السلآآآمـ عليكمـ ورحمتـ اللهـ تعالىـ وبركآآآتهــ
اليوم جبتلكم احسن نكت شوفتهم بصح للاسف ماهومش بالعامية نتاعنا مع اني لقيت مواضيع نكت نفس الامر نتمنى انها تنال اعجابكم
اتنين محششين بيتفرجو على مطش فالمزيع بيقول “دربكه فى الدفاع، دربكه فى خط الوسط، دربكه فى الهجوم، أوبااااا جوة الجون” فالمحشش قال لزميله “إظاهر ان دربكه ده لعيب ميه ميه”
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
مرة واحد محشش لقي كنز قال: كويس فاضل الخريطة!!
واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه
الأستاذ : لماذا يغيب القمر ؟ التلميذ : يذهب ليقبض المعاش
واحدة بتلعب استغماية مع خطيبها قالت له لو لقتنى هتبوسنى لو ملقتنيش انا ورا الباااااب
حشاش سايق إسعاف في الحرب ناقل 35 قتيل،سمع في الراديو سقوط 30 قتيل، وقف وفتح الباب وقال: الخمسة اللي بيستهبلو ينزلوا حالا .
ايه هو المكتوب على قاع زجاجة المياه الغازيه في الصعيد؟؟؟؟ مكتوب : الفتح من الناحية الأخرى
واحد عمل 2 إيميل، واحد دوت كوم للشتاء وواحد نص كوم للصيف
واحد رجع من امريكا قاعد بيحكي لأبوه وأمه الحاجات الغريبة اللى شافها،، دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
مرة واحد بلديات نام بالمقلوب صحى رجلو معمصة
واحد بنى جامع لقى الناس بتجيه كتير قـلـبه مـطـعـم
مره واحد بيقول لصحبه انامراتي زى الملاك قاله يا بختك انا مراتي لسه عايشه
مرة واحد قتل ابوه وأمه وخاله وبعدين قطع رجله . فسألوه ليه ؟ قال : عشان رجلى ما تجيش في القضية
واحد سباك نفسه اتسدت غرقت الشقة
واحد رمى يمين الطلاق على مراته ما جاش فيها
مرة واحد بيموت جمع أولاده كلهم علشان يوصيهم فنادي علي أكبرهم وقال له:- أمسك عود الحطب ده وأكسره ، الولد مسكه كسره ، قاله أمسك عشر وأكسرهم ،مسكهم كسرهم ، الأب :- أمسك 100 عود وأكسره ، الولد مسكهم وكسرهم ، فرد
الأب وهو ينظر لأولاده الأخرين : طول مامعاكم البغل ده مايتخفش عليكم
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى
حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك
واحدة وحشة أشترت برفان
أبوها قال لها: ده رجالى
قالت له: هايبقى لاهما ولا ريحتهم
راقصة بتسأل شيخ: هو أنا ممكن أبوسك؟
رد عليها وقال: هو فعل الخير يحتاج مشورة
محششين قعدين واحد نط وقال: كبسه في صوت بوليس انتو سمعين؟
... قالو: سمعين... تمنين... تسعين... راح مصرخ وقال: اعملو حاجه دول زنؤونا
قالو: زنؤنا... زناتانيه... زناتالته
خدتهم الشرطه وقال للشله: اوعي حد فيكم يجيب سيرتي قالو: سيرتي... فورتي... فيفتي
صعايدة عملوا مظاهرة........... لبّسوا واحد منهم قناع جورج بوش وحرقوه
مرة واحد صعيدى راح عند الصيدلي قال له: عندك لبن أطفال
الصيدلي سأله : اسمه إيه ؟
الصعيدى قال له : عبد الرزاق
قالت البنت بابا في شاب ابن ناس ومافيهوش ولا عيب عايز يجي يخطبني
طبعآ وافق الاب
جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
بس هل دى مناسبه تمضغ فيها لبانه؟
قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
قاله وبتشرب كمان قاله احيانآ لما بلعب قمار قاله فين بقى بتلعب القمار؟
قاله فى الكباريه
قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟
قاله ضربت واحد بالسكينة ومات
قلو وليه موِتته؟ قاله لاني طلبت ايد بنته وما وافقش
قاله الاب على بركة ألله يللا نقرا الفاتحة
اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا
عربجى كارو دخل فرح قال رفصنى ياجدع
بيسألو واحد بلديتنا: تعرف مين طاهر القويرى؟
قال: مش لما اعرف مين طاهرنى انا الاول
رجل مسيحي دخل مسجد في مصر و معاه سكين و قال: مين فيكم مسلم ؟
محّدش رد عليه إلا واحد شجاع قاله: أنا مسلم
اخذه برا المسجد و قاله: عندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ
دخل المسيحي المسجد و السكين كلها دم من الخروف و قال: مين مسلم كمان؟
اشروا المصلين على الإمام
رد الإمام عليهم: ' في إيه ؟ هو عشان صليت فيكم ركعتين بقيت مسلم خلاص
طفل من الهنود الحمر سأل أبوه:
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الاب:
يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها 'الشمس
المشرقة المطلة بين السحب الكثيفة '
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه 'الامطار الغزيرة
وسط البرق اللامع '
دي عادة قبائلنا طوال الازل
أنت ايه اللي مزعلك يا ' كلبين يشخو جنب الخيمة
جورج قرداحي بيسأل واحد صعيدي ببقوله الحج فرض ولا سنه قاله هتصل بصديق أتصل
بهريدى صديقه وقاله الحج فرض ولا سنه هريدي قاله لا الحج قرعه
مره واحد بلديتنا لقى خاتم سليمان جه يدعكه فعص العفريت
واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال : استنى شوية حاطنّنعك دنوأتي قاله نببنا يخننيك بسنعة قال لهو كمان بتتنيأ ؟؟؟ طب شوف مين حيطننعكّ
واحد شكله وحش قوى قوى قوى عايز يتزوج فراح و اتقدم لواحده فبيقول لابوها
انا يا عمى و بلا فخر عملت نفسى بنفسى
رد ابوها وقال : ما انا كمان بقول استحاله تكون خلقة ربنا
مرة واحد مسطول بيلعلب كورة اخد الكورة على صدرة طلعها من منخيرة
(زى ميسوكا وهو بيلعب كورة )
جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة
مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا
