ارواحو منشرو فيه قبل ليلحق ههههه

[dana1993]

سلااااام عليكم
واش حوالكم علابالي ملاح ماكالاه تقولو لالا هههه
ناس لبلاد ياك بردتو ههه وصلنا الشتا صايي غدوا اجبدو الخروف و البسو الصوف ههههههه
ايا لاباس ربي يدوم نعمتو ان شاء الله

اهاه ليووووووووووووم جيت نمنشر عفوا نحكي شوي على زين نهار ليوم صحا عيدكم زين نهار ليوم مبروك عيدكم ففففففف راكم تشوفو صباح لخير لحقت حتا لهن هههه
امالا بقا للعيد سمانة يا بالجمعة يا بالسبت تسما ماكاش عطلية عيدية هههه

كل واحد نهاااااار لعيد عندو حوايج سبيسيال لازم يديرهم باه يحس انو معيد متقولوش مكانش هههه

كان لي يحب يلعب مع الذراري الصغار و لا يلعب وحدو بلمحارق ههه راهم هبلونا ديجا من النصفية وهوما يعيدو ههههه

كان لي يحب يخرج يروح للحباب و للصحاب يعيد عليهم

كان لي يريح فالدار معندو لا عيد لا والو يكونيكتي ولا يتفرج

كان لي يقعد فالدار يكثرو الضياف و ميقدرش حتا يخرج

و كان وكان هههه

ايا كل واحد يقولنا كفاه يفوت نهااااااااااااااااااااارو و واش يحب فيه و واش يكره ههه

المومن يبدا بنفسو ههههه

مالا ختكم نهار لعيد توجور روطار كالعادة تنوض على 10 و لفرج ربي تنوض كي يروحو من صلاة العيد ايا تبدا بختها الصغيرة تستيكيها هاذي لبسة وهاذي مشطة و فللخر تحاويزة ههه
شوي يبدا الباب دون انقطاع هذا عمي هذا خالي هذا فلان هذا فلتان ميخلاصوش ههه توصل 12 ايا وقت لغدا نضربو شبعة و مبعد تضرب دورة حول اجواء العالم حتا يوصل الليل تروح بخخخخخخ ترقد هههههه


اووووووووووو العيد يجي فور بالبزاوز كي يكونو جدد و يلعبو بيا يحلى العيد بلمة لحباب

نكره فيه التسلام لواح ملي يحل عينيه و هو يسلم بالربعة وووووو رقبة تتعوج ههه


ايا دالتكم ارواحو متبهدلوناش هههههه

في النتضار
وصحاااااااااااااااا عيدكم مسبقا​

 

[هــــيلدا]

_o: تنوضي علا 10؟؟

أنا نوض علا 4:crying: وياربي اذا طارتلي دالة عند الحفافة،، ديجا راني بديت نوصي من ضرك،،

هيا تولي 7 هكذاك نروح من عندها،، انا وزهري والغاشي:sneaky2:

نوصل للدار نلقاهم راحو يصليو ولا راح يروحو، نضربها بتنشيفة خفيفة،، ونستيكي السني مليح، واذا بقالي وقت تاع 10 دقايق هاو لازم نكونكتي،
كي يروحو بابا واما وخاوتي الذكورة، هانا نفطرو مع بعض، خمس دقايق يبدا الباب يصوني،،

خوالي وحدهم 11:sadwalk:وكامل يجيبو بزاويزهم:sad:،،
لا علينا،، وعندي 3 خوالي يشتيو يتغداو معانا، يسما حسبة لماعن تكبار، والكيسان للي يتكسرو كل عيد منحكيوش عليهم :sneaky2:

هيا بعد الغداء نغسل لماعن واذا هداها اختي ربي هاي تعاونني، من بعد الطوموبيل وجري
نعاودو ندورو علا الناس للي بقاو:sheer:
حتى يلحق الليل، العشاء لازم يكون عند عمتي ونروحو هانيين للدار:sheer::sheer:

هذا مكان

بصح السنة وقيلة راح يجي عيد غير:showoff:علا خاطر راح يصراو فيه أحداث غير:showoff:

هيا صحا عيدك دندونة من ضرك،، :ax_flw:

 

[واثقة من نفسها]

دندوونة راها فرحانة للعيد من ظرك i-o: معرف علاااه هههههه
تقول شرات حوايج العيد زينين ولا باباها قاها نمدلك 100 ميل
:music_whistling::music_whistling:

