H24 زعــــفان

[** غزال الصحراء **]

:bored:
​

السلام عليــكم
واش راكم ؟ إن شاء الله لاباس

اليوم بغيــت نحكي على التشناف .. مع الصباح الشعب كامل طافي , ماكاش اللي يضحكلك غير اللي يكشر في وجهك و إذا ضحكتلهم يقولو عليــك مهبول , تروح تشري في الخبز مع الصباح , مول الحانوت تصبح عليه ما يردلكش

اللي تعرفو يجيك باش تروحو للقراية ولا لخدمة صباح الخير و ما يقولهالكش ,, لاكان رايح تركب في Bus , رد بالك تقول كلمة غالطة لريسوفور اي مافراتش

تدخل للقراية صحابك قاع عبوسين , البروف يشوفلك في شوفة تحسب راهو يخلص فيك

الناس كل :no_1:
علاش ؟

[ وتبسمك فى وجه أخيك صدقة ]

:shiny:
​

​

بزيادة الإبتسامة راهي تخليك محبوب عند الناس كل , و تربحك أكثر من اللي تخسرك في المعاملات , بلا ما نحكو على فوائدها الصحية و العقلية //

جرب تنطلق من الأول إنطلاقة صحيحة , روح قدام المرءاة و أبقى إبستم وحدك ضرك تحس براحة كبيــرة

لازم تتغير العقلية تاع بلا ما تغلط تخلص , نشوفو المجتمع الغربي , حتى في الصحة و ملاح عليــنا , غير خطراش دايمن محافضين على إشراقة وجههم بالإبتسامة

مانيش نقول أضحك ولا شرع سنيــك , برك إبستامة صغيرة تخلي اللي يشوفك يرتاح

راني نقولكم في الهدرة هاذي و في نفس الوقت راني رايح نحاول نطبقها الماكسيموم
خطراش لاكان تلحق لدرجة أنو يفوت ( 70 بالمئة ) من يومك مبستم راهي إنجاز كبيــر



دمتم بخيــر رواد اللمة الكرام .

 

[جزائرية مكاش كيفي]

نقولك الصح أنا وحده منحبش

الهدره بزاف صباح ربي برك

بصح كي نروح نقرى وكي نقابل

العباد نضحك نقصر نورمال.

عندك الحق كيما قلت الابتسامة

في وجه أخيك صدقة بصح تاع

دوك ميعرفوش قدر ها و قيمتها

و مكانتها عند ربي سبحانو أصلا

راهي فايده ليه

بصح نورمال خويا العزيز

متقلقش روحك المهم كي أنت

تبتسم و تضحك حاجة مليحة

***تحياااتي العطره لك***
​

 

[BARCA232]

السلام عليكم ورحمة الله تعالى وبركاته
والله جبتها سوا سوا هشام
والله عندك الصح من الصبحة مشنف
والله مالقيت واش نقولك
انا مرات دون سبب مزعف ماعرفتش المشكل
ربي ينورنا برك
وتولي حياتنا سعادة وأبتسامة تاع زمان ماشي تاع اليوم
شكرا لك
وبارك الله فيك
​

 

[نسيم الربيع]

بصح حتى كي تبتسم والناس كيما حكيت عليهم يهبط مورالك
حتى تولي تقول وشراني ندير
كلامك صواب بصح لازم كامل نطبقوه
تحس روحك مليح كي تعرف بللي راك تتعامل مليح مع الناس
بصح كي يقابلوك بالتشناف ولا ميردوش عليك مامبا تولي .........
شكرا على الموضوع أخ غزال الصحراء
موضوعك فالصواب وان شاء الله ياخذو بيه ... سلالام

 

[** غزال الصحراء **]

نقولك الصح أنا وحده منحبش

الهدره بزاف صباح ربي برك

بصح كي نروح نقرى وكي نقابل

العباد نضحك نقصر نورمال.

عندك الحق كيما قلت الابتسامة

في وجه أخيك صدقة بصح تاع

دوك ميعرفوش قدر ها و قيمتها

و مكانتها عند ربي سبحانو أصلا

راهي فايده ليه

بصح نورمال خويا العزيز

متقلقش روحك المهم كي أنت

تبتسم و تضحك حاجة مليحة

***تحياااتي العطره لك***
​

أهـــلا بيك .. ايه مشكل عند قاع الناس صعيبة باش ديماري مريقل مع الصباح وعليها كتبت موضوعي

في ميزك أنا نحب اللي يحكي معايا مع الصباح ؟ و الله ديفوا مام الدار و ندابزهم كي يجيو ينوضوني

مي راني حاب نقول باللي الحالة هاذي راهي كارثيــة و أنا واحد من الناس بديت نحاول نغيرها

قضية العباد ما يفهموش الإبتسامة ..إلخ , أنا نبتسم لوجه الله + باش أنا نكون ألاز نبستم , ماشي غير على جال الناس

شكرا على المرور .

