الطفولة


نتمنى مطولتش عليكم :ax_flw:






​

 

[nassim007]

ههههههههههههههههههههههه
​

 

[nassim007]

مرا شديت ولد خالتي عضيتو من نيفو
​

 

[إحسَانْ]

ههههههههههههههههههههههههههههههه

مراااااااااااااا هربت من الدار ورحت لسطيف وقعدت ثم من الصباح للمغرب باه لقاوني

 

[EL General]

ذكريات الطفولة كلها فوتها في باتنة بلدية بريكة

و درك رانا في تبسة

شكرا .
​

 

[nour mary]

ههههههههههههه
مرة في العيد رحنا لدار جدي عندهم غابة وحداهم جيرانهم تاني عندهم غابة صغيرة وكانت عندهم شجرة نتاع شينة رحت انا وبنات خالاتي سرقنا حبات وبدينا ناكلو ممم ونشوفو في اولاد خالاتي حتا هوما راحو يسرقو رحنا قولنا لجدي وهو عندو واحد الدبوس يضربك بيه آآآآآآي المهم ضربهم ومباعد نسمع في بنت خالتي تقول حنا تاني كلينا :busted_red: تزاgات علينا ضربنا كامل :tears:
انا غضبت منها ورحت نضرب فيها درنا باgار حمرا زادت قالت لجدي لمهم هاداك اليوم شبعت ضرب:scared:
كي نتفكر هاداك ليوم مانحبسش من الضحك:yahoo:

 

[مايا الجزائرية]

انا مرة كنت صغيرة في العيد تودرت ما لقاونيش حتى المغرب
هههههه

 

[DARINE05]

ههههههههههههههههههههههههههههههه

 

[خالدي]

انا نسيت كل شىء صح رمضانكم

 

[sandybelle]

هههه
مرة شقفت واحد صلع بحجرة ..... ومرة حكمت وحد الطفلة عطيتها طريحة جات يماها تشكي ليما سمانة وأنا هاربة عند دار جدي باسكو يما كانت تحلف فيا :like_1:

 

[جزائرية حتى الموت]

مرة خرجت من الدار رايحة نقرا​

بصح
/
/​

/​

/​

/​

/​

نسيت le cartable :closedeyes: :closedeyes:​

 

[BAD BOY DZ]

مرة
كنت صغير
داوني للبحر
كنت نحب نحفر بزاف
حفرت حفرت
لقيت كرطون فيه رطل زطلة ومحزمة نتاع ذهب
8ـ8ـ8ـ8ـه
​

 

[حورية الجزائر]

هههههه شكرا لمشارتكم الراااااااااااائعة


ربي يحفظكم​

 

[حورية الجزائر]

مرا شديت ولد خالتي عضيتو من نيفو
​

هههههههه ان شاء الله ماكانش :bored:

ههههههه

 

[حورية الجزائر]

ههههههههههههههههههههههههههههههه

مراااااااااااااا هربت من الدار ورحت لسطيف وقعدت ثم من الصباح للمغرب باه لقاوني

ههههه هراب


ايه ياما هربات درتهم ههههه شكرا لتواجدك

 

[حورية الجزائر]

ههههههههههههه
مرة في العيد رحنا لدار جدي عندهم غابة وحداهم جيرانهم تاني عندهم غابة صغيرة وكانت عندهم شجرة نتاع شينة رحت انا وبنات خالاتي سرقنا حبات وبدينا ناكلو ممم ونشوفو في اولاد خالاتي حتا هوما راحو يسرقو رحنا قولنا لجدي وهو عندو واحد الدبوس يضربك بيه آآآآآآي المهم ضربهم ومباعد نسمع في بنت خالتي تقول حنا تاني كلينا :busted_red: تزاgات علينا ضربنا كامل :tears:
انا غضبت منها ورحت نضرب فيها درنا باgار حمرا زادت قالت لجدي لمهم هاداك اليوم شبعت ضرب:scared:
كي نتفكر هاداك ليوم مانحبسش من الضحك:yahoo:

وش نقولك السرقات حدث ولا حرج ههههه

 

[حورية الجزائر]

انا نسيت كل شىء صح رمضانكم

نسيت؟؟؟؟؟؟؟؟؟؟؟؟؟:heh: :heh: :heh: :heh:


كي تتفكر متنساش تخبرنا هههه


صح رمضانك انت تاني كل عام وانت بخير

 

