اللي ما يدخلش ما يحبنيش

[ouissi]

السلام عليك
كيف الاحوال
المهم يوم جئت احكي لكم قصتي او بالاحرى مشكلتى :tears:
اخواني انا تعرفت على فتاة 18 سنة وذلك كله اثناء الدراسة اي السنة الثالثة ثانوي
المهم امضينا عام اكثر من رائع مع بعض احببتها واحبتني كثيرا لدرجة ان الكل كان يحاول تسبيب لنا مشاكل
المهم جوزنا الباك والحمد لله ربحناه بالاثنين
المهم حبيبتي لها صديقة وصديقتها تحترمني ومرت الايام ونحن في العطلة اذ جاء عندي اخو صديقة حبيبتي ويبلغ من العمر 27 سنة وقال لي ساتقدم بخطبة حبيبتك
سكت لمدة طويلة لم اجد كيف اجيبه ثم تداركت الامر
قلت له جرب حظك لاني اعلم ان حبيبتي لن تخونني
فتكلمت مع حبيبتي بالهاتف وقلت لها ما سيحصل فقالت لي غي ينزعها من راسه
الحمد لله ولات فيا الروح
المهم ذهب ذلك الانسان للخطبة فقوبل من طرف اهلها بالكرم وانا كل مرة اكلم حبيبتي بالهاتف واقول لحبيبتي مادا كان رد والديك فتقول لي مازال والمرة الثانية فتقول لي ما زال وفي المرة الثالثة اجد فيها حبيبتي تبكي
قلت لها ماذا حدث قالت لي ابي وافق وامي كذلك ماذا افعل حقيقة حتى انا غاضتني وهيا تبكي وتقولي غير هادي اللي ما تصراش
المهم هنا انا متوقف
اخواني قولولي كيف اتصرف فهموني برك
مع العلم اني سمحت في قرايتي و رايح ندخل ان شاء الله la police غير باه نخطبها
الى اللقاء

 

[sam11]

واش راح نقولك خويا مشكلة المفروض انو هدا الشخص ما يخطبهاش اصلا

اذا كان عارف بالعلاقة اللي بينكم واختو في الحق تقلو بلي الطفلة ماشي حابتو

ثانيا اذا انت ناويها للحلال خلاص ابعث والديك يعطيو عليها الكلمة الطفلة تحبك انتا

ونظن انو والديها مش راح يفرضو عليها انسان ماشي حابتو وكي راح ياخدو رايها

راح تختارك انت انت انوي واعمل خطوة ايجابية على الاقل باه تكون بجنبها

وربي يكون في عونك ونكون قدرت نعاونك ولول بنصيحة خويا لعزيز

 

[اسماء16]

ادا راك قادر تخطبها اخطبها وادا لالا ما بليد حيلة خليها تشوف حياتها وانا نظن تقدر توقف في وجه والديها وتقوللهم منتزوجش راني نقراااا وانا نظن لازم يفهمها بسكو هي الي راح تزوج ماشي اهلهااااا وحياتها هي
وان شاء لله ميكون غير لخير انت قنعهااا باه ترفض ادا مهيش حابة تتزوج بهداك شخص
​

 

[Mr Lonely]

انا لو كان جيت في بلاصتك

اولا الحب ماشي وقتو و مازلت راك صغير باش تتزوج
و ثانيا الي باعك بالفول بيعو بقشورو
انا ننصحك باش تكمل قرايتك و راك تصيب خير منها و احسن منها
و انت دير رأيك كيما حبيت
تقبل النصيحة و المرور اخوك mr lonely​

 

[salma2010]

ياك الراي رائيها سايي ماكانش مشكل قول ليها انو لازمها تقنع والديها بالرفض....ومن بعد روح انتا تقدم ليها ولو ربط كلام بس

 

[JSK 14 CH]

اذا كانت تحبك وتخمم عليك صح حبيبتك هادي تقول لوالديها ماتقبلش تتزوج بهاداك اللي خطبها
واذا راك ناويها للزواج غير اقفز ياخويا ملتخليهاش طير من يديك تقبل مروري

 

[NICHA03]

سلام خويا هاذا ماشي راجل لي يقبل يدي وحدة كانت مع واحد يحبها و تحبو ولازم هاذي حبيبتك تصارح اهلها بلي راهي تحب واحد وهو ثاني و راهو ناوي يخطبها و يتزوج بها وانت في هاذ الحال لازم تبعث والديك باش يخطبوهالك وانشاء الله لي فيه الخير ربي يجبو تقبل مروري nicha03

 

[ismail]

السلام عليكم كاين واحد صاحبي صرالو هكدا ونضن تقدر تستفاد من تجربتو
المهم هدا صاحبي كان مع وحدا فلليسي كانو لاباس بيهم حتى جاب باك وهي طلعت للثانيا
جا واحد خو صاحبو خطبها و تاني جارها صرالهم هكدا كيف كيف كيما نتا
هي بكات يامات و سكتت عيطتلو قاتلو صايي نشوف مصلحتي.......؟؟؟؟
شوف عام وهوما مع بعضاهم؟
دوك نتا تعرف أصبر شوية ركز على المستقبل ديالك ومن بعد يجيب ربي المكتوب.
ربي يوفق .

