اعتراف

[ملكة نفسي]

السلام عليكم صحة رمضانكم
مانيش عارفة واش راح نقولكم المهم الصراحة راحة
انا اول مادخلت للمنتدى ماكنتش نعرفكم اما ضوكة بديت نعرفكم و نرتاحلكم عليها قررت نعترفلكم بحاجة هيا انو انا كنت مرة كتبت موضوع بعنوان" ارجوكم ساعدوني بارائكم" و كنت قلت بلي الموضوع يخص صديقتي الصراحة يعني الموضوع يخصني انا شخصيااااااااااا و الصراحة يعني انا تعبت من التفكير في هذا الموضوع و دائما مازلت معلقة حائرة و تائهة و مالقيت ليمن نشتكي و نفرغ قلبي غير ليكم المهم اللي عندو راي يقولهولي هل انا مخطاة في كاش حاجة ممكن لاني خجولة :tears: ما رايكم كيف ممكن يكون يفكر فيا و هل ممكن الواحد يحب وحدة من غير ما يقولهالها ولو يحسسها بانو مهتم لامرها ام انو غير مهتم بيا و حشم يصارحني ............. المهم اجو منكم تساعدوني و لو بكلمة

 

[hassina]

واش نقلك ختي اذا كان يحبك يدير المستحيل باش يوصلك وادا لالا خير ليك مكله تعيشي في وهم او مبعد تعشي غير انتي خاسرة

 

[touffik]

ركى جوبتى روحك فى توقيع بتعاك

ماجا ما هناني ما راح ماخلاني انسيه وتهانى وشوفى مستقبل بتعاك

 

[Elif DZ]

نقلك اخطيك من هذا الكل راهو كل شيء بالمكتوب و كانه يحبك صح رح يقول

​

 

[sam11]

شوفي اختي الحشمة حاجة وما علابلوش بيك حاجة اخرى

كون جا كاش ما يحس اتجاهك هو راجل ما نظنش راح يحشم

لانو شعو ر طبيعي الحب المشكلة انو ما يحس باتجاهك باي شيء

لذك احسن حل ليك تنسيه وتشوفي مستقبلك وان شاء الله يجيك ما احسن

منو ويحبك هدا هو الحل باه ما بقيش معلقة هك تمي فيه وتضيعي عمرك في الانتظار

لانو صعيب جدا الانتظار بدون هدف

 

[ملكة نفسي]

شكرا على ردودكم و ارجو ان تكونو اطلعتم على كل الموضوع "الموضوع القديم" ...........................................

 

[bida27]

ليام هي لي تجاوبك وتيقني بلي يجي نهار ويبوحلك بكلشي

 

[سلينا]

ربي يعطيك الصبر............

 

[ملكة نفسي]

صحيتو على رايكم و الله يصبرني صح

 

[nassim007]

كل شيئ مكتوب

​

 

[*BlackRose*]

راكي درتي خطوة كبيرة وعندك جرأة كبيرة كي اعترفت واخطيك من هذا اللي يحبك يحبك صح مش يجيب بيك الوقت وكل شي بالمكتوب ومازلت صغيرة على هاذ الحوايج وماتقيميهش كامل و ماتبينيلوش بيل تحبيه حتى ونتي ميتة عليه ياك؟ورجعيلي الخبر الرجال يحبو الذل ويجبو الطفلة اللي ترميهم في الثقيل ويحبو يجرو مورا الطفلة ديريها واعفسي على قلبك وتشوفي....كي اليوم وصح فطورك

 

[أبو الوليد القصباوي]

مع كل احتراماتي اختي الكريمة . . . انا لا اعترف بالحب قبل الزواج .. لا يعني انه غير موجود فالواقع يكذبني ان قلت ذلك ولكن اتعلمين حكمه من الناحية الشرعية ؟ اترك لكي حرية البحث
والله الموفق

 

[chadia]

شوفي اختي ممكن يكون حاشم صح بويسك تصرى امور كيما هاك وممكن يكون ماهوش مهتم لامرك مالا انا نقلك بلي انتي الي لازم تكتشفي هالحاجة بروحك

 

[N@riM@N]

بلااك انتي مكيش عاطياتو لفرصه باش يصارحك ويقلك!!!
​

 

[ملكة نفسي]

