الرجاء مساعدة

[al-mase]

السلام عليكم واش راكم يااهل اللمة :sheer:
انا اليوم حبيت تعاونو صحبتي
عندي صحبتي انخطبت وقبلت ولات تحكي مع خطيبها ولاو يحبو بعضاهم وصحبتي هدي كي كانت تقرا وكي كان عمرها 16 كان عندها واحد تحبو ويحبها ومبعدا جاء خطبها ماحبش باباها يمدها وكي سمع خطيبها قاتلو كنت صغيرة مانعرفش صلاحي ومكانش لي مايغلطش خير الخطائين التوابون قالها انا مانديش وحدة عرفت واخد قاتلو في وقتنا هدا ماتلقاش وحدة ماعرفتش واحد قالها راني باغيك ومانلقاش وحدة كيفكوقالها لي كيما انتي راهم يفتشو عليك بالمجهر قالها اعطاني ربي نعمة وانا نتكسل عليها انصحوها راهي باغية نصيحتكم وزيدو اعطيوها نصائح توصلهم للمتوكي نتاعها (خطيبها) راهي فسخت خطوبتها عندها الحق ولالالا وادا ولا تقبل بيه ولالالالالا باي راهو خلصلي الستيلو هههههههههههههه
​

 

[selma2]

مافهمتش bien مع اللخر مي انا من رايي مادام ماغلطتش و حبها كان حلال طاهر و لا ماقالتلوش خطراش هادا باين راسو مبلوكي انا من رايي و لا كان صح يحبها مايخليهاش هي تجرب ترفد روحها عليه و تشوف وين حاب يلحق او تقولو يحمد ربي كاين دوكة بنات ربي يهديهم يديرو التير او مايقولوش
​

 

[Rochdi.dz]

مي مافهمتش في لخر ياك ماقاتلوش نفسخو الخطوبة ولا قالها هو خلاص
بيناتنا يخي قلتي قالها مانلقاش وحدة كيفك؟؟؟

اما النصيحة يعني للناس كامل
رانا نشوفو في التلفون هدا نتاع الخلا فسخ شحال من خطوبة
لوكان جاو مش مخطوبين نورومال
مي كي عاد مخطوبين ومع الوقت في التلفون راح يصرى مشكل
و تعود فيها عزة النفس قاوية
و اول حاجة يروحو ليها هي يفسخو الخطوبة
مالا اللي يخطب ولا يتخطب غير مكان لاه يستعمل التلفون الا للضرورة
باسكو و الله فسد شحال من زيجة
المهم
ربي يهنيهم ان شاء الله و يكملهم على خير

ايا
طيــــــــــــــــــــط
​

 

[ماكانش]

والله مافهمت مليح ختي
كيفاش غضب كي عرف بلي كانت مع واحد وقاللها مانديش وحدة مشات قبل، ثم في اللخر قاللها مانلقاش وحدة كيفك ؟؟؟

 

[ابوندى]

مافهمنا والوا كيفاش هدا كي قاتلوا ماتلقاش درك وحدة ماعرفتش واحد وهو من بعد يقولها مانلقاش وحدة كيفك وين راح الاشكال حتى نستطيع الرد...........

 

[al-mase]

مافهمتش bien مع اللخر مي انا من رايي مادام ماغلطتش و حبها كان حلال طاهر و لا ماقالتلوش خطراش هادا باين راسو مبلوكي انا من رايي و لا كان صح يحبها مايخليهاش هي تجرب ترفد روحها عليه و تشوف وين حاب يلحق او تقولو يحمد ربي كاين دوكة بنات ربي يهديهم يديرو التير او مايقولوش
​

هي حبها كان طاهر خترماه كانت صغيرة ومع واحد صغير حب البراءة وجاء خطبها هي فسخت الخطوبة وباغي يوليلها
​

 

[al-mase]

مافهمنا والوا كيفاش هدا كي قاتلوا ماتلقاش درك وحدة ماعرفتش واحد وهو من بعد يقولها مانلقاش وحدة كيفك وين راح الاشكال حتى نستطيع الرد...........

راك تشوف هدا راه يتكسل عليها انا مافهمتوش ياخوانجي يامنافق يا باص ربي يهدي ماخلق هي بطلت عليه وباغي يولي وقالها نصلي صلاة الاستخارة وقاتلو كان نبداو صفحة جديدة وماتجبدليش على الماضي نتاعي وقاتلو انا نسيت الماضي نتاعي وانت فكرتني بيه قاتلو مكانش لي مايغلطش قالها انا تاني مانيش راح ندي ملاك كي يولي تقبل ولالالالالالالا
​

 

[al-mase]

والله مافهمت مليح ختي

كيفاش غضب كي عرف بلي كانت مع واحد وقاللها مانديش وحدة مشات قبل، ثم في اللخر قاللها مانلقاش وحدة كيفك ؟؟؟​

حنا مافهمنا والو وزيد بالزيادة قالها لي كيما انتي راهم يفتشو عليهم بالمجهر
​

 

[al-mase]

مي مافهمتش في لخر ياك ماقاتلوش نفسخو الخطوبة ولا قالها هو خلاص
بيناتنا يخي قلتي قالها مانلقاش وحدة كيفك؟؟؟

اما النصيحة يعني للناس كامل
رانا نشوفو في التلفون هدا نتاع الخلا فسخ شحال من خطوبة
لوكان جاو مش مخطوبين نورومال
مي كي عاد مخطوبين ومع الوقت في التلفون راح يصرى مشكل
و تعود فيها عزة النفس قاوية
و اول حاجة يروحو ليها هي يفسخو الخطوبة
مالا اللي يخطب ولا يتخطب غير مكان لاه يستعمل التلفون الا للضرورة
باسكو و الله فسد شحال من زيجة
المهم
ربي يهنيهم ان شاء الله و يكملهم على خير

ايا
طيــــــــــــــــــــط
​

هي فسخت الخطوبة عندها الحق ولالالالا التلفون كنت نقول بكري مليح بصح درك كي شت بعيني خلا صح صح
​

 

[Rochdi.dz]

هي فسخت الخطوبة عندها الحق ولالالالا التلفون كنت نقول بكري مليح بصح درك كي شت بعيني خلا صح صح
​

انا تبانلي الحل الوحيد

تنوض في الليل تتوضى و تصلي الاستخارة
وتدعي ربي يبينلها الطريق اللي فيها خير

ربي يجيب اللي فيه الخير
ان شاء الله



​

 

[عاشقة رجاص]

السلآم عليكم:


أنا والله مافهمت يا أختي هو اللي فتح الخطوبة كي عرف باللي كانت مع واحد


ولا هي اللي فتحت ؟؟؟

باسكو فاللول فهمت باللي هو اللي فتح

ومبعد قلتي هي اللي فتحت مافهمناش؟ ​

 

[ابوصفوان]

السلام عليكم
ممكن هذا الذي خطبها وفسخ الخطبة يظن انه معصوم من الخطئ
ويعتقد باعتقاد الناس ان الرجل اذا اخطئ ليس فيه عيب وانما العيب في الفتاة
الله تعالى يقول :" الزانية والزاني فاجلدوا كل واحد منهما مائة جلدة " ولم يقل اجلدوها وحدها انما عند الله الذنب واحد والعقاب واحد ولا مرتبة للرجل على المرأة
هذا في الزنا اما الاخطاء التي انتشرت من جهل الناس وعدم حرص آبائهم على اخلاقهم فهذه ليس له مبرر في الكلام عنها
وربما يكون هذا الموصوف (بالمطوكي) يكون اقام عدة علاقات مع عدة فتياة في نفس الوقت وليس واحدة فقط.

