موضوع بلوكالي لراسي ولدرك مالقيتش الحل........

السلطانة

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,154
الحلول المقدمة
1
نقاط التفاعل
87,173
نقاط الجوائز
5,003
محل الإقامة
الشرق-الوسط
الجنس
أنثى
آخر نشاط
نهاركم زين
يامعشر اهل اللمة
تحية عطرة
أما بعد :

جاني في بالي موضوع
6.gif

حبسلي الشرايين تاع مخي
وطفاتلي اللومبة لي تشعل عند نور
........
المرأة الرجل والرجل المرأة
في مجتمعنا الديزادي الجزائري
وكيفاه عايشين معاه
.......
اكيد انتوما تاني تعرفو الحية هادي
انا مفهمتش كيفاه حتى يتخدمو هادو
6.gif


واين يروح دور الام والاب
اثناء ملاحظة تطور الطفل
وتغير تصرفاته
يعني يشوفو ولدهم وهو صغير
يهدر كي الطفلة
ويلبس كي الطفلة
الpوبيات وطلاء الاظافر والماكياج
وياهو دلعوني كمان
نموت على اللون الغوز
انا كتير pاpيشة
انوش يرقد الدبدوب سينون ميرقدش
ومركب لي لونتي:scared:
5.gif

والطفلة لي حاطة روحها طفل :scared:
راجل في مشيتها وهدرتها ولبستها
وقاصة شعرها بالجال حتى توصل لدرجة
متنجمس تفرقها من الطفل
قالك امها ماجابتش طفل
ولات تشوف فيها طفل ​
6.gif
​
هايوا وصلنا لنقطة حساسة
هادو في ديارهم متقبلينهم :eek:_o:
بصح في المجتمع عمرهم ماريحين يتقبلو
حالة شادة +
ميدخلوش الجنة لقوله
عليه الصلاة والسلام:
(" ثلاثة لا يدخلون الجنة : العاق لوالديه ، والديوث ، ورجلة النساء")

مافهمتش هادو كيفاه يخمو
6.gif

واش رايكم انتوما
وكاشما عندكم امثلة هاتو هم

كي العادة ولعوايد شعارنا المنشود: هدا الموضوع برعاية:-شركة شوشو للانتاج المنغولي-
34.gif
وماكنلاه تسرقو الموضوع لانشعل زوج سيجارات

​
 
هذا موضوع واعر مانهدرش فيه ههههه
نقك حاجة برك ونتي تعرفيها
كاين ألي يخلقهم ربي سبحانو هكذا ، وكاين ألي هوما يركبوها لرواحهم ...
وراني قتلك نسكت مانهدرش ...
كيما قلتي الوالدين كي يشوفو تصرفات ولدهم لازم يريgليوه ويتهلاو فيه ...​
 
موضوعك فووور كما العادة
وندخلو في صلب الموضوع ، انا من جهتي عندي أمثلة من النوعين
واحد جارنا اووه وحده جارتنا من نهار بديت نميز ، وانا نشوف فيها طفل ، وكنت دايراتها طفل
هي في وجها الله يبارك كفاه زينة ، بصح دايرة في روحها العجب ، تشوفها تقول هذا البوgوس منين جا
عياو معها والديها ، بصح والو حتى لحقت بهم الدرجة وحد المرة بيتوها بره ، بصح لاحياة لمن تنادي .
وواحد نشوفو فالجامعة ، هدرتوو رقيقة أكثر من تاعي ههه ، يمشي ويهز يدو هداك وصبعوو الصغير مانحكيلكش
يدور غير مع البنات ، والمشية تاعو يامحاينك مأنث خير عليــا يمشي ويتقلش .
هذا يقولو فالدار مربي هك ، غير هو بين 5 بنات علابيها خرج هك
واش تحبي نشوفو العجب ، امراة رجعت راجل والعكس صحيح
ربي يهدي من خلق
​
 
موضووووووووووووووع راااااااااااااااائع شوشو لي عودة ان شاء الله​
 
يا شوشو توحشت مواضيعك ههههههه
والله انا نشوف خطأ الاولياء لأنو قادرين يتحكمو في الموقف من الأول كيما قلتي يتربا بين عينيهم يعني حاجة كيما هاذي متفوتهمش
والا ماهمش صالحين يكونو آباء مع احترامي للكل

انا نصادف هذي الأشكال بزاف فالزنقة والله مخي يحبس مانقدر نقول غير
لاحول ولاقوة الا بالله
ختي شوشو ماتحيريش ياو الناس بدات تهبل ربي يعافينا هههههه
 
