°رمرومة وسروئة° نتوما متخلفين وحنا قاستنا الحضارة =)في دار الثقافة

[هــــيلدا]

السلام عليكم جماعة الخير،،

نشالله تكونو انتيك وبشبش :yahoo:

راهي رايحة تحكي ريمة برك، انا حاكمتني الزدرة، راهي قاتلي تسرقيلي اللون الازرق نجيفك،، مالا هاي ليها الخط

هاو ار يو يا جماعة اخباركم ايه
ياخي الجزاير بكلها معمرة بدور الثقافة
في عيد ميلادي من سنتين تقريبا احزن عيد ميلاد في حياتي

جاو صحاباتي عرضوني قال او كاين consert de roc في دار الثقافة هيا نروحو

انا قلت دار ثقافة اكيد حاجة منظمة هيا نسقسي عليلو

( عمي علي) رحتلو بكل براءة

papitou حبيبي اليوم عيد ميلادي ياخي راك شافي

قالي 20 سنة مازالتي تقولي عيد ميلاد هيا بنتي مبعد نشريلك حبة ميلفاي

​

ايه الجو القديم ده يا papi اوااااه لالا ميلفايك احكمو عندك راني رايحة مع صحاباتي نحتفل برا

نعـــــم نعــــــم قالي تحتفلي برا

هادي جديدة
ياها بابا خليك متفتح ا في دار الثقافة و كل اساليب التحاويل و التشيات استعملهم
ايا مسكين ضربتلو كلمة الثقافة في راسو خلاني رحت
بدا الاستاذ هاداك يغني واحنا قاعدين

يعيط و احنا قاعدين

يشطح و الناس ما بقوش قاعدين

​

تامنوني بربي غير بنات يشاطحو وسط لولاد و لا علابالهم بالدنيا
اللي يصور يصور و الي مش قاعد هاو مش قاعد

​

حبيت نبدل البلاصة قلت للبنات هيا نطلعو الفوق للشرف هاديك ...طلعنا ....

ايه الفُجر اللي نتو فيــــــــــه ده

مطفين عليهم الضو سع رحمة ربي ماكانش ​

ريحة غريبة عرفتها بلي حشيش

يا ولاد المجنــــونة

les couples حسيت راني في لاس فيغاس و بكل صغيرات

المراقبة اللي مااكنش بصح
ايا هزينا حوايجبنا بعد تقريبا ساعة من الحفل و عدنا للمنزل
استقبلني ابي الحنون وش خلصت الحفلة هادي في ساع مليح ..

ايه ا بابا قتلو راهي دار الثقافة ..

عفوا يا جماعة دار للدعارة ...

والله صح،، في بلادنا هاذي مبقات حتى حاجة تصلح،، نشفى كي كنت في الليسي خرجو فيديو نتاع وحدة دارت رايها في consert ووصل لخاوتها، يعاودولي عليها ضرك راهي مشلولة قاعدة في الدار،،
وكانو قداش من مرة يعرضوني وفي كل مرة يجيني ظرف مع انو نكون ناوية نروح وكي سمعت بقصة هاذ المخلوقة حرمت علا روحي نزيد نسمع لاي كان

​

ها جماعة الخير، واش رايكم في هاذ الحالة؟
اسكو عندكم مام نتوما هاذ التبرديع ولا اللا؟
باسكو كاينة قداش من فرقة هنا في باتنة مالفين يروحو يغنيو في سطيف ودزاير ووهران.

وزعما هاذو للي يمدو دار الثقافة هذيك العشية معلابالهمش واش راه صاري فيها؟

وفي اللخر اعربولي كلمة دار الثقافة في الجزائر :yahoo:


​

​

 

[ماكانش]

هههههههههههه
صباح الخير هيلدا
عجبتني كلمة التبرديع هههههههههه
واش نقلك هيلدا هاد لبلايص يروحولهم غير الجبور لمسوقرين (حاشاكم نتوما هههههههههههه)
والجبور هادو هوما ألي فسدو لبلاد بالتسوقسير تاعهم .... (راني نحكي كيما ولاد لبلاد ههههههه)
افففففف واش نكره دار الثقافة والناس ألي تخدم فيها افففف
يحكيلي واحد قالي مرة في العاصمة دخلنا للسينيما ...قتلو علاه مازالت كاينة السينيما والناس تروحلها هههههه
المهم قالي ياخي بدا الفيلم وطفا الضو ... قالي والخاوة طاحو على بعضاهم ههههههه ...
قالي مافهمت، فيلم من الفوق وأفلام من التحت هههههههه
ربي عافينا ويحفظنا ...​

