استفسار في الرياضيات

[meriem150491]

السلام عليكم


بغيت نسقسيكم برك في الرياضيات في الدوال هل يعطونا مجموعة التعريف او نفتشو عليها ؟

 

[**سارة**]

والله ختي نورمالمو يمدولنا مجموعة التعريف تاع كل دالة
بصح حنا قالتنا الشيخة ماتعولوش عليهم يمدوهالكم لازم تكونو تعرفو كيفاش تلقاوها
راكي تعرفي الباك لازم ماتقوليش يمدولنا ولا لالا ديري احتياطك​

 

[meriem150491]

مرسي ختي بارك الله فيك

 

[chiguevara]

السلام عليكم اختي
كيما قاتلك الاخت سارة ممكن يعطوهم ممكن والو على حساب التمرين كل عام كيفاه
بالتوفيق
​

 

[طيور السلام]

المهم اختي مريم الطريقة ساهلة
واذا حبيتي نمدولك الطريقة ماش مشكل

 

[meriem150491]

ايه لا ممكن تذكير بسيط برك لاني نسيتهم شوي

 

[lana algerienne]

السلام عليكم

اختي يمدولنا جزء من مجموعة التعريف ندرسو عليه الدالة
مثلا: x²+1 / 2x-1
مجموعة تعريفها R - ( 1/2
لكن في التمرين ممكن يقلك ادرسي الدالة على المجال من - ما لا نهاية ل 1/2 فقط

تختلف باختلاف التمرين

 

[دباب كوم]

وعليكم السلام ورحمة الله تعالى وبركاته

ليس من الضروري اعطاء مجموعة التعريف في التمرين
بل انه في بعض التمارين يطلب منك ايجادها
أنظري التمارين المتعلقة بالكتاب المدرسي
ستجدين تمارين يطلب فيها ايجاد مجموعة التعريف ..
والأمر نوعا ما بسيط ...

ملاحظة فقط : أغلبية التمارين تعطى مجموعة التعريف ..
بالتوفيق
​

 

[chiguevara]

ايه لا ممكن تذكير بسيط برك لاني نسيتهم شوي

معليهش اختي مش حاجة ديري في بالك راهم ساهليييين و ان شاء الله تلقاي روحك
نعطيك الاساسيات
1- كي تلقاي دالة مكتوبة على شكل كسر يجب 'المقام لا يساوي 0' نعطيك امثلة على المقام
مثلا عندك فيه x اي مجموعة التعريف هي R ما عدا 0 اي R*
مثال اخر اذا كان عندك في المقام X+1 يجب X+1#0 اي x#-1 ومنه مجموعة التعريف هي R-{-1}0
هذون امثلة ساهلين اذا كان عندك اشكال هنا قوليلي وين
2- كي تلقاي دالة جذرية يجب ان تتاكدي من ان مجموعة تعريف الدالة داخل الجذر اكبر من 0او تساوي0 مثال جذر x
مجموعة تعريفه هي [0;+ ما لانهاية [
مثال اخر جذر x2+1
نلاحظ ان الدالة موجبة تماما على Rاذن مجموعة التعريف هي R
مثال 3 : جذر X+1
مجموعة تعريفه هي X+1اكبر من او تساوي 0
تخرجلك Xاكبر من او يساوي -1 اي مجموعة التعريف هي [-1.+ ما لا نهاية [
3-كي تلقاي دالة كسرية جذرية اي في المقام موجود جذر حينها يجب ان يكون المقام موجبا تماما ولا يساوي 0
مثال المقام جذر X
مجموعة التعريف حينها تكون ]0 , +مالانهاية [ يعنيX اكبر تماما من 0
هذي تقريبا كل المعلومات الاساسية ان شاء الله الفكرة وصلت خاصة و ان الكتابة الرياضية ماكانش
المهم اي سؤال انا هنا و اذا عندك تمرينات تمرني عليهم

 

[خولة93]

ممكن يعطوهالنا لكن في اغلب تمارين البكالوريا يقولونا اوجد مجموعة التعريف او يمدوهالك بطريقة غير مباشرة حسب التمرين
​

 

[Houda Chaouienne DZ]

السلام عليكم أختي
أنا اللي نعرفو أنها ماهيش مقررة علينا
يعني ما يجيناش سؤال عليها
بصح لازم تعرفي على الموم كيفاه تجبديها
للاحتياط​

 

[mohamed ali 1992]

السلام عليكم أختي
أنا اللي نعرفو أنها ماهيش مقررة علينا
يعني ما يجيناش سؤال عليها
بصح لازم تعرفي على الموم كيفاه تجبديها
للاحتياط​