انا نهار العيد يجوز عليا نووورمال
انوض الصباح نفطر مبعد نهبطو نورمال لدار جدي
نوجد روحي -حاجة خفيفة برك-:tongue_1:
مبعد نروح نعاون ماما فالتوجاد نحط الحلوى و نطيب القهوة
مبعد كي يجو من الصلاة نعيد عليهم :shiny:
مبعد نقعد نتفرج نتفرج نتفرج نتفرج :like_1:
دار جدي ما عندهمش النات :crying_1:

مبعد فالظهر نتغداو شخشوخة -فكرتيني فيها يا جدك- :cra_zy:
ايااا حطيها ذك تشوفي :lol:

مبعد نروح نقيل و لعشية نطلع للدار
مبعد فالليل نتعشاو و نروحو حنا و دار خالاتي لدار جدي نتع ماما

و هكذا يخلااااص نهار العيد :az_flw:

:ax_flw: ميرسي دندوونة :ax_flw:

​

 

[الجمرة الخبيثة]

والله ياختي انا نهار لعيد مسيني نطرطق نكره مش عارفا علاه
كون صبت رمضان قع ميروحش منخرجش طووووول غير لدار جدي
نوض صباح بكري شوي باه نستيكو رواحنا
ايا بعد الصلاة نعيدوا على بابا وماما
ومبعد راني مع لميساجات لصحباتي
ومبعدورا لغدا نروحوا لدار جدي رانا رانا قع يجملوا
ولعشية نجعوا لدار
ياك عشوة لعيد صامطة رهج متجي تعقب بستين كشفة
و2 عيد لدار جدي زاوجة "ماما" تما تنفحلي شوي
هدا عيدي ههههههههه
صح عيدكم

​

 

[dana1993]

_o: تنوضي علا 10؟؟

أنا نوض علا 4:crying: وياربي اذا طارتلي دالة عند الحفافة،، ديجا راني بديت نوصي من ضرك،،

هيا تولي 7 هكذاك نروح من عندها،، انا وزهري والغاشي:sneaky2:

نوصل للدار نلقاهم راحو يصليو ولا راح يروحو، نضربها بتنشيفة خفيفة،، ونستيكي السني مليح، واذا بقالي وقت تاع 10 دقايق هاو لازم نكونكتي،
كي يروحو بابا واما وخاوتي الذكورة، هانا نفطرو مع بعض، خمس دقايق يبدا الباب يصوني،،

خوالي وحدهم 11:sadwalk:وكامل يجيبو بزاويزهم:sad:،،
لا علينا،، وعندي 3 خوالي يشتيو يتغداو معانا، يسما حسبة لماعن تكبار، والكيسان للي يتكسرو كل عيد منحكيوش عليهم :sneaky2:

هيا بعد الغداء نغسل لماعن واذا هداها اختي ربي هاي تعاونني، من بعد الطوموبيل وجري
نعاودو ندورو علا الناس للي بقاو:sheer:
حتى يلحق الليل، العشاء لازم يكون عند عمتي ونروحو هانيين للدار:sheer::sheer:

هذا مكان

بصح السنة وقيلة راح يجي عيد غير:showoff:علا خاطر راح يصراو فيه أحداث غير:showoff:

هيا صحا عيدك دندونة من ضرك،، :ax_flw:

هههه صحا طاطا هاذاوين تتفكرينا هههه

ايييييييييييه لحفافة هه عندي قرن مدخلتش للحفافة نهار لعيد بكري كي كنت بزا هه نحب نروح ياو نكره جدها هههه
ههه خيتك خفيف ظريف نهارها ههه
ربي يعاونك خيتو واش نكره لماعن نهار لعيد جابلي ربي نموتو يدفنوهم قدامنا ههههه
الله يسلمي كل عام ونتي بخير
صح عيد العام هذا غير و فيها احداث غير ربي يدومها ان ساء الله
منورة اختي

 

[Dr.Ora_M]

هههه هاذا gاع يصرى؟
انا بسم الله نوض على الربعة نحب نسمع "الله اكبر الله اكبر ، الله اكبر ولله الحمد" هاذي هي حلاوة العيد نشرب قهوة بالقاطو ونخملو الدار وكي تولي السبعة ونص نروح للحفافة نمشط ونرجع نلبس حوايجي ونقلعو للافامي نبوسو هههه
صح عيدك وعيدكم كااااامل وكل عام ونتوما بالف خير
سلام
​