 

[** غزال الصحراء **]

السلام عليكم ورحمة الله تعالى وبركاته
والله جبتها سوا سوا هشام
والله عندك الصح من الصبحة مشنف
والله مالقيت واش نقولك
انا مرات دون سبب مزعف ماعرفتش المشكل
ربي ينورنا برك
وتولي حياتنا سعادة وأبتسامة تاع زمان ماشي تاع اليوم
شكرا لك
وبارك الله فيك
​

و فيــك بركة , يا الله قاع نوعدو رواحنا أننا نبداو بداية مخلافة من الغد
إبتسامة أمام المرءاة كخطوة للإنطلاق

شكرا على المرور محمد .

 

[** غزال الصحراء **]

بصح حتى كي تبتسم والناس كيما حكيت عليهم يهبط مورالك
حتى تولي تقول وشراني ندير
كلامك صواب بصح لازم كامل نطبقوه
تحس روحك مليح كي تعرف بللي راك تتعامل مليح مع الناس
بصح كي يقابلوك بالتشناف ولا ميردوش عليك مامبا تولي .........
شكرا على الموضوع أخ غزال الصحراء
موضوعك فالصواب وان شاء الله ياخذو بيه ... سلالام

أهلا بيك نسيــم الربيع .. كيما قلت في رد سابق ( نبتسم لوجه الله و لروحي ) يعني حتى إذا كانو الناس اللي نتعامل معاهم ماهمش مقدرين واش راني نديــر

و نقولك , و الله الإبتسامة أقوى سلاح باش تضعف أي واحد قدامك , لاكان قابلت عدوك بضحكة راك غلبتو صاي و هو و تتلفلو

المهم نتمناو التغير فقط

شكرا على مرور و إظافتك في الموضوع .

 

[** غزال الصحراء **]

نأكد , حنا نقولو باللي هاذو الناس ما يستاهلوش الضحكة , و هوما يقولو علينا نفس الشيء , و هاكا نبقاو قاع مشنفين على بعضانا دون سبب

يا الله نكونو سباقيــن , منا و رايح نحافضو على إشراقة وجوهنا بالإبتسامة في وجه الجميــع
و نشوفو النتائج و نحكو عليها هنا في الموضوع .

 

[الأفق البعيد]

للحق معك كل الحق ...

ولكن الحمدلله ..لا أظنني أواجه هذه المشكلة كثيرة ..(إلا نادرااا ..ويكون لها أثرها في النفس ..!!):no_1:

أحيانا لاأرغب في التبسم بسبب بعض الأمور التي تعتريني ..ومع ذلك إذا ما خاطبني أحدهم ..أتكلف الابتسامة ..لا أدري ...أشعر أن عليّ فعل ذلك ..(طبع تطبعت عليه ) ..."ولاتصدق كم أفكر متى تنتهي المحادثة كي أزيل التبسم الزائف هذا ..!!):shiny:ههه

شكرااااا جزيلاااااا لك أخي على هذا الموضوع الهادف والقيم ...بارك الله فيك أخي

 

[noor 18]

مازالتِ الأيامُ تخبرُ سائلا أَنْ سَوْفَ تَفْجَعُ مُسْهِلاً أَوْ عاقِلا إِنَّ المَنُونَ إذا استمرَّ مَرِيرُهَا... كانتْ لها جننُ الأنامِ مقاتلا في كلِّ يومٍ يعتبطنَ نفوسَنا عبطَ المنحبِ جلة ً وأفائلا ما إن ترى شيئاً لشيءٍ محيياً حتَّى تُلاَقيَهُ لآخَرَ قاتِلا من ذاكَ أجهدُ أنْ لا أراهُ فلا أرى حَقّاً سِوَى الدُّنيا يُسَمَّى بَاطِلا

 

[السلطانة]

waa laykoum salam

oui il ya dé vampires

dans l'algerie

visage

stable

tt la vie


merci hichem pr le sujet​

 

[** غزال الصحراء **]

للحق معك كل الحق ...

ولكن الحمدلله ..لا أظنني أواجه هذه المشكلة كثيرة ..(إلا نادرااا ..ويكون لها أثرها في النفس ..!!):no_1:

أحيانا لاأرغب في التبسم بسبب بعض الأمور التي تعتريني ..ومع ذلك إذا ما خاطبني أحدهم ..أتكلف الابتسامة ..لا أدري ...أشعر أن عليّ فعل ذلك ..(طبع تطبعت عليه ) ..."ولاتصدق كم أفكر متى تنتهي المحادثة كي أزيل التبسم الزائف هذا ..!!):shiny:ههه

شكرااااا جزيلاااااا لك أخي على هذا الموضوع الهادف والقيم ...بارك الله فيك أخي

و الله كلامك أحسسني أن مازالت هناك أمل في قلوب الناس
حقا هو تصرف جميــل أن نحمل عناء الإبتسامة فقط لنرضي من يخاطبنا

هذا هو الرقي الذي أتحدث عنه , شكرا كثيرا على ردك .

