السلام عليكم اهل اللمة
نشالله تكونو ملاح
حبيت نحكيلكم قصة فتاة عشقت شخص بصح اضطرت تخليه علاجال باباها، ارجوكم اقراو مليح القصة و كملوها كامل لاني محتاجتكم بزااااااااااااف
نشالله تكونو ملاح
حبيت نحكيلكم قصة فتاة عشقت شخص بصح اضطرت تخليه علاجال باباها، ارجوكم اقراو مليح القصة و كملوها كامل لاني محتاجتكم بزااااااااااااف
بنت في عمرها 15 سنة، كانت تقرا سنة اولى ثانوي،اسمها اميرة، التقت بشخص عمرو 17 سنة اسمو امين، كان يقرا معاها في نفس القسم، حباتو و دخل قلبها من اول نهار راحو يقراو مع بعضاهم، لخفة دمو و عقليتو، و تربيتو و اخلاقو، مي هو كان يحب وحدة اخرااسمها هاجر بصح هي ماتحبوش، كان ديما يجري وراها مي هاجر ماحابتوش، و ماكانتش طول مقيماتو، كان يحبها لدرجة لهبال و كان ناوي يخطبها، مي ماقبلتش، و كانت كل ماتسمع اميرة عنو حاجة كيما هكا يتقطع قلبها،
كانت كل يوم تشوفو و يقرا معاها، حبها كل يوم زيد، و جامي حكات معاه في اول السنة الدراسية، ومباعد بشوي بشوي حتان دخصو على بعضاهم و ولاو des amis و عاد هو يحكيلها كلش على هاجر و كانت ديما تصبرو، زادت طورت صداقتهم و ولاو مايقدروش يستغناو عن بعضاهم، alor اميرة نحات من بالها قصة حبها لامين و كذبت على روحها و تقول بلي تحبو كي خوها، و مباعد باباها حب يبدلها من الثانوية اللي كانت تقرا فيها لانها كانت بعيدة، بدلها بالسيف عليها و كانت كل يوم تبكي و توحشت بزاف امين، و مباعد قررت تقول لباباها يا اما يرجعها لثانويتها لقديمة ولا تبطل لقراية، طبعا باباها ماحبش يريسكي بيها و بقرايتها لانها كانت تحب تقرا بزاف و مليحة في قرايتها، عقبت تقريب شهر في الثانوية الجديدة و رجعت، كانو كامل فرحانين بيها كي رجعت، كامل صحاباتها فرحو مام الاساتذة نتاوعها، و اكثر واحد كان فرحان بيها هو امين، المهم، يوم بعد يوم، عاد امين يقولها حوايج و يمعنيلها بلي راهو كره هاجر puiske ماقيماتوش، و بلي بدا ينساها، و كان ديما يمعنيلها و يقولها راني نشتيك كي ختي، و حتى هي تقولو انا ثاني نشتيك كي خويا، حتان جا نهار اللي صارحو بعضاهم بلي في زوج يحبو بعضاهم، امين قالها بلي نحبك و نتي نسيتيني في هاجر، و هي قاتلو حتى انا نحبك، كانو في زوج يحبو بعضاهم مي كل واحد فيهم كان خايف الطرف لوخر يكون مايحبوش
المهم، اميرة جامي توقعت هاذاك النهار يجي، و ماتوقعتش امين ينسى هاجر و يولي يحبها، هي كانت فرحااااااااااااانة لدرجة ماتصوروهاش
بعد هاذي الصراحة، صروا مشاكل بزاف، و قريب دخل للحبس علاجالها، و كذلك عاشو يامات حلوين بزااااف، لاني انا كنت نقرا معاهم في لقسم و علابالي بأي حاجة تصرا معاهم