اذا زنت الفتاة او اقامة علاقة حب فقط ولم تزني وتابت فالله هو الذي يغفر لها الم تزني امرأة من بني اسرائيل 100 مرة فغفر الله لها لانها سقت كلبا عطشا؟

مشكلتنا في مجتمعنا عدم الانتباه لاخطائنا كرجال والتركيز على اخطاء النساء

وعسى الله ان يبدلها خيرا منه وسوف يحاسب عند الله لانه اشرك نفسه مع الله في معاقبة الناس وتدخل في مغفرة الله وكأنه مثل بابا الكنيسة يوزع صكوك الغفران وهو اشد الخاطئين

طولت الكتيبة راني نكتب بقلم رصاص ماشي كيما انتي جبتي ستيلو قيه قيه قيه قيه

ملاحظة كتبت كبير على خاطر راني نعيط اي نضبح اي انني اتكلم بصوت مرتفع

 

[al-mase]

السلآم عليكم:


أنا والله مافهمت يا أختي هو اللي فتح الخطوبة كي عرف باللي كانت مع واحد


ولا هي اللي فتحت ؟؟؟

باسكو فاللول فهمت باللي هو اللي فتح

ومبعد قلتي هي اللي فتحت مافهمناش؟ ​

هي لي فسخت كي شافاتو موسوس
​

 

[al-mase]

السلام عليكم
ممكن هذا الذي خطبها وفسخ الخطبة يظن انه معصوم من الخطئ
ويعتقد باعتقاد الناس ان الرجل اذا اخطئ ليس فيه عيب وانما العيب في الفتاة
الله تعالى يقول :" الزانية والزاني فاجلدوا كل واحد منهما مائة جلدة " ولم يقل اجلدوها وحدها انما عند الله الذنب واحد والعقاب واحد ولا مرتبة للرجل على المرأة
هذا في الزنا اما الاخطاء التي انتشرت من جهل الناس وعدم حرص آبائهم على اخلاقهم فهذه ليس له مبرر في الكلام عنها
وربما يكون هذا الموصوف (بالمطوكي) يكون اقام عدة علاقات مع عدة فتياة في نفس الوقت وليس واحدة فقط.

اذا زنت الفتاة او اقامة علاقة حب فقط ولم تزني وتابت فالله هو الذي يغفر لها الم تزني امرأة من بني اسرائيل 100 مرة فغفر الله لها لانها سقت كلبا عطشا؟

مشكلتنا في مجتمعنا عدم الانتباه لاخطائنا كرجال والتركيز على اخطاء النساء

وعسى الله ان يبدلها خيرا منه وسوف يحاسب عند الله لانه اشرك نفسه مع الله في معاقبة الناس وتدخل في مغفرة الله وكأنه مثل بابا الكنيسة يوزع صكوك الغفران وهو اشد الخاطئين

طولت الكتيبة راني نكتب بقلم رصاص ماشي كيما انتي جبتي ستيلو قيه قيه قيه قيه

ملاحظة كتبت كبير على خاطر راني نعيط اي نضبح اي انني اتكلم بصوت مرتفع​

اولا شكرا لك اخي في الحقيقة هي حباتو حب براءة وكانت صغيرة (غرها الشيطان) ماتعرف والوكانو صغار بهو بهي كانو في عمرهم 16 وزيد بالزيادة جاء خطبها وماحبش باباها يمدها ومكانش لي مايغلطش خير الخطائين التوابون قالهاخطيبها انا في عمري ماعرفت وحدة وهو باين بلي كان من وحدة لوحدة خترماه عينيه يشطحو بزاف قاتلو علاه انا فتشت على الماضي نتاعك
​

 

[al-mase]

انا تبانلي الحل الوحيد

تنوض في الليل تتوضى و تصلي الاستخارة
وتدعي ربي يبينلها الطريق اللي فيها خير

ربي يجيب اللي فيه الخير
ان شاء الله



​

امين وشكرا لك اخ رشدي
​

 

[محبة الاستطلاع]

يروح يخلق وحدة كيما بغاها ولا يرسمها فب الورفة مام يرسمها يرسمها معوجة ولا يسنى وحدة راح تزيد جديدة يربيها ومايخليهاش تغلط هدا باص ربي يهديه
​

