فرحت خالتك محجوبة / كي فتح منتدي اللمة / قتلكم توحشتكم

[406_nassim]

السلام عليكم :re_gards: وشركم خواتي ركم ملاح وش اعضاء هدي غيبة

شبعتونا مقروط يا اعضاء اللمة هي لي تلمنا وخالتك محجوبة فرحت كي فتحت اللمة وهدي يما فرحت كي قتلها اللمة فتحوها رهي تعرف بعض اعضاء من لبنات قتلي سلملي عليهم مهم ندخلو للموضوع ديلنا اليوم ........


موضوع اليوم هو عن المكتب التشغيل الشباب يخويا لزم عليك تنوض علي 6 انتع الصباح تقلول انت هو الاول بصح كي توصل لتما تحسب كنو رقدين تما متفهم ولو كل شيء بل معريفة ويقلك بوتفليقة رهو يسهل ..... حتي كرهت منهم يجبولك الدوخة :sadwalk:


انت عندك دبلوم الحلويات يقلك كاين خدمة لي متعرفش تخدمها في وزارة البيئة يدونا للحدائق وشالوارع بصح علاش انا نعرف نخدم حلويات وعلاش يدوني نحي اعشاب متفهم ولو حتي تنخلع :scared: متفهم ولو ورني حلفت والله منزيد نروح ليهم خلاص كرهولي حياتي نست حجا نقلكم في وزارة البيئة 600 الف للشهر نقعد في الدار خير



شكرا ليك خواتي مهم انشاء الله تكونو ملاح وخلتكم محجوبة رهي مسلم عليكم بزاف ​

 

[الورد الأحمر]

أهلا الأخ نسيم، مرحبا بيك وهذا أول موضوع ليك بعد رجعت اللمة
وأنا أول وحدة ترد عليه، وأخيرا سبقت السي ماكانش ورديت قبلو
تعرفو يحب يرد هو اللول، تقول ساكن في اللمة، أها نرجع للموضوع
والله يا خويا هذي هي الحالة في كل بلاصة وهذي هي الحالة في بلادنا
قالك الدنيا مع لي يبكر الصباح بكري مي في بلادنا الدنيا مع لي يبات
بحدا لبلاصة لي يحتاج يفري فيها مصالحو، يام كيما قلت تقول عليهم
يباتو تم، زعمة كل واحد يلعبها يبكر باش ما يلقاش الغاشي مي الغاشي
الكل يخمم كيف كيف مالا يتلاقاو في نفس الوقت خخخخ،لا بوتفليقة
يسهل لاهم يحزنون، المشكل مش فيه أو في المرخس لي حاكمين
المصالح هذي، يالوكان العبد يحرق لبلايص هذو بيهم بلي فيهم
كاشما يترباو، وكيلهم ربي هذا ما نقولو من فوق ما الشعب راه
كاره راهم يكرهو فيه، ربي يهدي عبادو ويهدينا، هيا مغسي عالموضوع
وما تقلقش روحك برك، وعندك تنتحر خخخخ، هيا سلامو
​

 

[khasoft]

سلامــ خيويا والله ماني حاب نطول عليك

شت في البلاد هاذي والله مابقات عيشا !!!
يا ربي تروح لهيه تعيش
w b1 sùùre bkwarteek mouch hhh 7eraag
هيا بآآي خيو ...

 

[Rochdi.dz]

هههههههه
نسيمينو هدينو غيبينو غيرينو الخيرينو؟
و سالينو على محجوبينو بزافينو و قولينو تتهلينو فيكينو

نرجعينو للميضوعينو
نقلكينو الشعبينو الجزائرينو كاملينو نفسينو التخميمينو
كاملينو يقولينو نروحينو الصباحينو باهينو مانلقاشينو الغاشينو
و يتلاقينو في نفسينو الوقتينو هذينو هوينو البروبلامينو
اما الخدمينو في البئينو و معارفينو وشينو غير اخطيكينو
من خدمينو تشغلينو الشبابينو
ربي يعاونك نسيم خويا
بالتوفيق

​

 

[pixau_dz]

rabi yjib li fih lkhir nchallah

 

[blida2008]

موضوع اليوم هو عن المكتب التشغيل الشباب يخويا لزم عليك تنوض علي 6 انتع الصباح تقلول انت هو الاول بصح كي توصل لتما تحسب كنو رقدين تما متفهم ولو كل شيء بل معريفة

مرة قلت ارووح قبل 6 روحت على 5:45 بالضبط يااااو صتهم فم ما افهمتش كيفااش دارووو

كيما خويا قاااال حتى اكرهنا رانا بدينا نابوندنوي


ربي معانا ...


​

 

[406_nassim]

أهلا الأخ نسيم، مرحبا بيك وهذا أول موضوع ليك بعد رجعت اللمة
وأنا أول وحدة ترد عليه، وأخيرا سبقت السي ماكانش ورديت قبلو
تعرفو يحب يرد هو اللول، تقول ساكن في اللمة، أها نرجع للموضوع
والله يا خويا هذي هي الحالة في كل بلاصة وهذي هي الحالة في بلادنا
قالك الدنيا مع لي يبكر الصباح بكري مي في بلادنا الدنيا مع لي يبات
بحدا لبلاصة لي يحتاج يفري فيها مصالحو، يام كيما قلت تقول عليهم
يباتو تم، زعمة كل واحد يلعبها يبكر باش ما يلقاش الغاشي مي الغاشي
الكل يخمم كيف كيف مالا يتلاقاو في نفس الوقت خخخخ،لا بوتفليقة
يسهل لاهم يحزنون، المشكل مش فيه أو في المرخس لي حاكمين
المصالح هذي، يالوكان العبد يحرق لبلايص هذو بيهم بلي فيهم
كاشما يترباو، وكيلهم ربي هذا ما نقولو من فوق ما الشعب راه
كاره راهم يكرهو فيه، ربي يهدي عبادو ويهدينا، هيا مغسي عالموضوع
وما تقلقش روحك برك، وعندك تنتحر خخخخ، هيا سلامو
​

السلام عليكم الاختي شكرا ليك علي الرد متميز بارك الله فيك انا منتحرش\ انا رني حب نعيش نعيش\ حياتي مزلني صغير في عمري 21 سنة برك ش\كرا ليك الاختي :shay:
​

 

[406_nassim]

سلامــ خيويا والله ماني حاب نطول عليك

شت في البلاد هاذي والله مابقات عيشا !!!
يا ربي تروح لهيه تعيش
w b1 sùùre bkwarteek mouch hhh 7eraag
هيا بآآي خيو ...

خويا بلدنا بلاد الش\هداء بصح مع هدو مسؤولين يخلوك تكره بلدك ايه وكان جاء الش\باب انتعنا يدرب علي حقو مرناش\ عيش\ين هكدا وشدين الحيوط ويقلو الشباب ميحبش\ يخدم
​

 

[Red Lion]

بَــــلاأأأأد مِيــــــكِي...}
​

 

[SIRMA]

اهلااااااااااا نسيم هادي غيبة
ربي يجيب الخير​

 

[somiasahraoia]

ماكانش حتى حاجة تعجب فهد البلاد

 

[406_nassim]

ماكانش حتى حاجة تعجب فهد البلاد

وانتي هدا وين علبلك

 

[406_nassim]

اهلااااااااااا نسيم هادي غيبة
ربي يجيب الخير​

اهلا وشركي ركي مليح لباس انشاء الله يا ربي
​