راكي درتي خطوة كبيرة وعندك جرأة كبيرة كي اعترفت واخطيك من هذا اللي يحبك يحبك صح مش يجيب بيك الوقت وكل شي بالمكتوب ومازلت صغيرة على هاذ الحوايج وماتقيميهش كامل و ماتبينيلوش بيل تحبيه حتى ونتي ميتة عليه ياك؟ورجعيلي الخبر الرجال يحبو الذل ويجبو الطفلة اللي ترميهم في الثقيل ويحبو يجرو مورا الطفلة ديريها واعفسي على قلبك وتشوفي....كي اليوم وصح فطورك

صحيتي على الربصح ختي ماراكيش فاهمة الموضوع كيفاش يجيب بيا الوقت ماكان والو بيناتنا و انا ماني مبينتلو والو خاطر نحشم بزاف على العموم صحيتي

 

[ملكة نفسي]

مع كل احتراماتي اختي الكريمة . . . انا لا اعترف بالحب قبل الزواج .. لا يعني انه غير موجود فالواقع يكذبني ان قلت ذلك ولكن اتعلمين حكمه من الناحية الشرعية ؟ اترك لكي حرية البحث
والله الموفق

يا خويا على حساب علمي ربي ما حرمش الحب "الاحساس" الي من النوع الي راني نحس بيه خاطر انا نحبو غير بيني و بين روحي من هدي سنين ولا مرة تعديت حدودي و بينتلو على العكس كنت دايما نتفاداه بطبعي لاني خجولة ..............................

 

[ملكة نفسي]

شوفي اختي ممكن يكون حاشم صح بويسك تصرى امور كيما هاك وممكن يكون ماهوش مهتم لامرك مالا انا نقلك بلي انتي الي لازم تكتشفي هالحاجة بروحك

ايه بصح انا وحدة حابسة في طلعة ماكاش كامل كيفاه نعرف ................ صحيتي ختي على الرد

 

[ملكة نفسي]

بلااك انتي مكيش عاطياتو لفرصه باش يصارحك ويقلك!!!
​

هدي حاجة باينة انا حابسة ...........................صحيتي ختي

 

[نبولة]

أختي إشري راحة بالك و عيشي وقتك و ما تخممي في والو و الي حابك يجي حتى لعندك و يقلك ماكانش منها يحشم و ما يقدرش رانا عارفين كامل بلي رانا في وقت ما عادش فيه الي يحشم (حاشا الي ما يستاهلش).
إديها مني حنونتي و انا اختك كبيرة عليك يجي النهار الي تعرفي فيه وش معناها واحد يحبك صح اما هذا الكل لعب صبيان وكاين أولاد هاذي حرفتهم يخزر لهاذي و هاذي و هاذي و يشبكها في بعضاها و يروح و من بعد يقلك علاه كاش ما هدرت معاك و لا قتلك انا.
ما ديري والو في بالك و ديما حطي قاعدة قدام عينيك بلي تستاهلي احسن واحد.عيشي وقتك على اكمل وجه و ما تقعديش قافلة على روحك الوقت ما يستناش حنونة.
* ملاحظة: ما تزيديش تقولي على روحك حابسة هاذ الحوايج صراولنا كامل المهم نعرفو كيفاش نتعاملوا معاهم

 

[ملكة نفسي]

أختي إشري راحة بالك و عيشي وقتك و ما تخممي في والو و الي حابك يجي حتى لعندك و يقلك ماكانش منها يحشم و ما يقدرش رانا عارفين كامل بلي رانا في وقت ما عادش فيه الي يحشم (حاشا الي ما يستاهلش).
إديها مني حنونتي و انا اختك كبيرة عليك يجي النهار الي تعرفي فيه وش معناها واحد يحبك صح اما هذا الكل لعب صبيان وكاين أولاد هاذي حرفتهم يخزر لهاذي و هاذي و هاذي و يشبكها في بعضاها و يروح و من بعد يقلك علاه كاش ما هدرت معاك و لا قتلك انا.
ما ديري والو في بالك و ديما حطي قاعدة قدام عينيك بلي تستاهلي احسن واحد.عيشي وقتك على اكمل وجه و ما تقعديش قافلة على روحك الوقت ما يستناش حنونة.
* ملاحظة: ما تزيديش تقولي على روحك حابسة هاذ الحوايج صراولنا كامل المهم نعرفو كيفاش نتعاملوا معاهم

والله غير عندك الحق في كامل واش قلتي صحيتي حنونتي ربي يعطيك ماتتمناي