لكن في يوم من الايام، فاقلها باباها بلي تمشي معاه، و كي عاد باباها اب مثالي و مليح بزاف و متفهم، ماضربها كيما لخرين مابطلها من لقراية، حكا معاها و وعاها بلي هاذا الشي عيب و حرام، و قالها اوعديني بلي ماتزيديش تهدري معاه و كان تصيبي ماتخزريش حتى في وجهو، طبعا هي وعداتو و كانت تحب باباها لدرجة كبيرة لكثرة انو ابوها طيب و معروف عند الناس كامل بلي طيب و ناس ملاح بالبزاف، وعداتو و شدت في وعدها يامات مي عشقها لامين ماخلاهاش تكمل في وعد باباها، رجعتلو و كانت كي تروج من لقراية ماتقدرش تهز وجهها في وجه باباها لانها خانت وعدو و لانو هو يحبها بزاف لانو سماها على اسم يماه و هي الصغيرة في لبنات و اي حاجة تطلبها منو يديرهالها، كانت مرتاحة مع حبيبها بصح مش مرتاحة مع باباها، كملو هاذاك العام الدراسي و هي نجحت مي حبيبها dommage مانجحش، و في الصيف صرالها مشكل خلاها تبعد عليه، و قاتلو مانقدرش نكمل في خينة وعد بابا،و بعدت عليه و قاتلو كي نكبرو و نقعدو نحبو بعضانا و كي نكمل قرايتي راك تجي تخطبني، لانو في دارهم عندهم الطفلة حتان تكمل قرايتها باش تزوج، alor حسبت حتان 2017 تكمل قرايتها، و قاتلو في 2017 راك تجي تخطبني، ضرك مانقدرش نكمل معاك، عيا فيها غير قوليلي علاه واش كاين، مي هي ماقدرتش تحكي لانو خلاتو سر بينها و بين روحها، قالها شكون اللي يضمنلي بلي تستنايني و ماتتزوجيش و تخليني، قاتو نوعدك بلي نستناك و للي يجي يخطبني مانقبلش، قاتلو اصلا انا نحبك حتى اذا نسيتني انا ماننساكش و لوكان مانديكش نتا ماندي حتى واحد و حلفت و عطاتو وعد امراة، و حتى هو وعدها و قعد بلي غير هي للي يديها، غير يكمل قرايتو و يولي يخدم يجي يخطبها، بصح هي مع اليامات تعبها فراقو بزاف و ساعة ساعة تعيطلو تسقسي عليه، حتان جات الدخلة نتاع لقراية، وهي ولات سنة ثانية ثانوي، و هو عاود سنة اولى ثانوي، كانو يتراسلو ساعات، و كان ديما يسقسيها علاه خلاتو، مي كانت تجاوبو و تقولو مانقدرش نخون وعد بابا كيما منقدرش نخون وعدك
و ضرك هي مهيش تحكي معاه و مهيش معاه علاجال باباها، و هو تقلق و قال لصحبتها كون جات تحبني تريسكي و دير كلش علىجالي، مي هي تحبو صح بصح باباها وقفلها في الطريق، و المشكل اللي زاد كمل عليها، في اليامات لولا نتاع لقراية جاها باباها و قالها يخي مانسيتيش الوعد اللي وعديتيني العام اللي فات، تشوكات البنت لانها كانت تحسب بلي باباها نسا هاذاك الوعد، و قاتلو ايه مانسيتش و الدمعة طاحت من عينها ....
في رايكم، هي تعشق امين، و تموت عليه، و ماتقدرش تتخيل حياتها عايشة مع واحد اخر من غيرو، بصح في نفس الوقت تموت على باباها و ماقدرتش تخون وعدو
كون جيتو نتوما في بلاصتها واش ديرو ؟؟؟؟؟؟
بليييييييييز لا تبخلوني بأرائكم لانو هاذي لقصة كامل راهي قصتي انا و راني تعبت بزاف و ضعفت حتى في قرايتي
تقبلو مني فائق عبارات التقدير و الاحترام
اختكم da3boulla
كون جيتو نتوما في بلاصتها واش ديرو ؟؟؟؟؟؟
بليييييييييز لا تبخلوني بأرائكم لانو هاذي لقصة كامل راهي قصتي انا و راني تعبت بزاف و ضعفت حتى في قرايتي
تقبلو مني فائق عبارات التقدير و الاحترام
اختكم da3boulla
