سلام و صحا فطوركم
من منتدى واش راك تهدر السوجي نتع اليوم راح يكون على الهدرة
الهدرة عند ناس = التقطاع و التمنشير و التقرعيج
مي حنا اليوم راح نحكيوا على Autre thème
و في thème هادا فيه الهدرة = la souffrance
كيفاش هادا ؟؟
شحال خسرنا من ناس غير بسبة هدرتنا
و شحال كسبنا ناس تاني غير بهدرتنا
شحال قربنا بعيد غير بهدرتنا
و شحال بعدنا قريب غير بهدرتنا
شحال فاجينا على ناس بهدرتنا
و شحال زدنا على ناس تاني بهدرتنا
شحال قلنا من هدرة و اندمنا عليها
و شحال ما قلناش من هدرة و اندمنا عليها
http://i37.***********/2yjwow7.jpg
نورمالمو السوجي راه claire
السوجي على الناس اللي ما تعرفش تهدر
je voudrai dire الناس اللي ما تعرفش تعبر على كلمة حابين يوصلوها للناس اللي تسمع فيهم و لا تحكي معاهم
كاين اللي تحكي معاه تحس من هدرتو بلي مزالو صغير يعني مزال ما يعرفش يهدر
و كاين اللي تحكي معاه تحسو متكبر مي هو ماشي متكبر و انما ما يعرفش يهدر
و كاين الإنسان اللي ما خالطش بزاف يعني ما يتلامش الا ما يعرفش يهدر
و كاين يطاوع الناس و يعطيهم على قد عقلهم حتى يولي يبان ما يعرفش يهدر
و باش نعرفوا الأسباب اللي تخلي انسان ما يعرفش يهدر سقسينا على هاد الأسباب و جبنا منهم شوية التالية :
- اولهم هادا مسكين من درجة التحلاب بزاف ولا حاب يلعبها متحلب بدا يخلط في الهدرة و هنا الناس كامل تحلبولوا بلي Vraiment ما يعرفش يهدر
- و التاني هادا بعد ما طاح piège نتع une excitation ولى منارفي بعد ما كان يعرف يهدر ولى ما يعرفش يهدر في هاديك اللحظة
- و الثالث مخلوع من روحو باسكو الناس كامل روماركوه ما يعرفش يهدر و قالوهالو و تعقد صاحبنا ولى compliqué و اي كلام يقولو ماراهش مداير في روحو الكونفيونس
- و الأخر مسكين ماشي يهدر مي يتلاوح بالهدرة المهم فمو يرحي بلا ما يوزن كلامو و لا يحسب حساب الناس اللي تسمع فيه اسكو تزعف ولا يقراوا الناقصة من كلامو
- و هادا ستايل اخر : كي يكون يهدر زعما شوفوني راني نعرف نهدر و انا paroli نتاعكم و هو و الله طفل صغير يوصل الكلام خير منو
و كاين و كاين .............
http://i41.***********/vsj1p2.jpg
انا راني شاك كاش ما يكون كاين problème هنا و ما نعرف
و انتوما واش رايكم ؟؟؟
ربي اشرح لي صدري و يسر لي أمري و احلل عقدة من لساني يفقهوا قولي
