¨°o.O !والله تحيـــــر......ولد فلان وبنت فلتااااان ! O.o°¨

[Amir nini]

السلام عليكم ناس اللمة ....
هاذي غيبة وهندي شحااااال مادرتش موضوع هنايا وزوج حوايج اليوم خلاوني نديرلكم موضوع
الحااااالأولى هي انو توحشتكم بزاااااااااااف وتوحشت مواضيعكم وقسراتكم

والحاجة الثانية شفتها اليوم في البلاد خلاتني مشوكي في روحي ويلي هي
ولد فلان وبنت فلتااااااااااااااااان
اليوم وانا نمشي كالعادة :shay: هاني مهني ....شفت واحد لولد في عمرو 14 سنة يقراا في السنة الثالثة متوسط _o:....حتا للهنا كل شيء عادي .....مي يلي ماهوش نورمال ....راكب golf serie 6 تع باباه:cra_zy: ويسركل في وسط لمدينة ايا مالا حبسو بوليسي قالو وثائق السيارة والبارمي:santa_1: اعطالو الوثائق مي البارمي قالو انا وليد فلان _ ملياردير وعندو نفوذ _ :showoff:ايا مالا قالو البوليسي هاك الوثائق وربي يسهل ....:scared::sadwalk:
سبــــــــحان الله في هاذ البلاد وفي هاذ لعجب يلي رانا نشوفو فيه أنا الطوموبيل تع بابا باه نجي نخرجها وندور بيها ندير 400000 حساب مالقري كلش كاين ومانخافش ....مي طفل 14 سنة ويدور ب golf وزيد ماهندوش parmi والله أمـــــر مؤسف :sad: والزوالي يقعد يتفرج قاتلو الفيد :sad:

المهم الحمد لله عطاني ربي على قد نيتي :re_gards:وكي كانت عندي 14 سنة كنت نلعب بالطوموبيلات تع النيلون ونتفرج في بوكيمون ...مي الجيل تع ضرك ربي يهدي ماخلق
وزيدلهم لابوليس يزيد يقووولووو ربي يسهل سبحــــــــــــان الله

وش رايكم في حوايج كيمن هاذو ؟؟
​

 

[somi]

كي كانت عندي 14 سنة كنت نلعب بالطوموبيلات تع النيلون ونتفرج في بوكيمون ...مي الجيل تع ضرك ربي يهدي ماخلق
وزيدلهم لابوليس يزيد يقووولووو ربي يسهل سبحــــــــــــان الله

البوووووووووووووكيمون هدا هو إلي أقلبنا اللورا يعني جيلنا
درك راهم يتفرجوا إيزيل
يديروا في ليكور
واحنا كنا نتفرجوا بوكيمون صح

 

[Amir nini]

كي كانت عندي 14 سنة كنت نلعب بالطوموبيلات تع النيلون ونتفرج في بوكيمون ...مي الجيل تع ضرك ربي يهدي ماخلق
وزيدلهم لابوليس يزيد يقووولووو ربي يسهل سبحــــــــــــان الله

البوووووووووووووكيمون هدا هو إلي أقلبنا اللورا يعني جيلنا
درك راهم يتفرجوا إيزيل
يديروا في ليكور
واحنا كنا نتفرجوا بوكيمون صح

والله ربي يهديييييييهم صح
​

 

[bilal22]

ما تحير ماوالو خويا هاذي هي بلادنا درك
تعيش علا قد دراهمك عندك مليار تعيش مليار دار وطبعا الامن كامل تحت خدمتك
زوالي ومعندكش تتنفس ينفسوك ولو راك صحيح ههه
شكرا لك خويا سلام

​

 

[Amir nini]

ما تحير ماوالو خويا هاذي هي بلادنا درك
تعيش علا قد دراهمك عندك مليار تعيش مليار دار وطبعا الامن كامل تحت خدمتك
زوالي ومعندكش تتنفس ينفسوك ولو راك صحيح ههه
شكرا لك خويا سلام

​

العفو خويا .......يحب يقول الزوالي مايعيش في بلادنا
مي الأمن لازم العدالة تتطبق على الجميع
ربي يهديهم هذا مكان
​

 

[somi]

شوف يا أخي العدالة كلمة مليحة وكلشي مي صعيب تتطبق لأنوا الناس مازالت خوافة يعني هدا البوليسي خاف ما أب الطفل وهي رايحة يعني الأصل هو الخوف
وأنوا الكرامة رررراحت وما أبقاتش غير النفاق والله لن تتصلح البلاد بالنفاق والخوف وعقلية الدراهم

 

[Amir nini]

شوف يا أخي العدالة كلمة مليحة وكلشي مي صعيب تتطبق لأنوا الناس مازالت خوافة يعني هدا البوليسي خاف ما أب الطفل وهي رايحة يعني الأصل هو الخوف
وأنوا الكرامة رررراحت وما أبقاتش غير النفاق والله لن تتصلح البلاد بالنفاق والخوف وعقلية الدراهم

مي لوين ياختي وحنا هكدااا ؟؟؟؟
صح صعيبة باه تتبدل العقلية ....ومشات في المجتمع ككل
وش حا نقوول ربي يهنينا ويرضى علينا هدا مكان

​

 

[somi]

آآآآآآآآآمين يا رب العالمين

 

[{مُدَلَّلَتُهُ}]

ya khouya 3ich tchouf hadi hya 3andek el 7a9 ki kan 3adna 14 ans kouna mazelna netfarjou f rousoum ta3 doka rahoum ydalou 3and el lycée b les voitures
cha baghi ngoulou lah yehdi ma khla9

merci 3la el sujet

 

[ماكانش]

حاجة نورمال في بلادنا ...

 

[sam_houssem]

كل شيء ماشي
حاسب روحك عند الغرب ولا واش
اي في بلادنا استنا كل شيء
وحاجة ما تجيك انورمال
رانا في العالم الثالث وهذي تكفينا
المهم مرسي على تخربيشك
ومتابعة ممتعة مع بيكاتشو​

 

[Amir nini]

ربي يصلح الأمور ان شاااء الله
​

 

[الورد الأحمر]

العفو خويا .......يحب يقول الزوالي مايعيش في بلادنا
مي الأمن لازم العدالة تتطبق على الجميع
ربي يهديهم هذا مكان
​

واشمن أمن انتا تاني لي راك تحكي عليه، يرحم بوك، وواشمن عدالة تاني، خويا واش هو رمز العدالة زعما؟؟ ياك الميزان هذاك لي يخلعونا بيه دايرينو قدماه قدام المحكمة زعمة قصدهم العدل، مي بانلي جاي مايل شوية à côté ،تعرف واش ميلو ؟؟ ولد فلان وولد فلتان، هيه درك انتا باباك واش يكون ولا واش يخدم؟؟ يا ربي يظهر شخصية مهمة سي نو نندم لي رديتلك على موضوعك هههه، شفت كيفاش؟؟؟ هذي هي العقلية خويا، عليك وعلا واش تكون، المهم، مغسي خويا عالموضوع، ربي يهدي ناس كيما هك، وربي يهدينا تاني، باغدون على الاطالة، علا خاطر وجعني قلبي هاذا ماكان، هيا سلام
​

 

[la_safa]

صباح الخير خويا

عندك حق في لي قلتو مي درك حوايج كيما هادي تاني عات نورمال
ياي كاين لي يزليك قدامو عيني عينك

مي واش نقولو هادي بلادنا
الله يهدي برك

مرسي خويا سيجي مليح
سلامووو
​

 

[La contesse]

normal .............

​

 

[rima29]

ربي يهدي ما خلق يا خوووووووووووووووو​

 

[صانعة الافراح]

هههه
اول مره نسمع بحاجه كيماهاك

شر البلية ما يضحك

والله غير حاله
​

 

[خفيف الروح]

ماشي غير اهنا

راهي في كلش

هذاك راه فلان وما ادراك

وهذاك راه زوالي يطبقوا اعليه القانون
وحتى حقوا ما يديه

عيش اتشوف
صح خويا على الموضوع
​

 

[فراشة الايمان]

في كل البلدان العربية ............​

 

[hanine_mona]

في وقتنا هذا كل شيء اصبح عادي متنخلعش