صحيتي اختي
موضوع منتشر بزاف
انا يبانلي هادو عندهم مشاكل نفسية ما عرفوش كيفاش يخرجوها
جاهم الشكل والطبيعة تاعهم وبدلوها وردوها العكس
الطفلة تكره كونها انثى تقولك الانثى ضعيفة وماعندهاش حقوق وديما يتلعب عليها
تجي هي زعمى تبدل هاد النظرية كامل وترد روحها طفل قاوي
والطفل عاجباتو حياة الانثى يعني عالمها البينك
على هادي تشوفهم يتبادلو الادوار
بصح مستحيل يقدرو ينسجمو مية بالمية لانو المجتمع مستحيل يتقبل ناس هكا
خاصة المجتمع العربي
بارك الله فيك اختي
ايا سلام​
 
كوكو شوشيتا، اليوم راني جيت بكري مش غوطاغ كي عوايد
احم احم اسنا نانسطالي روحي وساع، اوووف
هيه هذا السيجي غير يومين ولا من لي ناقشتو انا تاني
وحرجنا بنتيجة تقول بلي الوالدين هوما المسؤولين
نوغمالمو من اللول غير ما يشوفو ميولات الطفل
تميل لميولات أنثوية، وميولات الطفلة تميل لميولات ذكورية
يحاولو يفهموهم كل واحد على حسب جنسو، قال انتا راجل
ما لازمش تدير هك، وانتي مرا ما لازمش تكوني، يبانلي
غياب دور الوالدين هو لي يزيد يخليها على الحالات هذو،
ولي نحيرلها كيفاش راجل يشوف ولدو راجل يلقط في
حواجبو ويلبس في السيغي والغوز خخخ ويدير بغاسلي
في رجلو، ويدير الماكياج والغوج ولا الغوز آلاvغ وتجيه
نوغمال؟؟؟؟ ولا كيفاش يشوف بنتو عاملة زي الراجل
لابسة كيفها كيفو، تهدر كيفز زديفوا تللقاه مسترجلة عليه
وما يدير والو ؟؟؟؟ يا حبيبتي رانا في زمان تجي تفهمي
فيه حاجة تروحلك لفهامة خلاص ولا تبانلك انتي لي غالطة
وهوما الصح، المهم خلاصة القول، ليس كل من خلق في جسد
رجل رجل وليست كل من خلقت في جسد امرأة امرأة، قالك في
هذا الزمان تقدر لمرا تكون راجل والراجل يكون مرا،مي لي
يعيفني كتر الراجل كي يستأنت، على خاطر لمرا سي تسترجل
سي تحب ترجع أنثى ترجع عادي، مي الراجل سي يستأنث ويحب
يرجع راجل تكون راحت عليه ويكون تحرق وسط الرجال ووسط
الناس مالا تروح عليه ويبور خخخ، ربي يهدي عبادو برك شوشو
هيا مغسي عالموضوع وراني درتلك موضوع خلاف بردي خخخخ
هيا سلامو في الحلقة القادمة ان شاء الله
​
 
تفكرتبيت شعري جيت نجري ...
ولا عجب إذا النساء ارتجلت ... ولكن تأنيث الرجال عجيب
يعني الطفلة كي تترجل نقدرو نعذروها قال راهي مفتونة بالرجولة ولوعارة وو
اما الطفل كي يتأنث ألي حيرة وواش حاب وواش عجبو ...
ايا سلام ...​
 