[khaoula49]

انا مره رحت لدار جدي كنت حابة نقعد عندهم مخلاتنيش ماما
طلعت فوق الشجرة وقعدت قلتلهم منروحش

 

[zi_crazy]

السلام عليكم ورحمة الله تعالى وبركاته​

واش راكم يا لاحباب؟؟​

عندي بزاف مكتبتش موضوع :heh: ايا اليوم قررت نكتب موضوع ان شاء الله يعجبكم لكن الموضوع ميزيانش​

الا اذا كانت ردودكم هي الي مزيناتو​

قالك وش راك تهدر؟​

رانا رايحين نهدرو على ذكريات الطفولة فالاكيد لكل واحد منا نصيب من ذكريات الطفولة البريئة​

هي بريئة بالرغم من شقاوتها​

ورايحا نحكيلكم على ذكرياتي الي مازالت لحد الان متذكرتها وراسخة في ذهني :blush:​

بداية نحكيلكم على اول مدابزة صراتلي مع طفل :laugh: كاين يدرس معايا وكنا فالابتدائي هاكداك سنة ​

ثالثة ولا رابعة هو كان اكبر مني سنا وحجما :closedeyes: لانو كان معيد ​

فبعد مشادة كلامية بيناتنا فالقسم قتلو رح نشوفوها كي نخرجو (زعما شجاعة:showoff.​

كي رن الجرس تاع الخروج بدأت المعركة

:sneaky2: ​

لكن راكم عارفين شكون غلب :tears:​

رجعت هاداك اليوم لدارنا وانا في حالة مزرية الغبار والحالة حالة :surrender: مشنشفة ​

كي شافني بابا هكداك راكم تعرفو وش صرا من غير ما نقول فتح معايا تحقيق وتوجه لهاداك الطفل ​

مباشرة وأخذ بالثأر

هههههههههههه ​

ومن هاداك اليوم المسكين معاودش احكا معايا خلاص :shiny:​

وكانت هادي مدابزة الاولى والاخيرة مع طفل لكن مع لبنات راهم كاينين نحكيهم في الردود المقبلة ان شاء الله​

وش عجبكم سرد الحكاية ولالا؟؟:angel:​

الي عندو شي ذكرايات من تاع الصغر يخبرني بيهم راني فالانتضار​

و فالردود المقبلة رح تلقاو مزيد من مغامرات الطفولة ​

نتمنى مطولتش عليكم :ax_flw:​

ههههههههه، و الله لضحكتيني ، ذكريات الطفولة ما يتنساوش gاع، هباااااااااال

انا غادي نحكيلك شوية من ذكرياتي

نعقل مين كنت صغيرة انا و خواتي و ولاد عمي بينا 7 الله يبارك كنا نصنعوا بيت من اللوح كنا مسميينه القاعدة السرية، زعمة متأثرين بالافلام

ايا و كان بابا كل مرة يهدمهلنا و احنا نعاودو نبنوه على خاطر ما كناش نخلوا الناس يقيلوا

كنا دايرين حالة و غير شوية بدينا نكبروا استعقلنا،هههههه، زعمة

المهم صحيتي اختي على الموضوع و اذا تفكرت حاجة راني نحكيهالكم

ايا صحة فطورك، احنا مازال نص ساعة

​

 

[حورية الجزائر]

ههههههههه، و الله لضحكتيني ، ذكريات الطفولة ما يتنساوش gاع، هباااااااااال

انا غادي نحكيلك شوية من ذكرياتي

نعقل مين كنت صغيرة انا و خواتي و ولاد عمي بينا 7 الله يبارك كنا نصنعوا بيت من اللوح كنا مسميينه القاعدة السرية، زعمة متأثرين بالافلام

ايا و كان بابا كل مرة يهدمهلنا و احنا نعاودو نبنوه على خاطر ما كناش نخلوا الناس يقيلوا

كنا دايرين حالة و غير شوية بدينا نكبروا استعقلنا،هههههه، زعمة

المهم صحيتي اختي على الموضوع و اذا تفكرت حاجة راني نحكيهالكم

ايا صحة فطورك، احنا مازال نص ساعة

​

هههههههه مالا كامل مكناش نحبو فترة القيلولة


حسبت غير أنا وخواتاتي وبنت خالتي

هههههههههههههههههه
:laugh::laugh::laugh:

شكرا على كرم المرور راني نستنا عودتك