 

[dana1993]

دندوونة راها فرحانة للعيد من ظرك i-o: معرف علاااه هههههه
تقول شرات حوايج العيد زينين ولا باباها قاها نمدلك 100 ميل
:music_whistling::music_whistling:

انا نهار العيد يجوز عليا نووورمال
انوض الصباح نفطر مبعد نهبطو نورمال لدار جدي
نوجد روحي -حاجة خفيفة برك-:tongue_1:
مبعد نروح نعاون ماما فالتوجاد نحط الحلوى و نطيب القهوة
مبعد كي يجو من الصلاة نعيد عليهم :shiny:
مبعد نقعد نتفرج نتفرج نتفرج نتفرج :like_1:
دار جدي ما عندهمش النات :crying_1:

مبعد فالظهر نتغداو شخشوخة -فكرتيني فيها يا جدك- :cra_zy:
ايااا حطيها ذك تشوفي :lol:

مبعد نروح نقيل و لعشية نطلع للدار
مبعد فالليل نتعشاو و نروحو حنا و دار خالاتي لدار جدي نتع ماما

و هكذا يخلااااص نهار العيد :az_flw:

:ax_flw: ميرسي دندوونة :ax_flw:

​

هههههه يبان نهارك هايل ختي ههههه راني فرحانة للعيد صح ماعلاباليش علاه هههه سير نتي لي راح تزوريني حبوبتي ههههه
ايه النت لعام لي فات ملي حليت عينيا وانا فالنت جا عيد بارد النو كي تاع العام هذا سير ههه
يعطيك الصحة خيتو نورتي و صحاااااااااااا عيدك هه

والله ياختي انا نهار لعيد مسيني نطرطق نكره مش عارفا علاه
كون صبت رمضان قع ميروحش منخرجش طووووول غير لدار جدي
نوض صباح بكري شوي باه نستيكو رواحنا
ايا بعد الصلاة نعيدوا على بابا وماما
ومبعد راني مع لميساجات لصحباتي
ومبعدورا لغدا نروحوا لدار جدي رانا رانا قع يجملوا
ولعشية نجعوا لدار
ياك عشوة لعيد صامطة رهج متجي تعقب بستين كشفة
و2 عيد لدار جدي زاوجة "ماما" تما تنفحلي شوي
هدا عيدي ههههههههه
صح عيدكم

​

هههه نهارك خفيف ظريف اختي صح ديفوا تملي ماشي تكرهي بيسك عيد ههه
الله يسلمك عيدك مبارك كل عام ونتي بخير
يعطيك الصحة نورتي

 

[dana1993]

هههه هاذا gاع يصرى؟
انا بسم الله نوض على الربعة نحب نسمع "الله اكبر الله اكبر ، الله اكبر ولله الحمد" هاذي هي حلاوة العيد نشرب قهوة بالقاطو ونخملو الدار وكي تولي السبعة ونص نروح للحفافة نمشط ونرجع نلبس حوايجي ونقلعو للافامي نبوسو هههه
صح عيدك وعيدكم كااااامل وكل عام ونتوما بالف خير
سلام
​

ههه بيانسير لعيد بلا متسمعي تسابيح الصباح هاذوك ماشي عيد ختم تسمعهم من لبعيد متتحركش سيرتو لكان لبرد هههه
الله يسلمك خيتو كل عام ونتي بخير ههه
نورتي ياغالية

 

[ندى الجزائرية]

انا بالنسبة ليا نهار العيد نهار مميز نفرح فيه كي لولاد الصغار
نوض اول حاجة نديرها وملي كنت صغيرة لازم نشوف حنتي كيفاش طلعت هههه
ومن بعد نروح لصلاة العيد,ومن بعد نرجع للدار نوجد مع ماما القهوة والغدا تحسبا لا ستقبال الضيوف ههه
ومن بعد التلفون مايحبسش لازم نعيد على كامل العايلة والاحباب خصوصا لي بعاد,بحكم اننا مغتربين بصح غير فالجزائر هههه
ومن بعد الكوزينة حتى لبعد الظهر,انا واختي نقعدو فالدار على خاطر مانحبوش نسافرو نهار العيد,وماما وبابا وخواتي لخرين يروحو يعيدو على العائلة الكبيرة العريضة هههه
نفوت لعشية كامل قدم القاطو ,كول كول ,كول كول هههه ونتفرج شوية.حتى يخلاص النهار.
وهدا هو العيد عندي,مانروح لحتى بلاصة.​

