في رايكم ما هو السن المناسب للحب والزواج للنقاش

[يسرى 2008]

السلام عليكم
وشراكم يا اعضاء اللمة ان شاء الله سافا
رمضان او فض محسوب معندو مبقا
غير شوي ايا جاكم العيد افرحو هههه
باش تديو مصروف جديد
اليوم خطر على بالي موضوع باش نحرك فيه الجو
باسكو اني نشوف في المنتدى ايامات هادي مكانش مواضيع تحرك بزاف
لا علينا
مع انو المجتمع الكل يحب درك مبقاش الي وحدو خلاه
تلقا صغير بصغرو يقلك اني نحب
مكانش واحد سيليباتار هههه
المهم
في رايكم ماهو السن المناسب للحب العقلاني بدون كوارت ويكون نهايتو سعيدة

وماهو السن المناسب للزواج


انا من راي السن المناسب للحب هو كي الانسان يكون راشد في السن والعقل age and mind
ويكون عندو مستقبل مش صغير يدي مصروف عند باباه ويقول نحب

الزواج انا نقول 30 باسكو العبد عاش حياتو ورايح للميزيرية تاع القدية والدنيا



خبر عاجل
اني رايحة نغادر المنتدى اليامات هادي يعني هادي اللمسات الاخيرة ليا
مازالي معاكم غير شوي برك
اني رايحة نفارقكم بدمعة وكشما ندخل مرة في السمانة مرة ولا زوز نطل ونروح
رايحة نتوحشكم الكل
ومننساكمش
المهم انتوما متنساوش تردو عليا وتفكرو اختكم الصغيرة يسرى

 

[** غزال الصحراء **]

ماكانش سن للحب , غير يبدى الإنسان يفهم قاد يطيح Love //
مي الزواج كيما قلتي الثلاثينات ملاح .

 

[فؤاد الورقلي]

سلام

اهلا
امممممممممممممممممم
انا حسب رايي
سن الحب من العشرين فما فوق

اما الزواج فيكون
عندما يحس الشاب ان قادر على ذلك
وسن من25 فما فوق

وهذا مكان يا اختي ههه

موضوع مليح

شكرا

وان شاء الله تروحي وترجعي بالسلامة


سلام​

 

[رفيق الخير]

مايهمش السن نعرف واحد خطب على 17 سنة واحد 45 وقالك مكانش لمان

أنا ... برايي الحب لا يعترف بالسن نعرف وحدة 14 سنة وغارقة في الح ... ونتاع الصح

المهم العبد كي يشعر بلمان برك ولو بعد 100 سنة آآآو 100 نة واش هدا روح أولدي كاش مابقالك الي فاتو وقتو مايطمع ي وقت الناس ههه ألف شكر

سلام​

 

[رفيق الخير]

ها يسرى وين رايحة تهيي في روحك للبيام ههههه​

 

[Cristiano-Ronaldo]

السلام عليكم
انا في رايي سن الحب هو فوق 18 سنة و سن الزوااج فوق 27 سنة بالنسبة للشعب الجزائري ..

 

[nour mary]

سلاااام اختي يسرى وشراكي؟
الحب بلا كوارت يكون ف العشرينات
والزواج بالنسبة للراجل من 25 ل 30
وللمراة 20 ل 28
ايا باي
رايحة نتوحشك ياااااااسر يسرى انا تاني ماش راح نزيد ندخل
صح صحورك

 

[بحر الأحزان]

الحب ماعندوش سن كيما قلتي واحد قد نملة ويقولك نحب {ربي يتسر برك }
بالنسبة للزاوج للراجل كي يكون نفسو ويضمن مستقبل ليه ولي راح يديها ولولادوا ذيك الساعة يقدم
أما الطفلة فيجيني تلحق 20 سنة
وصحة فطورك + سحورك

 

[رفيق الخير]

السلام عليكم
انا في رايي سن الحب هو فوق 18 سنة و سن الزوااج فوق 27 سنة بالنسبة للشعب الجزائري ..

