هاد الطفلة راح تفسدنا الباطيمة ... عيش تشوف ...

[ماكانش]

السلام عليكم ورحمة الله وبركاته
واش راكم خاوتي لاباس
ماعلاباليش نكتب الموضوع و لالا ...
والله يا خاوتي الواحد راهو قلقان صح صح
والله ماعندهاش نص ساعة كنت نطل من البالكو تاعنا
زمان نشوف جارتي المموشة الصغيرة (16 و 17 سنة) ماشية مع زوج ديجان نعرفهم بالوجه ...
كي وصلو للباطيمة تاعنا بعدو عليها شويا أنا من الفوق قاعد نشوف ...
وهوما مايعرفوش يديرو القالب قاعدين يدورو وراهم وخلعانين، وهيا ماشية بعيدة عليهم بميترا ولا زوج ...
المهم دخلت للبلوك التاعهم ودخلوا وراها :scared: ...
صوناتلي اللامبة في راسي وعرفت بلي راهي مدخلتهم للدار ...
لتم يا بعد خرج صاحب خويا الصغير وطل في لبلوك عيطلو قتلو واش مطلعتهم للدار قالي ايه ..
ياخي هبط قلت نروح نخرج قسامهم ولا نضربهم ولا حاجة هكدا ...
ياخي طلعت طبطبت على الباب وغلقت بصبعي العين السحرية ... ياخي نسمع في الفوضى اللداخل ...
بصح ماعنديش الزهر طلعت واحد العايلة ياخي هبط ، من بعد كي طلعت سمعت الباب التغلق ولقيتهم هابطين تخلعو قالولي هنا يسكن فلان ؟؟؟ قلتلهم لالا هنا تسكن فلانة ... ياخي يحكيو ويترعدو ...
قتلو لعشية نجيك وين تسكن ونتفاهم معاكم ... مالقاو واش يقولو وقالي واحد اسمحنا ؟؟؟؟
قتلو روح برك ...
ياخي كي هبط لقيت ولاد الكارطي ولقيت واحد كبير زعما قالي في بعضاهم وفي بعضاها ؟؟؟
قتلو علابالي في بعضاها بصح يرجعونا الباطيمة فيها بيت للدعارة هادي لالا ...
قتلو ولوكان ماشفتهمش الله يسهل، بصح قتلو عيني عينك داخلين هادي مانفوتهاش ...
المهم كامل قالو في بعضاهم والله يسهل ، وقالولي راهي ديما ادخل الرجال للدار :surrender: كي ماتكونش يماها ... وتبالي قالي واحد منهم بلي هاديك المرة بات معاها واحد :surrender: ...
والله ياخاوتي راني نغلي من الوقت ألي وصلنا ليه ...
نشفا عليها مموشة ودرك ادخلي في الرجالة للدار ...
لاحول ولاقوة الا بالله ..
انا نلوم الوالدين كيفاه تخلي بنتها وحدها في الدار وهيا تسافر يومين ولا ثلاثة خارج الدار ... لا ثقة لا والو مابقاتش ....
طبعا ماشي كامل ...​

 

[ماكانش]

شكرا لقبول الموضوع

 

[أماني2]

السلام عليكم

سبحان الله

الله يهديهم برك
مي لازملها تبهديلة هي وماليها اللي خلاوها هكذا
وممكن هاذي يماها راهي معاها ماتحصيش
على خاطر كاين أمهات هكذا والعياذ بالله

مرة هذا راجل خالتي جان
جات وحد لمرة عندو قاتلو جيبلي الميكرو للدار مع لعشية تصيبني فماك
واش دارت هي خرجت وخلات بنتها وحدها فالدار دارتها اكسبري

أيا كي راح ليها قالها شكون اللي راهو فالدار قاتلو حتى واحد
قاتلو معليش ادخل ركب الميكرو
بصح جا حلالي قالها الدار اللي مافيهاش رجال ماندخلش ليها

تخيل لوكان كانو وحدوخرين حراميين نورمال

الله يهدي ويصلح الأحوال

شكرا على الموضوع
​

 

[السلطانة]

وعليكم السلام

المموشة الصغيرة (16 و 17 سنة)

ياسلام ياسلام

ويخلوها وحدها في الدار

حاجة باينة توصل تدير وخايد

حتى الوالدين ربي يهديهم


وانت ياماكانش علاه تقرعج هههه
حتى وجعك قلبك
كون درت روحك ماكانش خير هههه
هيا شكرا على الموضوع
تحياتي ​

 

[ماكانش]

وعليكم السلام ​

المموشة الصغيرة (16 و 17 سنة)​

ياسلام ياسلام ​

ويخلوها وحدها في الدار ​

حاجة باينة توصل تدير وخايد ​

حتى الوالدين ربي يهديهم ​

وانت ياماكانش علاه تقرعج هههه
حتى وجعك قلبك
كون درت روحك ماكانش خير هههه
هيا شكرا على الموضوع

