كاش ما فهمتو فهموني

[نتيلة]

هادي وحدة صحبتي راهي حابة تهبلني كل مانقول خلاص افهمت عقليتها ومانزيدش نديرلها مشاكل
الأيام تثبت لي العكس

كنت دايما نفليكسي باش نعيطلها ونحكيلها على يومي وكيف جوزتو مام باش تنصحني في بعض الأمور...... الحق يقال كنت انطول معاها بزاف في الهدرة وحسيت بلي وليت نثقل عليها
مام هيا تحب مصلحتي حتي جا النهار لي قاتلي شوفي دراهمك راحوا غير في الهدرة وانتيا حكاياتك ما يخلاصوش المليحة فيك تلتاي بقرايتك خير وحاجة ثانية كي تكوني لاباس ماكان لاه تعيطي ولاتبيpي
نهار لي تحسي روحك ماكيش مليحة بيpي وانا نشوف لا عندي وقت نهدر معاك

انا كي قاتلي هاد الهدرة زعفت بزااااااااااف كنت رايحة ماشي غير نفاسي اسمها ورقمها من هاتفي


كنت رايحة نحي الهاتف من أصلو ومانعيطلها لاهيا ولا غيرها ننسى حاجة يسومها بوغتابل
وامبعد خممت مليح في كلامها مع أنو كان قاسي بصح كلو في مصلحتي أنا
وهيا ماهي خاسرة والو كون كملت معايا على هاديك السيرة.....

فات بعد الحكاية هادي شهر كنت نلهي في روحي بلقراية مام وليت نعيط لصحاباتي لخرين حتى جا هاداك النهار للي شفتها في الطريق كنت مع صحاباتي و ما أمنتش فرحت بزاف
وليت نضحك ورحت نجري ليها تخيلوا طبعتني بكل قوتها وقاتلي ماتزيديش تهدري معايا انتي لفعى صفرا كنت غالطة فيك بزاف بالاكي تزيدي دوري بيا



طبعا ما أمنتش عمبالي راني في كابوس مزعج قلتلها فهميني وعلاش قاتلي شهر ماتعيطي ما تحوسي
بعديني مانيش قادرة نشوف فيك قلتلها ياخي نتي قلتيلي ماتزيديش تعيطيلي وكي ماتكونيش مليحة بيpي وأنا في الفترة الماضية الحمد لله ما صراوليش مشاكل وما حبيتش نضايقك علابيها ما عيطتلك ما بيpيت

قاتلي ماعندك حتى عذر والوا اخطيني

كاش ما فهتوا فهموني
​

 

[مرام التيبازية]

الله يهديها هاد الطفلة طلعتلي ليناغ

 

[ماكانش]

والله حيرة
بلاك معقدة ولا مريضة
اخطاكي منها ختي
ألي يثقل عليك غير فوتيه وماتندميش ...

 

[دزيرية حرة الحراير]

و الله انا في رايي
عندها الحق و ماعندهاش في نفس الوقت
عندها الحق كي قاتلك متزيديش تعيطيلي و على حسب رايي انها كانت قاصدة الهدرة الي مافيها حتى فايدة
يعني الحق فيك نورمالمو راكي عيطتيلها مرة تسقسي عليها كاش ماصرالها ولا
و ماعندهاش الحق كي قاتلك متزيديش تهدري معايا يعني حتى هيا كانت قادرة تعيطلك تسقسي عليك
و ربي يهديها و يهدينا

 

[wafa peace 2011]

ياخي مريضة هادي ولا مهبولة ربي يجيبلها الشفاء تعيا الدنيا دور وتجي ليك

 

[نسيم الربيع]

هاي باينه بللي مبغاتش تحكي معاك كي عيطتيلها قاتلك متعيطيش وكي ماعيطتيش قاتلك عافيني
خطاك ختي منها اللي باعك بالفول بيعيه بقشورو وخلي نفسك عزيزه هذا رايي والله أعلم

 

[كنزا]

اختي اخطايك منها هاد الطفلة باين فيها عندها تناقض في شخصيتها
مرة تقلك مبقتيش تعيطيلي ومرة اخرى تقلك علاه مطعيتليش ربي يهديها
تقبلي مروري

