اريد مساعدة ربي يجزيكم كل خير

[جزائرية واعشق بلدي]

السلام عليكم ورحمة الله تعالى وبركاته
رمضان كريم وصح صيامكم وفطوركم
انا نحوس نخدم العجينة المورقة بصح ماعرفتش الطريقة ارجوكم اللي تعرف طريقة تكون ساهلة وناجحة يعني هي مجربتها خطراش قاع جربت طرق بصح مانجحتش كاااااااااامل الوغ نحوس على طريقة مضمونة كيما نقولو وربي يجزيكم كل خير
واسمحولي اذا تقلت عليكم
اختكم "نهاد"

 

[كاترين]

اممممممممم كاين عند اختي الوصفة نتاعها
اختي تقدري تصبري عليا حتى للعشية و نكتبهالك هنا ف المنتدى؟؟؟؟؟

 

[جزائرية واعشق بلدي]

ربي يخليك حنونة واسمحيلي بالاك تعبتك
ماعليش خودي راحتك نستاناك حتان نموت ههههههههه

 

[سماح الجزائريه]

العجين المورقه تاع الكرواصون ولا تاع البوراك لتوضيح على خاطر نعرف الطريقتين ​

 

[جزائرية واعشق بلدي]

العجينة المورقة اللي يديرو بيها ليشوصون ......الخ وبزاف حوايج بصح ماعدنيش معلومة على البوراك انا نديرو بالديول
شكرا حنونة

 

[سماح الجزائريه]

العجين تاع الشوصون هى كالتالى ** كيلو فرينه + رطل زبدة لذيذ / المستحسن انها تكون بزبدة لذيذ لانها تصلح كان بيها هى + قرصه ملح + ماء دافئ تحطى الفرينه كيلو + قرصة الملح + الماء الدافئ و تخلطى الكل براحت ايدك حتى تولى عجين متماسكه مليح ومبعد تحليها بالحلال مليح سمك 1 سم وتحكمى الزبدة وتقطعيها الى شرائح رقيقه وتفرشيها على كل العجين الى عندك وتطوى الجوانب تاع العجين وتزيدى تحلى بالحلال وتزيدى تعاودى تطوى العجين كالضرف وتخطيها بساشي وتدخليها الثلاجه نصف ساعه وتزيدى تعملى نفس الشئ من الاول تحلى بالحلال وتطوى وتحلى وتطوى وتدخلي في الثلاجه نصف ساعه المهم تعملى هكا 6 مرات وكل مرة دخليها الثلاجه ومبعد تعملى بيها كيما تحبى حاجه حلوة او حاجه مالحه واذا اردتى الطريقه بالصور روحى لموضوعى تاع الكرواصون خطوة خطوة راهى نفس المقادير ونفس الطريقه وان شاء الله بالصحه يا رب راهى طريقه ناجحه100/100 والله ديما نعملها في الدار بالحلو والمالح وصح فطورك وصح عيدك​

 

[جزائرية واعشق بلدي]

اكيد تكون ناجحة ماهي من يديك يالغالية ربي يخليك واسمحيلي تعبتك معايا ربي يخليك لينا

 

[MĺŹǾ žĕĥÔŖ]

المقادير

500 غ دقيق
400 غ زبدة خاصة بالتوريق باردة ( مهم جدا تكون خاصة بالتوريق ) ربع ليتر من الماء
10غ من الملح




طريقة التحضير


يخلط الدقيق والملح جيدا


ثم يضاف إليه 100 غ من الزبدة مقطع إلى قطع صغيرة


تدخل الزبدة في الدقيق بالفرك بين الاصابع جيدا حتى تختفي تماما



ثم يضاف إليها الماء تدريجيا وتعجن جيدا لحد نفاذ كمية الماء



( الطريقة هذي مدروسة وبتتكون العجينه مع نفاذ كمية الماء )


فتتكون عندنا عجينة كما في الصورة






نبسط العجين كما ف الصورة






ونأخذ المرغرين ونبسطها قليلا بواسطة اليد للأنقاص من سمكها
ثم نضعها في وسط العجينة
ونقوم بغلق الأطراف



ونفرد العجينة من جديد بواسطة العود من دون الضغط على العجينة بشدة وذالك بتباع الخطوة التالية من وسط العجينة للأعلى ومن الوسط للاسفل
وبطبع لا بد من نثر الدقيق تحت العجبنة حتى لا تلتصق



ثم نبدأ بطي العجينة من جديد على ثلاث كما توضح الصورة



بعد ذلك نضعها في الثلاجة مدة 10دقائق ثم نكرر العملية 6 مرات يعني الثلاجة وإعطاء دورة للعجينة مع عدم نسيان تغطية العجينة كل ما دخلناها الثلاجة
للحصول على عجينة جاهزة للاستعمال
لتأكد من أن العجينة قد نجحت ستلاحظين وجود طيات في العجينة ان قمت بتقسيمها ألى قسمين




إن شاء الله نكون افدتك ولو بالقليل​

 

[جزائرية واعشق بلدي]

افدتيني كثيرا انتي واختي سماح الجزائرية جزاكم الله كل خير ربي يعطيكم واش تتمناو

 

[MĺŹǾ žĕĥÔŖ]

بلاااااااااااااااا مزيا حنونة الناس لبعضاها وكاش ما تحتاجي رانا هنااا

 

[nada242008]

هذا موضوع للاخت راجية العفو
العجينة المورقة بطريقتي ..}

 

[رآج ـية العفو]

السلآم عليكم ورحمة الله
كنت جآية نحطهآ ليك لقيت ندوش سبقتني
مرسي يالغآلية ربي يخليك والأخت جزآئرية نتمنى أنك
تجربيهآ بهآذ الطريقة وتتبعي كآمل الخطوآت ومتأكدة أنك
رآيحة تنجحي فيهآ أنآ من أول مرة خدمتهآ جبتهآ نيشآن
مآلآ نستنى النتيجة تآعك


​

 

[جزائرية واعشق بلدي]

ربي يخليكم لينا ويخلينا لبعضانا يعطيكم الصحة وباذن الله ذوك نجربها ونردلكم لخبر