 

[تسنيم22]

يا ختي واش نحكيلك لوكان نحكيلك على 8مارس واش يصرا تهبلي الشطيح والرديح في دار الثقافة عندنا وفي كل بلاص ياختي واش ديري الله غالب

 

[السلطانة]

وعليكم السلام ​

​

جيت نعرب :​

دار الثقافة في الجزائر ​

​

دار:يدور فيها الجماعة لي تحلبو بالمقلوب وهي مبتدأ ​

والخبر محذوف ​

لانه بكل بساطة انتحر ​

​

الثقافة:مفعول به عفسو الشعب ​

ورجعو بدون معنى متعلق ​

بالثقافة التكويvية​

المقدرة على اخره ​

​

لان الثقافة اصبحت ترادف مصطلح النشافة ​

​

في:قالك حرف جر ​

مخلوع في روحو ​

​

الجزائر:لامحل لها من الاعراب ​

​

​

​

صحيتو على الموضوع الانيق ​

​

 

[معاك يا الخضراء]

هههههههههههه

صباح الخير هيلدا
عجبتني كلمة التبرديع هههههههههه
واش نقلك هيلدا هاد لبلايص يروحولهم غير الجبور لمسوقرين (حاشاكم نتوما هههههههههههه)

هههههههههههههههههه
مي صح عندك الحق
الحمد لله رحت مرة نفحة برك و من بعد منين يعرضوني نسد ودنيا :surrender::surrender:
ربي يحفظك

والجبور هادو هوما ألي فسدو لبلاد بالتسوقسير تاعهم .... (راني نحكي كيما ولاد لبلاد ههههههه)

ولو ولد بلاد اصيل :closedeyes:
افففففف واش نكره دار الثقافة والناس ألي تخدم فيها افففف
يحكيلي واحد قالي مرة في العاصمة دخلنا للسينيما ...قتلو علاه مازالت كاينة السينيما والناس تروحلها هههههه
المهم قالي ياخي بدا الفيلم وطفا الضو ... قالي والخاوة طاحو على بعضاهم ههههههه ...
قالي مافهمت، فيلم من الفوق وأفلام من التحت هههههههه

ربي عافينا ويحفظنا ...​

ههههههههه مساكن ناقصين حنان
صحييييت سفيان​

 

[معاك يا الخضراء]

يا ختي واش نحكيلك لوكان نحكيلك على 8مارس واش يصرا تهبلي الشطيح والرديح في دار الثقافة عندنا وفي كل بلاص ياختي واش ديري الله غالب

ههههههههههه 8 مارس حكاتلي عليه اختي انا لم اذهب
مي قابك مين غير هدزم قالها المصري
حجابيست تدخل تنحي عادي و تقعد تقول لا جون خوها فالكارني
ربي يهدي ​

 

[معاك يا الخضراء]

وعليكم السلام ​

جيت نعرب :


دار الثقافة في الجزائر ​

دار:يدور فيها الجماعة لي تحلبو بالمقلوب وهي مبتدأ


والخبر محذوف


لانه بكل بساطة انتحر
:lol: :lol: :lol: :lol: :lol:​

الثقافة:مفعول به عفسو الشعب ​

ورجعو بدون معنى متعلق


بالثقافة التكويvية


المقدرة على اخره

:shiny::shiny::shiny:
20/20 يا حبي ​

لان الثقافة اصبحت ترادف مصطلح النشافة ​

في:قالك حرف جر


مخلوع في روحو ​

الجزائر:لامحل لها من الاعراب
ههههههههههههه​

صحيتو على الموضوع الانيق ​

صحيتي حبوبتي عالرد المتالق
بوركتيييي​

 

[فتاة حساسة]

هادي هيا عيش تشوف
تقبلي مروري
nadjla
وشكرا على الموضوع المميز ​

 

[AnGeL*dZ]

يوه على دار الثقآفـة
هي منبع الجهل
يآودي عندنا في ميلة ام يديرولك غير المآلوف يرقدو
حتى واحد مايروح هههه
بصـح الحالة عندكم يارمرم فور خلآص
ديجا واش من ثقافة في الجزاير
صدقتي كي قلتي دار الدعارة والانحلآل الخلقي
​

 