 

[Manel16]

سمحيلي ياختي باغي نقلك عندها شخصية فابل ولا كنتي كاملتي طريقك معاها كانت رايحا تعقدلك عقليتك هاكا خير ليك وليها تقبلي مروووووووووري​

 

[AWDIESL]

هادي ما تستهلش تكتبي عليها موضوع
ماشي عارفة واش تحب

أخطيك​

 

[بقايا إنسان]

لا تلومين إلا نفسك لأنه من حقنا أن نختار أصحابنا وليس من حقنا أن نختار أهلنا
استبدليها يغيرها تتقي شرها

 

[**حبي الجزائر**]

استغفر الله العلي العظيم
أختي انا انقلك كي تلقيها في المدرسة أو أي مكان أعملي بالواجب و تحي عليها السلام
و الباقي على الله بلاك هكا أحسن ليك و ليها

 

[نتيلة]

الله يهديها هاد الطفلة طلعتلي ليناغ

آمين
و بارك الله فيك عالمرور
​

 

[نتيلة]

والله حيرة
بلاك معقدة ولا مريضة
اخطاكي منها ختي
ألي يثقل عليك غير فوتيه وماتندميش ...

جزاك الله خيرا
ولكن صديقتي ليست كذلك

​

 

[نتيلة]

و الله انا في رايي
عندها الحق و ماعندهاش في نفس الوقت
عندها الحق كي قاتلك متزيديش تعيطيلي و على حسب رايي انها كانت قاصدة الهدرة الي مافيها حتى فايدة
يعني الحق فيك نورمالمو راكي عيطتيلها مرة تسقسي عليها كاش ماصرالها ولا
و ماعندهاش الحق كي قاتلك متزيديش تهدري معايا يعني حتى هيا كانت قادرة تعيطلك تسقسي عليك
و ربي يهديها و يهدينا

بارك الله فيك أختي دزيرية حتى أنا خممت بلي هذا هو التفسير لتصرفها الأخير
ومشكورة رانا نخمو كيف كيف ​

 

[نتيلة]

ياخي مريضة هادي ولا مهبولة ربي يجيبلها الشفاء تعيا الدنيا دور وتجي ليك

لالا مراهي لامريضة لامهبولة
راكي عارفة gااااااع مين داك يجونا حوالنا رب يهدينا ويتوب عليناااااا
​

 

[نتيلة]

هاي باينه بللي مبغاتش تحكي معاك كي عيطتيلها قاتلك متعيطيش وكي ماعيطتيش قاتلك عافيني
خطاك ختي منها اللي باعك بالفول بيعيه بقشورو وخلي نفسك عزيزه هذا رايي والله أعلم

بارك الله فيك عالنصيحة

ولكن كما قلت هي أعلم بمصلحتي


شكرا
​

 

[نتيلة]

اختي اخطايك منها هاد الطفلة باين فيها عندها تناقض في شخصيتها
مرة تقلك مبقتيش تعيطيلي ومرة اخرى تقلك علاه مطعيتليش ربي يهديها
تقبلي مروري

بارك الله فيك عالمرور وعلى النصيحة ولكن أنا أعلم بصديقتي

شخصيتها سوية جدا أكيد لها أسباب وجيهة
​

 

[نتيلة]

سمحيلي ياختي باغي نقلك عندها شخصية فابل ولا كنتي كاملتي طريقك معاها كانت رايحا تعقدلك عقليتك هاكا خير ليك وليها تقبلي مروووووووووري​

مشكورة أختي بصح راكي غالطة شخصيتها قوية جدا

ولها بعض الحق فيما فعلت
​

 

[نتيلة]

هادي ما تستهلش تكتبي عليها موضوع
ماشي عارفة واش تحب

أخطيك​

مشكورة عالمرور
​

 

[نتيلة]

لا تلومين إلا نفسك لأنه من حقنا أن نختار أصحابنا وليس من حقنا أن نختار أهلنا
استبدليها يغيرها تتقي شرها

بارك الله فيك عالمرور وجزيت خيرا على النصيحة
​