 

[** غزال الصحراء **]

مازالتِ الأيامُ تخبرُ سائلا أَنْ سَوْفَ تَفْجَعُ مُسْهِلاً أَوْ عاقِلا إِنَّ المَنُونَ إذا استمرَّ مَرِيرُهَا... كانتْ لها جننُ الأنامِ مقاتلا في كلِّ يومٍ يعتبطنَ نفوسَنا عبطَ المنحبِ جلة ً وأفائلا ما إن ترى شيئاً لشيءٍ محيياً حتَّى تُلاَقيَهُ لآخَرَ قاتِلا من ذاكَ أجهدُ أنْ لا أراهُ فلا أرى حَقّاً سِوَى الدُّنيا يُسَمَّى بَاطِلا

السلام عليــكم , نــور أتمنى أنكي بخير

ممكن تشرحي لي علاقة هذا بموضوعي ؟
شكرا على المرور .

 

[** غزال الصحراء **]

waa laykoum salam

oui il ya dé vampires

dans l'algerie

visage

stable

tt la vie


merci hichem pr le sujet​

مليــحة هاذي تاع Des vampires
و الله قتلي الصح , تالمو تشناف تشوفهم تتخلع

شرفني مرورك عائشة .
​

 

[noor 18]

السلام عليــكم , نــور أتمنى أنكي بخير

ممكن تشرحي لي علاقة هذا بموضوعي ؟
شكرا على المرور .

تسمى الدنيا هادي فانية مليح الواحد يزهى و الضحكة في وجه الناس صدقة و الانسان الي يدير الخير و ينساه هو اللي يقابل ربي مرتاح

 

[~ مستشـآرهـ طـرزآنـ ~]

السلام عليكم و رحمة الله
موضوع في القمة خويا هشام..بارك الله فيك
هاذو هوما شعب لالجيري...وهاذي هي عقلية دي زاد
تهدر....تسكت..كيف كيف
كي نشوف عبد مشنف مع صباح ربي..نقول هذا شكيتو شافني فالمنام
والله ماتفهم فيها حاجة..!!..حتى الابتسامة باخلين فيها
حنا نطلبولهم بالهداية و صايي
شكراااا ع الموضوع خونـآ​

 

[noor 18]

أجمل أن تكون سمحاً شهماً كريماً.. طيب الاخلاق عالماً حكيماً .. ما أجمل
أن تكون محبوبا من الصغير قبل الكبير .. يعرف الناس قدرك ..الغني منهم
والفقير ينتظرون رأيك فهو يعني لهم الكثير ما أجمل أن تكون حسن الاخلاق هي
طبيعتك .. والابتسامه هي شيمتك.. و البهجه والسعادة في مظهرك .. والنجاح
...حليفك حقا ما أجملك من إنسان حينها !! ونعم الانسان

 

[هــــيلدا]

أهلا اهلا هشهوش،، عاش من شاف طلتك ^^
والله راني ميتة بالتعب، هذا وين روحت من العرس،،

نحجز بلاصة وغدوا نرجع نرد^^

 

[** غزال الصحراء **]

السلام عليكم و رحمة الله
موضوع في القمة خويا هشام..بارك الله فيك
هاذو هوما شعب لالجيري...وهاذي هي عقلية دي زاد
تهدر....تسكت..كيف كيف
كي نشوف عبد مشنف مع صباح ربي..نقول هذا شكيتو شافني فالمنام
والله ماتفهم فيها حاجة..!!..حتى الابتسامة باخلين فيها
حنا نطلبولهم بالهداية و صايي
شكراااا ع الموضوع خونـآ​

أ**هلا بيـــك**

مليحة هاذي تاع شافني في المنام و الله :wink:
هو يشوفك في المنام , و يديرلك مع الصباح كـوشمار .. واش نقولك , ديفوا كي واحد يقبلني بفمو معوج نخمم نقول نحكي معاه السيد بالاك يسالني دراهم , مي تحكي تزيد تولي أكثر و أكثر

و كاين ناس تاع ( واش بيك تشوف معايا ) ..
كيما قال صويلح ( عمى و ما خطيتوهش )

شكرا على المرور منورة الموضوع
و إن شاء الله دايمن نشوفو الإبتسامة على وجهك .

 

[** غزال الصحراء **]

أجمل أن تكون سمحاً شهماً كريماً.. طيب الاخلاق عالماً حكيماً .. ما أجمل
أن تكون محبوبا من الصغير قبل الكبير .. يعرف الناس قدرك ..الغني منهم
والفقير ينتظرون رأيك فهو يعني لهم الكثير ما أجمل أن تكون حسن الاخلاق هي
طبيعتك .. والابتسامه هي شيمتك.. و البهجه والسعادة في مظهرك .. والنجاح
...حليفك حقا ما أجملك من إنسان حينها !! ونعم الانسان

نعــم الكلام في ردك
شكرا :wink: