يا ياما اغلقي فمك مادخلك فيا وانت بويا ثاني اخطي راسي

[فؤاد الورقلي]

السلام عليكم ورحمة الله

كيف حالكم يا لجان ولجانات تع اللمة
ان شاء كامل انتيك وبشبش
وفي نعمة وصحة وعافية في هذا الشهر الفضيل

عندي زمان زمان مادرتش موضوع هنا

ايا زيد
صحا فطوريكم وربي يقبل منا ومنكم

اه قعدت ايام ويروح الشهر المبارك

الله الله الله

ايا ندخل للموضوع نتاعي

ايا قالك ظاهرة خطيرة جدة منتشرة في بعض المنازل هذه الظاهرة كيما يقولك
رد الكلام على الوالدين
وكما يقولو كلمة بكلمة

ايا كاين بعض لجان ولجانات الله يهديهم
يعاملوا والديهم وكانهم اصدقاءهم او ناس سقصرو معاهم

مي الدين يقولك اف وماتقولهاش لوالديك

كاين ليقولو ليماتهم اغلقي فمك
مادخلك
ندير واش نحب
نعيش حياتي كيما نحب

اوا المهم مايخلي لها ماتقول كلمة بكلمة

وهذا للجان وللجانات
الاثنين معنيييييييييييييييين بالامر


واش رايكم في ظاهرة كيما هاذي

وان شاء الله مانكونوش من هذا النوع

وربي يهدي ان شاء الله ويعافي



ايا صايي انتهى الموضوع

استودعكم الله

وتهلاو في رواحيتكم


وكل عام وانت بخير
لان العيد راه في الطريق

ولزنيتي تع الهدرة انتهت



كان معكم
فؤاد الورقلي


تقبلو تحياتي وفائق احترامي



و

السلام عليكم​

 

[** غزال الصحراء **]

يا لطيف ,و الله ماهي مليحة , نعرف واحد يسب يماه , يسكن غير هنا ماهوش بعيد على دارنا //
و الله حكاولي كل يوم يبكيها ,, حتى هو مسكرة في وجهو من كل جيهة ,, حاجة مصلحتلو , كيفاش لالا
و هو مغضب إنسانة , جنته تحت قدمها

صحيت فوفو .

 

[بحر الأحزان]

والله لو تجي تسكن يومين في كارتين تشوف لي عمرك ما شفتو ما عندي مانحكيلك سبان كل يوم مامنعو لا والدينهم لا خاوتهم والله كاين جيرانا يروحو في ليل خابطين حشاك ويجو يدخول ذر لديارهم وخاوتاتهم رقدات ماكي يحكي باباهم يديرولو سوق مايخلو كلمة ما يقولوها
ربي يسترنا برك​

 

[sosok7]

وعليكم السلام
اخي فؤاد هذه الظاهرة قد يكون سبب رئيسي على حسب نظري.
هو الوالدين: هناك قانون في هذه الدنيا ينص على مبدأ كما تدين تدان -وراك فاهم واش اني نقصد- .
وكذلك المال الحرام الذي قد يكون هو مكسب الأب يعني كل مال الاب حرام.
والله اعلم.
مشكور اخي على الطرح الرئع.
تقبل مروري اخوك في الله محمد سفيان.
​

 

[ساجيدة]

وعليكم السلام اخي فؤاد
والله خوية عندك الحق كاين من هاد النوع لي مايحبش والديه ينصحوه ويوجهوه
ربي يهديهم

 

[يسرى 2008]

ياه نندب نقول لماما اقفلي فمك ونقلها امشي تلعبي
ربي يهدي

 

[DARINE05]

صح كاينة هذي الظاهرة هذو ناس عاقين والديهم ربي يسترنا

 

[ياقوتة الصحراء]

اللهم انا نسألك العافية
​

 

[NaDiA.]

صح كلامك و الله غير نشوف ونعرف ناس يغيضو في يماتهم و يقولولها لكلام حرام عليهم ..ماكانش كي الواليدة لازم نديروها على روسنا و نقولول قليل..و ماشي غير الاولاد راهم حتى البنات و الله مايحشمو ترد لماها الهدرة و تعايرها و ماشية ادير رايها تفوووووو عليهم مصاخيط

و الله ف هاد الدنيا ماكاش كي الام تربيك و تسهر عليك و تطيح صحتها على جالك وكي تكبر تزيد تستحملك .و اللي يزعف ميمتو يحوس على دعاوي الشر..


ربي خليها تاج راسي و يعطيها صحتها و يحفظهالي يا رب انا بلا امي نضيع

و نفكركم بحاجة ياك يقولك اللي يموتلو اب ماهو يتيم مي اللي تموتلو يماه راهو يتيم الصح بعيد الشر ربي يخليلنا امهاتنا قولو امين
​

 

[اسماء18]

ربي يهدينا برك انا نتقلق حتى يطلعلي الزانقر ربي يصبرنا برك

 

[zi_crazy]

واش نقولك فؤاد خويا، ربي يهدي ما خلق
​

 

[massilia]

bin allah yahdina c ça se que je peut le dire et merci pour se sujet

 

[nina bonoise]

اه نندب
عيب ندير هك

 

[الخيزران]

ولا تقل لهما أف ولا تنهرهما
اف برك اف بغضها ربي ونهى عليها
فما بالك بجملة كاملة قبيحة

 

[رقيقة المشاعر]

ربي يهديهمـ؛

 

[iméne09]

عندك الحق خويا يخااااااااااااااااه:scared: كون نقولهالها بلا مانحس نشوف كف جايني على فمي:like_1:
والله تبهدايل رانا نشوفوهم يردو لكلام لوالديهم يوصلو حتى للضرب مراهمش كامل حاسبينهم بورتون تعبو عليهم باش رباوهم مامـpـا مانقدروش نردولهم ربع من خيرهم بقباحتهم راهم يعدبو والديهم ومايربحو والو غير دعوة الشر كما جرحتها ربي يغلقها في وجهك وين راهي عقوق الوالدين والله كي يروحو برك باش يعرفو قيمتهم بصح يكون جاز الوقت :crying_1:
الله يهدينا ويقدرنا على طاعتهم
يعطيك الصحة
​

 

[فؤاد الورقلي]

يا لطيف ,و الله ماهي مليحة , نعرف واحد يسب يماه , يسكن غير هنا ماهوش بعيد على دارنا //
و الله حكاولي كل يوم يبكيها ,, حتى هو مسكرة في وجهو من كل جيهة ,, حاجة مصلحتلو , كيفاش لالا
و هو مغضب إنسانة , جنته تحت قدمها

صحيت فوفو .

سلام
واه كاين في كثير من الاماكن
راك تعرف يالغزال

الله يهدي ويعافي

مرسي خويا

الله يجازيك​

 

[فؤاد الورقلي]

والله لو تجي تسكن يومين في كارتين تشوف لي عمرك ما شفتو ما عندي مانحكيلك سبان كل يوم مامنعو لا والدينهم لا خاوتهم والله كاين جيرانا يروحو في ليل خابطين حشاك ويجو يدخول ذر لديارهم وخاوتاتهم رقدات ماكي يحكي باباهم يديرولو سوق مايخلو كلمة ما يقولوها​

ربي يسترنا برك ​

سلام
يا لطيف
الله يفرج على اهلهم ويهديهم
واه كاين قصص بزاف

الله يهدي
مرسي
ربي يجازيك​

 

[فؤاد الورقلي]

وعليكم السلام

اخي فؤاد هذه الظاهرة قد يكون سبب رئيسي على حسب نظري.
هو الوالدين: هناك قانون في هذه الدنيا ينص على مبدأ كما تدين تدان -وراك فاهم واش اني نقصد- .
وكذلك المال الحرام الذي قد يكون هو مكسب الأب يعني كل مال الاب حرام.
والله اعلم.
مشكور اخي على الطرح الرئع.
تقبل مروري اخوك في الله محمد سفيان.​

سلام
اكيد خويا
كما تدين تدان
خاصة اذا ماتبوش على واش دارو لوالديهم
الله يعافينا
ويخلينا والدينا
يارب

شكرا خويا على المرور الطيب
ربي يحفظك​

وعليكم السلام اخي فؤاد
والله خوية عندك الحق كاين من هاد النوع لي مايحبش والديه ينصحوه ويوجهوه
ربي يهديهم

اهلا ساجيدة

الله يهديهم ان شاء الله

شكرا لك​

 

[عاشق بنات حواء]

ربي يهدي ما جلق