تحياتي ​

ههههههههههه
يا واحد المونغو كنت نطل في البالكو ناكل في التمر شفتهم هههههههه
واش ندير شفتهم مخلوعين يلفتو الإنتباه ...
وزيدي هبط لاخاطر غرت برك مابيا لا خير لاوالو ههههههههههههههه
هههههههه​

 

[ماكانش]

السلام عليكم​

سبحان الله​

الله يهديهم برك
مي لازملها تبهديلة هي وماليها اللي خلاوها هكذا
وممكن هاذي يماها راهي معاها ماتحصيش
على خاطر كاين أمهات هكذا والعياذ بالله​

مرة هذا راجل خالتي جان
جات وحد لمرة عندو قاتلو جيبلي الميكرو للدار مع لعشية تصيبني فماك
واش دارت هي خرجت وخلات بنتها وحدها فالدار دارتها اكسبري​

أيا كي راح ليها قالها شكون اللي راهو فالدار قاتلو حتى واحد
قاتلو معليش ادخل ركب الميكرو
بصح جا حلالي قالها الدار اللي مافيهاش رجال ماندخلش ليها​

تخيل لوكان كانو وحدوخرين حراميين نورمال ​

الله يهدي ويصلح الأحوال​

شكرا على الموضوع​

يعطيك الصحة ختي
بلاك غدوة نروح ليماها ونبهدلهم هيا وبنتها ...
بنتها تخاف مني موت ...
راني قلت انا نلوم الوالدين كتر ...​

 

[السلطانة]

ههههههههههه

يا واحد المونغو كنت نطل في البالكو ناكل في التمر شفتهم هههههههه
واش ندير شفتهم مخلوعين يلفتو الإنتباه ...
وزيدي هبط لاخاطر غرت برك مابيا لا خير لاوالو ههههههههههههههه

هههههههه​

كونان :music_whistling:
ذهب لتقصي الحقيقة هههه

 

[ديهيا القالمية]

هم صح غلطو كي يغيبو بالايامات ويخلوي الطفلة وحدها
وغلطو تاني كي ماعرفوش يربوها
واذا على بيوت الدعارة راهم كاين غير هم مي شكون لي يتجرأ ويشكي بيهم هو لي ليباصي على خاطر النساءلي يعملو هك شخصيات كبار في بلادنا وكلمتهم لي تمشي ​

ربي يهدي
شكرا على الموضوع

 

[مسامعية]

عجبا لحال الدنيا كيف صار

 

[SaRa MosTa]

ربي يهديها

مي لوالديها هادي سير دايرين فيها كونفيونس باش يخلوها تقعد وحدها في الدار
وهي استغلت هاديك الثقة

ربي يهديناااا

وهاد الحالة لي حكيتها رانا كل نسمعو كيفها الله يجيب الحفظ​

 

[انتصار*]

خبر والديها وأنقل لينا ردهم ...قضية للمتابعة .مع مكانش مش حتأدر تغمض عينيك.​

 

[ISMA.dz]

بـــــــــــدون تعليــــــــــــــــق​

_o:_o:
_o:_o:
_o:_o:

 

[wafa peace 2011]

والله غير عيب كبيييييييييييييير الواحد يسكت خير لاحول ولا قوة الا بالله العظيم

 

[ماكانش]

كونان :music_whistling:
ذهب لتقصي الحقيقة هههه

أحم احم هههههههههه

 

[ماكانش]

هم صح غلطو كي يغيبو بالايامات ويخلوي الطفلة وحدها

وغلطو تاني كي ماعرفوش يربوها
واذا على بيوت الدعارة راهم كاين غير هم مي شكون لي يتجرأ ويشكي بيهم هو لي ليباصي على خاطر النساءلي يعملو هك شخصيات كبار في بلادنا وكلمتهم لي تمشي ​

ربي يهدي
شكرا على الموضوع

عندك حق ختي التربية الي ماكانش
وعن بيوت الدعارة اسكتي برك راهم بالآف وكيما قلتي كل بيت وعندو شخصية يتعامل معاه ويدافع عليه ...
وكيلهم ربي ...

 

[بقايا إنسان]

انتوما لي يندبلها تقولوا ربي يهديه والهداية هذي ماجات ما والو العكس الحالة زادت وخلات الخالية على كامل الناس
نتلاعبوا بأعراض الناس والنسل وهذي بس 17واش علمها هذا الاحتراف المشين
هذا من قلت الدين والصمت الرهيب من جيرنها المسلمين
شكرا لك اخي على الطرح

 

[D@rk Angel]

الشعب الجزائري خلاص ولا شعب اوربي بعدنا على الاسلام . .
ربي يهدي ما خلق

 

[TIBA BITA]

ربي يقدر الخير بصح حاجة كيما هاذي مايتسكتش عليها من طرف الجيران ربي يسترنا

 

[كنزا]

لاحولا ولا قوة ربي يهديهم عدنا في وقي يخوف
طفلة صغيرة والدير هكا والله غير عجب
مي ولديها لازم هما ليتلامو كيخليوها وحدها

 

[H@teM]

كون جيت في بلاصتك نقود لوالديها
​