 

[ابوصفوان]

اولا شكرا لك اخي في الحقيقة هي حباتو حب براءة وكانت صغيرة (غرها الشيطان) ماتعرف والوكانو صغار بهو بهي كانو في عمرهم 16 وزيد بالزيادة جاء خطبها وماحبش باباها يمدها ومكانش لي مايغلطش خير الخطائين التوابون قالهاخطيبها انا في عمري ماعرفت وحدة وهو باين بلي كان من وحدة لوحدة خترماه عينيه يشطحو بزاف قاتلو علاه انا فتشت على الماضي نتاعك
[/center]

يا اختي انا ماقلتش غلطت كي حبت على خاطر الحب في ذاتو ماشي غلاط والحمد لله هي ماراحتش بعيد هذا لمصلحتها
اما هو فربي يتولاه
وكيما قلت الله يعوضها اللي خير منو هي برك تداوم على الاستغفار

 

[al-mase]

يا اختي انا ماقلتش غلطت كي حبت على خاطر الحب في ذاتو ماشي غلاط والحمد لله هي ماراحتش بعيد هذا لمصلحتها
اما هو فربي يتولاه

وكيما قلت الله يعوضها اللي خير منو هي برك تداوم على الاستغفار​

شكرا لك اخ صفوان راك زدت طلعتلها المورال خترماه فقدت الامل وتبالها الرجالة كامل كيف كيف
​

 

[bilal22]

وهي اصلا مزالت صغيره علاه تحوس تتزوج
بصح لي تحير هدره داخله في بعضاها صح
ميديش وحده مشات وكيما نتي منلقاش ونحوس بالمجهر
منعرف اذا كان يحوس يبطل من لخطبه بدون ميجرحها
علا هاذي قالها منقبلش بوحده مشات وفي نفس لوقت قالها بلي راكي فور ومكانش كيفك يعني بدون تجريح
وتفسخت لخطوبه يعني بكل صراحه هاذا سبب تافه
كان من المفترض يبحث ويعرف الي اي حد وصلت علاقتها بلي كان معاها قبلو ومن بعدا يحكم
اما قضية ترجع ولا لا هاذا الامر عائد اليها هي لي تعرف الشخص هاذا
ولازم تخمم مليح باسكو مش كل مره يوقع مشكل تتفسخ لحال راه زواج ومعاشرة بقية لعمر
ربي يوفقها ان شاء الله
سلام

​

 

[al-mase]

وهي اصلا مزالت صغيره علاه تحوس تتزوج
لالا درك عمرها 20 سنة
بصح لي تحير هدره داخله في بعضاها صح
شت مابان موسوس مابان باص
ميديش وحده مشات وكيما نتي منلقاش ونحوس بالمجهر

منعرف اذا كان يحوس يبطل من لخطبه بدون ميجرحها
هي في الحقيقة بنت ماشاء الله عليها
علا هاذي قالها منقبلش بوحده مشات وفي نفس لوقت قالها بلي راكي فور ومكانش كيفك يعني بدون تجريح
من المستحيلات يلقى وحدة كيفها جمال واخلاق ودين هو لجمال لا اخلاق
وتفسخت لخطوبه يعني بكل صراحه هاذا سبب تافه
كان من المفترض يبحث ويعرف الي اي حد وصلت علاقتها بلي كان معاها قبلو ومن بعدا يحكم
هي علاقتها صافية تماما بصح لي كانت معاه كي ماقبلش بيه باباها راهو يدير في المكرة وخطيبها علبالو بلي راه يمكر فيها
اما قضية ترجع ولا لا هاذا الامر عائد اليها هي لي تعرف الشخص هاذا
ولازم تخمم مليح باسكو مش كل مره يوقع مشكل تتفسخ لحال راه زواج ومعاشرة بقية لعمر
ربي يوفقها ان شاء الله
سلام

​

شكرا لك بلبل اامييييييين
​