قلبي معمر ........

[جزائرية طيبة]

السلام عليكم
​

واش راكم لاباس انا راحا حوالي متعجبش و ماني فاهما حتى شي
درك نحكيلكم حكايتي

انا عندي 1 عام و نص و انا ماشيا مع وحد نحبو و يحبني و دو اخلاق هو قالي نجي لوالديك مي انا قتلو مازلني صغيرة
و زيد والديا من الناس المتحفضين بزاف كنت حبا نحكي لماما مي مقدرتش على خاطر مستحيل تتفهم يا مالا ما عنديش برطابل و لازم ساعات ساعات نطلب صحاباتي نحكي معاه و احنا و الله ما نخرجو ما والو هو قالي نبقاو مع بعضانا حنى وين نجي نخطبك و يفرج ربي
انا حسيت بلي كثرت على صحاباتي بطلبا و وليت نحشم .هو بعثلي برطابل قالي احكي بيه و مديه لفلان كي تكملي يجيبهولي
وحد النهر ديتو معايا لدار البورطابل علخر لقاه خويا و داه البابا قالو لقيتو في كرطابلها
دربني بابا و رخسوني و درك عندهم 5 ايام ميحكيوش معايا عمبلكم راني حاسا روحي ماش عبد
قطعت الاتصال بصديقي و اني تايها وحدي واش ندير

دبرو عليا واش ندير اني راح نهبل :thumb_down:​

 

[شيماء2]

كنتو تبقاو بلا اتصال احسن لان كثرة الهدرة
رايحين تخسرو بعضاكم
رجعيلو البرطابل نتاعو واطلبي السماح من والديك
وماتخسريهمش على جال واحد ماكي عارفة لا يديك ولا يخليك

 

[aMiNa-K]

الكدب عمرو قصيرة .. و مكانش خيرمن الصراحة اختي
و خلاص داركم لقاو عندك بورطابل .. صارحيهم و خني روحك

و كلش بالمكتوب .. ادا هاداك السيد مكتوبك غير ماتتقلقي ماتحيري .. تدوري تدوري و ماتدي غير ماكتبلك ربي​

 

[somiasahraoia]

اخوتك احسن لك

 

[karrrouma]

والديك والديك اختي
اديها من عندي
انا وقفت في وجه والديا على جالو
و جريتلو عالروفورم و الخدمة
و مبعدا خرجني صحرا
راح خطب و عيني تشوف
و الله قد ما حبك ما رح يحبك قد والديك
نصيحتي ماتفرطيش فيها
بويسك والديك هوما الى يعرفو صلاحك
و حاجا بلا رضاية الوالدين ربي ما يصلحش فيها​

 

[تسنيم22]

شوفي اختي اذا راكي تشوفي بلي انسان طيب خليه يخطبك وكملي قرايتك واذا راكي تشوفي بلي مامنو فايدة فوتيه وهني راسك

 

[merieme hassi]

شوفي حنونة
ادا راكي حاب تكملي مع هدا الشاب فخليك من الحرام و روحي للحلال مادام هو الي راه يطلب الخطبة
قرري مستقبلك قبل فوات الاوان
ادا راكي حاب تكملي قرايتك و راكي تحبي هدا الشاب حب طاهر اسلكي طريق الحلال فهو المسلك الوحيد
اما بخصوص الوالدين فليس من الضروري ان تفضحي نفسك فالله غفور رحيم
استغفري ربك و فوضي امرك اليه و قمي بصلاة الاستخارة
ام مريم و اسيا​

 

[TIBA BITA]

choufi khti ila rah nawik sah khalih yji yekhtbek

 

[wafa peace 2011]

ربي يعاونك اختي واللي فيها الخير ربي يجيبها

 

[جزائرية طيبة]

merciiiiiiiiiiiii boucouq

 

[* أميرة الأحلام *]

اختي ننصحك انك تهدر ي مع يماك الحقيقة وراح تتفهمك واطلبي منه يتقدملك باه يخطبك على سنة الله ورسوله
وانا نقولك والديك ثم اخوتك لانه الصاحب ماش راح يفيدك ودركا تظهر حقيقته اذا ناوي لحلال ولالا
وربي يجيب الى فيه الخير ​

 

[ouissi]

هذا بروبلام درتيه
شوفي اختي روحي اطلبي السماح من العائلة نتاعك هي الاولى و من بعد يبان الخير​

 

[كنزا]

روحي اطلبي اولا السماح من عايلتك متخسريهمش على جال واحد متعرفيه لناوي الحلال ولالا
والمكتوب على جبين لازم تشوفو العين

 

[IMANE CHINOIS]

ههه بصراحة يا أختي هذا المشكل عدا عليا حتى أنا فكرتيني في زمان نهار حكم خويا عندي البورطابل وقرا لميساج
بصح أنا واش عملت طلبت منو السماح وقعدنا تفاهمنا مليح
أنت يا أختي أحكمي خوك وفهميه بلي راكي غالطة وطلبي منه السماح وهذا إلا صح يحبك يجي ويهدر مع تاع داركم على الأقل بهددرة
​

 

[هدى42]

derti ghaleta waheda ki keta3eti l itisal m3ah doka howa yechak f mhabetek ida sah yehabek matesamehich fih

 

[جزائرية طيبة]

ya okheti ana w3at papa beli manzide nahki m3ah

 

[TAKWA]

أختي إن كان يريدك حقا للحلال فأخبريه أن يأتي لخطبتك فورا لاسيما أن أهلك اكتشفوا الأمر ....​

 

[صفية الروح]

سلامتك اختي
قرري اختي الكريمة ادا راهو حاب يجي يخطبك لم لا يتقدم وربي يتمم بخير
اما ادا راكي حابة تكملي برك علاقة فتدكري انكي تعصين ربك وتخونين اهلك
وربي يوفقك لما فيه الخير

 

[سماح الجزائريه]

شوفي يا اختى هذا باين فيه ايحبك صح
لانوا حاب يخطبك
الزواج ما فيشوا صغيرة ولا كبيرة وين ايجيك مكتوبك هذاكا هو وخاصة انكم تحبوا بعضاكم وهذا ياسر
خليه ايجي لداركم ويخطبك
وثما حتى كى تحكى معاه في البورطابل ايكون الامر طبيعي
او متقلقيش صحباتك نهائيا
كاين وحده على وحده تقدر تديهولك وبسهوله
هو راهوا حاب الحلال ومكانش في وقتنا هذا الناس الى كيما هكا غير قليل وهو واحد منهم
متعطليش على روحك وربي ايسهلك
ربي معاك تحياتى لكى ​