[فراشة الايمان]

احنا مازلنا في رحمة ربي

 

[chiguevara]

جامي ما رحتلها على حد علمي يديروها في عيد المراة برك وانا مش ناقصة نعقبها في الدار خير لي
وفي الجزائر ودول العرب كامل الثقافة محصورة في الغناء والشطيح و الرديح كيما تفضلتو الى جانب ...وش نقولو ربي يهدي
شكرااااااااااااا على الموضوع الزين
​

 

[adraa]

ايييه ده يااا بت؟؟؟​

يخررب بيييتك ....​

انتي عاملة ايييييييييييييييه...؟؟؟؟​

الله يسسسسسستر ...​

كوون يسمع خالك بوش راكي تحكي​

يحلفلي مازدتي حطيتي رجلك فالليسي...​

عامبالك علااه؟:scared:​

اولا قلتي دار الثقافة و le champ lexical نتعها ::mellow:​

عندك : كتب , دراسة , كراريس ... الخ ........................1​

و عندك ثاني الليسي​

كتب, دراسة., و كراارييس بلاا بلاا بلاا .........................2​

و من 1 و 2 نستنتج ان :​

دار الثقافة = الليسي​

و منه فان ابي الحنوون يقوول حالفاا :​

بالله العظيييم مازدتي حطيتي رجلييك ف الليسي​

رح نبطلك و تقعدي فالداار تومبالي الجووزية و تخدميلي المطلوووع :tears: :tears:​

واااااااااااااااااااااع​

معندوو مادانا يا سيدي...​

>>> متتشووكايش فياا راني نحل فالوظيفة نتع المات و نهدر معااك...​

ههههههههههههههه​

 

[كنزا]

هنا في الجزائر مبقات مدار الثقافة موالو خاصة في المناسبات مثل 8مارس
تلقاهم مدايرين حالة بالشطيح والرديح تلقاهم مخلطين في بعضاهم بنات ودراري
والله نشوفو العجب مي نقولو ربي يهديهم ويهدينا
تقبلي مروري

 

[السلطانة]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏شرطية اللمة, ‏كنزا+
بنات قالمة القلوب عند بعضاها

 

[إحســاس بــراءة]

السلام عليكم
لي عودة للموضوع هاذا
راني نعست نروح نرقد
كي نرجع ان شاء الله نقراه مليح ونركز ههه
مرسي خياتي يعطيكم الصحة​

 

[khalil hip hop]

السلام عليكم

عندنا شوف قداه من فرقة اهنا في الوادي سوف

خير واختار المغني اللي راح يغني و اللي يعجبك

باسكو

ميش كل يوم عندنا في الاسبوع كاين

الثلاثاء - الاربعاء - الخميس

هاذم اللي في كل أسبوع فرقة في كونين

خللي يا الوادي كاملة ماعندي مانقلك

سلامــــــــ . :re_gards:
​

 

[إحســاس بــراءة]

خير عليكم
مليحة هاذي اخياتي
والله نقلك حاجة ماعلاباليش وش معناها دار الثقافة في الجزائر:sad:
ماعنديش تعريف صح ليها:um_sh:
ياو ها خياتي مابقا والو
الناس ولات تخلط برك وماعلابالهمش وش راهم يديرو
ربي يجيب الخير برك هاذا مانقولو
يعطيكم الصحة
مرسي بوكو​

 

[هــــيلدا]

هادي هيا عيش تشوف
تقبلي مروري
nadjla
وشكرا على الموضوع المميز ​

ها لالا ضرك ردوها عيش يصرا فيك،،

مارسي نجولة
​

 

[هــــيلدا]

يوه على دار الثقآفـة
هي منبع الجهل
يآودي عندنا في ميلة ام يديرولك غير المآلوف يرقدو
حتى واحد مايروح هههه
بصـح الحالة عندكم يارمرم فور خلآص
ديجا واش من ثقافة في الجزاير
صدقتي كي قلتي دار الدعارة والانحلآل الخلقي
​

آآآ ميغروكش بالمالوف،، هذاك من برا خلاص،
والله منضن مزالت بلاصة في دزاير مصرالهاش هكذا،
فسدولنا البلاد تاع الصح،،

ها نشالله تكون اموركم بخير،، حنا سي بون بالسلامة على باتنة
​

 

[هــــيلدا]

احنا مازلنا في رحمة ربي

الحمد لله ياربي
ربي يدومها:yaw:
​