أدي الباصة بنت العاقلة، وماتديش العاقلة بنت باصة ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
هذي حكاية كبيرة لازم تعطيونا رايكم الباهي الزين ...
أيا قبيل تلاقيت مع صاحبي لعزيز وقعدنا ندورو نقصرو أيا قالي يا فلان راني نخمم شكون نخطب
يا فلانة بنت خالي، يا فلانة صاحبت ختي الصغيرة ؟؟؟
وكان حكالي على صاحبت ختو بلي مليحة ومتربية ماشاء الله ، وقالي ثاني بلي بنت خالو مليحة ومتربية وكلش ...
قالي بصح عجبتني كثر بنت خالي بصح يما قاتلي بنت خالك يماها ماشي مليحة ؟؟؟
قاتلو من النوع ألي تولي اتجيك للدار وتقلك وعلاه ماشريتش لبنتي وعلاه مادتهاش وتولي تصرف وتدخلك في حياتك ؟؟؟
قتلو انا هذي على حسب شخصية الراجل، ونتا راح تعيش مع بنتها ماشي يماها ...
قالي قاتلي يما مثل يقولوه ناس بكري " أتزوج الباصة بنت العاقلة، وماتتزوجش العاقلة بنت الباصة"
م قتلو في هذي مانعرف يعني هل الطفلة مهما يكون تتأثر بعقلية يماها ؟؟؟
أيا قتلو والله لعشية نحطو في اللمة هههه
ايا اعطوني رايكم الباهي الزين ...

ملاحظة:
الباصة بمعنى المهبولة المجنونة ...
ووذا صاحبي كثر مني ب6 أشهر ، راني نصبر في روحي يعني مازلت صغير مانخطبش هههههههه​

 

[ماكانش]

شكرا لقبول الموضوع

 

[Orodent]

سلام عليكم خويا سفيان واش الاحوال صافا
ايه وش رح نقولك انا ما نحبش نكثر الهدرة بزااااف
زوج كليمات ونطلق راسي
الطفلة تتأثر بزاف بيماها خاصة ايلا كانت شخصيتها شوي ضعيفة
وشخصية أمها اقوى منها تسمى تشاورها في كل صغيرة وكبيرة تخصها
وكاين لي يحبو يكونو مستقلات يعني يبنو شخصيتهم بعيد على عقليات الناس لي قراب ليهم
وكاين نوع تالت وهو لي يكونو متأثريين بزاف بامهاتهم ومن بعد يلحقو لسن معين
يبنيو شخصيتهم المستقلة
ايه الحاصول كاين وكاين وكاين
راني كثرت الهدرة نتمنى تكون فهمت واش قصدت
ربي يلاقي حبيبك بنت الحلال
ولعقوبة عندك ​

 

[هدوء المطر]

سلام ، واش راك سفيان çava ؟
أنا في رايي صاحبك يدي لي راهي عاجباتو هو ، بارسكو هو لي راح يعيش معاها ماشي يماه ،، صح هي من حقها تدبر عليه و تمدلو رايها بصح finalement القرار يولي ليه ، بارسكو هذي حياتو و هو حر فيها.
هذا واش عندي ،، سلآآآآم

​

 

[ISMA.dz]

هههههههه
راك برت ههه

لا انا من رايي اذا كانت عندو شخصية قوية وراجل بأتم معنى الكلمة يديها لاشتى بنت ابليس وواحد مايدخل روحو فيهم وهو يحكم لكن برك يعرف كيفاه يسيطر على الأمور منذ بدايتها >>يوريلها العين الحمرة ههههههه

صح البنت تتأثر بزاف بأمها لكن مايعنيش انها ماتتزوجش مسكينة

ربي يهنيه ويلاقى بنت الحلال اللي تسعدو وقلو مبروك عليك

 

[السلطانة]

وعليكم السلام
مع سفيان واش راك تهدر ديما فور
انا من رايي الخاوة
انو صاحبك يمشي برايو
وميشوفش ليمات الطفلة
ربي يسهللو
ولعقوبة ليك
تحياتي
​

 

[ماكانش]

راني خارج ذرك
لي عودة للرد على ردودكم لمليحة والزينة ...
ذرك ندير فيه برا ونونسوسو مايخطبش هههههه
يخطب وانا نقعد نبور هههههه

 

[ماكانش]

سلام عليكم خويا سفيان واش الاحوال صافا

ايه وش رح نقولك انا ما نحبش نكثر الهدرة بزااااف
زوج كليمات ونطلق راسي
الطفلة تتأثر بزاف بيماها خاصة ايلا كانت شخصيتها شوي ضعيفة
وشخصية أمها اقوى منها تسمى تشاورها في كل صغيرة وكبيرة تخصها
وكاين لي يحبو يكونو مستقلات يعني يبنو شخصيتهم بعيد على عقليات الناس لي قراب ليهم
وكاين نوع تالت وهو لي يكونو متأثريين بزاف بامهاتهم ومن بعد يلحقو لسن معين
يبنيو شخصيتهم المستقلة
ايه الحاصول كاين وكاين وكاين
راني كثرت الهدرة نتمنى تكون فهمت واش قصدت
ربي يلاقي حبيبك بنت الحلال

ولعقوبة عندك ​

وعليكم السلام
اهلا سالي والله لاباس رحمة ربي ونتي بخير
ماتحبيش تهدري بصح في هذي راكي هدرتي بزاف هههه
نقصر برك
والله عندك الحق كاين وكاين
ربي طيحنا في النوع ألي تبني شخصيتها وحدها ...
وألي يماها ناس ملاح ههههه
يعطيك الصحة ربي يحفظك​

 

[ماكانش]