أختي هدى ...
مش لازم حتى يمدولنا مجموعة التعريف
يعني طالب في الباك ويقرا علمي لازم يكون يعرف
كيفاه يجيب مجموعة التعريف ...بالاضافة مجموعة التعريف
مهمة جدا في بعض التمارين خاصة لما تكون عندك جزء من الدالة
فيها قيمة مطلقة وتروحي تجبدي المجالات ماهوش هو رايح يمدهملك .. وتوليلك بدل الدالة دالتين واحدة بـ - ولخرى بـ + وكل واحدة عندها نهايات مش رايحة تحسبي على المجال الكل ...الخ من الامور ...شوفي مثلا الا حبيتي تمرين 113 في الوحدة الاولى على ما أظن 37 هذاك فيه المشكلة هذه حيث انه لازم تجبدي المجالات مع السؤال تاع اكتب fx بدون رموز القيمة المطلقة ...
بالتوفيق

 

[Houda Chaouienne DZ]

أختي هدى ...
مش لازم حتى يمدولنا مجموعة التعريف
يعني طالب في الباك ويقرا علمي لازم يكون يعرف
كيفاه يجيب مجموعة التعريف ...بالاضافة مجموعة التعريف
مهمة جدا في بعض التمارين خاصة لما تكون عندك جزء من الدالة
فيها قيمة مطلقة وتروحي تجبدي المجالات ماهوش هو رايح يمدهملك .. وتوليلك بدل الدالة دالتين واحدة بـ - ولخرى بـ + وكل واحدة عندها نهايات مش رايحة تحسبي على المجال الكل ...الخ من الامور ...شوفي مثلا الا حبيتي تمرين 113 في الوحدة الاولى على ما أظن 37 هذاك فيه المشكلة هذه حيث انه لازم تجبدي المجالات مع السؤال تاع اكتب fx بدون رموز القيمة المطلقة ...
بالتوفيق

أكيد نعرفها .. ماشي مانعرفهاش
و ما نظنش بلي صعيبة بزاف ..
يا نحيو القيم الممنوعة .. ولا مجموعة تعريف مركب دالتين ... الخ ....
لكن أنا جاوبت على سؤال الأخت
أنا الأستاذ تاعنا .. قالنا مايجيش سؤال فالباك يقولك اعط مجموعة التعريف
هاذي كانت بكري .. مي ذرك لالا
و كاين حوايج هاك لازم تعرف مجموعة التعريف باش تحلهم ..
اللي قصدتو أنا أنو ماكانش سؤال مباشر .. أعط مجموعة تعريف الدالة
عفوا على الإطالة
و السلام عليكم​

 

[mohamed ali 1992]

أكيد نعرفها .. ماشي مانعرفهاش
و ما نظنش بلي صعيبة بزاف ..
يا نحيو القيم الممنوعة .. ولا مجموعة تعريف مركب دالتين ... الخ ....
لكن أنا جاوبت على سؤال الأخت
أنا الأستاذ تاعنا .. قالنا مايجيش سؤال فالباك يقولك اعط مجموعة التعريف
هاذي كانت بكري .. مي ذرك لالا
و كاين حوايج هاك لازم تعرف مجموعة التعريف باش تحلهم ..
اللي قصدتو أنا أنو ماكانش سؤال مباشر .. أعط مجموعة تعريف الدالة
عفوا على الإطالة
و السلام عليكم​

وعليكم السلام ورحمة الله
فهمت قصدك أختي ... بصح ليكن في علمك السؤال تاع اعطاء مجموعة التعريف ممكن مايجيش مباشر يجيك في طيات أسئلة أخرى خاصة في حساب النهايات ... وكما سبق وذكرت فايجاد مجموعة التعريف ليس بالامر الصعب
بارك الله فيك واعذريني ...
موفقة بإذن الله
​

 

[meriem150491]

هيه شكرا هداك هو اللي نقصدو اسكو تجي سؤال مباشر العام هدا ولالالا

المهم شكرا لكم

 

[zineb92]

لالا اختي يقولك ادرس تغيرات الدالة ديري فيها كل شي ...
1-مجموعة التعريف
2-لنهايات
3-ايجاد المشتقة
4-جدول التغيرات
بالترتيب ...يعني مجموعة التعريف هي كل شي اذا غلطتي فيها خدمتك تروووووح
بالتوفيق اختي الكريمة
​

 

[chadia]

السلام عليكم
شوفي اختي انا نقرا شعبة رياضيات و الاساتذة كامل خبرونا بللي في النظام الجديد تاعنا مجموعة التعريف تعطى و لا يتم البحث عنها

 

[lynaa]

عادة عند دراسة الدالة
1-تعيين مجموعة التعريف
2-حساب النهايات عند اطراف مجال تعريفها
3-حساب المشتق و اشارتة
4-نقاط خاصة (التقاطع مع حامل محور الفواصل و التراتيب)
5-المستقيمات المقاربة ان وجدت
​

 

[somiasahraoia]

يطلبوا مكن على ما اظن فالباك