هههه عجباتني بالنسبة للشعب الجزائري ... حالة إستثنائية هههه

سلام​

 

[Dr.Ora_M]

خبر عاجل
اني رايحة نغادر المنتدى اليامات هادي يعني هادي اللمسات الاخيرة ليا
مازالي معاكم غير شوي برك
اني رايحة نفارقكم بدمعة وكشما ندخل مرة في السمانة مرة ولا زوز نطل ونروح
رايحة نتوحشكم الكل
ومننساكمش
المهم انتوما متنساوش تردو عليا وتفكرو اختكم الصغيرة يسرى

كيفاش يعني ماتزيديش تدخلي gاع؟ ولا تدخلي في ليفاكونص؟

الموضوع:

السن المناسب للرجل 26 سنة وللمراة 23 سنة كل واحد فيهم يكون ترزن وقادر على المسؤولية
بلاك مانتلاقاوش نقولك صح عيدك وكل عام ونتي بخير
تهلاي في روحك
​

 

[رقيقة المشاعر]

الحب ماعندوش سن
امّا الزواج في السن 25 فما فوق عند الاولاد و بالبنات 20

 

[nassim007]

ياي تلقايهم 6 سنين ويحبو

الدنيا كامل ولات طايحة love في رايي انا المهم كي كون قادر على تحمل المشاكل و الدودانات ههه لي راح يوقفو ف الطريق
و زواج المهم كي يكون قادر يتحمل مسؤولية هديك هيا

شكرااا على ميضوعك
​

 

[sam11]

الحب الحب الحب انا نقول انو السن المناسب للحب هو فوق العشرين

اما الزواج انسب سن هو 32 33 هدا هو السن الطبيعي بالنسبة للرجل

اما البنت 24 25 يكون الاثنين ناضجيين

 

[ياقوتة الصحراء]

الزواج عند الراجل بين 27و 35 يكون مليح والمراة بين 18 و 26

مع انو ناس تاع بكري الراجل يتزوج في 18 و 19 الوقت تبدل

ما تزيديش تدخلي باش توجدي البيام ؟ عندك الحق قرايتك اولى ربي انشالله ينجحك وتكوني من الاوائل

 

[ماكانش]

شكرا على الموضوع ...
اظن ماكانش سن محدد وكل رجل وعقلو
والعقل والرشد ماشي بالسن
نعرفو بزاف ناس صغار في السن بصح عقلهم ربي بارك يوزن جبل
والعكس
والسن الي هنشوفو مناسب درك لليجان تاعنا أشباه الرجال هوا 30 سنة والطفلة 23 واكثر

 

[@احساس طفلة@]

سن الزواج بنسبة للبنت من 20 فما فوق
والولد من 25 فما فوق
أما الحب انا نشوف معندوش سن على حسب
هادا رأيي​

 

[NaDiA.]

الحب ماعندوش سن محددة المهم كي يكون الواحد ناضج ..ردي بالك كاين راشدين مي ماشي ناضجين و العكس صحيح ختيتي ..كي ينضج عقلو ولا عقلها يقدر ولا تقدر تحب

و الزواج تبانلي العشرينات للبنات
و من سن 26 بالنسبة للشباب




























ماكانش منها راكي رايحة تغيبي..صحا ماعليش راح نتوحشوك مي نشاللله ترجعي بخير تهلاي ف عميرتك حنونة بااااااااااااااااااي
​

 

[اسماء18]

انا صراحة ما تعجبنيش هاد المواضيع بزاف جيت ندرب طلة برك شكرا الاخت

 

[BOUSS]

نقولك ختي من 20 وطلع تولي النار تشعل اما الطفلة تنجمي تقولي
من 16 وطلع هذا راي برك علي كل حال عموما العبد كي يعود يعرف
صلاحو مع الف شكر

 

[DARINE05]

انا نبدلك نفس الراي يا يسرى اختي
اتهالاي في البويام لازم تجي الاولى على مستوى عنابة وتعرضينا نتبحرو عندك ههههه