مشكورة على الموضوع
جبتيلنا العيد يجري ههه​

 

[ماكانش]

مبروك عيدكم

 

[عاشقة رجاص]

السلآم عليكم
صحآ دندونتي وآش رآكي
إيه والله مام حنا البرد والنو رحمة ربي شتي بالصح لخريف:ax_flw:
والله أنا نهآر العيد ننوض على 5 باش ندير الرتوشات واللمسات الأخيرة فالدار
ونولي للقاطو نصاوب فيه وممبعد نهز بيدون ونشافة ونتبع فاللي رايح واللي جاي هو يمشي خطوة وانا وراه نمسح لازم اللرض تبريي هههه
أيا بابا وخويا يروحو يصلو صلاة العيد وانا نروح نصاوب روحي ونشعل لاتيلي وندير الجزائر ونقعد نستنى فالغناية تاع زينو نهار اليوم لازمني نسمعها كامل سينو مانحسش باللي راه العيد كيما تخلص تبدا الباب تطبطب ومع الصباح يجيو غير خوالي وعمومي الرجالة وولادهم الصغار نقعد نلعب معاهم بالنبايل ونسرق لكل واحد نبولة باش نديكوري الصالون ههههه على بالك نحشم نروح انا نشري نبولة وانا شايبة تبهديلة هههه ومام ساعات نطلع للسطح ونلعب معاهم بالمحارق
ومورا لغدا يجو صحاباتي ونخرج معاهم نغافر للافامي اللي هنا قريبة فرجاص
وبيان سير لازم يروحو معايا لولاد الصغار اللي جاو عندنا كامل لازمهم يتصورو معايا هواية عندهم واش عاجبهم فيا ماعرف هههه
وفثاني عيد نروح مع بابا لعند لافامي اللي بعاد
راكي سخفتينا يادندش مالا صحا عيدك :thumb_up2:​

 

[NICHA03]

نهار العيد
نوض على 7.00 نشرب قهوة ونستيكي روحي مليح ومبعد يجيو خوالي وجدي و ولادهم نشبعو تسلام على بعضانا ومبعد نروح عند صحبتي نضرب عليها طلة ولا هيا تجيني ومبعد نتغداو الشخشوخة ممممممممممممممممممممممم حتى نشبعو ومبعد نروحو عند دار جدي تاع بابا نضربو عليهم طلة و نزبدو نكملوها عند دار جدي تاع ماما نبقاو ثما نتعشاو وفاليل نجيو وادا كان بابا مكانش نباتوااااااااااااااااا هاذا هو العيد تاعي انا

 

[dana1993]

انا بالنسبة ليا نهار العيد نهار مميز نفرح فيه كي لولاد الصغار
نوض اول حاجة نديرها وملي كنت صغيرة لازم نشوف حنتي كيفاش طلعت هههه
ومن بعد نروح لصلاة العيد,ومن بعد نرجع للدار نوجد مع ماما القهوة والغدا تحسبا لا ستقبال الضيوف ههه
ومن بعد التلفون مايحبسش لازم نعيد على كامل العايلة والاحباب خصوصا لي بعاد,بحكم اننا مغتربين بصح غير فالجزائر هههه
ومن بعد الكوزينة حتى لبعد الظهر,انا واختي نقعدو فالدار على خاطر مانحبوش نسافرو نهار العيد,وماما وبابا وخواتي لخرين يروحو يعيدو على العائلة الكبيرة العريضة هههه
نفوت لعشية كامل قدم القاطو ,كول كول ,كول كول هههه ونتفرج شوية.حتى يخلاص النهار.
وهدا هو العيد عندي,مانروح لحتى بلاصة.​

مشكورة على الموضوع
جبتيلنا العيد يجري ههه​

عععععععععععععععععععع علاه يهني تجيبلنا فففف بعععععع علاه يعني تذكري لحنة

يبان نهار زين كي مولاتو ربي يحفظك اختي
كل عام ونتي بخير لعيد لي يجري ماشي انا ههههه
نورتي

مبروك عيدكم

كل عام ونتا بخير خويا يعطيك الصحة

 