 

[nassim007]

ياخويا

نقولك حاجة وحدا برك

باينة ادا راها تحبك صح ماش راح تقبل .............تقول لوالديها مانقبلش ودير أي سبة
​

 

[فؤاد الورقلي]

سلام
خويا ما تسمحش في قاريتك
حاول تبلوكي العام
وكمل كما راك ناوي تع لبوليس
مي دروك
لازمك تروح تخطبها او تعطي الكلمة لاهلها
هذا هو الحل

بالتوفيق

سلام
​

 

[إحسَانْ]

كون تحبهااااااااااا صح اخطيها لاخاطر راك تحبلهااااااااا الصلاح وصلاحها في الآخرة بطاعة الوالدين

 

[Elif DZ]

خويا لا تتسرع اول شيء كل حاجة بالمكتوب حاولا بالمنطق أن تقنعا أهلها بانكما تحبان بعضكما
و لا داعي للتهور
​

 

[AWDIESL]

واش هادا يا خويا الحل كامل راهو عند حبيبتك.........
هيا اللي بيدها تحل المشكل و بيدها تعقد الحالة
لوكان جات صح انتيريسي بيك ما تقولكش مام pا راهو عندي مشكل تفريها وحدها مع دارهم و تقوللهم ما نيش قابلة سيرتو كي مازالت صغيرة و هادا وين جابت الباك .نورمالمو ماكاش اهل يبطلو بنتهم مالقراية باش يزوجوها ديجا هيا لازم عليها تقوللهم عندي قرايتي و poin finale في هاد الحالة محال يسيفو عليها تقبل الحالة ساهلة مي جاب لي ربي حبيبتك هي اللي راهي تعقد فالحالة a savoir وعلاش لازم تخمم مليح ف هاد الشي قبل ما تسكريفي علاجالها و ما لازمش تراهق راك كبير و خمم بعقلك........
هادا ماشي المشكل تاعك مي تاع حبيبتك و نورمالمو الحل تاعو ساهل
راني نهدر على حساب نت واش حكيت مي ادا كاين حاجة ما علاباناش بيها تما ما نقدرش نحكم على حبيبتك
الله يجيب الخير

 

[@احساس طفلة@]

خويا اذا راهي رافضة هاد الشخص على جالك انت نقولك خليها تشوف حياتها
وانت كمل قرايتك خيرلك
بينما اذا كانت هي مش باغيا هاد الشخص وأهلها فرضوها عليه
انا نشوف في هاد الوقت مبقاش الي يخممو هكدا مكاين حتى واحد يجبرها تزوج واحد ماشي بغياتو​

 

[يسرى 2008]

مشكلتك صعبة بصح هو الخطا منو لانو راح وخطب حبيبتك مع انو عابالو بلي حبيبتك
لازم تروح وتخطبها تاني باش يقبلو

 

[ألاء]

1 هذا اللي خطبها موش حق عليه عارفك راك معاها وختو علبالها كانت هي تقول لخوها بعد عليها
2 الطفلة اذا تحبك صح قادرة ترفض وعندها الحق ومتنساش راهي مازالها تقرا ودير السبة بالقراية
3 اذا مشات الامور كما تحب انت الاحسن ليك انك تتكلم عليها وتكمل قرايتك واللي فيه الخير يجيبو ربي ان شاء الله
4 متنساش حاجة وحدة باللي كلش بالمكتوب اذا كانت من مكتوبك واحد ميقدر يديهالك وهذي ديرها في بالك
5 الحل في يد الطفلة انها تقنع والديها انها مهيش تفكر في الزواج وقرايتها اهم من اي حاجة

​

 

[مايا الجزائرية]

تلقالهم سبة لوالديها

تقلهم راني حابة نقرى وما نيش حابة نرتبط حاليا
اوكي
ان شاء الله اكون افدتك حتى ولو شوي

 

[عاشقة الكرة]

خويا قرايتك اولى من كلشي ومستقبلك تاني وكيما يقولو الحب يجي بعد الزواج
ربي يكون معاك
​

 

[sabrina-09]

ana n9olek kemel 9raytet ,bach matedemch plus tard ,wen9olet seyi hat 3liha lyed hata tkemel 9raytek ou tel9a khedma wen chalah tkoun men mektoubek

 

[رقيقة المشاعر]

واش نقولك خويا
ماتسمحش في قرايتك على خاطر طفلة
لي خلقها خلق غيرها