عجبتنى هدى برك
يامعشر اهل اللمة

الله يهدى مخلق
 
بلاصتي
من بعد نرجعلك ونحكيلك حكاية قبل النوم​
 
قال nour_light:
كوكو شوشيتا، اليوم راني جيت بكري مش غوطاغ كي عوايد

احم احم اسنا نانسطالي روحي وساع، اوووف
هيه هذا السيجي غير يومين ولا من لي ناقشتو انا تاني
وحرجنا بنتيجة تقول بلي الوالدين هوما المسؤولين
نوغمالمو من اللول غير ما يشوفو ميولات الطفل
تميل لميولات أنثوية، وميولات الطفلة تميل لميولات ذكورية
يحاولو يفهموهم كل واحد على حسب جنسو، قال انتا راجل
ما لازمش تدير هك، وانتي مرا ما لازمش تكوني، يبانلي
غياب دور الوالدين هو لي يزيد يخليها على الحالات هذو،
ولي نحيرلها كيفاش راجل يشوف ولدو راجل يلقط في
حواجبو ويلبس في السيغي والغوز خخخ ويدير بغاسلي
في رجلو، ويدير الماكياج والغوج ولا الغوز آلاvغ وتجيه
نوغمال؟؟؟؟ ولا كيفاش يشوف بنتو عاملة زي الراجل
لابسة كيفها كيفو، تهدر كيفز زديفوا تللقاه مسترجلة عليه
وما يدير والو ؟؟؟؟ يا حبيبتي رانا في زمان تجي تفهمي
فيه حاجة تروحلك لفهامة خلاص ولا تبانلك انتي لي غالطة
وهوما الصح، المهم خلاصة القول، ليس كل من خلق في جسد
رجل رجل وليست كل من خلقت في جسد امرأة امرأة، قالك في
هذا الزمان تقدر لمرا تكون راجل والراجل يكون مرا،مي لي
يعيفني كتر الراجل كي يستأنت، على خاطر لمرا سي تسترجل
سي تحب ترجع أنثى ترجع عادي، مي الراجل سي يستأنث ويحب
يرجع راجل تكون راحت عليه ويكون تحرق وسط الرجال ووسط
الناس مالا تروح عليه ويبور خخخ، ربي يهدي عبادو برك شوشو
هيا مغسي عالموضوع وراني درتلك موضوع خلاف بردي خخخخ
هيا سلامو في الحلقة القادمة ان شاء الله​
إضغط للتوسيع...
ههههههههههه
مجزرة في حق اللغة العربية
للشنق والخنق بكل انواع المبيدات​
 
لابسين فار & روج

داخلين زوج زوج

يمكن القول غرابة اشخاص

رزق من الرحمن ( ولا يقدر )

سلام​
 
إن محاولة المرأة أن تتشبه بالرجال،على الرغم من تحذير الشرع لها هو الاسترجال، ولقد خص الله كلاً من الرجل والمرأة بأمور، ونهى كلاً منهما أن يتمنى ما خصَّ به الآخر، فقال: "وَلاَ تَتَمَنَّوْاْ مَا فَضَّلَ اللهُ بِهِ بَعْضَكُمْ عَلَى بَعْضٍ لِّلرِّجَالِ نَصِيبٌ مِّمَّا اكْتَسَبُواْ وَلِلنِّسَاء نَصِيبٌ مِّمَّا اكْتَسَبْنَ وَاسْأَلُواْ اللهَ مِن فَضْلِهِ"، وبنفس الدرجة نهى الشرع الرجل أن يتشبه بالنساء.
1- ثلاثة لا يدخلون الجنة: العاق لوالديه و الديوث و رجلة النساء
2- "لعن الله الرَّجُلة من النساء".(واللعن هو الطرد من رحمة الله، مما يدل على خطورة التشبه، أما التشبه في الخير وفي الفعال الطيبة فلا يدخل في ذلك أبداً.)
3- "لعن الله الرجل يلبس لبسة المرأة، والمرأةَ تلبس لبس الرجل".
4- "لعن الله المتشبهات من النساء بالرجال، والمتشبهين من الرجال بالنساء".
5- وعن ابن عباس قال: "إن امرأة مرت على رسول الله صلى الله عليه وسلم متقلدة قوساً" فذكره.
6- "لعن الله المخنثين من الرجال والمترجلات من النساء"
7- "ليس منا من تشبه بالرجال من النساء و لا من تشبه بالنساء من الرجال"
هذه المخالفات وغيرها كثير مردها عدم قيام ولاة الأمر من الحكام والأهل بالواجب، وغياب فريضة الأمر بالمعروف والنهي عن المنكر في المجتمع، وغياب دور المحاسبة ، والجهل بخطورة هذا المسلك، فكل من عصى الله فهو جاهل، الزخم الإعلامي عن طريق المجلات، والفضائيات، وغيرها، وتعمد الكفار والمنافقين في الداخل إشاعة الفاحشة
هذا هو رايي وراي الديين في موضوعك يا شوشو
وان شاء الله تكون عجباتك الفصحة تاعي:re_gards:
 

الحل يكون مع
.
.
.
.
.
.
.
.
.
.
.
.


ازيس اكسبراس

يعطي لولادنا بشرة هايلة خالية من الكوليسترول
وزيد فوق هدا اكل الدقيقة غير ب 8 دج

مع سانينو كونك هانية

هههههه
يخي هك آ شوشو


​
 
ya khti cha ngoulou rabi yehdi ma khla9

wa7ed ye9ra 3adna f lycée te7esbih tofla el jmaya3 ghi m3a lbnat el mechia wel hadra mémes les maniéres ntaw3ou tgoul tofla ana netekhla3 ki nesem3ah ye7ki