[hadjer92]

اهلااااا بيك وبالعيد **عساكم من عوادة...عاساكم من عوادة ..ايييييي يا ..
يلا لا و يلا لا عيد مبارك و الفرحهـ ترد الصادى ..
يلا لا و يلا لا عيد مبارك و
عساكم من عوادهـ ..
يلا لا و يلا لا ننشد أحلى الأناشيد .. يلا لا و يلا لا و البلابل بتعلم منا التغريد ..
للي gال فرحة عيد للأطفال رد عليهم ..
يا خيّ بي هلموال .. آه آه آه آه آه آه آه آه يبه ..
هذا العيد للصايم .. هلـ الله هلـ الله .. للي صلى
و هو قايم .. هلـ الله هلـ الله .. للي سبح طول الليل
بالفجر و عند الأصيل .. للي أعطى من مالو .. و للي
أكرم أعيال .. ولل للي مسجد و رملاته .. حتى بصوت خطواتو ..
...... ايه نسيت علا روحي

هيا قولولي شكون منكم ماتلقاهش فرحان بالعيد هياه ؟؟
الناس كامل راها تستنا فيه ماعندي منقولكم كيفاه .. زيد راه حايجي مع لا غونطخي ..هههه
انا ليلة العيد بعد ختي تسيق الدنيا مليح ..وانا نسجي السني تع الحلاوة ...
ونروح نرقد

الصباح نوض نلقاهم راحو صلاو وولاو .. نغافرلهم ومبعد تبعتني ماما ندي الدواقة تع الحلاوات للجيران ونغافرلهم بعد..نولي نفطر و نلبس قشي الجديد -ياي مييي
ومبعد نبدا ف البوختابل هادو لي ميساج وهادوالاتصالات مع المعارف كامل
وورا لغدا نهبطو عند جداتي ونكملو لا فامي كامل
فالنهار التاني حنا لي نبقاة فالدار والناس تجينا
والنهار التالت هيا قولولي وين نروحو ؟؟
نروحو نقرااااااااااااوو ..ييياااااسسسس
والله توحشت الموفمو تع القراية و الضحك..
مي العام هادا عندي باااك لازمني نزير على روحي شويا ..
ايا طوبت عليكم
مشكورة على الموضوع زينونة
سلاااااااام

​

 

[zzz]

سلااااام عليكم
واش حوالكم علابالي ملاح ماكالاه تقولو لالا هههه
ناس لبلاد ياك بردتو ههه وصلنا الشتا صايي غدوا اجبدو الخروف و البسو الصوف ههههههه
ايا لاباس ربي يدوم نعمتو ان شاء الله

اهاه ليووووووووووووم جيت نمنشر عفوا نحكي شوي على زين نهار ليوم صحا عيدكم زين نهار ليوم مبروك عيدكم ففففففف راكم تشوفو صباح لخير لحقت حتا لهن هههه
امالا بقا للعيد سمانة يا بالجمعة يا بالسبت تسما ماكاش عطلية عيدية هههه

كل واحد نهاااااار لعيد عندو حوايج سبيسيال لازم يديرهم باه يحس انو معيد متقولوش مكانش هههه

كان لي يحب يلعب مع الذراري الصغار و لا يلعب وحدو بلمحارق ههه راهم هبلونا ديجا من النصفية وهوما يعيدو ههههه

كان لي يحب يخرج يروح للحباب و للصحاب يعيد عليهم

كان لي يريح فالدار معندو لا عيد لا والو يكونيكتي ولا يتفرج

كان لي يقعد فالدار يكثرو الضياف و ميقدرش حتا يخرج

و كان وكان هههه

ايا كل واحد يقولنا كفاه يفوت نهااااااااااااااااااااارو و واش يحب فيه و واش يكره ههه

المومن يبدا بنفسو ههههه

مالا ختكم نهار لعيد توجور روطار كالعادة تنوض على 10 و لفرج ربي تنوض كي يروحو من صلاة العيد ايا تبدا بختها الصغيرة تستيكيها هاذي لبسة وهاذي مشطة و فللخر تحاويزة ههه
شوي يبدا الباب دون انقطاع هذا عمي هذا خالي هذا فلان هذا فلتان ميخلاصوش ههه توصل 12 ايا وقت لغدا نضربو شبعة و مبعد تضرب دورة حول اجواء العالم حتا يوصل الليل تروح بخخخخخخ ترقد هههههه