سلام ، واش راك سفيان çava ؟

أنا في رايي صاحبك يدي لي راهي عاجباتو هو ، بارسكو هو لي راح يعيش معاها ماشي يماه ،، صح هي من حقها تدبر عليه و تمدلو رايها بصح finalement القرار يولي ليه ، بارسكو هذي حياتو و هو حر فيها.
هذا واش عندي ،، سلآآآآم​

وعليكم السلام
أهلا ياسمين واش راك لاباس
وواش مع لقرايا ربي نججحك ...
يعطيك الصحة ياسمين
بصح المشكل يماه قاتلو مرت خالك ماشي مليحة وراح تأثر عليك وعلى مرتك ...
وهوا مسكين عاقل بزاااف​

 

[خفيف الروح]

شوف خويا ماكانوش

اذا كان صاحبك كيفك انت فور فور

يدي اللي عجباتو وما يخمم على امها ولا على باباها ولا على جدها

راهو هو الكل في الكل

ومن الاول يوقف على يديه ورجليه

واذا كان حالو كي حوالنا غير الهدره غير يشوف اللي امها زواليه ومسالمه

ويتنهنى من الصك والحك.

أيا تصبح على خير وسلامه

وما ننساش العقوبه ليك تدي وحيده فريده .
​

 

[khasoft]

سلامــ خويا سفيان
آنا كون جيت منو ندي صاحبت ختو الصغيرة ههه ,,, b1 sùùr راح تعيش معا الطفلة موش معا يماها , مي تبقا مها توسوس فيها حتان تندم نتا علاه زوجت , آك تعرف العجايز كي يكبارو الله غالب هاذي هيا البلاد ’’و راي الأفضلية ليه ثاني كي ما يتزوج وحدا تكولو وهاذا مجرد رأي خويا ,بآآآي
​

 

[ماكانش]

هههههههه
راك برت ههه

لا انا من رايي اذا كانت عندو شخصية قوية وراجل بأتم معنى الكلمة يديها لاشتى بنت ابليس وواحد مايدخل روحو فيهم وهو يحكم لكن برك يعرف كيفاه يسيطر على الأمور منذ بدايتها >>يوريلها العين الحمرة ههههههه

صح البنت تتأثر بزاف بأمها لكن مايعنيش انها ماتتزوجش مسكينة

ربي يهنيه ويلاقى بنت الحلال اللي تسعدو وقلو مبروك عليك

ههههههههه
يالطيف مازلت على ديداني ههههه
ايه يعطيك الصحة ايسما ، كيما قلتي وقتلو انا على حسب شخصية الراجل
إذا كان راجل ومن اليوم اللول العين الحمرة والله حتى لوكان بنت بليس كيما قلتي ههههههههه
مانقلو مبروك عليك ما والو على نخطب انا ثاني هههههه​

 

[somiasahraoia]

صدقني يماك عندها الحق فهد الوقت الزواج ما راهش حاجة ساهلة مالقري البنات بزاف

 

[نهى28]

ادا كانت كيما راك تقول ام الطفلة تتدخل بزاف
هدي ماشي مليحة لانو من بعد رايحة تاثر على العلاقة بيناتهم
والطفلة تتاثر بهدرة يماها لانها القدوة بالنسبة ليها ​

 

[ماكانش]

لي عودة .......

 

[إيمان قلب]

مزية قريت مضمون الموضوع لخاطر تبلوكيت من كلمة باصة:cra_zy: ... حصل خير:sheer:
بون كاينة هذه تاع الحما اللي تدخل في شؤون بنتها بالصح تاني كاينة تاع المرأة يربيها راجلها
مالى هو اذا كانت بنت خالو بنت فاميليا وعاجباتو رايح هو اللي يأثر على مرتو بلاماتدخل يماها بلاماتخسر العلاقة بيناتهم لخاطر رايحة يعيش معاها هي ماش يماها ويخلي صاحبت اختو لكاش مخلوق حاب يتزوج تاني
شكرا خويا على الموضوع الخفيف الظريف وربي يسهل لصحيبك ويسهللنا جميعا​

​

 

[SAFA-94]

انا نقول يشوف راي أموا احسن لخاطر هي اكثر خبرة
وكلشي بالمكتوب

 

[الورد الأحمر]

يدي بنت خالو ويورّي العين الحمرا لماماها من اللول
مغسي سفيان عالموضوع اليوم ما قادراش نهدر بزاف
​

 

[somi]

أنقولك أدي العاقلة بنت العاقلة
مرسي علالموضوع

 

[ماكانش]

وعليكم السلام

مع سفيان واش راك تهدر ديما فور
انا من رايي الخاوة
انو صاحبك يمشي برايو
وميشوفش ليمات الطفلة
ربي يسهللو
ولعقوبة ليك
تحياتي​

أهلا بيك شوشو
امييييين وليكم ثاني ...
لوكان يدي برايي ما يخطب ماوالو ههههه
كيفاش يخطب وانا نقعد نبور ههه​

شوف خويا ماكانوش​

اذا كان صاحبك كيفك انت فور فور​

يدي اللي عجباتو وما يخمم على امها ولا على باباها ولا على جدها​

راهو هو الكل في الكل​

ومن الاول يوقف على يديه ورجليه​

واذا كان حالو كي حوالنا غير الهدره غير يشوف اللي امها زواليه ومسالمه​

ويتنهنى من الصك والحك.​

أيا تصبح على خير وسلامه​

وما ننساش العقوبه ليك تدي وحيده فريده .​

أهلا بيك خويا لعزيز
راك حشمتني بزاف
لافور لاوالو ربي الي يعلم
اذا كيفي غير يهني روحو ههههه​