merci 3la el sujet
 
الفئـة اللي تقتلني رآجـل وانايا للأسف أرجل منو ههههههه
يخآف من الحشرآت ويطول شعرو وديما خادمو بلبلآك
وزيـد يعجبك يمشي كيما لبنآت ويرقق صوتو وياي :shiny:
او مون ديـو حغام عليـك تقـتلي نحلـة كيفاش قدرتي تستحملي :eek:i-o:
********************************
نرجعو للبنآت اللي يخشنو في صوتهـم ويبدلو من ستيلهم تشبها بالرجىل
كايـن عدة حالات :
مثلا لمرا اللي تجيب عرش تاع لبنآت
تتمنى انو آخر محاولة تيجي طفل وكي تيجيها طفلة تكرها
الطفلة تتربي بهاذي العقدة وتميـل لحيآة الذكورا وتقلدهم
وهنا غلطة الأهل
وكاينين بعدا العايلة اللي يربيوا بنتهم على اساس أنها طفل :eek:_o:
وكايـن اللي عندها خلل في الهرمونات الله غالب عليـها
*************************************
أنا الحق الحق أشوشو مانحبـش نلبـس زي لبنآت ونكرهم ههههههههه
من عند ربي من اللي كنت صغيرة نخلط للذكورا أكثر
بصح جامي نقلدهم في تصرفآتـهم في لبسـتي نلبـس عآدي
بصـح كايـنين اللي يقولو عليا طفل خاطر خايبة في الدار
ومانهتمش بروحي بزاف كيما حالة البنآت الأخرين
***********كآنت معك أختك اللي راهي في لموت وعينها على التوت وكون ماتحبسيش مواضيعـك نحصل فيك خآطر مانقدرش نشوفهم ومانردش ههههههه****************************:sheer:
​
 
وحد المرة في المسجد قاعدين والامام يخطب بصدد هدا الامر تقريبا واش قال.....رب العالمين مايعطيكش طفل في عمرو 16 ولا 17 سنة ربي يعطيك لحمة كورها كيما تحب انتا ادا طلعت صالحة منك انت وادا طلعت فاسدة منك انت ثاني وكيما يقولوا الطفل مراة ابويه........الموالي هما المسؤولين ...لانوا واحد ماراح يربيلك ولادك

شكرا يالقالمية على الموضع
 
يا الشرطية ياك انا نكتب بزاف :shay::shay:بالغوز:shay::shay: ياخي نورمال بالاك ديري فيا بروسي
:re_gards::re_gards::re_gards::re_gards::re_gards::re_gards::re_gards:​
 
قال ماكانش:
هذا موضوع واعر مانهدرش فيه ههههه
نقك حاجة برك ونتي تعرفيها
كاين ألي يخلقهم ربي سبحانو هكذا ، وكاين ألي هوما يركبوها لرواحهم ...
وراني قتلك نسكت مانهدرش ...
كيما قلتي الوالدين كي يشوفو تصرفات ولدهم لازم يريgليوه ويتهلاو فيه ...​
إضغط للتوسيع...
اهلا يامكانش واش بيك مشوكي هه
وي راني فهمت قصدك :re_gards:
مي حتى ولو مي البيئة المعاشة تقدر تقدر تغير السلوك بأي وسيلة +رانا في وقت متطور كاين الوسائل
صحيت على المرور الطيب
تحياتي
 
قال ملكة الاحساس18:
موضوعك فووور كما العادة
وندخلو في صلب الموضوع ، انا من جهتي عندي أمثلة من النوعين
واحد جارنا اووه وحده جارتنا من نهار بديت نميز ، وانا نشوف فيها طفل ، وكنت دايراتها طفل
هي في وجها الله يبارك كفاه زينة ، بصح دايرة في روحها العجب ، تشوفها تقول هذا البوgوس منين جا
عياو معها والديها ، بصح والو حتى لحقت بهم الدرجة وحد المرة بيتوها بره ، بصح لاحياة لمن تنادي .
وواحد نشوفو فالجامعة ، هدرتوو رقيقة أكثر من تاعي ههه ، يمشي ويهز يدو هداك وصبعوو الصغير مانحكيلكش
يدور غير مع البنات ، والمشية تاعو يامحاينك مأنث خير عليــا يمشي ويتقلش .
هذا يقولو فالدار مربي هك ، غير هو بين 5 بنات علابيها خرج هك
واش تحبي نشوفو العجب ، امراة رجعت راجل والعكس صحيح
ربي يهدي من خلق
​
إضغط للتوسيع...
اهلا ياملكة الاحساس منورة الموضوع
الامثلة تاعك يحبسو الراس
يعني تتخلعي كي يعودو قدامك الحالات هادو
متلقاي تضحكي متلقاي تتعجبي
سبحان الله
كيما قلتي اختي ربي يهدي من خلق
صحيتي على المرور والنقاش الطيب
تحياتي

 
العودة
Top