اووووووووووو العيد يجي فور بالبزاوز كي يكونو جدد و يلعبو بيا يحلى العيد بلمة لحباب

نكره فيه التسلام لواح ملي يحل عينيه و هو يسلم بالربعة وووووو رقبة تتعوج ههه


ايا دالتكم ارواحو متبهدلوناش هههههه

في النتضار
وصحاااااااااااااااا عيدكم مسبقا

الحاجة الاولى ميرسي عليك عالموضوع ختيتو

بون بور موا نتقلق وقتاش يلحق العيد

وجوست يلحق العيد نتوحش رمضان

بالنسبة ليا النهار الاول ننوض الصباح وكيما قال الاخ حلاوتها كي تسمعي التسابيح مع نسمة لفجر

نصلي صلاة العيد ونهرب للدار منخرجش حتى لغدوا من داك

بويسك جني وجن واحد يبوسني

المشكل نتاعي نعرف أمة وغير لي يجي يبوسك ربع بوسات وطلع

بزااااااااااااااااااف

على هاديك نخلي لدوزيام جور ونخرج :tongue_2:

دوزيام جور نروح للافامي ونزور قبر جدة وجدي وخالي ربي يرحمهم ويوسع عليهم

لعشية نروح نحوس انا وصحابي نروحو لجاردانديسي للبارك للماناج الخ

نجوزو نهار كيما يحب الخاطر ونولو للدار

وهادي هي وهادا هو
​

 

[واثقة من نفسها]

حالياً الأعضاء النشيطين الذين يشاهدون هذا الموضوع : 8 (7 عضو و 1 ضيف) ‏واثقة من نفسها, ‏عاشقة رجاص, ‏dana1993, ‏zzz, ‏@@ZiNoBa@@, ‏NICHA03, ‏hadjer92

فرحانين للعيد هههههه
هاكو خمسلاف خمسلاف و روحو تشرو الحلوى

​

 

[عاشقة رجاص]

حالياً الأعضاء النشيطين الذين يشاهدون هذا الموضوع : 8 (7 عضو و 1 ضيف) ‏واثقة من نفسها, ‏عاشقة رجاص, ‏dana1993, ‏zzz, ‏@@zinoba@@, ‏nicha03, ‏hadjer92​

فرحانين للعيد هههههه
هاكو خمسلاف خمسلاف و روحو تشرو الحلوى​

ههههه راكي تسركلي هنا سرسورة
ياحسراااااااه على دراهم العيد واش كانو يفرحونا بيهم صايي درك رانا شبنا هههه​

 

[zzz]

​

حالياً الأعضاء النشيطين الذين يشاهدون هذا الموضوع : 8 (7 عضو و 1 ضيف) ‏واثقة من نفسها, ‏عاشقة رجاص, ‏dana1993, ‏zzz, ‏@@ZiNoBa@@, ‏NICHA03, ‏hadjer92

فرحانين للعيد هههههه
هاكو خمسلاف خمسلاف و روحو تشرو الحلوى

​

خمسلاف برك ؟؟؟

يخي مشحاحة يخي

انا راني حاب نشري طونوبيل

تعطيني نشري طونوبيل ؟؟ :lol:
​

 

[NICHA03]

هععععه راكي تسركلي هنا سرسورة
ياحسراااااااه على دراهم العيد واش كانو يفرحونا بيهم صايي درك رانا شبنا هههه​

ههههههههههههه تشفاي كنا نستناو نهار العيد على هاذوك زوح دورو:sheer: و شحال نفرحو بيهم تقولي عطاولنا لملاير :lol::lol:

 

[AnGeL*dZ]

العيــــد نموت عليه ياربي يكون بالجمعة:sheer:
أنا نوض روتار نفطر وياسعدي كون نلقا ماما دارت الغرايـف :tongue_2:
نبدا نجتر
ومبعد نروح نلبس ونستنى أبي العزيز كي يجي نغافرلو وندي الدراهم ونخرج مع صحباتي نروحو عند الأقآرب تآعنا لابغى مانهدرش معاهم في العام كامل في العيد نتفكرهم :lol:
و نعدي لعيشة كامل عند لافآمي
بصح هذا العام بلاك نعقب ثاني عيد في دار عمومي في الدشراi-o:
​